سعر و مواصفات LG Optimus G Pro

سوري يا جماعه انا كان قصدي احط الكومنت في موبايل تاني

ادينا مستنيين
شكلي حجيبه من على النت بدل الانتظار ده

اولا ازيكم
حضرتكم انا اتصلت بشركة LG وقالوا ليا مش عارفين كلمى توكيل الصافى هو عارف وكلمتهم على رقم الاستاذ كريم مسئول المبيعات والتسويق فى الشركة ودة رقمه اللى يحب يتأكد 01205288805 ويفهم يمكن يحصل حاجة جديدة ويبلغنا
وقال التالى ان G pro & G2 ليس للسوق المصرى واذا نزلوا مش هيكون دلوقتى ويمكن تتضح الرؤية على اخر الشهر والسبب ان الموبايلات G2 هيكون فى حدود 5000 جنية مصرى والموبايل G pro هيكون اقل منه بحاجة بسيطة بس مش مكنش قادر يحط ليها رقم ثابت زى G2 ودة هيكون كتير على السوق المصرى وان شركة LG فى مصر بتبدأ اسعارها من 500 ل 3500 ومش جربوا ينزلوا باكتر من كدة لانها شركة مش ليها دعاية واعلانات زى سامسونج لانها شركة حكومية فى كوريا وسامسونج خاصة ولهذا هى تقدر تعمل اعلانات وتغطى تكاليف الموبايل من الاعلانات بالارباح اللى جاية منه
المهم قالى مش اكيد ينزلوا السوق المصرى يمكن ينزلوا السوق فى الامارات وبعدين السعودية وتونس والاردن انما مصر ليها اسعار محددة بذات مع الشركة دى بسبب الاقتصاد والشعب المصرى مش بيدفع مبلغ كبير لشركة زى LG مع انها مش شركة بسيطة ونفس اللى بتعمله سامسونج احنا كمان بنعمله وباسعار اقل بس قال ان اللى موجود دلوقتى منهم فى المجموعة دى G E975
للاسف خبر مش لطيف بس اتمنى انهم ينزلوه باقرب وقت

صدقيني عن تجربه الروت مش بيغلي التحديث بتاع السوفت وير
ده كلام فاضي
انا عملت روت كتتييييييييير والسوفت وير بتاعي وقع كتيييييييييير واول مرتين بعته للتوكيل بتاع ال جي وصلحوه من غير ما ادفع ولا جنيه في المرتين بعد كده اتعلمت ازاي انزل السوفت وير بنفسي وبقيت بعمل اي حاجة انا عايزها في الموبايل ولو معجبنيش او السوفت وير حصل في حاجة بنزل سوفت وير جديد
كمان الروت مش بيلغي الضمان انا عملت روت لموبايل اختي سامسونج جالاكسي اس بلس والسوفت وير وقع وبعته لتوكيل سامسونج في الضمان ونزلوا السوفت وير من غير ولا جنيه وكذلك توكيل ال جي نزلوا السوفت وير لموبايلي مرتين من غير ما ادفع ولا جنيه

بالنسبه لمعاد نزول الموبايل بصراحه انا مش عارف وبدأت ازهق بجد وبدأت افكر جديا في اني اجيبه من على النت ودورت امبارح على موقع ebay ولقيت E988 16 giga اللينك اهو


بس بعد اللي قولتيه انه حينزل في السعودية الاسبوع اللي جاي فأنا حستنى شوية واشوف حينزل مصر امتى

انا لاقيت ان دة مكتوب فى مواقع زى دة

وفى واحد على موقع عالم التقنيه كمان قال كدة !!
انا سألت على الموبايل جى برو فى السعودية وجى 2 امتى هينزلوا هناك من صفحة ال جي السعودية علشان احدد امتى هيكون بمصر ان شاء الله
قال الاسبوع الجاى ان شاء الله جى برو
شهر 10 ان شاء الله الجى 2
عندك فكرة انت عن مواعيد نزولهم فى مصر ؟

مين اللي قالك المعلومه دي
موبايلات ال جي شاشتها محميه وانا شخصيا معايا ال جي p920 وجربت خربشت الشاشه بالسكينه ومفاتيح العربيه ومحصلش حاجة للشاشه
مش كل موبايلات ال جي كده بس انا سمعت ان ال جي برو مش محمي وسهل يتخربش بس ممكن تركبي عليه سكرينه وانتهى الموضوع

عايزة تجيبي الكوري هاتيه واعملي روت وشيلي البرامج اللي ملهاش لازمه من عليه ومش لازم تشيلي الروت تاني عشان يستقبل تحديثات مين قالك ان الروت بيمنع تحديثات السوفت وير
لا طبعا الروت ملوش دعوة بتحديثات السوفت وير

بس اية رأيك فى موضوع ان الشاشة بتتكسر وسهله الخدش وان الناس بتشتكى من التاتش بتاع موبايلات ال جي كلها ؟
لو انا صبرت لاخر الشهر الجاى ان شاء الله ونزل هشتريته ان شاء الله بس لو مش حصل
هل ممكن اجيب النسخة الكورى وامسح اللى عليه وبعدين اخليه يشيل تانى الروت دة علشان يقبل التحديثات اللى بتوصل للسوفت وير ولا خلاص كدة بمجرد ما بينزل الروت بيوقف التحديثات ؟

الجي 2 لو نزل مصر قبل او في نفس توقيت الجي برو اكيد انا حشتري الجي 2
مين قال انهم نفس الامكانيات الجي 2 تقريبا ضعف سرعه الجي برو
والمفتاح اللي من الخلف فكرة حلوة اوي كمان عشان في ناس كتير بتقول ان شركه ال جي بتقلد سامسونج وده بسبب الجي برو شبه النوت 2
كده الجي 2 مختلف تماما عن اي موبايل سامسونج عشان المفتاح اللي من الخلف
كمان كاميرا الجي 2 اول كاميرا تسجل فيديو على 60 fps ولا سامسونج ولا حتى سوني اللي هي مشهورة بالكاميرات عملت موبايل بيسجل فيديو على 60 fps
والنقطه دي تعتبر نقطه كبيرة اوووووي ومتقدمه من شركه ال جي

وسؤال كمان هل مش بتفكر فى G2 لان تقريبا نفس الامكانيات والسعر على النت قريب شوية لبعض بس الفرق بيكون فى الشاشة ان الجى برو 5.5 والجى 2 5.2 هو الفرق اللي فى الشاشة دى كبير ولا اية بالظبط لانى مش عارفة اتخيل الفرق بينهم ؟
وشكرا

اية رأى حضرتك يا استاذ MKtns والاعضاء الاخرين طبعا فى الموبايل G2 هل فكرة المفاتيح من الخلف فكرة جيدة ام ستكون غير مريحة عند الاستخدام ؟
ولماذا يقال ان من عيوب موبايل جى برو ان الشاشة سهله الخدش والكسر ويقال ان التاتش للموبايل بيكون فيه مشكلة مع مرور الوقت ؟ وشكرا

هو فعلا انا لما كنت بفكر فى اس 4 لاقيت ان فى كذا نسخة منه ولاحظت فعلا ان البروسيسور هنا 2 وفى التانى واحد وعلشان كدة استغربت شركة سامسونج
وشكرا ليك على المقارنة واعتقد ان ال جى تفوقت على سامسونج فى النقطه دى بأنها ثبتت البروسيسور وامكانيات الجهاز على كل النسخ ومسألة الشاشة دى حاجة نسبية لكل واحد فينا فى ناس تحبها اكبر وفى ناس تحبها اصغر
بالنسبة لسؤالى هو انا ركزت شوية فى كلامك بينك وبين الاستاذ حسن محمد ولاقيت ان مش حضرتك اللى كتبت الجملة دى وهو كاتب ان الموبايل لما بينزل عليه اللغة العربية فى بعض المميزات التى لا تدعمها اللغة العربية فعلشان كدة قولت اية المميزات دى فلخبطت بينكم فى الكلام وشكرا ليك

