هذا الموضوع مرتبط بـ G Pro Lite Dual

السلام عليكم

nadonado

2014-09-26 (10:06:41PM)

انا نفسى فى موبيل نفس الامكانيات زى دا شاشته كبيره والكاميره 8 ميجا او اكتر بي سعره ميزدش عن 1500 وعندى سؤال هل السامسونج افضل من ال جى ولا لا ؟

TrainerMohamedtayel

2014-10-09 (06:00:22AM)

نصيحتى السعر ده و الامكانيات ده و اعلى منها جى تايد e90

الصفحة هنا هتفيد حضرتك و عارضه ليه فيديو مفصل كامل و تجربة لكل الالعاب عليه :)

MahmodElmenawy

2014-09-30 (09:31:25PM)

والأبيض ب 1720

والإكسسوار بقة ربنا يسهل أنا ع الموم ناوي أجيب الموبايل ده لوالدي إن شاء الله بس أديني بدور لو لقيت حاجة البروسيسور بتاعها أعلى شوية وحجم الشاشة ميقلش عن 5 انش وف نفس السعر هجيبها غير كدة هجيب ده إن شاء الله :)

MahmodElmenawy

2014-09-30 (09:29:27PM)

بصو يا جماعة .. مفيش ولا موبايل سامسونج عدل بالنسبة للسعره غير فئة النوت ودي أعتقد بتكون أفضل إبداعات سامسونج وأسعارها بتكون معقولة بالنسبة لمواصفاتها غير كدة يبقة بترمي فلوس في الأرض
وبالنسبة ل G Pro Lite Dual
موجود على سوق.كوم الأسود ب 1688 ج والأبي

nadonado

2014-09-30 (03:15:45PM)

انا سالت امباره على موبيل برو لايت دوال قالى ب 1999 لاكن هنا ب 1750 انا مش عارفه ايه دا ؟؟؟؟

Alikhaled

2014-09-28 (01:56:39PM)

اممممممممممم يبقى تسالى عندك فـ اسيوط وتشوفى هل فيه جرابات ولا لا بس لو فـ مصر متوفرة من غير مشاكل

nadonado

2014-09-28 (10:10:28AM)

اشكرك على الرد بس ناس قالتلى ان قطع الغيار بتاع الفون ال جى برو لايت مش متوفره غير قليل :( وغير كدا حضرتك بتقولى جراب من 3 شهور هوا ليه محدش مهتم ب ال جى الاغلبيه مهتم ب سامسونج انا حضرتك من اسيوط معرفش الامير ولا الافوكاتو

Alikhaled

2014-09-27 (02:01:14PM)

انا كنت بقولك اقرب حاجة لسامسونج قريبه من امكانيات ال جى برو لايت وسعرها اغلى ودلوقت هو عامل 2350 ورخص جامد وسعر البرو لايت ما بين 1650 لـ 1700 يعنى فرق 500 اكيد فرق جامد

والبرو لايت مفهوش سخونه جامد زي السامسونج لان السامسونج تحسى انه بيولع مش بيسخن

وبطاريات سامسونج معروفه انها زبالة بس فـ فئه النوت ملهاش حل

هاتى البرو لايت مش هتلاقى فـ حجم شاشته ولا امكانياته فـ الاستخدام الفعلى للموبيل

وفيه جراب للموبيل بس اللى شوفته من 3 شهور اسود ف محل الافوكاتو او الامير ف شارع العطار جمب شارع عبدالعزيز

وبالنسبة لسؤالك عن الموبيل ابو خط ولا اتنين افضل الاتنين يعتبر واحد نفس المواصفات زي السوفت وير مافيش اى جديد بس اعتقد ان البطارية فـ ابو شرحتين افضل نسبيا

وده يرجع لاستخدامك انتى لو معاكى خطين هاتى ابو شرحتين

والاسكرينه لو هتجيبى اللى ضد البصمه هتخلى الوان الشاشه باهته اوى
الافضل تجيبى الاسكرينه العاديه بتاعت النوت 2 وتتقص وتركب على الموبيل وبتخلى الوان الشاشه زي ماهى وبتحافظ عليها بس المشكلة ف البصمات بس عادى طلما مش هتاثر على الوان الشاشه

nadonado

2014-09-27 (12:47:14PM)

هل الفون دا ال جي G Pro Lite Dual متوفرله اكسسوارات زى جلاكسى ولا لا لانى عايزه اجيبله جرابات الوان كتيره ؟؟؟؟ والاسكرينه كمان

nadonado

2014-09-27 (10:37:43AM)

وهل موبيل ال جي G Pro Lite Dual افضل من موبيل ال جي G Pro Lite ؟؟؟

nadonado

2014-09-27 (10:34:20AM)

سامسونج جراند 2 قريبتى جايباه ب 2700 من شهرين ودلوقتى بتشتكى منه لانه بيهنج وبيسخن والبطاريه بتخلص شحن بسرعه انا الاول كنت هجيب سامسونج وبعد ما سالت ناس كتيره عنه لقيته مش كويس بالمره التاتش بعد الاستعمال بفتره بيتقل وبيهنج و و و فانا صرفت نظرى عن اى فون سامسونج ولقيت ناس بتنصحنى ب ال جى فانا محتاره هيبقى كويس ولا هيعمل زى سامسونج ؟؟؟

Alikhaled

2014-09-26 (11:03:37PM)

لو عايزة موبيل شاشته كبيرة ف سامسونج وكاميرا 8 يبقى الجراند 2 بس ده اغلى فـ السعر بـ 2300 تقريبا

ال جى برو لايت افضل موبيل ف سعره وهو عامل 1650 وافضل من سامسونج فـ نفس الفئه السعرية

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن LG G Pro Lite Dual

مقارنة

Android
540 x 960 pixels, 5.5 inches (~200 ppi pixel density)
3G

2G / 3G
8 MP, 32...

مزيد من المعلومات

الموبايلات

السلام عليكم

التسجيل بالموقع

دخول الاعضاء

معلومات سريعة عن LG G Pro Lite Dual

Android

540 x 960 pixels, 5.5 inches (~200 ppi pixel density)

3G

8 MP, 32...