هذا الموضوع مرتبط بـ L90 Dual D410

محتار

atyaramadan

2014-09-17 (09:46:21AM)

انهى احسن يا شباب ده ولا الجراند نيو
ده عاجبنى اوى شكلا و امكانيات و كل حاجة بس اغلب الناس مخوفانى من lg و بتقولى خليك فى السامسونج مضمون
مش عارف اعمل ايه؟

merobig

2014-09-20 (09:56:05PM)

hamadamedo
اعتقد ان بطارية الايدول 2 هتكون احد اهم اسباب عدم نجاح الموبايل دا
امكانيات عاليه وشاشة كبيرة وفى الآخر احط له بطارية 2000 مللى امبير؟
دا كلام يا الكااتيل؟؟

hamadamedo

2014-09-20 (01:31:35AM)

merobig
انا عارف انا بتكلم عن النسخه اللي في مصر شريحتين من غير كارت ميموري
النسخه اللي بتقول عليها شريحه واحده

merobig

2014-09-19 (04:53:49PM)

hamadamedo
فيه يا باشا مكان لكارت الميمورى لكن النسخه اللى الذاكرة الداخليه بتاعته 8 جيجا
وغالبا دى منزلتش مصر

hamadamedo

2014-09-19 (02:25:29PM)

alcatel idol 2 dual
مفيهوش مكان كارت ميمورى انما الذاكره الداخليه 16 جيجا

anafigo

2014-09-19 (02:24:30AM)

للاسف انا قفلت من ناحية ال l90 خلاااااااااااااااص مش بحب الشاشة الصغيرة للاسف دا غير انه تقفيل اماراتي
ففكك منه
هنتكل ع الله ونشوف الالكاتيل وعلي فكرة انا ضامن الكاتيل رغم ان نوع المعالج ميديا تك بس يالا هانعمل ايه المضطر اهم حاجة الفون يكون بيدعم ميموري

merobig

2014-09-19 (01:51:41AM)

anafigo
بص يا كبير
بما انك زرت محل البحيرى للموبايلات وشايف انها ناس محترمة وهتدي فاتورة ضريبية بضمان استبدال 15 يوم ... الايدول 2 موجود على الموقع بتاعهم ودى الصفحة بتاعته

وعلى فكره انا كنت فى وسط البلد النهارده ومندوبى الكاتيل متواجدين تقريبا فى كل محل موبايلات وبيقولوا انهم تبع شركة الالكاتيل الام (|مش توكيل رزق الله ) وعاملين خصومات وهدايا جامده على كل موديلات الكاتيل الجديدة و والله سألت اكتر من محل عن LG L90 اخباره ايه مع اكتر من محل من ناحية حركة الشرا وكده . قالولى شغال تمام ومبيعاته كويسه

anafigo

2014-09-19 (12:28:32AM)

هاجيبو معاك بس بشرط يكون ليه كارت ميموري تمام كدا
وشوف هاتشتريه منين وننزل نجيبه مع بعض عشان بجد انا عاوز اجيب فون
الهواوي عشان ينزل مصر امامه مش اقل من 8 شهور

merobig

2014-09-18 (02:37:10AM)

anafigo
اولا انا رجل ولست انثى :) "عشان حوار البرفان وكده "
ثانيا انا هستنى تقييم الاستاذ hamadamedo لو لقيته متفق مع حضرتك فى الرأى هصرف نظر تماما عن ال جى وهتجه فورا للموبايل الجامد

صحيح فرق 100 جنيه تقريبا ... لكن الفرق يستاهل
وانا تجربتى مع الالكاتيل سمارت فون بتقول انه "حمّال اسيّه"

merobig

2014-09-18 (02:28:37AM)

لو حضرتك تقصد الموبايل دا

فهو فعلا موبايل خرافى كهارد وير لكن لو تلاحظ ان محدش بقى يكتب عنه اى جديد فى الصفحة بتاعته لان من الواضح انه مش هينزله اى ابديت للاندرويد بعد الجيلى بين 4.1 فلو مش فارق معاك موضوع التحديث فانا شايف انه يتفوق عن ال lg l90 بمرااااااحل

anafigo

2014-09-18 (01:16:59AM)

