هذا الموضوع مرتبط بـ G2

بدون عنوان

TheSpecialist100

2014-03-06 (09:53:20PM)

التليفون دة يا جماعة اقل مايوصف به انه بجد تحفة فنية فى كل حاجة بدون استثناء
شاشة -سرعة -بروسيسور مالوش حل -كاميرا نقية جدا -تصميم انسيابى -صوت نقى وواضح
تهنيج زيررررو -استجابة سريعة جدا....... فعلا ال جى ابدعت فى التليفون دة
تقييمى الشخصى للتليفون حتى الان هو عشرة على عشرة بدون نقاش....

وفى انتظار LG G3 ان شاء الله :)

kariam

2014-03-09 (08:17:56PM)

يعنى ايه الصين فيها مخاطره الناس عاوزه الجراب وانا واحد منهم بس يريت يكون ف جديه شؤيه ى رجاله والجراب الصينى دا كويس قوى برضو

mamdouh1978

2014-03-09 (07:10:01PM)

وفيه الجراب ده وهو عاجبني انا شخصيا وممكن نعمله fast shipping من الصين وحيكون في حدود 14 دولار ويجي خلال 10 ايام بس مشكله الصين فيها مخاطرة شوية بس انا علي استعداد مفيش مشكله بس هو جراب جامد .وواخد تعليقات جيدة وتقييمم ممتاز.عاوز رأيكم يا شباب بالذات ان ده ممكن يقف علينا من 150:170 جنية وكويك ويندو كمان ..

mamdouh1978

2014-03-09 (06:49:36PM)

ده اجمالي الجمارك يا جماعه انا جبت حاجات كتير من برة ودي اسعار الجمارك المصرية 30+10+2 تساوي 42 في المية ...والجراب الاصلي غالي وحتي اللي كانت بتبيعه راية مكنشي الاصلي 100% وجوميا كانت بتطلع جراب برضة كويك ويندو وشغال ومش اصلي 100% وكان ب 225 ...الجراب الاصلي تمنه حيعدي 290:320 جنية لأن تمنة بره 25 :32 دولار مع ضرب السعر في 7.24 يعني من 182:231 من غير الشحن والجمارك ...عشان كدا بقول نجيب حاجة تكون جودة عالية ونفس الشكل والمضمون والسعر يكون في الممتناول ..وفي حاجات كتير خاماتها بتكون اعلي من الاصلي واسعارها افضل

kariam

2014-03-09 (06:15:47PM)

احنا عاوزين الجراب الاصلى يا رجاله

TheSpecialist100

2014-03-09 (05:16:07PM)

جمارك 42% على جراب موبايل ليه !!! وبعدين نتأكد ازاى بقى ان الخصومات حقيقيه فعلا ولا اى كلام... وبعدين انا لاحظت ان كل الجرابات مش مخصصة مكان لأظهار ال led notification ماعدا الاصلى طبعا يعنى فقدنا ميزة مهمة للبعض تقريبا...

mamdouh1978

2014-03-09 (05:14:17PM)

وده لينك تاني لجراب تاني

mamdouh1978

2014-03-09 (05:05:07PM)

هو ده اللينك اللي شغال...اسف شباب علي اللينك الغير سليم..بس ده جراب اعتقد انه مميز...لكن الجراب الاصلي اللي حضرت مشيره ده سعره عادي والخصم ده اللي كاتبينه شغل مبيعات ومش حقيقي...ثانيا تمنه حيكون عالي جدا بعر الشحن والجمارك اللي بتوصل ل 42% يعني ثمن الجراب حيوصل في حدود 300 جنيه ...واعتقد احتمال اكتر ...علي العموم يا ريت الشباب تديني اراء بسرعه عشان انا فعلا مستعجل...ولو حد شايف جراب تاني يا ريت يقول عليه

kariam

2014-03-09 (03:36:50PM)

وانا معاكو يا رجاله لو هتجيبو الجراب يريت كل عضو عاوز الجرب يدخل يقول وندفع الفلوس لااستاذ ممدوح ونجيبو

TheSpecialist100

2014-03-09 (02:57:32PM)

اللينك مش شغال استاذ ممدوح والجراب الاصلى موجود على اللينك دة

وانا شايف انه ممتاز بصراحة خصوصا بعد تخفيض سعرة 50% من 50 دولار ل 25 فقط...
عموما لو فيه اى اراء او مقترحات تانية ياريت نشارك بعضينا بيها...شكرا

mamdouh1978

2014-03-09 (01:47:01PM)