انا لما قولت النسخة الكوريه مفهاش مميزات عن النسخ التانية عشان فعلا هي نفس نسخه الموبايل قصدي الهارد وير
اديكي مثال :
سامسونج اس 4 نازل منه نسخ كتير منها :
i9500 ودي النسخة العالميه
i9505 ودي نسخه جوجل اللي هي نازله لأمريكا
عايز اقولك الموبايلين زي بعض في كل حاجة الشاشه والالوان والميموري وكل حاجة
لكن النسخه العالميه i9500 اسرع بكتير من النسخه الامريكيه i9505 وده بيرجع لأختلاف ال cpu و ال gpu
لينك اهو مقارنه بينهم وشوفي ال cpu و gpu حتلاقي الاتنين مختلفين عن بعض


لكن ال G Pro كل النسخ العالميه والامريكيه والكوريه زي بعض في كل المواصفات الداخليه الهاردوير يعني بس النسخه اليابانيه شاشته 5 بوصه بس مش 5.5

بالنسبه للشبكه تقريبا كلامك مظبوط عشان انا معرفش حاجة عن E988 يمكن يكون هو نسخه 4 جي للعالم
بس زي ما قولتلك حتى لو دخل في مصر 4 جي انا مش حيفرق معايا عشان انا بستخدم الواي فاي لكن تقريبا عمري ما فتحت نت الشبكه

انا مش فاهم سؤال اللغه ده
اصلا النسخه الكوريه مفهوش عربي
مميزات ايه؟

شكرا ليك بس انا عايزة افكر معاك شوية وفى كمان نقطة مش واضحة ليا قوي
يعنى ايه ان الموبايل مش فيه مميزات ؟ اية المميزات اللى ممكن تتضاف للموبايل ما دام هى زى ما حضرتك قولت ان المواصفات واحدة فى الكل لكل النسخ ؟
ثانيا مش رديت عليا بخصوص اللغة العربية وايه هى المميزات التى لا تدعمها اللغة العربية فى الكورى ؟
ثالثا اعتقد الاستاذ حسن محمد هو اللى قال جملة ( لو حد عايز يشترى النسخة العالمية يشترى e988 for 4G & e985 for 3G ) وانا لما دخلت على الموقع بتاع gsmarena لاقيت انه كاتب كدة فى بيانات الموبايل فى الاول
GENERAL 2G Network GSM 850 / 900 / 1800 / 1900 - all versions
3G Network HSDPA 900 / 2100 - E985, E988
HSDPA 850 / 1900 / 2100 - for AT&T
4G Network LTE 1800 / 2600 - E988
LTE 700 MHz Class 17 / 1700 / 2100 - for AT&T
لو خدت بالك ان مكتوب ان ال3 جى موجودة فى الرقمين 988 و985
و4 جى 988 بس
اذن لو نزلت لينا ال4 جى مصر واشترينا 985 يبقى مش هيلقط ال 4 جى صح ؟
يبقى اعتقد الرقمين دول النسخة العالمية بس اللى بيحدد شرائه للرقمين هو نوع الشبكة اللى هنكون محتاجينها ولا انا فاهمة غلط كدة ؟
وشكرا ليك

النسخة الكورية مفهاش مميزات في الموبايل نفسه
الموبايل نفس مواصفاته في كل النسخ الامريكيه واليابانيه والكوريه والعالميه
لكن النسخه الكوريه المميزات الزياده اللي فيها انها بيجي مع الموبايل بطاريتين مش واحدة وكمان هولدر للموبايل عشان تحطي الموبايل فيه (زي حامل للموبايل يعني ) وهو هو الهولدر في فتحه صغيره تحطي فيها البطاريه الاضافيه عشان تتشحن يعني حامل للموبايل وشاحن في نفس الوقت

المميزات في الحاجات اللي جايه معاه بس لكن الموبايل هو هو

ال 3 جي وال 4 جي ده فرق في الشبكات وبالنسبة لينا في مصر مش حيفرق عشان احنا لسه معندناش 4 جي اللي هي اسمها برضه LTE
حتى لو وصل 4 جي لينا مش حيفرق معانا اوي عشان احنا مش بنستخدم نت الشبكه
لكن الاتصال في الاتنين واحد والاتنين حيوصل كويس
لكن ال 4 جي في النت بيكون سريع جداااااااا للناس اللي بتفتح النت من الموبايل عن طريق الشبكه مش الواي فاي
الموقع ده كويس وسعره معقول في حدود 4000 جنيه (مش كتير عليه ) وانا قريت شويه في الموقع بيدي ضمانات لو الحاجه موصلتش انه يرجعلك فلوسك او يبعت حاجة تانية وبيوصل الحاجه لحد باب البيت عن طريق شركه FedEx
بس المشكله اني جربت اختارت اني اشتري من عليه عشان اشوف تكلفه التوصيل كام لقيته عشان يوصل مصر حيزيد على سعر الموبايل 50 دولار يعني بيعادل 350 جنيه مصري زياده
بالنسبه للنسخة E985 هي النسخة العالميه لكن E988 تقريبا دي النسخة اللي نزلت لأسيا (الهند وباكستان وكده )

الاستاذ المحترم MKTNS
حضرتك عامل ايه اتمنى تكون بخير
ممكن اعرف من حضرتك حاجتين
فى كلامك مع الاعضاء عن الموبايل قولت حاجتين اية الفرق بينهم
ايه الفرق بين النسخة 3 جى و4 جى فى النسخة العالمية ؟
وكمان قولت ان النسخة الكورى فيها بعض المميزات التى لا تدعم اللغة العربية اللى هى ايه ؟
واية رأيك فى الموقع دة والموبايل دة بالكود بتاعة 988 اعتقد دة عالمى بس يدعم 4 جى ولا انا فاهمة غلط
؟
وشكرا ليك

انا دورت على موقع eBay و Amazon على النسخة العالميه من الموبايل ده E985 وملقتهاش ده دليل ان الموبايل لسه منزلش من شركه LG اصلا
يبقى ليه الاستعجال نصبر الموبايل ينزل وبعدين نشوف حيجي مصر ولا لأ
لو مجاش نجيبه من النت بس على الاقل حيكون بيدعم كل اللغات ومفهوش برامج كوريه ولا امريكيه

مفيش داعي للشكر احنا بندردش وبننصح بعض
المهم
بالنسبه للانواع اللي اعرفه هو نوعين :
E980 ودي النسخة الامريكيه من الموبايل اللي نزلت لامريكا
E985 ودي النسخة العالمية اللي المفروض حتنزل لاوروبا وللشرق الاوسط ولامريكا اللاتينيه
اما 980 انا مسمعتش عنها بصراحة

بالنسبة ان الموبايل مش حينزل مصر انا اعتقد ان الكلام ده مش مظبوط
وبعدين ما هو في موبايلات شعبيتها في مصر اقل من LG واسعارها غاليه اووووي وبتنزل مصر والناس بتشتريها زي HTC ONE وده سعره حوالي 6000 جنيه ونازل مصر بقاله زمان مع ان شركه HTC ملهاش سوق اوي في مصر وكمان موبايلات Alcatel بصراحة موبايلات تعبانه بس برضه نزلت مصر
بالنسبة ليا انا مستني التلفون ده ينزل مصر واشتريه ولو منزلش مصر حستنى النسخة الاوروبيه تنزل او النسخة العالميه تنزل وحشتريه من على النت بس مش حشتري النسخ الامريكيه او الكوريه
حشتري العالميه بس لما تنزل

بالنسبه لأن التلفون ممكن ميوصلش او يضيع في السكه ده كلام فاضي صدقيني
دول العالم كلهم بيشتروا من على النت ماعدا احنا وبيوصل ومتبرشم كمان امال الشركات اللي زي FedEx ليها فروع في مصر ليه
متقلقيش من نقطة انه يضيع في السكه بس اشتري من موقع مضمون مش من تاجر حر عشان ممكن يكون التاجر هو اللي نصاب وياخد الفلوس وميبعتش الموبايل لكن لو موقع زي eBay او Amazon اشتري منهم وانتي مطمنه والموقعين دول بيدوا ضمان لو الحاجة موصلتش خلال اسبوعين انك تستردي فلوسك

