هذا الموضوع مرتبط بـ G2

بدون عنوان

Ahmed1983

2013-12-09 (10:19:45AM)

أعترف بهوسي الشديد بهذا الهاتف ... لقد أحببته حقاً .. وأنا علي قناعة تامة بضرورة حبك وإرتياحك للجهاز الذي تقتنيه فهو رفيقك طوال اليوم ... لذلك وبالرغم من كون المنافسة بينه و بين جهاز النوت 3 تصب في مصلحة الأخير إلا أني حسمت أمري وقررت شراء هذا الجهاز بالرغم من عدم نزوله مصر من الأساس و عدم وجود أي إكسسوارات له كما أن إنتظار دعم للجهاز من إل جي يظل مقامرة غير مضمونة .. أما إذا فكرت في بيعه فسأخسر به كثيراً .. ولكن لا بأس .. ما زال هذا الجهاز هو المفضل بالنسبة لي .. في الحقيقة أندهش كثيراً من كون التعليقات الخاصة بصفحة هذا الجهاز لا تتجاوز 300 تعليق منذ نشأة هذه الصفحة وهو الرقم الذي يحققه النوت 3 في يوم واحد .. وحتي مالكي الجهاز لا يرغبون في مشاركة باقي الأعضاء بتجربتهم .. ولكن لا يهم أيضاً .. ما زالت كفة lg g2 هي الراجحة بالنسبة لي .. لماذا ؟ لأنه جهاز يحمل تصميم جذاب ومختلف في ظل وجود شاشة كبيرة رائعة بحق وبإطار شديد النحافة و شكل إنسيابي بأزرار مختلفة وإمكانيات هائلة بمعالج هو الأفضل حتي الآن وسرعة ممتازة وبطارية جبارة وواجهة متميزة وحجم مناسب وخصائص مفيدة وسعر متوازن .. لماذا أترك كل هذا وألهث وراء سامسونج؟؟ لقد سئمت من تصميماتها المكررة المتواضعة ومن واجهة سامسونج الكئيبة الداكنة حتي أصوات نغماتها وإخطارتها تصيبني بالغثيان وصرت لا أفرق بين جالاكسي جراند أو إس ثري أو ميجا أو .. أو ... الكل ذات التصميم ... ذات الواجهة ... مع إختلافات طفيفة بين هذا وذاك ... أعتذر لكل محبي سامسونج .. ولكن هذا رأيي الشخصي الذي أعلم تماماً أنه ينافي حسابات و منطق السوق المصري .. وقد لا أجد من يتفق معي قط ... ولكني أحببت هذا الجهاز ..
Lg g2 mobile for me

Ahmed1983

2013-12-09 (11:42:53PM)

موضوع الرامات ده نزلتله إل جي تحسين من d802 10b إلى d802 10c ... ومعتقدش إن نسخة 32 ممكن تنزل من 2399 ريال إلى 2000 ريال .. صعب جدا يا أبو حميد .. أتمنى إن سعره في مصر يكون مناسب و يا ريت ينزل منه 32 جيجا ... أنا خلاص كنت إبتديت أفقد الأمل إنه ينزل مصر ...

ahmedemam2020

2013-12-09 (06:38:15PM)

بس هوه فى سؤال محيرنى شوفت فى فديهات ناس بتقول الباقى من الرامات تقريبا 800 ميجا وناس تانيه بتقول 1.2 جيجا انهى الصح
وهل بتختلف من النسخة العالميه وبين النسخة الكورى ولا ايه
وهل بتختلف بين النسخة 16 جيجا و 32 ودة اعتقد لا بس مش متاكد طبعا
ونسخة الشرق الاوسط بتعتنا الى باقى من الرمات بيبقى كام تقريبا

ahmedemam2020

2013-12-09 (06:25:03PM)

جوووو عم جورج
انما يوسف مش بيرد علينا خالص
بنسبه لتحديث الاندوريد كيت كات دة خبر ان نازل وان ال جى غيرت حوار اهملها للتحدثات خصوصا مع G2 لان هتبدا سياسه تنافسيه دة من كلام واحد شغال فى ال جى