وجهة نظر
بس احب اقولك حاجة معايا الفور اكس اقسم بالله اطاره معدني والشاشة بالفعل طولها 4.7
وكان معايا جي 600 والهاتف بالفعل الشاشة طولها 4.5 بالظبط
ومعايا حالا هاتف شاشته 3.5 قطره حوالي 4 بوصة والشركة قالت شاشة 3.5
دا للتوضيح وياريت تجربوها عملي هاتي مسطرة وقيسي اي فون وقيسي القطر
والله الفون نفس حجم الايس 3 مع ان المفروض يكون حجمة قريب من اس ثري
او ع الاقل الفور اكس من ال جي
دا الاكونت

merobig

2014-09-18 (12:56:16AM)

ان عايز اوضح بعد الامور
اولا ان اى حاجه ليها شاشه بتتقاس بالقطر .. خد عندك مثلا التلفزيونات ال led وال lcd لو رحت لاى حد متخصص هتلاقيه بيقيس التلفزيون بالقطر ولا بالطول ولا بالعرض .. واعتقد نفس الكلام دا بينطبق على التاب واللاب توب كللو بيتقاس بالقطر فاذا كان طول قطر الموبايل 4.7 فتبقى المواصفات صحيحه .
ثانيا انا شوفت اكتر من فيديو للموبايل على اليوتيوب مشفتش فيهم اى نسخه من الموبايل دا ليها اطار معدنى ..وكللو بيتكلم عن نوع من البلاستيك المقوى ضد الخدش بالنسبة للبادى والظهر اما الشاشه فضد الخدش واعتقد ان احد الزملا الافاضل هنا شير لفيديو يوضح ان الموبايل شاشته ضد التجريح والخدش.
ثالثا موضوع التعبئة والتغليف فى الامارت دا معروف جدا على فكره ومش فى الموبايلات بس يعنى خدوا عندكم مثلا انا لسه شارى برفان اصلي بالضمان "بجد على فكره" ومكتوب عليها ان الزجاجة والكرتونة والعلبة المعدنيه والعطر نفسه كللو من باريس انما التعبئة والتغليف تمت فى مصر .... يعنى مش الامارات لوحدها اللى بتعمل كده ... اعتقد ان الامر مرتبط بأمور جمركية وضريبية بتخلى المنتجات بتدخل اى بلد على انها قطع وبعد كده يتم تجميعها او تعبئتها فى البلد "نوع من انواع توفير العملة"
اتمنى انى اكون قد افدت .. وشكرا

hamadamedo

2014-09-17 (11:41:29PM)

رقم الاكونت غير صحيح

anafigo

2014-09-17 (10:38:12PM)

ملحوظة لما كلمت الاستاذ اللي بيبيع الفون في دريم
ما رضيش يفتح لي الفون هو والمحل التاني اللي بعده بشوية
لما قلت لهم دا تقفيل اماراتي قالولي وماله مااحنا عارفين
شجع المنتج العربي.
والله هذا حدث
ولما شلت الفون في ايدي. حجمة نفس حجم ال ace 3
يعني حجمه وسط استحالة باي.حال من الاحوال تكون الشاشة
٤.٧ قطر الشاشة هو اللي ٤.٧ ودا هتلاقيه واضح ع لاصقة الشاشة
ولو اي حد معاه فون يقيس الشاشة بالطول ويقيس القطر ويقولي الفرق

anafigo

2014-09-17 (10:31:22PM)

دا رقم الاكونت
01223436768

hamadamedo

2014-09-17 (09:57:38PM)

anafigo
فين رابط الاكونت

anafigo

2014-09-17 (09:27:31PM)

د الاكونت بتاعي وانا مصور كل حاجة
والله حجم شاشة الفون صغيرة ٤.٣ بالطول
والله قطر الشاشة هو اللي ٤.٧
القطر يعني اقصي يسار الشاشة العلوي
واسفل يمين الشاشة السفلي
او العكس
الفون يا حماده مكتوب عليه u a e
Maide in chima bey lge
بالحرف ومصور الكلام دااا كلو
اطار الهاتف مش معدني كما ذكر موقع الشركة
من البلاستيك المقوي
النهاردة خرجت من الجامعة بخلص ورق
روحت التوحيد مش لاقيته
لاقيته عند دريم ١٥٧٥
محل بعد دريم مش متذكر اسمه ١٥٦٦
محل في شبرا الخيمة ١٥٥٠
اسمه العالمية بالقرب من موقف مسطرد
ومسكت الفون في ايدي
ذهلت من حجم الشاشة والله بقيت بقارنها بموبايل
عقيم معايا حاليا شاشته ٣.٥
بقيت هتجنن الفرق بسيط لا يتعدي بوصة
اللهم قد بلغت انا ماليش مصلحة اني اضل حد
الكل شايف اني كنت هاموت ع الفون دا واتفرجت
ع فديوهات ليه ع اليوتيوب ومميزاته الخ
بس انا قلت لكم اللي انا شفته
وربنا يوفقكم

