هذا الموضوع مرتبط بـ G2

بدون عنوان

Ahmed1983

2013-11-23 (02:25:57PM)

أشتري جالاكسي نوت 3 و لا إل جي جي 2 ؟
سؤال محيرني جداً ... و لا يزال .. لا سيما وقد قررت تغيير تليفوني الحالي htc one x .. وقررت إني آخد رأي بعض من أصدقائي وأصحاب متاجر الموبايل وكانت الإجابات كها في صالح النوت 3 فمنهم اللي قاللي " إل جي مين ؟ يا عم هي ناقصة مرض ؟؟ نوت 3 هو البوب دلوقتي " ومنهم اللي قاللي " هات النوت 3 وش وحط فلوسك في المضمون" ولما جيت سألتهم عن عيوب إل جي جي تو من وجهة نظرهم إكتشفت إنهم تقريباً ميعرفوش حاجة عنه ... وعشان كدة أنا مستفدتش حاجة ومقتنعتش برأيهم ... وقررت إني أخش علي موقع متخصص في ناس محترفة تقدر تجاوبني إجابة موضوعية مقنعة ... عن نفسي أنا شايف إن جالاكسي نوت 3 يتميز عن ال إل جي 2 في :
• الرام أسرع .
• كافة خواص القلم الضوئي.
• البطارية أكبر وقابلة للتبديل.
• يوجد منفذ ذاكرة خارجية.
• تفوق واضح من الناحية التجارية وسعر إعادة البيع.
وفي المقابل أجد إل جي جي 2 يتميز عن النوت 3 في :
• شكل أفضل بفضل الحواف النحيفة و الأزرار الخلفية الفريدة و حجم أصغر و أسهل في المسك والإستخدام ." ميزة أساسية "
• صوت أنقي بفضل سماعات هاي فاي تدعم 24-bit / 192kHz كما أن سماعات الرأس " كواد بيت " تقدم أداءاً موسيقياً راقياً يفوق سماعة سامسونج."ميزة أساسية"
• خواص ممتعة " نوك أون ( النقر المزدوج لفتح وقفل لوحة المفاتيح ) – كويك ريموت كبرنامج مدمج أساسي يدعم العمل علي كافة الأجهزة كريموت كنترول بما فيها التكييفات وهو أفضل من التطبيق الموجود بمتجر الاندرويد – نظام الجست مود لمنع التطفل - خاصية كيو سلايد "
• كاميرا أفضل بفضل خاصية ال ois " منع الإهتزاز" وتصوير فيديو بسرعة 60 إطار في الثانية مع الإستفادة بخصائص مميزة كالأوديو زووم ..
أما في أفضلية الشاشة فلا أستطيع التحديد أيهما أفضل سوبر أموليد أم ترو إتش دي آي بي إس lcd فالإثنين رائعين فتتميز الأولي بقوة السطوع وبالألوان الزاهية وعمق اللون الأسود وتتميز الثانية بالواقعية من خلال ألوان حقيقية و كثافة بيكسلات أكبر..
باقي المواصفات تقريباً واحدة من حيث المعالج والأداء و البطارية ...
من وجهة نظري .. أري أن إل جي تو أفضل حتي الآن .. ولكني كما أري بهذا الموقع هناك آراء فنية جديرة بالإحترام .. أتمني أن تساعدني في المقارنة و الأختيار أيهما أفضل نوت 3 أم إل جي 2 و لماذا ؟

CCCCCCCCCCCC

2013-11-29 (08:12:34PM)

اشتري جالاكسي نوت 3

Youssef89

2013-11-26 (02:25:23AM)