وشكراااااااااااااااااااا ليك جدااااااااااااااااااا

الاستاذ المحترم MKTNS اشكرك شكرا جزيلا لقد قمت بافادتى كثيرا ولكن انا الان محتارة مش عارفة اجيب من على النت ولا استنى فعلا لاخر الشهر والبائع قولته ان ممكن تنزل ليا اللغة قال اوك وكمان ممكن يشيل البرامج الكورية بس بعملية rooting ودة غير انى كلمت الشركة هنا وقالت ان قطع الغيار مختلفة ومش ينفع اتعامل معاهم وانا مش عندى مشكلة انى ابعته ليهم تانى برة بس فى ناس خوفونى من انه مش يوصل او يضيع
مش عارفة وكمان خبر استاذ كريم دة مكنش فى الحسبان خالص
حتى فكرت اجيب نسخة كورية واكبر دماغى من البرامج الكورية دي لمدة السنة الضمان وبعدين اعمل ليها عملية rooting دى وبكدة مش يروح الضمان عليا لاى مواقف
وبعدين كمان انا لاقيت ارقام تانية فى E988,E985, E980 وانا توهت بين الارقام دي ومش عارفة اية الفرق بينهم فهل حضرتك تعرف اية الفرق وكمان اية رأيك دلوقتى بعد رأى استاذ كريم هتعمل ايه وانا فى رأيك اعمل اية ؟

هو الترددات بصراحة انا معرفش فيها بس طالما النسخة unlocked يبقى متقلقيش وان شاء الله يستقبل شبكة
بالنسبة لموضوع اللغه بصراحة انا اول مرة اسمع عن البرامج دي بس انا دورت في جوجل دلوقتي ولقيت البرامج دي فعلا وكلها مجانية على play store بس في منها بيحتاج root
بس احتمال تكون البرامج دي بتغير لغة الموبايل بس لكن لغه الكتابه مش بتغيرها " الله اعلم " اتاكدي من البرامج دي الاول
حاولي تبعتي تقوليله انه هو يظبطلك اللغه احسن زي ما بتقولي انتي لو موافقش يبقى اشتري وجربي انتي وحظك
بالنسبه للنسخة انا في رأي النسخة الكورية افضل من الامريكيه زي ما انتي قولتي عشان كمان الاسباب اللي قولتيها
ومن ناحيه كارت الميموري ياثر على سرعة الموبايل احب اطمنك مفيش اي حاجة ممكن تخلي الموبايل ده تقيل او يهنج ولا كارت ميموري ولا اي حاجة وده مش كلامي ده كلام شوفته على فيديو على اليوتيوب بيقول ان الموبايل سريع جداااااااا ومش بيهنج مهما حملت عليه وحتى لو حاولت انت تخليه يهنج مش حتقدر وانا بصراحة واثق من كلامه عشان البروسيسور بتاعه نوعه snapdragon 600 وصدقيني ده اسرع بروسيسور نزل لحد دلوقتي سيبك من يقولك سرعه البروسيسور 1.5 او 1.7 او 1.8 كل ده مش حيفرق اوي المهم نوع البروسيسور وكمان الرامات بتاعته 2 جيجا يعني افتحي كل اللي انتي عايزاه في نفس الوقت ومتقلقيش مش حيهنج


بالنسبة للسوفت وير .. غالبا مش حينفع عشان السوفت وير بتاع مصر لما ينزل حيكون للنسخة E985 لكن انتي حتجيبي النسخه الكورية او الامريكيه
انا معايا موبايل LG 3D نازل منه نسخ كتير وكلهم نفس الموصفات يعني النسخة بتاعتي p920 والنسخة الامريكيه p925 انا جربت انزل سوفت وير بتاع p925 للموبايل بتاعي السوفت وير نزل بس لما باجي اشغل الموبايل بيوقف على كلمه LG يعني مش بيشتغل روحت نزلت السوفت وير بتاعه p920 واشتغل تاني...
فأنتي لو حصل معاكي اي مشكلة في الموبايل ده حتبعتيه ليهم وهما يصلحوه احسن

بالنسبة للسعر الاحسن في رأي انك تتعاملي معاه عن طريق الموقع متاخديش منه حاجة مباشرة من غير الموقع حتى لو السعر اقل
موقع ebay مضمون وبيدي ضمانات على الحاجة لو موصلتش

كلمه اخيرة:
انا مستني التلفون ده يمكن اكتر منك وبقالي حوالي 3 شهور كل ما افتح النت اشوف نزل في مصر ولا يوميا بمعنى يوميا واشوف في اخبار جديدة ولا لأ
فنصيحة استني شوية كمان وهو حينزل خلاص قريب لينا وتشتريه وانتي مطمنه معرب وبيستقبل شبكه ومن غير القلق ده كله
LG بتقول انه حوصل لأوروبا والشرق الاوسط على الربع التالت من 2013 يعني بالكتير اوي على اخر شهر 9 ويمكن قبل كمان اللينك اهو :

انا لو عليا ممكن اعمل زيك واشتريه من على النت وانزله برامج وحاجات عشان اللغه واعمل root عشان امسح اللي مش عايزه بس صدقيني الموبايل لما يكون جاي من الشركة على طبيعته من غير تعديل بيكون احسن كتييير عن تجربه

والقرار ليكي

اولاااااااا انا عايزة اشكر حضرتك جداااااااااا بجد والله مش هزار لانى بستفيد منك كتيررر جداااا بس انا مش كانت مشكلتى فى الترجمة ما انا اللى بعت ليه الاسئلة وهو رد عليا وانا فاهمة الترجمة بس مشكلتى انى مش بفهم فى الترددات دى تماما ولا اعرف بصراحة فى نظام الاندرويد قوي لانى كنت متعودة على نظام الابل وهو اسهل كتير عنه بس انا معجبة بالموبايل نفسه وحبيت انى اغير كمان وانا بعت لحضرتك نص الكلام بتاعه لانى كنت عايزة اخد رأيك على كل نقطة ان هل مفيش مشاكل منها ولا ممكن يكون فيه عيب فى كلامه التقنى وخاصة فى موضوع اللغة دة لانى مش عارفة البرامج دى ايه كل اللى فهمته انها هتكون من جوجل بس هل الطريقة دى فعالة ومش هتأثر فى الرسائل والبرامج مثل الواتس اب وغيرها وهل ممكن اخليه هو يعمله قبل ما اشتريته ولا ايه رأيك ؟
بس هل ممكن انى اشتريته باذن الله f240 ولا حضرتك شايف لسه ان E988 الافضل لانى انا شايفة ان مميزات الاول اكتر من ناحية المساحة 32 جيجا والبطارية الاضافية والشاحن فى نفس الوقت مسند كمان ولا اشترى النوع التانى وهل كارت الذاكرة الخارجية بيأثر على سرعة الموبايل لان كان عندى موبايل قديم كل ما كنت احط الكارت كان يتقل حركته مع انه كان مناسب مع الجهاز نفسه
وسؤالين تانى انا اسفة بجد بطول عليك بس هل ممكن انى انزل عليه السوفت وير بتاعه مصر لما ينزل ان شاء الله ودة هيسهل عليا حاجات كتير جدا لانى كلمت الشركة وقالت ليا قطع الغيار بتكون مختلفة فاكيد انك هتبعتيه ليه هو مش لينا بس نسيت اسأله على السوفت وير فقولت اخد رأى حضرتك
وايه رأيك فى السعر اللى بيقدمه ليا هل هيكون مناسب وهل اتعامل معاه على الموقع نفسه ولا من غيره لانه مقدم سعر جديد ليا 585 دولار لو عايزة منه هو نفسه ومش عارفة ازاى هتعامل معاه من غير الموقع وهل دة امان ومش مشكلة انه بينزل من سعرة كمان وللعلم مكتوب على الموقع انه من التجار الكبار فى الموقع والاكثر ثقة وطبعا سعر الموقع 629 دولار
طولت عليك انا عارفة واسفةةةةةةة جدااااااااااااااا بس بحاول افهم قبل ما اشترى حاجة اول مرة اتعامل فيها برة مصر وشكراااااااااااااااااااااا ليكككككككككككك تانى تعبتك معايا وكل عام وحضرتك بخير

