هذا الموضوع مرتبط بـ Optimus 4X HD P880

للرجوع الي صفحة الرئيسية اضغط هنا

بدون عنوان

MetaEb

2013-02-17 (11:45:01AM)

شباب
ياريت تجمعوا اسئلتكم كلها عن الموبايل ده فى البوست ده وانا ان شاء الله هجاوبكم :)

MetaEb

2013-02-19 (12:27:17PM)

انا من طنطا والفرع اللى هنا معندهوش
ومفيش فيديو كول بس فى برامج زى السكاى بى والفيبر(بس انا مش بفضله) دول ممكن يقوموا بعمل الفيديو كول

walidelsaid

2013-02-19 (11:43:07AM)

والله يا متعب الصوت فعلا الي حد ما مقبول و كان ممكن يكون افضل و عموماانا مش من هواة استخدام الهاند فري وبفضل السماعة الخارجية وده اللي اقصده بأن الصوت غير ممتع.. بس ياريت تقوللي ان كان في تطبيق انزله عشان الفيديو كول
اما عن المحل اللي بيبيع لزقات للموبايل فهو الشناوي واعتقد انه يمكن يكون عندكم فرع ليه في القاهرة

MetaEb

2013-02-19 (12:26:14AM)

نظام الصوت فى السماعات دولبى ازاى بتقول عليه واطى يا وليد؟؟؟؟ مش عارف
وياريت تقولى محل ايه اللى فى اسكندرية اللى بيبيع لزقات للموبايل ده؟

sniperlaw888

2013-02-18 (11:20:12PM)

يا جماعه نصيحه لوجه الله انا محتار بين ال الموبيل ده و اكسبيريا اس ال في البدايه كونت مقرر اني هجيب ال اس ال بس سمعت عن البطاريه انها ضعيفه و ناس تقول ده مش كويس و لما شوفت الموبيل ده عجبتني امكانياته بس بردو سمعت عن مشاكل في ال كاميرا و الصوت الضعيف فياريت حد ينصحني ...

walidelsaid

2013-02-18 (10:51:04PM)

DROID.. للاسف الصوت برضه في الهاند فري منخفض وغير ممتع ابدا .. بأختصار انا شايف ان الموبايل ده ممتاز من حيث الشاشة فهي فعلا رائعة .. جودة المكالمات جيدة جدا وواضحة بشكل كبير .. سرعة الجعاز فعلا ممتازة ومفيش اي تعليق رغم كم التطبيقات اللي نزلتها عليه .. سرعة تصفح النت فعلا عالية جدا .. التاتش خفيف وسهل .. لكن عشان مفيش حاجة كاملة صوت مشغل الموسيقى سواء في الاسبيكر او الهاند فري اقل من المتوسط والكاميرا جيدة بس في ظروف الاضاءة العالية او ضوء النهار.. الفيديو ما جربتهوش ،،، وفي الاجمال الموبايل بالنسبة لسعرة 2750 في محلات اسكندرية وامكانياتة العالية وتقدر تقارنه مثلا بالاس 3 يعتبر هايل جدا .. اما عن الاسكرين بروتكتر فهو موجود عندنا في اسكندرية ب20 جنيه (ضد البصمات) وجراب ضهر بس ما عجبنيش لانه خللي شكل الموبايل مش حلو

MetaEb

2013-02-18 (10:43:34PM)

صوت الجهاز عموما عادى لا هو عالى ولا واطى
واللزقة والجراب انا كنت جايبهم من امريكا للاسف ملقتش فى مصر :)

DROID

2013-02-18 (04:12:18PM)

إيه أخبار صوت الجهاز فى الهاند فرى ؟؟ ومنين أجيب سكرين بروتكتور وجراب للجهاز؟؟

walidelsaid

2013-02-18 (03:12:51PM)

وعايز اعرف هل اشتري النكسس 4 لما ينزل بالسلامة ولا مفيش داعي .. يعني عايز نصيحة

walidelsaid

2013-02-18 (03:10:55PM)

الموبايل جميل جدا وشيك وشاشته اكثر من رائعة بس اللي مضايقني ان صوت الاسبيكر في الموسيقى واطي جدا وان كان في الرينج تون معقول ومسموع والحاجة الغريبة اني لما نزلت نغمة عالية عشان اعملها رينج تون برضه كانت واطية بمعني ان نغمات الجهاز بس هي اللي معقولة في الرنج تون وانا مش عارف المشكلة دي ممكن تتحل لما ينزل تحديث الجيلي بين ده اذا نزل لان ال جي بتماطل كتير في موضوع التحديثات ولو تلاحظ ان كل الاكلام عن التحديث لم يصدر عن ال جي بشكل رسمي .. الحاجة التانية ان الكامير في التصوير باليل مش ولا بد