انت كل الى حضرتك قولته مظبوط انت بصيت من ناحيه الامكانيات ..
انا معايا جى 2 والجهاز جميل جداً بس الاختيار يرجع لحضرتك من ناحيه كبر الشاشه فى النوت والالوان انا مرتاح معاها جداً . ولو حضرتك عايز مساحه كبيره هات ال 32 علشان بيتبقى تقريباً 10.6 من المساحه .. مش متذكر بالضبط .. البطاريه كويسه جداً .. والرامات الى بيتبقى منها 1 جيجا تقريباً بس هى بتكفى كل الى انا بعمله يعنى على الجهاز .. كده قولتلك كل ملاحظاتى .. انا اخترت الجى تو علشان بقيت اجهزه سامسونج مفهاش اى حس جمالى فى الشكل ومفيش اى تغيير والناس كلها ماسكه سامسونج علشان لما تبيعها .. ولو فى اى استفسار انا موجود واروجو اكون افدتك

DrGeorge

2013-11-23 (10:28:32PM)

رفيقى الجديد Ahmed1983 مرحبا بك فى عالم LG :)
اشكرك على كلامك الجميل واسلوبك الراقى وصدقنى انا سبب حبى و اقتناعى الشديدين بهذا الهاتف هو كل ماهو مختلف وفعلا التليفون دة مختلف و زى ماقلت ليه بصمة واضحة اوى فى كل المواقع العالمية والاجنبية المتخصصة والاشادة به فاقت كل التوقعات لكونه اولا واخيرا موبايل...

-----------------------------------------------------------------------------------------------------------
عزيزى skywarrior
مش انا صدقنى اللى خليتهم جيجا ونص :) انا اللى شوفته بعينى فى 3 موبايلات فى التوكيل واخيرا الرابع لما اخويا اشتراه من فترة ومسكته ولاقيت المتبقى من الرام للمستخدم هى 1.6 جيجا زى اللى شوفتهم فى التوكيل بالضبط,,,, وعلى فكرة كان فى اخ مصور من موبايله النوت3 سكرين شوت للرام فى صفحة النوت 3 وكان نفس الكلام برضة.... متهيألى فيه حاجات ماينفعش يختلف عليها اتنين ولا اية!!! تحياتى

SkyWarrior

2013-11-23 (09:38:40PM)

DrGeorge
مع احترامي
النوت3 3G المتوفر من الرامات فعلياً 2.66 والفور جي 2.38 ،، أزاي تخليهم جيجا ونص ؟

بالنسبة للألوان ،، ميزة الأموليد هية الألوان الواقعية من خلال الفايبر العضوي الموجود فيها :)
صحيح انه مبيبانش في النوت 3 لان نفس البكسلات من الاس 4 هية هية في النوت 3 في وجود رزليوشن أكبر بتقل الكثافة والتركيز

فارق البطارية بكل تأكيد يروح للنوت 2 لأن كتير مننا بنحتاج نغير البطارية لأكتر من سبب

ahmedemam2020

2013-11-23 (07:08:47PM)

ازيكوا يا رجاله :)
بص يا احمد انا بقالى تقريبا شهر عاوز اجيب فون جديد واعد بدور فى ل المواقع بتاعت الموبيلات وجروبات الفيس والب الناس هنا سالتها على الفون
واستقريت على G2 وواحد صحبى هيجبهولى من دبى
بص انا بعد كل المقرنات وراى الناس والمواقع استقريت على كام فون وصفيت بهم همه
not3 P ؛ Z1 ؛ S4 ؛ LG G2
بصراحه ودة راى وراى ناس كتير ومن معلومات ومقارنات على النت LG يكتسح ال S4 ؛ Z1
نيجى بقى لى not 3 هوه تقريبا نفس امكانيات G2 ويتفوق عنه فى الرام وكبر الشاشه الى انا بعتبرها عيب لان الفون صعب جدا تتعامل معاه بايد واحدة وميزه كارت المومرى الى ممكن تنساها لو جبت النسخة 32 جيجا من G2 واعتقد دى مساحة مناسبه اوى لان جايب فون من لاب طبعا
اما G2 d يكسب فى الشاشه انقى الكاميرا حلوه اوى حجم مناسب بروسيسور قوى صوت واضح ونقى تصميم جميل
واهم حاجة والى شدانى لية طبعا بعد ان فون قوى حاجة مش عند كل الناس او عند ناس قليله وهية انك تبقى شخص different مختلف كل الناس بتجرى على السامسونج وانا محبش ابقى زى زى كل الناس احب ابقى معايه حاجة مش مع الكل وبردوا حاجة حلوه ومن شركه محترمه وامكانيات روعه
وبدليل ان G2 واخد احسن فون لعام 2013