بصي بالنسبة للشبكة هو حيلقط شبكة وحيشتغل عشان ده Unlocked سوري امبارح ماخدتش بالي من الكلمة دي في الاعلان
unlocked يعني ممكن يستقبل شبكة من اي مكان
في المسج اللي هو باعتها ليكي باعت ترددات الشبكات اللي الموبايل بيستقبلها وبيقولك لو واحدة منهم بس متوافقه مع دولتك يبقى حيشتغل

وبعدين بيقولك ان التلفون ده معاه ضمان دولي ممكن تصلحيه في اقرب مكان صيانه LG بس حتدفعي فلوس
وبيقولك لو حصل اي مشكلة في الموبايل وتقدري تبعتيه بالبريد لينا احنا حنصلحه ببلاش او بمبلغ قليل اوووي
يعني قصده ان الضمان من عنده ولو الموبايل باظ ابعتيله الموبايل وهو حيصلحه ببلاش او ممكن تصلحيه هنا في مصر بس تدفعي عليه فلوس


وبعدين بيتكلم عن اللغة بيقولك انه مفهوش عربي بس في برامج ممكن تنزليها ليه عشان يبقى فيه عربي وبعتلك اسامي البرامج

النقطة الاخيره اللي بيتكلم فيها
الموبايل كوري وحتلاقي برامج كوريه نازله معاه احنا مش حنستخدمها بيقولك البرامج دي ممكن تمسحيها من على الموبايل لو عايزة بس لازم تعملي حاجة اسمها rooting للموبايل
ال rooting ده عبارة انه بيفتح الملفات بتاعه الsystem في الموبايل ويخليكي تقدري تغيري فيها
هو مش مضر ولا فيه مشاكل بس لازم تكوني عندك خبره في الموبايلات دي عشان تعرفيه تعمليه

ده المسج بتاعته

بالنسبة للي بتقوليه انك تنزليله سوفت وير متعرب كلامك مظبوط ممكن تقدري تنزلي السوفت وير اللي فيه عربي بس احتمال كبير متلاقيش السوفت وير ده عشان اصلا الموبايل منزلش متعرب لسه من شركة LG فاهماني
كل موبايل ليه سوفت وير مخصوص مينفعش تجيبي سوفت وير بتاع موبايل تاني متعرب وتنزليه على الموبايل ده .. الموبايل مش حيشتغل
لو قدرتي تنزلي السوفت وير نزليه وتبقى مشكلتك اتحلت بالنسبة للغه والشبكة

لو اشتريتي الموبايل من على النت الموقع ده حتلاقي فيه كل حاجة عنه وازاي تنزلي سوفت وير ليه وازاي تعملي root
اللينك :

شكرا لحضرتك واكيد انا بستفيد برأيك بس ممكن اسأل سؤال هل ممكن مثلا لو اشتريته لان بصراحة بحاول انى استنى نزوله مصر ومش عارفة اية سبب التأخير دة بس انا هحاول استنى النسخة بتاعتنا
بس هل ينفع ان ننزل سوفت وير عليه علشان موضوع اللغة دة وانا هقول لحضرتك انا كلمتهم تانى وسألتهم على الشبكات واللغات والبرامج والضمان ودة كان ردهم وعايزة رأى حضرتك فى كلامهم بس انا مش بفهم فى الشبكات دى تماما وعلى سؤالى بالنسبة لسوفت وير جديد عليه
Plz Check and Verify the exactly band with Your network provider the Compatibility. If just one band is matched, you can use it.
240S supports
2G - GSM 850 / 900 / 1800 / 1900 Mhz
3G - HSDPA 900 / 2100 Mhz
LTE band 5 = 850 MHz, band 3 = 1.8 GHz

240L supports
2G - GSM 850 / 900 / 1800 / 1900 Mhz
3G - HSDPA 900 / 2100 Mhz
LTE band 5 = 850 MHz, band 1 = 2.1 GHz

240K supports
2G - GSM 850 / 900 / 1800 / 1900 Mhz
3G - HSDPA 900 / 2100 Mhz
LTE band 8 = 900 MHz, band 3 = 1.8 GHz.

-> this LG product has world warranty. you can get the service from LG CENTER near by you (will charge you real fix fees) and you have to pay for that. If you willing to pay 2 way airmail fees, WE recommend just send us the phone only when trouble. We can fix it with free or very low price

-> it doesn't support arabic. but you can use it.
About LANGUAGE Support for the LG phone. I think below 2-applications will help you. plz search in google market.
1.'MORE LOCALE II'
2.'SET LOCALE AND LANGUAGE'
Above 2 apps support Allmost languages in the world. so you can use a your language easily and simple.

-> You can erase some korean apps by rooting.
ويا ريت ترد على كل نقطة اتكلمت عنها معاهم وعايزة رأيك طبعا وشكرا ليك بتعبك معايا

سوري قصدي جراب وسكرينه

بالنسبة للهدايا عبارة عن جراب للموبايل وكفر

بصي اولا في رأي الشخصي ان التلفون ده احسن من الاس 4
ثانيا متشتريش الا النسخة العالمية اللي بتنزل لمصر عشان حتلاقي فيها كل اللغات حتى العربي لكن النسخة اللي حضرتك حاطة اللينك بتاعها غالبا مش حتكون متعربه
كمان بغض النظر عن اللغة الموبايلات عموما في حاجة فيها اسمها Baseband ودي اللي مسئوله عن استقبال شبكة الموبايل ودي بتختلف من منطقة لمنطقة في دول العالم احنا في مصر غالبا بنستخدم نفس الbaseband بتاعه اوروبا عشان كده احنا واوروبا حينزلنا الموبايل ده في نفس التوقيت
لكن كوريا ال baseband بتاعتها مختلفه عننا وامريكا كمان عشان كده انتي لو اشتريتي الموبايل النسخة الكورية غالبا مش حيلقط شبكة في مصر عشان انا جربت الحكاية دي في الموبايل بتاعي نزلتله سوفت وير كوري وملقطش شبكة ووديته التوكيل عشان يصلحوه
فنصيحه من اخ ليكي استني النسخة المخصصة للشرق الاوسط وغالبا حتكون هي نفس النسخة الاوروبيه
ده رأي الشخصي والقرار قرارك

FREE HG PRO CASE + Protect FILM, 4-CORES Snapdragon 600 اية الهدايا دي وكمان بالنسبة للضمان اية رأيكم ؟
وشكرا واسفة للاطالة

حينزل ان شاء الله
غالبا على اخر شهر 9

4500-5000 جنية
تقريبا

استاذ HassanMohamed
بالفعل انا اخطات في وضع الرابط الي بيقارن مبين قوه ال ال جي والنوت 2 في التصوير واتفضل المقارنه:
ده الا ال جي الي انتا شوفتو قبل كده

وده الفيديو الخاص بالنوت 2 بجد بجد لازم تشوفو وخصوصا التصوير الليلي في اخر الفيديو

وده رفيو مقابل لرفيو تقنيه بلا حدود الي حضرتك جبته الي اغفل ان فيه قصور شديد في التصوير الداخلي والتصوير الليلي وده رفيو من موقع reviewzat الذي لا يقل قيمه عن تقنيه بلا حود