انا مستنى الموبيلينزل واشوف السعر الرسمى لو فعلا بى 5000 هجيبه من السعودية وش وانا واحد صحبى سالىعلية وقلى بى 1950 ريال 16 واللنسخة 32 لسة حصرى عند جرير دة كان من يجى اسبوعين تلاته كدة
ممكن على اخر الاسبوع تكون نسخة 32 نزلت فى السعودية او دبى بى 2000 ريال او درهم
لانى مشتاق اوى للفون دة وجبنى جدا .. واكيد ان شاء الله اى حاجة هعرفها عن الفون هقلها ومستنى بس اجيبه
والف مبروك لاى حد يجيبه لان الفون جامد ومحدش اشتكى منه خالص

Ahmed1983

2013-12-09 (05:46:03PM)

أحمد إمام باشا ... أهلا بيك معانا ... ولو إنك تعتبر من أقدم الناس اللي متابعة الجهاز ده ... أستاذ يوسف إشتري الموبايل خلاص ... إنما أنا و إنت و دكتور جورج لسة منتظرينه ينزل و البديل بالنسبة ليا إني أجيبه من السعودية بإذن الله ... يا ريت تتابعنا بالجديد اللي عندك ... تحديث الكيتكات بيقولوا في نهاية مارس مش في يناير .. نفسي حد فينا يجيب الفون بسرعة عشان يفيد الباقي لإني مش عارف أستاذ يوسف إنقطع عننا ليه ...

ahmedemam2020

2013-12-09 (05:33:49PM)

كدة الى هيجيبه وخلاص قرار نهائى جورج واحمد وانا
جو انت كدة هتجيبه اول واحد فينا يعنى مبروك مقدما يا برنس
بس لما تجيبه هزهقك من كل الاسئله ولو انى عارف انك برنس وعمرك ما بتتاخر على حد فى حاجة :)

ahmedemam2020

2013-12-09 (05:10:27PM)

ازيكوا يا شباب .. انضم ليكوا فى حب الفون دة
ومتفق معاكوا فى كل حاجة
واعتقد بالنسبه للتحديث ان قريت ان ال جى هتنزله اندرويد كيت كات فى يناير
وبنسبه للنزول هوه خلاص اسبوه او اقل ونازل مصر والشحنه دخلت المينا ونازل بسعر فى حدود 5000 جنيه دة كلام الوكيل
فا بصراحه الفرق كبير اوى لان فى السعودية عامل 1950 16 يعنى تقريبا 3600
ولو كافر الجهاز واسكرين 200 ريال يعنى قول 4000 جنيه فا برضة الفرق الف جنيه يعنى تقريبا 20% من تمنه فى مصر دة غير الكافر الاصلى والاسكرين
وبنسبه لنسخة 32 هية الى بتنزلها حصرى مكتبه جرير وممكن تلاقى 32 فى حتت تانيه ارخص على 2200 ريال او اقل بشويه وكدة يبقى فل اوى ويا ريتلو عرفت النسخة 32 فى مكان ارخص تقولى
لانى خلاص قرار محسوم لى G2
ويا ريت مره تانيه اى حد معاه الجهاز يعملنا مراجعه لية

Ahmed1983

2013-12-09 (04:13:03PM)

أنا مسافر السعودية بإذن الله نهاية يناير إنشاء الله ... لو الجهاز نزل مصر قبل كدة بفرق سعر بسيط عن السعودية هجيبه من مصر بإذن الله .... و يا ريت يا دكتور متبخلش عليا بأي معلومة تخص الجهاز ده ... لإنك كنت غاطس اليومين اللي فاتوا ... وكنت سايبني هنا لوحدي مش لاقي حد يونسني ..