حاجة كمان مرجعه عندى G2 عن ال not وهية انى عاوز سمارت فون بس من حاجة اقرب لى التاب
لان not فى اوبشن كتير اوى مش هتستفيد بيها لو جايب سمارت فون بس ولاحظ من اسمه not
يعنى من الاخر لو مش هتستخدم القلم كا not مش هتستفيد من امكانيات كتير فية واحنا كا عرب مش فهمين الفرق بين تلفون عادى اسمارت فون و فون not
يعنى فى اخركلام انا برجع G2 كا سمارت فون وامكانيات روعه وحجم مناسب
انا الى بقلهولك دة من كلام ناس كتير سالتها ومعلومات على النت
وبعدين راى الشخصى فى النهاية انا افضل ال G2 عن اى فون دلوقتى
واتمنى اكون افتك واستفدكتير من كلام الناس هنا ومستنين رد باقى الاعضاء علشان كلنا نفيد بعض

Ahmed1983

2013-11-23 (06:01:40PM)

الأستاذ جورج ... راقبت جيدا في الفترة الماضية حماسك الكبير لهاتف إل جي جي تو ودعمك لصفحة الهاتف بهذا الموقع و بمواقع أخرى بمشاركتك الفاعلة و التي ينبعث منها طابع واضح و هو حبك للهاتف و ليس قناعتك به فحسب .. وهو أمر أشعر به أيضا تجاه هذا الهاتف صاحب البصمة الفريدة .. لذا فنحن رفيقين في هذا الصدد .. ولعله مما يزيد ميلي للإل جي جي ٢ هو رفضي الإنسياق خلف أجهزة سامسونج تحت مظلة السير مع التيار ..
الأستاذ شبراويشي .. صدقني الموضوع مش فرق الألف جنيه ... أنا بفضل الإل جي حتى لو كان نفس سعر النوت ٣ لإني شايف إن مميزاته أنسب ليا وحجمه أفضل مع أداء قوى و سرعة عالية و بطارية محترمة و كاميرا رائعة و شكل فريد ... بس أنا لسة منتظر تجارب مالكي الجهاز تخوفا من ظهور سلبيات قد تكون فارقة في الإختيار

DrGeorge

2013-11-23 (05:58:19PM)

يعنى انت شايف يا أخ شابرويش ان ال جى 2 خد احسن موبايل لعام 2013 لمجرد ان تمنه مناسب لأمكانياته فقط لاغير !!!! يا راجل حرام عليك :)
الناس اللى برة دى مابتفكرش كدة نهائى ولا يمكن انها تقيم حاجة بمقياس التمن نهائى لأن دة مش وارد فى قاموس حياتهم اساسا ومش فارق معاهم اية الارخص واية الاغلى ..التقييم والاختيار يا عزيزى بناءا على اساس واحد فقط وهو كفاءة الهاتف واحسن امكانيات فعلية يمكن للمستخدم الاستفادة بها فعليا وعلاطول مش مجرد مولد اوبشنز وحاجات كتييييييير اوى مالهاش اى استخدام فعلا سوى انبهار المستخدم بها لاول يومين تلاتة فقط وبعد كدة هاينسى اصلا انها موجودة فى الهاتف ذى بالضبط الحال فى النوت 3 اوبشنز مالهاش اول من اخر لكن تقدر تقولى انت بتستخدم فيها اية بالضبط؟؟؟؟