ارجو من حضرتك قرائته وخصوصا جمله ان التصوير الداخلي كان اقل من المتوقع يبقا كده فيديو ورفيو يثبت كلامي مقابل رفيو منك
وانا عارف اننا كلنا معترفين ان الفيديو في النوت 2 افضل خصوصا في الاوتو فوكس والتصوير الليل من ال جي برو وده بيقلل من فيمته بالفنيه بالتاكيد
بالنسبه للسعر:
واضح ان حضرتك مش ابديت بالاسعار في السوق انزل اسال على اسعار النوت 2 هتلاقي اغلى محل بيقولك 4100 جنيه سعر الجهاز نزل بالفعل بعد الاس 4 والاس 4 ميني فمقبول اننا نلاقيه بسعر 3850 ومتبرشم بببرشام السامسونج وبالضمان اما الي بالضمان الدولي 3600 جنيه ايضا متبرشم فلو عشنا بنظريه المؤامره مش هنقدر نشتري غير من توكيل سامسونج نفسه وصدقني تقدر تاخد السيريال عشان تعرف الجهاز مصنوع فين وخاص بانتاج انهي دوله من خلال الرقمين الواقعين في وسط السيريال نمبر
بالنسبه للبطاريه:
قولت وبكرر ان البطاريه في الموبيلين واحد بنفس الكفائه تقريبا ولو فيه مع ال جي بطاريه اخرى ممكن اشتري بطاريه زياده للنوت 2 ب 150 جنيه وبكده اصبح ليا نفس اداء البطاريتين في ال جي مش حاجه مبهره يعني خصوصا مع السعر العالي لجهاز ال جي جي برو
بالنسبه للاداء :
انا اتاخرت في الرد ده عشان يكون الجهاز في ايدي وحسب بال ستوب واتش بيفتح عدد 1343 صوره في اد ايه اول مره فتح الصور بعد 10 ثوني و43 جزء من الثانيه وثاني مره فتح الصور في 8 ثواني و 20 جزء من الثانيه انا لما قولت 20 ثانيه كان بالويم كده وتحليليا الصور بتتفتح اول مبتشغل الالبوم الرئيسي في الاول بس بيحمل اول 50 صوره وبالتالي بعد مرور بضع ثواني بيكون فتح 300 صوره حملت بيكتمل التحميل لكل الصور 1343 صوره وتقدر تتنقل مبينهم في 11 ثانيه تقريبا
غير كده مفيش اي تهنيج او اي اي لعبه بتهنج
بالنسبه للشاشه:
فزي مقولتلك الالوان جميله والصوره واضحه ولو كان فيه فرق بينه وبين ال جي جي برو لا يتعدى نسبه 8\10 لصالح ال جي برو وده فيديو كده لنقاء الكاميرا بس متشوفوش وانتا صايم ههههه


وده فيديو لقوه تشغيل الالعاب اتش دي بمنتهى المرونه والسلاسه


فانتا عايز ايه من جهاز مبيهنجش سعره جامد بيشغل كل الالعاب شاشته نفيه جدا لدرجه معقوله جابلك من الاخر في كل حاجه بطاريته كويسه ولو فيه حجات على الورق افضل في ال جي جي برو فكفائه الكاميرا والقلم الضوئي والسعر في النوت 2 بيتفوق عليها

دع غير ان اكسسوارات السامسونج بشكل عام وسعر بيع المستعمل افضل من ال جي في كل حاجه
والجهاز الي شايف انو لقطه وجميل من ال جي ال جي Optimus G E975 جميل وسعره جميله بس الكاميرا منعرفش لسه اخبارها اذا كانت ضعيفه زي ال جي برو ولا لا وعيبه ان الشاشه اقل من 5 انش للاسف

وشكرا لاساتذتي mktns و HassanMohamed

استاذ mktns

شكرا لتصحيح المعلومه :)..بالنسبه للكاميرا..انا شايف ان كاميرا الجي برو في نفس كفاءة كاميرا النوت 2 في التقاط الصور.. بس كاميرا النوت 2 تتفوق عن كاميرا الجي برو في تصوير الفيديو بشكل بسيط مش كبير ومش يعيب الكاميرا..اما بالنسبه لنسخ الهاتف..فهو ليه نسخ كتير برومات مختلفه...وانا كنت متلخبط..ودروت..ولو حد عاوز يشتري الموبيل يتشريه بالنسخه العالميه..الي هي E985 ودي نسخه الثري جي..او E988 ودي نسخه الفور جي..ودي معهاش بطاريه اضافيه او مسند للجهاز للاسف زي ما الاستاذ mktns وضح..ودي عمليه فتح الصندوق للنسخه الفور جي
بس بالنسبه للنسخ دي مش عارف بقي دعم العربيه فيها..احنا نستني تنزل النسخه العربيه احسن..والي طبعا مش هيبقي فيها بطاريه اضافيه ولا مسند..بس لو يعوض عنهم بقلم ضوئي يكون احسن طبعا

استاذ HassanMohamed
للتصحيح فقط
1- LG G pro نازل ببطاريتين لكوريا فقط حتى النسخة الامريكية نازلة ببطارية واحدة وكمان في النسخة الكورية نازل الموبايل بانتنا (antena) عشان التلفزيون المحلي مفتكرش حتنزلنا
2- كاميرا الجي برو مش بنفس كفاءة نوت 2 بس مش معنى كده انها وحشة بالعكس دي من اقوى الكاميرات اللي نزلت بس لا تزال سامسونج متفوقه على ال جي في الكاميرات

الاخ shin545
محدش بيقلل من النوت 2 بس برضه محدش يقارن النوت 2 بالال جي برو عشان الال جي برو بينافس في سرعته ونقاء شاشته الاس 4 و اتش تي سي 1
كمان النوت 2 نزل قبل الجي برو بكام شهر وينفعش نحط مقارنة بينهم الا في الشاشة عشان الاتنين 5.5 بوصة
لكن الاس 4 نزل في نفس الشهر اللي نزل فيه الال جي برو عشان كده لو عايز تقارن بين موبايلين قارن بين الاس فور والال جي برو
وطبعا الاس فور اسرع من الال جي برو بس مشكله الاس فور انه نازل منه اصدارات كتيييييير اوي وكل واحد ليه مواصفات مختلفه تماما

استاذ shin545...اشكرك علي الكلام الي بدأت بيه الرد..وده يدل علي انك انسان راقي ومحترم..ومش زي اغلب الناس الي تعصبها لشركه معينه يعميها عن باقي الشركات...اولا بالنسبه لموضوع سعر النوت 2..فالسعر الي انت بتقول عليه ده يخلي اي حد يشك في جوده الموبيل..لأن في تجار استغفر الله العظيم ممكن يعيب في الموبيل يعني..مثلا وانا شوفت ده بنفسي من واحد بتاع موبيلات وصيانه جاب نسخه s2 الموجه لاستراليا واي بلد يعني يكون فيها الموبيل رخيص عن السعر الموجود في السوق..وينزل عليها روم عربي ويبيعه بسعر اقل من السوق بشويه عشان يكسب..متحاولش تستغرب لان في حاجات اسخن من كده :)...لان فعلا السعر الي انت قايله مريب جدا ولو انت بتفكر تشتري فابنصحك تفكر الف مره قبل ما تشتريه..لان في واحد صاحبي برده شغال في الموبيلات من 2004 قالي كل لما سعر الموبيل رخيص عن السعر المعروف عشان يغري الناس اعرف ان جودته اقل..انا صاحبي جايب النوت 2 من حوالي سنه او اقل من السعوديه كمان بحوالي 4500 وده بعض التخفيض كمان..ثانيا.بالنسبه لموضوع الكاميرا ان قرأت الخبر ده في منتدي ويمكن يكون صح اوا خطأ والله اعلم.والخبر كان بيقول ان "بعض" النسخ الامريكيه فيها عيب في الكاميرا..بالنسبه للفيديو..انت شوفت مراجعه التقنيه بلا حدود وشوفت كاتبين ايه عن تصوير الفيديو بس انت شكلك كسلت :).زي ما انت جايب فيديوهات تثبت سوء الكاميرا انا كمان جايب مصدر يثبت جوده الكاميرا ومصدر متاكد منه مليون في الميه.( ملحوظة بس انت شكلك اتلخبط وجايب نفس الرابط لفيديو فرق التصور في الفيديو بين الموبيلين )..اما فهما بالنسبه الالوان..فحدتها تقريبا في الهاتفين متقاربه لكن وضوح الصورة ونقاءها اعلي في الجي جي برو يعني احنا متفقين ان الالوان احسن في الجي برو..ثالثا.بالنسبه للتجربه العمليه فانا زي زيك مع صاحبي الهاتف..وتقربيا التليفون معايا كل يوم..بالنسبه للتهنيج فعلا طبيعي ان الهاتف يهنج لما يعدي 1000 صورة..بس 20 ثانيه!! مش كتير ياراجل :)...والجهاز رائع في تشغيل الالعاب..من الاخر هقولك رأيي في الهاتفين.

