هذا الموضوع مرتبط بـ G3

Not water resist

archidoo

2014-10-26 (09:20:36AM)

انا اشتريت الموبايل ده و هو مش ضد المية خالص ولو وقع فى مية بيخرب و بيبقى خرج برة الضمان و ده لان فى مؤشر خارجى بيقيس مدى الرطوبة فى الجهاز ...بس طبعاً كان نفسى اقولكوا تجربتى فى الجهاز بس للأسف مالحقتش أجربه قبل مايخرب..يلا الحمد لله

sweetytoktok

2015-02-03 (07:27:10AM)

ايه اخبار الموبايل معاك ؟

archidoo

2014-10-29 (01:19:18PM)

blast : انا جيبته من الإمارات الـ 32 جيجا عامل فى حدود 3800 مصرى, فى مصر اعتقد عامل 4300 و ده النسخة الكورى...و صوته ماشاء الله رائع و كل حاجة فيه كانت تحفة

archidoo

2014-10-29 (01:16:24PM)

abdo: وديته المحل و هما بعتوه و ربنا يستر

archidoo

2014-10-29 (01:15:28PM)

Alya7 : انا للاسف استعجلت عليه و وديته فى نفس اليوم للمحل اللى جبته منه فعرف انه غرق فالمية و قالى كدة خرج برة الضمان و وصفلى محل صيانة كويس رحتله و سابه عنده يومين و كلمونى قالولى البقاء لله ، رحت خدته منهم و وديته المحل اللى جبته منه عشان يودوه لمركز الصيانة بتاع LG و منتظر الرد...هو حالياً انا منتظر...و كل ده انا فاصل البطارية ف على الله ينشف و يشتغل بقى... بس فعلاً فكرة الرز دى واضح انها فعالة جداً كل الناس بتوصفهالى..زبس هو حالياً للأسف مش معايا

blast

2014-10-28 (09:48:31PM)

ممكن اسال انت جبت الموبايل داخل مصر ولا يرا مصر ؟ و لو داخل مصر ممكن اعرف مكان المحل ؟ عشان انا بدور عليه 4 شهور او اكتر داخل و معلش علي الي حصل لموبايلك و انشاء الله تتعوض او تتصلح و شكرا ارجوا المساعده انا في قاهرة و مرة ثانية شكرا جزيلا

abdo20112

2014-10-28 (05:55:12PM)

وديته الضمان او المحل الي جبته منه ولا لسه معاك

Alya7

2014-10-28 (05:33:54PM)

لا لا الفيديو بيقولك انك في الاخر مهما يقعد في الماء لازم تفصل كل حاجة عنه وتحطه في رز
بص انا هقولك على حاجة .. انا كان معايا برو لايت ودخل جوه الغسالة نفسها !
وطلع مشتغلش طبعا ولا كنت اعرف الرز واني لازم افصله وحتى قعدت اوصله بالشاحن ومشتغلش
ماما خدته وشالت كل حاجة وقعدت تنشفه قدام المروحة يوم وانا حطيته قدام التكييف واصلا كنت فاقدة الامل بعديها بيومين والله اشتغل ! لما فتحته كان جوه الشاشة نقط مياه والكاميره باظت بس الموبايل نفسه سليم وبعدها بشهرين او 3 شهور الكاميرا اشتغلت وبعد الابديت كل حاجة اتظبت زي الاول وبعديها باسبوع الموبايل ضاع خالص الحمدلله D:
المهم يعني سيبه ينشف براحته خالص اعمل زيي وحطه قدام مروحه لمده طويلة واستني يومين تلات ايام وان شاء الله هيشتغل .. والله بعد اللي حصل لموبايلي المتوفي عرفت ان LG شركة قوية جدا
ومتوديهوش لحد دلوقتي اعمل بس اللي بقولك عليه وان شاء الله هيشتغل

archidoo

2014-10-28 (08:13:52AM)

قدر الله وماشاء فعل، فعلاً انا قريت الخطوات اللى المفروض تتعمل بس بعد ماكان باظ للأسف ، انا بس شيلت البطارية ساعتها و نشفته و سيبته فى الهواء لمدة 4 ساعات تقريباً كان باين عليه انه نشف خالص بس طبعاً من جوة كان غرقان لسة...
المصيبة انه فى فديوهات انه ضد المية...زى ده كدة

abdo20112

2014-10-26 (05:20:53PM)

بس ايه ااب حصل بالظبط و انت في حاجات لازم تعملها لو وقع في الموب في الميه
انك تفصله و تشيل البطاريه و كارت الميموري و كل الحاجات التانيه و تحطه في طبق في رز 24 ساعه علي الاقل

abdo20112

2014-10-26 (01:21:50PM)

ربنا بعوض عليك

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن LG G3

مقارنة

Android
1440 x 2560 pixels, 5.5 inches (~534 ppi pixel density)
3G

2G / 3G
13 MP, 4...

مزيد من المعلومات

الموبايلات

Not water resist

التسجيل بالموقع

دخول الاعضاء

معلومات سريعة عن LG G3

Android

1440 x 2560 pixels, 5.5 inches (~534 ppi pixel density)

3G

13 MP, 4...