ايه رأيكم في الجراب ده...انا ممكن ابعت اجيبه...هو عاجبني وسعره علي لما يوصل مصر بالشحن والجمارك تقريبا حيكون 200 جنيه وانا عندي عنوان بره وحساب في ارامكس ..وممكن اتبرع بالموضوع ده هديه مني لشباب المنتدي...لو جمعنا 10 جرابات انا جاهز ..وهو جراب من وجهه نظري ممتاز...مستني اقتراحتكم بحاجات تانيه ولو الجراب ده تمام يا ريت نبدأ نجمع العدد وانا جاهز

-
Window-View-Flip-Case-for-LG-Optimus-G2-II-Cover-/181317089535?pt=US_Cell_Phone_PDA_Cases&var=&hash=item2a375738ff

kariam

2014-03-09 (09:21:03AM)

بنسبه لموضوع الجراب ويندوز دا انا سالت الاستاذ هشام وبصراحه الراجل دا طلع محترام جدا وقلى ممكن يجيبو بس طبعا بلطلب يعنى ممكن نجمع هنا مع بعضينا والرجل يجيبو من بره بس سعرو هيكون 250مصرى وانا حالين لسه بدور لموبيلى ع جراب موقتن ولو ف اى جديد يريت نبلغ بعضينها

kariam

2014-03-09 (09:19:04AM)

متشكر جدا ع ردك الجميل دا ى اخ mamdouh1978 وبص عمتن عشان تستفيد بلبطاريه اكتر خليها ع وضع التو جى من اعدادت الشبكه وخلى الاضتءه ع النص زى وضع الفون مهو معمول بس علم علامه صح بقه وخللى الاضاءه تلاقى يعنى ف النور الضعيف الاضاء هتفتح لوحدها وف الاضاء العابيه الاضاء هتقل لوحدها يعنى تظبط نفسها بنفسها مع تشغيل طبعا وضع توفير الطاقه ويريت تخلى الواى فاى تظبط الاعدادت بتعتو يعنى تلغى خصيه انو يبحث ع شبكات الواى فاى تلاقى وكمان تخليه تشغيلو عند تشغيل الشاشه فقط يعنى متخلوش شغال والفون ف وضع الستاند باى بردو دى كلها اشياء هتوفر معاك البطاريه اكتر بكتير واتمنى اكون افدت الجميع

mamdouh1978

2014-03-09 (02:20:19AM)

انا سعيد برأيكم يا شباب وسعيد بالمعلومات اللي الواحد بيستفادها منكم وعلي العموم طبعا انا عارف في فرق طبعا في الاستهلاك بين نوت 2 وال جي...طبعا دي الواحد لازم يأخدها في الحسبان لكن عامتا انا مقدرش انكر كلامكم ان البطاريه جيده لكنك ليست كما كنت اقرا علي المنتدي وكان المنتدي وهذه الصفحه بالأخص من اسباب شرائي للجهاز...احتمال مع التعامل الفترات القادمه اجد اداء افضل للبطاريه بالذات اني استخدم الموبايل منذ 4 ايام فقط...لكن السؤال انا اترك الشاشه علي الاضاءه العاليه مع 3جي ومكالمات العمل طوال النهار فهذا كان تقيمي للبطاريه بالذات انني لست من هواه الألعاب وتتمر في حدود 9 ساعات...فهل هذا طبيعي.ام يجب علي تقليل الاضاءه؟ما لاحظته عند تقليل الأضاءه الي النصف واستخدام ال2 جي بدلا من 3جي فإن عمر البطاريه يكون افضل بكثير ووتكمل معي اليوم للآخره..وهذا ما حدث معي بالظبط..فهل بعد الاستخدام لأيام اكثر سوف يتحسن اداء البطاريه؟افيدوني في هذا جزاكم الله كل خير..وشكرا استاذ كريم للمعلومات القيمه..واستاذthespecilalist100 علي سعه الصدر ...لكم مني كل تحيه...وياريت بجد تفيدوني اين اجد جراب الكويك ويندو ضروري جدا

kariam

2014-03-09 (01:48:29AM)

انا اتفق مع الاخ TheSpecialist100 انى بطاريه الجهاز دا افضل بطاريه نزالت ف موبيل لحد لالاان انا بشحن البطاريه وبتقعد معايه من 12 بليل لحد 2 او 1 الظهر مش بتنزل حتى 1 ف ال100 ووبعدين يا اخ mamdouh1978 انته حضرتك ازى تقارن جهاز برسيسور سناب درجون 800 ببرسيسور زى بتاع النوت2 مهو لو هتكلم بقه هنقول انى بطاريه النوت2 افضل من النوت3 وعن تجربه بردو بص انا اى سمارت فون جديد بينزل بجيبو بصراحه وشهاده حق انى بطاريه الجهاز جباره بمعنى الكلمه والاجى ابدعت ف الجهاز دا الاجى نقصها بس اكسسوار زى سمسونج وهتمسح سمسونج اصلا