يتفوق الجي برو عن النوت 2 فيما يلي.

1.الالوان ووضوح الشاشه..شاشه بدقه full hd..بكثافة بيكسلات 401 ppi

2.بروسيسور اقوي وكارت شاشه اقوي..وده طبعا عشان احدث

3.اطار الشاشه تم تصغيره بشكل رائع

4.خدمات كتير و مميزه من أل جي..وده شئ رائع الصراحه

5.كاميرا ممتازة جدا .وجايب فيديوهات بتثبت كده فان بقول شوف مراجعه التقنيه بلاحدود واتفرج علي فيديو المراجعه ومتكسلش :)..وشوف كاتبين ايه عن تصوير الفيديو والتركيز التلقائي والتصوري الليلي :)..عشان انا شوفت الفيديوهات اليانت جايبها وكان النت وحش ساعتها كمان :D ولو مش عاجبك موقع عربي..مراجعه للموبيل من موقع اجنبي للنسخه الامريكي اخر الفيديو وازاي هو مذهول من سرعه الجهاز و عمر البطاريه وجمال الشاشه..وبالنسبه لعلمات ايده علي ظهر الموبيل..في ده في النسخه الاميريكي بس هتقولي ازاي؟؟..هقول شركه At&T..غيرت من ظهر الجهاز شكل الجهاز شويه..وطبعا ده معروف وعملتها الشركه مع موبيلات كتير..وتقدر تدخل علي جوجل وتشوف فرق الظهر في النسخه الكوري عن الامريكي وان النسخه الكوري مغطاه بطبقه من الكريستال زي النيكسس4 والامريكي لا..وكمان هو بيتشكل من الحجم بالنسبه ليه هو..اما بالنسبه لينا طالما عرفنا نشيل النوت 2 واتعودنا علي حجمه مش هيبقي فيه مشكله معانا..بس عشان خاطري تشوف الحاجات الي قوتلك عليها :)

6.الخدمات والمميزات الموجوده في الكاميرا..زي التصوير بالكاميرا الاماميه والخلفيه في وقت واحد زي الاس فور..مع العلم ان الموبيل معلن عنه قبل اتش تي سي ون والس فور..يعني سامسونج تعتير هي الي مقلده الي جي..وخدمات تانيه كتير بردو..بس معظمها في النوت تو بردو :)

7.QButton..الزر الرائع الي ليه اكتر من وظيفه

8.عمر البطاريه..وده شي كويس جدا..بس هي نفس عمر البطاريه الي في النوت 2 زي ما قلت يعني مفيش فرق..بس التفوق لال جي عشان البطاريه الاضافيه ودي حاجه تهمني لو كانت متهمكش اوي..واكيد في ناس معجبه بفكرة البطاريتين :)

9.الاكسسوارات المتوفره مع الجهاز زي لزقه الشاشه ودي شئ كويس ان تكون الشركه هي الي مصنعها..وتقريبا جايي معاه جراب بردو

*بس في بعض المميزات الي مش بتدعم العربيه..وده طبيعي..والمميزات دي لو منزلتش في نسخه الشرق الاوسط..يبقي الموبيل حسر كتير من قيمته...وميتحقش الواحد يشتريه
.................................................................................................................................
يتفوق النوت 2 عن الجي برو فيما يلي

1.وجود القلم الضوئي S Pen..والي يبساعد كتيييييير في استخدام الهاتف و الوظائف الي بيقوم بيها..ودي نقطه كبيرة تحسب للنوت 2..وكان نفسي يبقي موجود في الجي برو عشان يبقي كمل..يارب يعملوا واحد في النسخه العالميه والي هتنزل الشرق الاوسط :)..بدل أنتل T-DMB الي مش هنتسفاد منها حاجة..

2.بالنسبه للكاميرا..انت رايك ان كاميرا النوت2 احسن وانا رايي ان كاميرا الجي برو احسن

3.السعر..طبعا الجي برو عشان لسه جديد فهينزل غالي زي ما كان النوت 2 نزل غالي في الاول وبعدين رخص..بس السعر تعتبر نقطه جيده للنوت 2 ..مع ان شايف ان اجي برو رائع ومستعد اشتريه اي تمن..بس هو هيبقي زي اكيد في حدود 4700_4800

بس ده الي تفوق فيه النوت 2 عن الي جي..ولو انت شايف ان فيه حاجه تانيه ياريت تكتبها.

الموبيل رائع جداا جداا وطالما شوفت الكلام الحلو الي مكتوب علي التقنيه بلا حدود..فانا مش هاشك لحظة لما اجي اشتريه

اساتذتي mktns و HassanMohamed
في البدايه انا اتشرفت بردودكم عليا وخصوصا ان اسلوب الحوار مفهوش اي تجريح وفيه احترام للاراء
اولا بالمناسبه ان غير متحيز للسامسونج اطلاقا خصوصا اني شايف انها بتقدم موبيلات ضغيفه باسعار عاليه وبشجع جدا الشركات القادمه بقوه زي ال جي وسوني بطبيعه الحال
ولكن في الفتره الاخيره اصبحت الاسعار في الشركات كلها في رنج 5000 للاسف (الموبيلات القويه طبعا) وانا بالفعل
بدات انحاز لارائكم واقتنع بيها ولكن:
اولا: السعر السعر الي انا قولتو زي مقولتلك كده 3850 مقابل 5000 جنيه ومعتقدش ان الجهاز الي اخد دعايه قويه كده هينزل باقل من كده وسعر النوت2 في محل الونش في فيصل 3850 جنيه بالضمان و 3600 جنيه بضمان دولي وفي الحالتين العلبه متبرشمه ولو انا وانتا روحنا اشترينا الجهاز هنقدر نفاصل فيه وننزل في تمنه لاننا هناخد عددتين (فانا بتكلم على جهاز منتشر وسعره هادي شويه مش سعر مجنون زي الاسعار الي بنشوفها الايام ديه وديه نقطه في صالحه قطعا)وارجو انك تتفهم النقطه ديه
ثانيا : الكاميرا الكاميرا انتا قولت ان النسخه الكوريه انضف من النسخه الامريكيه بقا بزمتك ده كلام منطقي !!!!!!! الي يدي امريكا جهاز كفائه الكاميرا فيه ضعيفه اومال هيدو الشرق الاوسط موبيل عامل ازاي موبيل لعبه هههههه وده اسم شركه في العالم كله لو اتهز في اي دوله يبقا لازم نعرف ان الدول الاخرى اكيد برده هيكون فيها اخطاء اما النوت 2 ففي اي دول في عالم هو نوت 2 بدون اخطاء في الانتاج
ايه عيوب الكاميرا في ال ال جي؟

