بدور علي ايه؟ اكتب رقم موديل الموبايل الابدور عليه
هذا الموضوع مرتبط بـ Optimus L4 II Dual E445
للرجوع الي صفحة الرئيسية اضغط
هنا
بدون عنوان
تلك الخدمة مخصصة لاعضاء الموقع
معلومات سريعة عن LG Optimus L4 II Dual E445
-
Android
-
320 x 480 pixels, 3.8 inches (~152 ppi pixel density)
-
3G
2G / 3G -
3.15 MP,...
إلى من يهمه الأمر :
* أنا اشتريت الموب دا من محل الأفوكاتو قدام محطة مترو محمد نجيب بـ 875 جنيه و سكرينته مجبتهاش لسة بس هى كانت عنده بـ 15 جنيه بالنسبة لجرابه مكنش عنده بصراحة بس تقريبا هو بيجيبه برده فإن شاء الله ممكن تلاقيه عنده أو فى انزل العتبة بقى
* الموبايل جمييييييييييل جدا جدا جدا إمكانيات رائعة ألوانه كويسة و مبيهنج و لا حاجة
* أنا مليش فى الألعاب أوى بس جربت عليه
subway و vector و fruit ninja و temple run و score
و بصراحة فى لعبة score ألوانه أقل جودة شوية عن الطبيعى بس حلوة جدا جدا جدا جدا برده
* الشاحن و البطارية الاتنين صينى بس الموبايل كورى و لما سألت فى الموضوع لقيت كل الناس عندها كدا و الأفوكاتو لما سألته هل دى حاجاته الأصلية قالى روح توكيل دلتا اللى عاملك الضمان و وريه الجهاز و لو قالك إنهم مش أصليين تعالى لى
بس البطارية كويسة جدا تيجى نص يوم مثلا استخدام تقيل و ممكن يومين تلاتة استخدام خفيف و طبعا أنت و استخدامك و الشاحن سريع جدا بسم الله ما شاء الله ساعتين تلاتة بالكتير بيكون خلص
* النت أكثر من رائع سواء واى فاى أو شريحة بس متنساش إن نت الشريحة بيعتمد على قوة الشبكة
* الكاميرا نضيفة و فلاشها قوى جدا جدا جدا
* البرامج نزل و لا حرج متخافش من تهنيج أو حاجة و حاول تخليهم على الكارت أفضل و لو مبتنزلش برامج كتير و كدا معاك صافى مساحة 2 جيجا أنا منزل حاجات كتير و مش واخد غير جيجا و الجهاز مشتكاش
* فيه عيب الناس قالت عليه انك لما بتطفى الجهاز و تشغله لو كانت عامل الساعة نظام 12 ساعة بيخليه 24 ساعة و بيغير إعدادات الرسائل للإعدادات الأصلية بس أنا من وجهة دا عيب عبيط جدا مقارنة بإمكانيات الموبايل
عيب كمان معرفش حصل مع حد غيرى و لا لأ أول ما جبت الجهاز زرار الباور كان بيعلق لما أدوس عليه و بيخش لجوة شوية و يطفى و يرستر لوحده و بقعد بقى أحاول اطلع الزرار بره تانى فبيرجع طبيعى بس بصراحة المشكلة دى حصلت معايا يجى 5 أو 6 مرات فى أول كام يوم و بعد كدا متكررتش تانى بصراحة و الزرار بقى شغال عادى
* الملخص : الموبايل أكثر من رائع عن تجربة فى كل حاجة و مقارنة بسعره مع موبايلات تانية بخطين و دا من وجهة نظرى أفضلهم فى الفئة اللى أقل من 1000 جنيه و بصراحة أى حد نفسه يجيبه يجيبه و بلا تردد
عايز حاجة زيه أفضل شوية من حيث كبر الشاشة أو البروسير يبقى أسرع شوية
يبقى huawei ascend y51 و أرخص شوية بسيطة منه لكن الناس بتقول إن كاميرته مش حلوة أوى بالرغم من إنها 5 ميجا بيكسل مقارنة بكاميرات السامسونج و الإل جى و كمان لو جيت تبيعه أو حاجة ملوش سوق أوى فى مصر و فى الأغلب حتبيعه بخسارة جامدة
بصراحة مجربتوش و لا شوفته لكن ممكن تشوفه على الموقع و تشوف آراء الناس و أنت اللى تقرر بقى دا و لا دا
* لأى استفسار :
دا أكونت الفيس بتاعى :
دى نمرتى : 01062513131
و أنا ساكن فى شبين القناطر قليوبية للى عايز يجى يشوفه أو حاجة
و أنا طالب فى طب عين شمس للى عايز يجى يشوفه برده
يا رب أكون أفدتكم و إن شاء الله أتابع أى حد عايز أى حاجة بخصوص الموبايل :)