MetaEb

2013-02-18 (01:35:41AM)

شخصيا هختار الابتومس لانى بفضل الشاشة الاكبر والبروسسر الاقوى

وبالنسبة للشاشة لا الشاشة جميلة جدا يمكن انت مكنتش معلى جودة الفيديو وانت بتتفرج عليه

assemkamel

2013-02-18 (01:29:02AM)

بصراحة انا بحس ان الموبيل ده شاشتو الوانها مش جميلة خصوصا لما بشوف فيدو لية على اليو تيوب هو فعلا كده ولا الفيدو مش مبين الوانو كمان هل فعلا الجهاز كويس زى اس ثرى ولا اس ثرى احسن منو؟؟؟؟؟

pop1577

2013-02-18 (12:51:58AM)

السلام عليكم
ياريت يامتعب تقولى وتنصحنى لو عايز اشترى موبايل جديد اجيب LG Optimus 4X HD P880 ولا اجيب اكسيبريا p بس ياريت تقولى اختيارك بناء عن ايه
وشكرا جدا لحضرتك

ahmedaliyossef2010

2013-02-17 (06:54:18PM)

أعتقد برضه فيه htc one s فى نفس الفئة و امكانياته قوية جدا

MetaEb

2013-02-17 (06:15:25PM)

المواصفات المكتوب لو حضرتك تقصد بيها رباعى النواة والسرعة وكده ف هو فعلا سريع وانا عشان كنت مجرب قبله موبايل ثنائى النواة ف فعلا حسيت بالفرق لا فارق كبير جدا
الموبايل يستحمل الشغل عليه عادى والسخونية بتاعته تعتبر مش كبيرة اوى
الخامات بتاعته بلاستيك ف طبيعى مع واقعة قوية شوية هيحصل فيه خدوش والشاشة بتاعته بردو نفس الحكاية بس الاسكرين بروتكر تحل كل ده مع جراب للضهر وخلاص
الكاميرا بتاعته كويسة متقلقش منها سواء فى النهار او الليل مفيهاش مشكلة
هو ولا الاس ال؟؟؟ حسب حضرتك شوف اللى ترتاح له اكتر ايه الاتنين لهم تحديث جيلى بين والاتنين يعتبروا موبايلات كويسة بس موضوع السرعة والشاشة الاكبر ف هو فى صالح الابتومس

legendofkasem

2013-02-17 (05:22:37PM)

السلم عليكم ورحمه الله وبركاته
دي اول مشاركه لي علي الموقع بس انا متابعه من زمان واستفدت كتير منه
انا امبارح روحت موبايل شوب عشان اشتريه بس الموظف اللي هناك خوفني منه وهو صاحبي علي فكره قالي بلاش lg عشان دايما بيبقي في مشاكل في السوفت وير
وخصوصا ان انا لي تجربه مش كويسه مع lg optimus black
فأنا أحب أسأل أ/ متعب عن الموبايل عشان عارف ان هو معاه الموبايل ده وهو جرب موبايلات كتيره تانيه فيقدر يحكم علي الواقع
اولا هل المواصفات المكتوبه علي الموبايل حقيقيه يعني تقدر تشعر بيها علي الواقع مش مجرد ارقام مكتوبه وخلاص
ثانيا هل الموبايل ده hard worker يعني ممكن يستحمل الشغل الكتير عليه
ثالثا جسم الموبايل والشاشه ممكن يستحملوا الصدمات والوقعات ولا بيتأثروا علي طول
رابعا انا عارف ان في مشاكل في الكاميرا خصوصا في الضوء الضعيف وفي تصوير الفيديو بس انا عايز اعرف رأيك هل الكاميرا مرضيه يعني احسن من ال s2
انا عارف ان الموبايل ده احسن مواصفات موجوده مقارنه بأقرانه في نفس الفئه السعريه
فحضرتك تنصحني بيه ولا سوني sl
ولو فيه موبايل في حدود 3000 جنيه حضرتك ممكن تنصحني بيه

اسف جدا علي الاطاله
ولكن انا واثق في رايك وبناء عليه هاخد قراري

MetaEb

2013-02-17 (02:03:01PM)

اها بتتشال عادى

AliMando

2013-02-17 (01:09:53PM)

البطارية بتتشال ف الموبيل ده ولا لا ؟؟

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن LG Optimus 4X HD P880

مقارنة

Android
720 x 1280 pixels, 4.7 inches (~312 ppi pixel density)
3G

2G / 3G
8 MP, 32...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن LG Optimus 4X HD P880

Android

720 x 1280 pixels, 4.7 inches (~312 ppi pixel density)

3G

8 MP, 32...