الفيديو ده بيوضح اد ايه في مشكله في الاوتو فوكس في الكاميرا لما المصور بيركز على الميكرفون في الدقيقه 3 وبيوضح انها مشكله في كاميرا الجهاز وادعو الجميع انهم يشوفو ده وبالاضافه لكده عيوب وضعف رهيب في التصوير الليلي في اخر الفيديو برضه في نفس الفيديو الي فوق
اما النوت 2 فالنفس اماكن تصوير التقرير الي فات هيه هيه نفس الاماكن وادعوكم كلكم انكم تشوفو تقرير النوت 2 ده لنفس الاماكن الي اتقاس بيها قوه كاميرا ال جي

فبعد كده اكيد انا كده وكتير نفسيا قفلنا بعض الشئ من ال جي بسبب السعر وبسبب ضعف الكاميرا
الالوان: انا مش هخش في تفاصيل ولكن مفيش فرق رهيب يعني بين ال جي وبين النوت2 ده مش ابيض واسود والتاني ملون وحتى لو قلنا ان فيه فرق هيبقا بنسبه 8 للنوت 2 مقابل 10 لل ال جي مستحيل باي حال انها تزيد عن كده وده فيديو برضه يوضح ان الفارق مبين الالوان معقول جدا في بعض الاحيان نحس ان الاوان حاده في النوت2 عن ال جي وده فيديو ممكن يوضح وجهه نظري اتمنى انكم تشوفو لقطه كده

ثالثا: التجربه العمليه من واقع الحياه
انا الجهاز ده مع قريبي وكتير اشتغلت بيه بعد 8 شهور تجربه مفهوش اي تهنيجه الا في فتح الصور بعد ماصبح الصور عددا تخطى ال 1000 صوره بدا يحصل تهنيج في فتح الابوم الرئيسي للصور مده 20 ثانيه كحد اقصى ولما كانت الصور اقل من 1000 صوره مكنتش المشكله ديه موجوده والمشكله ديه قطعا طبيعيه لانها فوق 1000 صوره غير كده مع الشغل القاسي الجهاز مبيهنجش وبيشغل كل الالعاب معانا لحد دلوقتي ومش هخش لمجادله في الالعاب ثلاثيه الابعاد لانها مكنتش موجوده في واقع التجربه العمليه بالنسبالي بس انا جربت العاب كتير منها ايرون مان الاخيره وكومبات وغيرها وفيفا وبيس كلها ممتاززززه
الواقع العملي لال جي: لا يوجد!!! فاكيد الي جربناه افضل من الي نجح على الورق
البطاريه: البطاريه فالنوت 2 ممتازه لا تقل جوده عن ال جي وبنفس المستوى ولو في ال جي بطاريتين هههههه بيضحكو علينا بيها فالنوت 2 ممكن اشتريلو بطاريه اصلي احطياطي ب 150 جنيه وبكده بقا معايه نفس اداء البطاريتين في ال جي ههههه مش مشكله يعني خصوصا ان اكسسوارات وقطع غيار النوت2 منتشره للغايه وديه نقطه ايضا لصالحه
على الورق في حجات كتير بتاكد وجهه نظركم بس الواقع العملي والاخبار الي جتلنا عن الال جي وخصوصا وبكررها لانها اولويات بالنسبالي واكيد بالنسبلنا كلنا الكاميرا فبقا فيه حاجز نفسي بيني وبين اني ممكن اصرف المبلغ ده في موبيل ال جي انا وكتير من الي معايا في الراي وده كان تعقيب على ردودكم...

وشكرا :)

shin545..اولا شكلك متعصب لسامسونج جامد :)..وشكلك بتحكم علي الموبيلات التانيه من غير ما تجربها..اولا..مفيش موبيل مش بيهنج..بس هو فعلا اثبت كفائه عاليه جدا..بس اكيد مش احسن من الموبيلات الي انت قولت عليه في احتمال الضغط..ثانيا..فعلا سرعه استجابه التاتش كويسه جدا..بس مش معني كده انو الافضل من حيث التاتش..جرب اجهزة اتش تي سي وانت تعرف :)..ثالثا..التصوير الليلي فعلا كويس والاوتو فوكس كمان..بس مش افضل 100 مره ولا حاجة لان الاوتو فوكس في الي جي جي برو كويس بردو وسريع..افضليه كاميرا النوت 2 في الفيديو بس وبنسبه بسطيه جدا..بالنسبه للصور الي جي جي برو بنفس جوده النوت تو ويمكن احسن كمان :)..رابعا.جوده الكاميرا ملهاش دعوة بعدد البيكسلات..يعني مش معني انها 13 تبقي احسن من 8..لا.عدد البيكسلات بيحدد حجم الصورة بس..زي كاميرا اتش تي سي ون 4 الترا بيكسل..وبتصور احسن من كاميرات 8 ميجا بكسل..بس طبعا الصورة بتبقي صغيرة..خامسا..بالنسبه لكارت الشاشه..فعلا Mail 400 قوي جدا واثبت كفاءته وبيشغل اي لعبه..لكنadreno 320 احدث منه واقوي منه طبعا في الجرافيكس والالعاب 3D..وده شئ مهم ليا ولمحب الالعاب باعلي جوده..بالنسبه لعيوب الكاميرا زي ما قولت لك انك جايب كاميرا النسخه الامريكي الي فيها عيوب وبتتكلم عليها..شوف الكاميرا بتاعت النسخه الكوريه..بالنسبه للبروسيسور فطبعا snapdragon من كوالكم..احسن وافضل بكتير من بروسيسور النوت 2..وزي ما قولتك مفيش موبيل مش بيهنج..بس مش معني كده انو بيهنج علي طول..بيهنج لما الجهاز يسخن يعني مثلا..بالنسبه للسعر فانت بتقولي حاجات غربيه الصراحه..فرق 1200 ازاي؟؟..والنوت 2 ب3800..قولي مين بيبعوه بالسعر ده..والجي جي برو مش ب5000..الفرق تقريبا هيبقي حوالي من 300 الي 400 جنيه..وللنسخه 32 جيجا كمان تصور..يعني النسخه 16 هتبقي بنفس سعر النوت 2..وكمان سعره بيرخص..بالنسبه لعدد ppi ده بالنسبه لنقاء الصورة ووضوح الايقونات..زي ماقال الاستاذ mktns..اكيد 401 احسن من 267 :)..بالنسبه للشاشه.شاشه الجي برو True Full HD LCD بتفنيه IPS Plus..ودي شاشه جميله جداا واحسن في الاضاءه والوضوح بكتير من شاشاتAmoled..لكن مش اقوي منها الصراحه لان شاشات amoled بتتميز بقوتها وصلبتها..وبالنسبه لمقاس الشاشه وهما نفس المقاس5.5..ولكن أل جي نجحت من تقليل أطار الشاشه بشكل مذهل..كمان شاشه الي جي 1080x 1920 Full hd..ودي حاجه تحسب للجي برو لان الشاشه فعلا فظيعه وحدة الصور والأضاءه العاليه جدا والنصوص واضحه لأبعد الحدود كما أن مستوى الأضاءه مناسب لأستخدام الهاتف تحت أشعة الشمس وزوايا الرؤيا من أفضل الهواتف المحموله التي يمكنك أن تستخدمها فهي تدعم تقنية IPS Plus ..بصراحه هي من افضل الشاشات الي ممكن تستخدمها في حياتك..وطبعا مفيش مقارنه بينها وبين شاشه النوت 2..لان شاشه النوت 2 لو عليت الاضاءه علي اخرها..بتبقي زباله بمعني كلمه زباله تحت اشعه الشمس عن تجربه :)...فمتقولش كلام غير منطقي ووتقولي الالوان في النوت 2..احسن من الي جي برو ..لا كمان احسن من htc one..ياراجل حرام عليك..دي شاشته احسن شاشه موجوده لحد دلوقتي بشهاده الجميع..شوف الفيديوهات علي النت.. وغير مفهومك..عدد ppi ملوش دعوة غير الا بوضوح غير بنقاء الصورة..مش هيا لوحدها بتحدد مدي جوده الالوان.....النوت 2 بيتميز عن الجي برو في ان فيه قلم ضوئي وانا اكتر حاجه كرهتها ان ال جي معملتش قلم ضوئي وعملت مكانه T-DMB ..لان القلم الضوئي مفيد جدا وليه استخدمات كتير..وده من مميزات النوت 2..بس ده مش معناه ان جي برو في ميزات تانيه كفايه QButton..وكما في اشعه تحت حمراء للتحك في اي جهاز الكتروني عن طريق الريموت كنترول لو ده يهمك يعني..وميزهQmemo QTranslato وميزات تانيه كتير جدا بصراحه الموبيل فاجر..كفايه انو بيجي معاه بطاريتين 3140 امبير يعني معاك 6280 امبير..يعني ولا تقولي بطاريه النوت 2 ولا بتاع :D..المشكله انك ناظر للموضوع ان مفيش احسن من النوت 2 ..انا بعتبر انا النوت 2 فعلا من احسن الموبيلات بس الصراحه ده احسن منه..حتي اصاحبي الي معاهم النوت تو قالوا كده..ده رايي وياريت تحترمه زي ما بحترم رايك..انا كنت عاوز اوضح بس ان الفرق مش بسيط :D>>وزي ما قولتلك تقدر تشوف مراجعه الموبيل علي التقنيه بلا حدود اظن انو احسن موقع عربي بيعمل مراجعات... او بالنسبه الالكترونيات عموما :D