Noor9

2014-09-17 (07:24:50PM)

من وجهة نظري الموب افضل اختيار في الفئه السعريه بتاعتو وشكلو محترم جدآ جدآ ..
اختيار موفق ان شاء الله و انا اول ما ارجع من السفر هنزل اجيبو ان شاء الله هستنآ منكم ريفيوز مختلف - مبـروك مقدمآآ :)

atyaramadan

2014-09-17 (07:07:29PM)

انا كمان شايفه محترم جدا و كنت محتار بينه و بين الجراند نيو
و استقريت عليه و انشاء الله هنزل اشوفه بكره و اشوف حكاية حجم الشاشة دى
و ربنا يسهل بقى عشان تعبت من الاختيارات الى تحير دى

hamadamedo

2014-09-17 (07:01:33PM)

انا مقتنع ان الموبايل ده محترم جدااااااااا
وان شاء الله هحاول اشوفه في موبايل شوب

Noor9

2014-09-17 (06:41:10PM)

ولله انا قولت كده برضو بس انا بقول علي اللي قالو anafigo
هو عمل اللي عليه وقال اللي هو شايفو ممكن يكون هو وجهة نظرو غط و محتمل تكون صح
ف اللي يفصل في الموضوع دا حد تاني يروح يشوف الموب و يقول ع اللي شافو بكل صراحه
وجهة نظري انا بق ان مستحيل شركة lg تعمل موب في خياله و تنزل حاجه تانيه و انا مقتنعه جدآ با دا - لولا إختلاف الأذواق لبارت السلع - :)

atyaramadan

2014-09-17 (06:36:51PM)

ازاى حجمه صغير و هو على كل المواقع 4.7 بوصة و ناس كتير جابته و قالوا انه تمام و كويس
ده اول واحد اشوفه يقولى انه فيه عيوب
والله هتحيرونا معاكم

hamadamedo

2014-09-17 (06:28:54PM)

مافيش تقفيل lgفي الامارات اساسا وبعدين الموتو جي مش هينزل مصر وlg مش شركه صغيره عشان تنصب في المواصفات

merobig

2014-09-17 (06:05:24PM)

موتو جى مالوش توكيل فى مصر
وبيبتاع فى السعوديه ارخص
لو ليك حد في السعوديه خليه يجيبه لك من هناك
وتقريبا سعره مش هيزيد عن ما يوزاى ال 2000 جنيه

Noor9

2014-09-17 (05:34:39PM)

للاسف التقيم من العضو anafigo
قال ان الموب مش بالجوده المتوقعه و انا صناعة الهاتف صينيه تقفيل اماراتي
و ان حجم الهاتف صغير - مش 4.7 بوصه !
- دا كلامو -
انا بق بفكر اجيب moto G 2014 بس مش عارفه شكلو مش هينزل مصر

ايه رايكـم في الكلام كلو ؟!

hamadamedo

2014-09-17 (04:24:09PM)

ده احسن من الجراند نيو طبعا بس زى ما قالت noor9 استنى النهارده هيبقى فى تقييم للجهاز

Noor9

2014-09-17 (01:29:29PM)

بلاش سامسونج الفئة المتوسطة علشان هتلاقي كمية تهنيج و قلة دعم (من الشركه) مش هتشوفها في حياتك .. في عضو راح يشتري الموب دا انهارده و هيعملنا ريفيوز لو تمام يبق دا افضل

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن LG L90 Dual D410

مقارنة

Android
540 x 960 pixels, 4.7 inches (~234 ppi pixel density)
3G

2G / 3G
8 MP/ 5...

مزيد من المعلومات

الموبايلات

محتار

التسجيل بالموقع

دخول الاعضاء

معلومات سريعة عن LG L90 Dual D410

Android

540 x 960 pixels, 4.7 inches (~234 ppi pixel density)

3G

8 MP/ 5...