هذا الموضوع مرتبط بـ Nexus 5

محتااااااااااااااااااااااااااااار

temoooo

2014-07-08 (03:24:38AM)

انا يا جماعه محتاااااااااااااااار اوي و انا اللي محترتش قبل كده في موبيلات
و كنت بتريق علي الناس اللي بتحتار
احترت اهو
ما بين النيكسس5 و الجي 2 الاتنين تقريبا نفس السعر او فارق بسيط , انا اساسا كنت مش حاطط غير النيكسس 5 في دماغي لكن لما لقيت اسعار الاتنين قربت اوي كده احترت , انا عارف مواصفات الاتنين بالمللي
و عارف ان النيكسس احسن شكل و تحديثات
و الجي 2 احسن بطارية و كاميرا و شاشه اكبر سيكه
و شوفت مقارنات بالعبيط و باردو محتار فانا محتاج اشوف ارائكم يا صحابي

BlackCrow

2014-07-12 (07:05:35AM)

تحت أمرك في أي سؤال أو إستفسار (:

temoooo

2014-07-11 (06:51:13AM)

شكرا يا باشا ربنا يخليك لينا و ميرحمناش منك :)

BlackCrow

2014-07-10 (04:27:29AM)

نصحيتي لحضرتكْ أستاذ تيمو إنك تجيب ال G2 بس النسخة ال 32 GB عشان فيما بعد مش تشيل هم المساحة لأنه زي النكسس لا يركب له ذاكرة خارجية , هاته إصدار حديث , العلبة تكون متبرشمة والراجل يفتحها أمامكْ , بعد ما حضرتكْ تتأكد من كافة مشتملات العلبة , تاخد الفاتورة الضريبية ويكون كاتب فيها رقم ال IMEI رقم التسلسل الخاص بالجهاز , عشان لا سمح الله لو حصل أي حاجه تقدر تستبدل الموبايل وحقك ميروحش , يفضل متمشيش من المحل إلا وإنته مركب سكرينه للجهاز عشان تحافظ على الشاشة , متدفعش أكتر من 20 جنيه للسكرينه , و تجيب جراب ضهر للموبايل , إرجع البيت وإستمتع بموبايلك الجديد وربنا يباركلك فيه (:

أي سؤال أو إستفسار إحنا في الخدمة (:

temoooo

2014-07-09 (06:46:33PM)

شكرا ليك يا استاذي

ashrafmaherahmed

2014-07-09 (04:40:46PM)

اه نسيت موضوع البطارية ال جي 2 اقوي من النيكسس 5
والكاميرا انا زميلي معاه الجي 2 الكاميرا كويسة جدا في النهار ... لكن مع الاضاءة الضعيفة ادائها مش قد كده

ashrafmaherahmed

2014-07-09 (04:39:12PM)

بص موضوع البطارية كان فيه مشكلة بس بعد التحديث بقت افضل بكتير

موضوع الالعاب .. ف انا مش كييف العاب ف مش هقدر افيدك الصراحة

temoooo

2014-07-09 (05:21:15AM)

استاذ BLACK CROW انا لو علي السوفت وير طبعا افضل السلس و لو كان النيكسس بطاريته لقوي شويه و كاميرته احسن سيكه كنت مفكرتش اصلا

لكن انا البطاريه و الكاميرا يفرقوا معايا و ده سبب احتياري يا باشا :)

BlackCrow

2014-07-09 (04:42:18AM)

أستاذ تيمو , عشان حضرتكْ تحسم الأمر ده , من خلال نقطة واحدة فقط ( لأن الموبايلين شبه بعض بصورة مخيفة ) ( من حيث المواصفات أقصد ) قول لنفسكْ , أنا عايز أندرويد خام سلس ولا عايز أندرويد معدل مميز ؟؟؟؟؟

لو جاوبت على السؤال ده يبقى حضرتكْ حسمت الأمر و خلصت من الحيرة (:

بالتوفيق أيما كان إختياركْ .

temoooo

2014-07-08 (07:24:07PM)

طب معلش استاذ اشرف هسئلك كام حاجه مخوفاني كده

1_ البطاريه فعلا مع الاستخدام الكتوسط ممكن متكملش اليوم الواحد

2_ الموبيل ده شوفتله فيديوهات ناس بتشتكي من حاجه اسمها thermal throttling و دي معناها انك لو لعبت لعب تقيله قس ظرف 5 دقايق بالكتير الموبيل بيبتدي تنزل قوه الcpu , gpu الاتنين و يبتدي يهنج جامد في اللعب فانت ايه رايك في الموضوع ده

ashrafmaherahmed

2014-07-08 (12:22:23PM)

انت قلت كل حاجة :D :D
انا كنت محتار زيك كده وفي الاخر رسيت علي NEXUS 5 عشان التحديثات
انا دلوقتي 4.4.4

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن LG Nexus 5

مقارنة

Android
1080 x 1920 pixels, 4.95 inches (~445 ppi pixel density)
3G

2G / 3G
8 MP, 32...

مزيد من المعلومات

الموبايلات

محتااااااااااااااااااااااااااااار

التسجيل بالموقع

دخول الاعضاء

معلومات سريعة عن LG Nexus 5

Android

1080 x 1920 pixels, 4.95 inches (~445 ppi pixel density)

3G

8 MP, 32...