هو دة اللى خلى ال جى 2 يتفوق عليه مش موضوع التمن خالص وبالنسبة لحجم الشاشة انا شايف انه مبالغ فية بصراحة وانا بكلمك عن تجربة لأن اخويا اشتراه بالفعل نسخة الفور جى ورجعه صدقنى بعد يومين فقط من شراءه بسبب حجم الشاشة وصوته المنخفض نسبيا وعيب طلع فى الكاميرا...
وبالنسبة الى موضوع الدعم اللى مخوفك اوى احب اقولك ان سياسة ال جى الخاصة بالدعم تحديدا اتغيرت 180 درجة بصدور هذا الهاتف ودا طبعا مش كلامى دا كلامى المواقع العربية والاجنبية المتخصصة وتأكيدا لهذا الكلام ان ال جى 2 هو اول هاتف هيتم تحديثه لل كيت كات اخر الشهر القادم...
واولا واخيرا هى ازواق وراحة نفسية مش اكتر...شكرا

shaprewesh

2013-11-23 (05:07:52PM)

لا معلش هوه عالرغم من حبى الشديد لالى جى جى 2 الا ان الحق يقال النوت 3 افضل فى حاجات كتير .. منها حجم الشاشة و الدعم (اى مشكلة هتقابلك هتحلها فى وقتها لانك لو دخلت اى منتدى هتلاقى كذا حد بيرد عليك ده بجانب التحديثات اللى بتنزل اول باول و ده طلعا عكس الال جى) سيبك من موضوع الرام 2 ولا 3 اصلا 2 جيجا حلو اوى اوى على موبايل اندرويد فالاتنين كده كده ادائهم ممتاز مفيش اختلاف فى الحتة ديه ...
نيجى بقه لاهم نقطة فى الموضوع ده .......
الغاوى ينقط بطاقيته ... يعنى ايه الكلام ده .. يعنى لما يكون موبايل جامد اوى اوى اوى و سعره 5500 جنيه و موبايل برده جامد اوى و هيوفيلى احتياجاتى و ب 4500 جنيه ... ايه رايك اشترى انهى ؟!؟!
لو انت الالف جنيه الزيادة ديه متفرقش معاك فى حاجة يبقه حرام عليك لو مشترتش النوت 3 زى ما قولتلك شاشة كبيرة و دعم و كاميرا ممتازة.
لكن لو انت عاوز توزن الامور موبايل ممتاز و سعره مناسب على اد امكانياته يبقه تجيب جى 2 و انت مطمن !!!!! و عشان كده هوه خد احسن موبايل 2013

DrGeorge

2013-11-23 (04:54:07PM)

على ما اعتقد يا احمد انت جاوبت على نفسك واجابة شبة بالتفصيل كمان المقارنة فى صالح الجى 2 بالتأكيد بس احب اصححلك معلومتين
الاولى ان رامات النوت 3 مش اعلى ولا حاجة المتبقى من ال 3جيجا هو 1.6 جيجا فقط للاستخدام اما بالنسبة لل جى 2 فهو 1.83 جيجا من 2 جيجا
الثانية المتعلقة بالشاشة فكما ذكرت شاشة ال جى 2 تتميز بالواقعية والالوان الحقيقية وكثافة بيكسلات اعلى والفرق واضح تماما بين الشاشتين فى مئات المقارنات على اليوتيوب و دة مثال توضيحى فقط

واخيرا حصول ال جى 2 على المركز الاول عالميا كأحسن وافضل هاتف ذكى لعام 2013

تحياتى

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن LG G2

مقارنة

Android
1080 x 1920 pixels, 5.2 inches (~424 ppi pixel density)
3G

2G / 3G
13 MP, a...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن LG G2

Android

1080 x 1920 pixels, 5.2 inches (~424 ppi pixel density)

3G

13 MP, a...