DrGeorge

2013-12-09 (04:05:42PM)

هههههههه نيتروجليسرين مرة واحدة دى الحالة شكلها متاخرة اوى عموما هاتلحقه انشاء الله قبل مايودع خالص الوكيل بيقول خلال ايام معدودة يعنى اخر الاسبوع دة او اول الاسبوع الجاى بأذن الله والسعر بالتحديد غير محدد الى الان فى التوكيل,, انا عارف ان الانتظار طااال اوى و الموضوع اصبح بايخ للغاية بس بصراحة برضة انا بفضل الضمان المحلى عشان زى ماقولتلك مفيش حاجة مضمونة 100% لأنى ممكن بسهولة اجيبه من السعودية او الامارات لوجود اصدقاء لى هناك ولكن اذا لاقدر الله تم اكتشاف مشكلة ما او عيب تصنيع فما العمل ؟؟ لذا افضل الشراء من هنا افضل

Ahmed1983

2013-12-09 (03:42:09PM)

هو التوكيل قالك الموبايل هينزل إمتي مصر ؟؟ و متوقع يكون بكام ؟؟ ومن وجهة نظرك أستني أفضل و أجيبه من هنا ولا أجيبه من مكتبة جرير وخلاص؟؟؟ عشان مش قادر أستني أكتر من كدة لإني الموبايل اللي معايا دلوقتي بيعاني من وعكة وكل يوم بديله أقراص نتروجلسرين ..

DrGeorge

2013-12-09 (03:33:33PM)

اخى العزيز احمد ولله انا منتظر نزوله بشكل رسمى فى التوكيل لأنى بصراحة حابب انى اشتريه بضمان لأن مفيش حاجة مضمونة فى الوقت دة بنسبة 100% فانا شخصيا افضل الضمان المحلى وخلاص هانت كلها ايام على كلام الوكيل وربنا يسهل لأنى فعلا متشوق للجهاز دة بشكل كبير جدا

Ahmed1983

2013-12-09 (03:04:22PM)

د.جورج .. أ. وليد .. أشكركم كثيراً ...
د.جورج نويت تجيب الجهاز منين وإمتي ؟؟

walidelsaid

2013-12-09 (02:15:51PM)

وانا ايضا يا عزيزي Ahmed1983 اتفق معك نماما ودائما ابحث عن الممتع لي شخصيا وما يرضيني انا لا ما يرضي حسابات السوق ولذلك اقتنيت lg p920 و lg x4 و lg e960 nexus 4 واخيرا lg optimus g واري ان خامات lg افضل كثيرا من سامسونج وكذلك التصميم والشاشة اكثر من رائعة وامكانات تغطي احتياجاتي الضرورية بدون امكانات اضافيه لا تستخدم كثيرا وتتسبب فب بطئ الجهاز كما هو الحاصل مع سامسونج والنقطة الوحيدة السلبيه بحق هي تاخر تحديثات lg بشكل محبط وكذلك قلة او انعدام الاكسسورات اما عدا ذلك فأنا اري ان موبايلات lg تتفوق وخاصه فيما يتعلق بالسعر
اما عن السوق المصري فهو ربما يكون اعجب اسواق العالم من حيث نمط المستهلك ولو تذكر انه في وقت ما كانت نوكيا هي رقم واحد في السوق وياتي بعدها بمسافات كبيرة جدا باقي الشركات ثم صار الامر الان لصالح سامسونج .. والحق يقال ان سامسونج الاكثر تفوقا في الدعايه والتسويق لمنتجاتها
صديقي اشتري LG G2 واختار فقط ما انت مقتنع به ودع عنك حسابات السوق والمنطق والمكسب والخسارة لأن كل الموبايلات من كل الموديلات وخاصة الغاليه منها تخسر كثيرا عند اعادة البيع والفرق ان البعض منها يتم بيعة بسرعة اكبر والخسارة فيه اقل ( نسبيا ) من غيرة

DrGeorge

2013-12-09 (01:55:17PM)

انا متفق معك تماما فى كل ما ذكرته وصدقنى لا يهم تماما رأى الناس التى تجرى دائما وراء الاسماء والماركات والبرندات ..

انت الذى سوف تدفع تمن الجهاز وليس الناس
انت الذى سوف تستخدم الجهاز وليس الناس
انت الذى تعلم ما تحتاجه وما يلزمك وليس الناس

لو كل حاجة هانعمل فيها حساب الناس يبقى عليه العوض ومنه العوض.. ( مجرد رأى شخصى )

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن LG G2

مقارنة

Android
1080 x 1920 pixels, 5.2 inches (~424 ppi pixel density)
3G

2G / 3G
13 MP, a...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن LG G2

Android

1080 x 1920 pixels, 5.2 inches (~424 ppi pixel density)

3G

13 MP, a...