بدون عنوان

للرجوع الي صفحة ال جي Optimus 4X HD P880 الرئيسية اضغط هنا

rosebox

2013-03-03 (12:45:45PM)

يا جماعة عايزه اعرف ايه اخبار ضمان lg فى مصر يعنى لو حصله حاجه حيطلعوا عينى و لا ايه؟

walidelsaid

2013-03-03 (03:18:05PM)

شوف يا معلم اي ضمان في مصر بشكل عام مش يطلع عينك وبس .. لا .. دول يطلعوا روحك ،، لو عايز نجيب الموبايل ده اتوكل علي الله لانه جهاز رائع بسعر ممتاز فعلا ومتفكرش كتير في موضوع هو بضمان مين وعموما هو في بضمان الصافي وهو وكيل معتمد وان كان مش معروف والتاني دلتا وهو الاشهر ..لكن في رأيي مش فارقه

rosebox

2013-03-05 (10:08:17AM)

شكرا لردك يا استاذ وليد
انا فاهمه طبعا ان الضمان فى مصر اى كلام و لازم يطلعوا الزبون هو الغلطان

walidelsaid

2013-03-05 (03:18:31PM)

انا اسف جدا عشان اتكلمت معاكي بصيغة المذكر .. ارجو المعذرة لاني كان يجب ان انتبه واخد بالي من كلمة ( عايزه ) وعموما لا شكر علي واجب وعلي فكرة انا بيعت الموبايل ده واشتريت nexus4 ومش معني كدة انه كان وحش بالعكس P880 موبايل ممتاز بس انا كنت منتظر nexus4 من مدة ولما نزل اشتريته

rosebox

2013-03-06 (11:24:35AM)

و لا يهمك يا استاذ وليد معروف ان على النت محدش يعرف مين اللى ورا الشاشه خصوصا ان الاسم اللى مختاراه ميعرفش قوى يعنى ده ما يمنعش اننا كلنا اخوات و حضرتك فى الاول و الاخر بتحاول تساعدنى.
اللى اسمعه ان صوته واطى شويه. ده صحيح؟
حضرتك اتعاملت مع الضمان بتاعه؟

تلك الخدمة مخصصة للأعضاء فقط