لتوفير بطاريه الهاتف وتقليل الرام

اولا :
طريقة تعطيل البرامج من خلال هذا الخيار

في رومات 4.3 بالنسبة لاجهزة سامسونك الحديثة

الضبط > عام > مدير التطبيقات > الكل

و في بعض الاجهزة

الضبط > مدير التطبيق > الكل

وبعدين تفوت على التطبيقات الي ما تحتاجها و تختار

الغاء تفعيل

٢٠١٣-١١-١٩-١٤-٢٠-٥٧

طبعا تكدر تفعل التطبيق اذا احتاجيتة بنفس الطريقة بس تختار

تفعيل

و هاي صور بيها بعض التطبيقات الي عطلتها و اشوف نفسي ما احتاجها و بدون ما تأثر على برامج احتاجها

Screenshot_٢٠١٣-١١-٠٥-١٥-٥٢-٢٢Screenshot_٢٠١٣-١١-٠٥-١٥-٥٢-١٧Screenshot_٢٠١٣-١١-٠٥-١٥-٥٠-٣١
Screenshot_٢٠١٣-١١-٠٥-١٥-٥٠-٢٢Screenshot_٢٠١٣-١١-٠٥-١٥-٥٠-٠٨

ملاحظة : لا تلتزم بهذه القائمة يعني عطل الي تشوفة ما اله داعي و هاي التطبيقات مو كلها احتمال موجودة بنظام جهازك

ثانيا :
و اكو خاصية روعة تخلي جهازك ما يصرف رام و بالتالي ما يخلي يصرف شحن و هي :

اذا تروح لل

الضبط > خيارات المطور

و اكو اجهزة لازم يتفعل هذا الخيار بالذهاب الى

الضبط > حول الجهاز > الضغط اكثر من مرة على رقم الاصدار و رح ينطيك اشعار بتفعيل خيارات المطور

هسة نرجع للخاصية

الخاصية بوضع المطور اول شي فعلة و ثاني شي انزل ليجوة اخير 3 خيارات

اسم الخانة تطبيقات

اكو اختيار اسمة

( تقييد عدد العمليات التي تتم بالخلفية )



٢٠١٣-١١-١٩-٢٢-٤٩-٣١

هذا الخيار بي اختيارات هاي الخيارات تكدر تختار الي يعجبك منها و فايدتهن رح يقيد عدد العمليات الي تشتغل بجهازك يعني فرضا اختاريت خيار 3 عمليات معناها رح تكدر تشغل بس 3 تطبيقات من جهازك و اذا تشغل واحد رابع رح يوكف واحد من هذنيج ال 3 تطبيقات و بهل الحالةرح تحافظ على جهازك من استهلاك الرام

٢٠١٣-١١-١٩-٢٢-٤٩-٥٨

و اذا تريد ترجعة مثل ما جان بس مجرد اختار الحد القياس

او وكف خيارات المطور

ثالثا :
الضبط > البطارية

و شوف شنو يخلي جهازك يصرف شحن مثل ما محدد بالصورة رقم 1 و حاول تقلل السطوع حتى لا تصرف الشاشة شحن يعني كون الرقم الي محدد بالصورة لا يصعد اكثر من 35 بالمية

1461875_593375650724037_290059045_n

ثاني شي اذا تضغط عل المخطط الي بي فترة تشغيل جهازك

رح تطلعلك الصورة الثانية

941800_593375934057342_773423361_n

اكو شي اسمة

awake

محددة الك هذا الاختيار ينطيك الفترة الي يبقة بيها جهازك مشغول يعني فرضا خلصت شغل بجهازك و سديت كل تطبيقاتك و قفلت الشاشة المفروض كل العمليات انسدت يعني صار جهازك بس مجرد الو و انتظار رسائل ف الشي الطبيعي مثل ما موضح بالصورة رقم 2 بس اذا لكيتة هذا الخيار بي خط ازرق مستمر فمعناها جهازك حتى من تخلص من شغلك بي و تقفل الشاشة رح تبقة عمليات مستمرة يعني اكو تطبيقات باقية مشتغلة و تصرف شحن و تخلي الجهاز يصرف شحن و انت اصلا ما دا تستخدمهن

الحل

روح دور على البرامج الي دا تشتغل بالخلفية حتى بعد قفلك للشاشة او من تخلص من استخدامك الجهازك

وين ادور على التطبيقات المشتغلة بالخلفية ؟؟

الضبط > مدير التطبيقات > تشغيل

رح تلكة التطبيقات المشتغلة مثل الصورة رقم 3

1461725_593376104057325_1634970160_n

الدوائر المحدد بيهن هاي الارقام معناها المدة الي مشتغل بيها التطبيقة و شكد ماخذ من الرام

حاول تفوت عل التطبيق و تختار ايقاف مثل صورة رقم 4 حتى تسد التطبيق و ما يبقة مشتغل و انت ما محتاجة او تسوي مسح بيانات من خلال الضغط مع الاستمرار على زر الهوم و انوب تروح المدير المهام و تختار رام و تسسوي مسح بيانات

و بهل الحالة تخلصت من مشكلة التطبيقات الي تشتغل بالخلفية و الي تخلي جهازك مشغول بالتطبيقات حتى بعد انتهاء استخدامك للجهاز