TheSpecialist100

2014-03-08 (10:54:16PM)

مفيش غضب ولا اى حاجة نهائى عزيزى ممدوح..
الموضوع هايف اوى على ان الواحد يغضب :) انا بس بوضحلك وجه نظرى مش اكتر فى حاجة انا شخصيا شايفها من اقوى الحاجات فى التليفون ودة بعد مامسكت جلاكسى اس4 ونوت3 واخيرا ايفون 5اس وطبعا اولا واخيرا دة رأى شخصى مش اكتر..

ومش عشان البطارية استمرت معايا 74 ساعة بدون شحن يبقى لازم تفضل مع كل الناس كدة. اكيد كل واحد واستخدامه الشخصى... واخيرا وان كنت استشهدت ببعض المواقع فهذا فقط لزيادة الـتأكيد وليس للـتأكد ذاته لأنى لا اصدق اى شىء فى هذه الحياة سوى بعد مشاهدتها بعينى او تجربتها بيدى شخصيا....

تحياتى لك وسعيد ايضا بتبادل الاراء مع شخصك الكريم

mamdouh1978

2014-03-08 (09:43:31PM)

صديقي لا داعي للغضب هذا منتدي لمناقشةالاراء والافادة..اذا كانت مصادرك عن التقييم من منتديات ومقالات فأعذرني ..الاهتمام الاولي بالتجربة الفعلية كما ذكرت انتي تجربيتك ومن الجائز انها صحيحة ومن الجائز الخطأ..وانا اخذت تقييمي من اصدقائي مالكي الجهاز والذين اراهم بصفة يومية..انها كبطارية لا تتعدي 75 هذا تقيمنا الشخصي ...كما انك لا تستطيع مقارنتها ببطارية الnote 2 لأنه كان معي طيله عامين وهو بالقعل يتفوق من حيث البطارية وهذا بشهاده السوق المصري كله ...اما بطارية النوت 3 فلم اجربها . عموما لا داعي للجدال في هذه النقظة من المكن ان تكون نسبية من شخص لأخر..وسعيد بتبادل الاراء معك..شكرا

TheSpecialist100

2014-03-08 (08:35:52PM)

وتقييمى الشخصى حضرتك دة يتفق تماما مع كل تقيمات المواقع الاجنبية المتخصصة واراء ناس لا تعد ولا تحصى على مواقع سعودية وعربيه والجميع اجمع انها بالفعل من افضل بل افضل بطارية هاتف محمول حتى اللحظة...
يبقى ماينفعش نيجى على اهم واقوى حاجة بتميز التليفون ونديها 75 % !!!!!!
والبطارية بالفعل قعدت معايا 74 ساعة بالتمام والكمال زى ماقولت قبل كدة لا ازيد ولا اقل
مع العلم انا كان معايا النوت 3 ببطارية 3200 وطبعا مفيش وجة للمقارنة...

mamdouh1978

2014-03-08 (08:00:07PM)

اتفق معاك انه تليفون رائع ...وهو معي ومع ثلاثة من زملائي...لكن لا داعي للمبالغة صديقي في قوة بطارية الجهاز لأنني قمت بعمل عده اختبارات انا وزملائي ..وصراحتا هي ليست بالبطارية الجبارة كما تذكر ..هي بطارية جيدة لكنها لا ترقي لبطارية ال note2 ... او بطاريات السوني Z ...فلا داعي للمبالغة فأعلي تقييم من وجه نظري ووجه نظر الكثير لا تتعدي 75% .

TheSpecialist100

2014-03-08 (02:49:38PM)

نسيت اقول كمان ان البطارية ودى اهم حاجة بالنسبالى جباااااااااااااااااااااااااااااااااااارة بكل المقاييس
قعدت معايا 74 ساعة (اكتر من 3 ايام) متصلة بدون شحن نهائى واستخدام من خفيف الى متوسط
( شوية فيس على تويتر على كام فيديو على شوية مكالمات كتير على رسايل )

دة على كدة انا كنت واخد خازووق كبير فى الايفون !! :)

HeshamKhater

2014-03-06 (10:10:22PM)

انا معاك فى كل حاجه قولتها

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن LG G2

مقارنة

Android
1080 x 1920 pixels, 5.2 inches (~424 ppi pixel density)
3G

2G / 3G
13 MP, a...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن LG G2

Android

1080 x 1920 pixels, 5.2 inches (~424 ppi pixel density)

3G

13 MP, a...