بدون عنوان

للرجوع الي صفحة ال جي G2 الرئيسية اضغط هنا

ahmedemam2020

2013-12-12 (04:51:39PM)

يا جدعان الموبيل هينزل بـــ 5000 جنيه النسخة 16 جيجا ودة اقل حاجة يبقى اسمه نصب
الكل يكلم الكول سنتر بتعهم ويقدم شكوى ويقلهم احنا عوزين نتعامل معامله باقى الدول انتوا كدة بتنصبوا علينا ولازم النسخة 32 كمان
صدقونى بالضغط هنجبرهم على كدة لانها شركه عالميه انما الوكيل هوه الى خحرامى وهمة هيظغطوا علية انة ينزل السعر
غير كدة يبقى هنلبس الموبيل حرام يعنى احنا مش بالاقى الفلوس دة بتوع الريالات والدراهم اخرهم النسخة 32 بى 3800 بالمصرى
احنا ينزلوه 16 جيجا وكمان بى 5000

DrGeorge

2013-12-12 (05:06:53PM)

قولت الكلام دة يا عم احمد من اكتر من 10 ايام وطلبت الناس انها تدخل على الصفحة الرسمية بتاعت ال جى مصر على الفيس ونطلب منهم ان الموبايل ينزل بنفس تمنه فى الدول العربية عشان انا كنت عارف انه هاينزل بالتمن دة من وقتها بس طبعا لا حياة لمن تنادى على اساس ان ال 5000 جنية حاجة عادية عند كل الناس !!!!

واذا كانت النسخة ال 16 ب 5000 يبقى اكيد النسخة ال 32 مش اقل من 5400 على الاقل ,,,
متهيألى التمن دة هايخلى ناس كتير تعيد التفكير تانى فى الموبايل ... بجد يا خسارة

Ahmed1983

2013-12-12 (05:32:26PM)

إنتوا متأكدين من الكلام ده يا جدعان ؟! 5000 جنيه؟ طب هنعمل إيه يا رجالة .. مفيش غير جرير بقى وخلاص .. ومعرض بقى يا جورج إستغني عن الضمان ..

DrGeorge

2013-12-12 (06:15:01PM)

انا سمعت الكلام دة بالضبط من واحد اعرفه سأل حد معرفة ليه فى التوكيل ودلوقتى احمد أكد نفس الكلام بس مش عارف مصدره اية ؟؟ بس بصرف النظر عن المصدر كدة الموضوع تقريبا اصبح مؤكد وبصراحة التمن كدة مبالغ فيه خصوصا انى كنت عايز النسخة ال 32 ... بصراحة لا تعليق

ahmedemam2020

2013-12-12 (06:23:35PM)

انا كلمت الصافى الوكيل بتعهم وقلى ان هينزل بــ 5000 وكمان واجد صحبى قلى انه متاكد من السعر دة انه برضوا هينزل بى 5000
وبعدين دة نصب بجد
يا ريت الناس تكلم الكول سنتر بتعهم وتقلهم ان نصب وسرعه مش الصفحة الكول سنتر خدمه العملاء بتاعت ال جى
وتقلهم انها هتشترى اى موبيل تانى صدقنى الظغط ممكن يخليهم ينزلوا السعر ويوفروا النسخة32

DrGeorge

2013-12-12 (06:52:34PM)

لية هو توكيل الصافى دة قالك ان النسخة ال 32 جيجا مش هاتنزل كمان ؟؟!! يعنى هاينزلوا ال 16 جيجا بس وب 5000 !!!!

ahmedemam2020

2013-12-12 (06:59:41PM)

ايوه 16 جيجا بى 5000
32 لسة مجتشى المفروض نكل ال جى نبهدلهم ونقدم شكاوى
لو كلنا اتكلمنا هيخافوا لان دى سمعة شركه
انا قدمت شكوى وقلتله ان دة نصب يا ريت الكل يتكلم علشان نظغط عليهم

Ahmed1983

2013-12-12 (07:57:44PM)

يا جدعان شوفوا هتعملوا إيه و أنا معاكوا بكل قوتي ...أنا كلمت الأستاذ youssef89 النهاردة بخصوص تجربته مع الجهاز و الصراحة الراجل محترم جدا وخلاني أحب الجهاز أكتر... على العموم لو الجهاز سعره متظبطش.. هيكون مصيره الفشل تجاريا لإن سعره هيتجاوز سعر النوت ٣ اللي الناس هنا في مصر بتعتبره معجزة علمية ..

DrGeorge

2013-12-12 (08:18:43PM)

احمد امام
انا فعلا عملت كدة من فترة لما حسيت ان التمن هايبقى كدة وبعت ايميل للشركة الام فى كوريا لكن فوجئت انهم ردوا عليا وقالوا ان توكيل ال جى مصر هو المختص بتحديد تمنه فى مصر وانهم اساسا مش مسعرين الجهاز لينا هنا فبتالى الوكيل المفترى هو اللى متحكم فى السعر من الالف للياء..
فواضح كدة انهم هيبتدوا يمشوا على نفس خطوات سامسونج وهايبقى الحل كالعادة ان الجهاز يتجاب من غير ضمان للاسف

amr905

2013-12-12 (11:46:05PM)

في ناس بتبيعه علي دوبيزل باسعار رخيصه ففي واحد بيبيعه 4300 نسخه 32

DrGeorge

2013-12-13 (12:11:51AM)

ماهو ياعزيزى عمر مشكلة الناس بتوع دوبيزيل دول انهم بيبعوا الجهاز ومع السلامة بعد كدة وبيختفى للابد يعنى لاقدر الله لو الموبايل طلع فية حاجة ولا عيب هايبقى اية العمل ساعتها ؟؟؟
واستحالة ومن رااااابع المستحيلات انك تعرف توصل لصاحبه بعد كدة ماتنساش احنا فى مصر ام الدنيا :)

تلك الخدمة مخصصة للأعضاء فقط