@ shin545
ههههههههههه بص يا برنس
اكتر حاجة عجبتني في الكلام اللي كاتبه موضوع الشاشة والالوان
401 ده ملوش دعوة بالالوان كلنا عارفين ان superamoled افضل الوان محدش يقدر يعترض
لكن 401 احسن من 267 دي مستحيل يا برنس عشان دي بتفرق في نقاء الصورة مش في الالوان كام بيكسل في البوصة الواحدة (ppi= pixel per inch)
بالنسبة بقى للي بتقوله ان النوت 2 مش بيهنج احب اقولك معلومة عن كل موبايلات سامسونج يمكن متكنش تعرفها انها كلها لازم تهنج ومش بتبقى بالكفاءة المطلوبة وده عشان حاجة اسمها TouchWiz ده اللي بيقلل من كفاءة البروسيسور او بياخد رامات كتير

المهم بقى مين افضل NOTE 2 ولا LG Optimus G Pro انا حسيب القرار ليك وللقراء هما يقرروا من اللينك ده
واللي مبيعرفش انجليزي كويس ممكن يشوف الصور بس كفاية

اولا يا استاذ mktn انا عارف كل الاكلام الي انتي قولتو ولكن انا حبيت اخنصر في اني اقول النوت 2 هيبقا افضل منه تعالى بقا اقولك ليه بالتحليل:
1: النوت 2 اثبت كفائه عاليه جدا ومتجرب من جميع الناس ده موبيل مبيهنجش اصلا والجهاز الوحيد الي مبيهنجش تقريبا في مجموعه الاندرويد وخرج من المعادله اكسبريا زد وجلاكسي اس 4 و اتش تي سي وان غير كده الموبيل جبار في احتمال الضغط فانتا عايز ايه تاني من موبيل مبيهنجش متهيقلي جاب من الاخر
تانيا: سرعه استجابه التاتش لم اجد سرعه في الاستجابه للتاتش في قوه هذا الموبايل
ثالثا: الكاميرا الكاميرا وباعترافك افضل 100 مره في التصوير الليلي والاتو فوكس من ال lg g pro
ولو في حجات على الورق بيتفوق فيها نسبيا ال ال جي ففرق الكاميرا بيغطي عليها وانا واحد بالنسبالي الكاميرا من الاولويات واذا كانو قالو ديه كاميرا 13 ميجا بيكسل والتانيين قالو ديه كاميرا 8 ميجا بيكسل وافضل فطبعا هنشك في الباقي انهم يكونو قايلين حجات ضخمه وافضل من النوت 2 وتبقا بالقياس بالكاميرا افضل في النوت 2
رابعا: mali 400 كارت الشاشه ده من اقوى وانجح كروت الشاشه واثبت كقائه غير عاديه في جميع الالعاب هتلي لعبه واحده مبيقدرش يشغلها كارت الشاشه هذا الجباااااااار بالفعل ففي الاخر انتا عاير ايه غير ان موبيلك يشغل كل الالعاب ؟؟!
انا بكلمك على موبيل نجح بالفعل مش موبيل لسه من اولها لقينا فيه عيوب في الكاميرا
خامسا: البروسيسور cortex 9 هذا الطراز من افضل وانجح طرزات البروسيسور ورباعي النواه والدليل على ذلك ان الموبيل مبيهنجش
سادسا : السعر وده مهم للجميع فرق لا يقل عن 1200 3800 مقابل 5000 على الاقل عشان ده جهاز 13 ميجا بيكسل هههههههه يبقا مش انتا تاخد جهاز محترممممم جدا وتوفر في فلوسك
سابعا: فرق الالوان حضرتك قولت ان ال جي 401 مقابل 267 في النوت 2 بس نسيت ان الشاشه بتقنيه super amoled الي اثبتت نجاحها ونجاح منقطع النظير وايه رايك بقا ان الالوان في النوت 2 غلبت مش 401 بتاعت ال جي لا غلبت 469 في الاتش تي سي وان يعني انا بقارنه بحاجه اصعب واتفضل شوف الفيديو ده

وفي النهايه احب اقولك ان الاختلاف في الراي لا يفسد للود قضيه ومش هغلط فيك زي مغلط فيا وحبيت اوضحلك انا ليه قولت النوت 2 افضل ولو فيه فرق لصالح ال جي ففرق بسيط ممكن جوده الكاميرا تغطي عليه او تقلل الفرق والسعر ايضا احنا اولى بكل جنيه فرق الوحيد الي هيفرق عن النوت 2 فرق كبير هو النوت 3 الي هينزل في سبتمبر القادم وشكرا

الجهاز ده اقوى وافضل طبعا من النوت 2 في كل حاجة ما عدا الكاميرا
لو حضرتك بدور على كاميرا ممكن تشتري كاميرا ديجيتال وارخص كتير من النوت 2 او الجهاز ده
والاخ shin545 اللي بيقول الفرق بين ده والنوت 2 في الكاميرا بس والنوت 2 احسن منه...سوري يعني انت مبتفهمش حاجة ويريت متتكلمش في حاجة انت مش بتفهم فيها
الجهاز ده البروسيسور بتاعه من نوع snapdragon 600 وسرعته 1.7 وده لحد الان اقوى بروسيسور نزل لحد دلوقتي وقريب حينزل بروسيسور snapdragon 800 وده اللي حيغلبه
ده غير ان الشاشة هنا عدد البكسل لكل بوصه 401 لكن النوت 2 عددهم 267 يعني نقاء الشاشة في الجهاز ده احسن بكتير من النوت 2
كمان كارت الصورة او الفيجا في النوت 2 -- mali400 لكن في الجهاز ده adreno 320 و ال mali400 قديمة جداااا من ايام ال s2 لكن ال adreno 320 اقوى فيجا نزلت للموبايلات بعد ال powerVr544 اللي موجوده في النسخة العالمية من s4
اتمنى اكون وضحت بعض الفروق بين الجهازين والقرار قرارك
وده لينك مقارنة بين الجهازين

مش الكام بس الفرق
كمان الشاشة فى الجهاز دة فل اتش دى النوت تو اتش جى فقط
الجهاز دة طبعا اقوى من النوت 2

الفرق بين الجهاز ده والنوت 2 هو الكاميرا فقط وبعد منزل الناس قالت فيه مشاكل في الكاميرا فيبقا كده النوت 2 افضل وفيه تقرير عن الكاميرا ومشكلها بالفيديو في التعليق الي انا كاتبه تحت التعليق ده تقدر تشوفو كاميرا النوت 2 افضل منه بالفعل مع انها 8 ميجا بيكسل