ياجماعه محتار اوى مابين الموب ده والسونى سى وعايز رد اهل الخبره بس بالله عليكم بدون تحيز بعد اذنكم يهمنى جدا رايك يااستاذ alaazaher واحب اشكر حضرتك على مجهودك مع الساده الاعضاء
merobig
2014-08-23 (04:31:08PM)
alaazaher
طب ممكن مقارنة بين الLG برولايت
والLG L90
وال الكاتيل IDOL 2
وشكرا
alaazaher
2014-08-23 (04:09:41PM)
انا عكسك تماما وهيا لعبه واحده او اتنين ... لذلك مش هقدر افيدك بقدره الجهاز ع تحمل الالعاب ده ولكن اي حمل زياده منطقي هياثر سلبا ع البطاريه والاداء وخلافه
لذلك اللي ممكن يجاوبك ع السوال ده استاذ Alikhaled
لفت نظري انه مجرب بعض الالعاب اللي قولتها ع البرو لايت ..
kamba1only
2014-08-23 (12:08:18PM)
طب معلش يافندم اخر سؤال.....انا جامير بغباء يعنى اسفلت 8 /وفيفا 2014 /وجى بى2 / النت مايهمنيش قوى زى الالعاب فمعلش ايه ممكن يخدمنى اكتر فى الموبايلين دول بدون تهنيج وطبعا حضرتك عارف ان السونى سى بروسيسور رباعى النواه والبرو لايت ثنائى النواه.....فايه راى حضرتك ومعلش تانى مره طولت وتقلت على حضرتك.............
alaazaher
2014-08-23 (11:30:07AM)
هوا طبعا مش هقدر اديك مقارنه حقيقيه لاني مجربتش السوني ... ولكن زي ما ديما بنصح ان اي مقارنه بين جهازين .... فهي مقارنه بين مجموعه من المميزات بمجموعه من مميزات اخرى في الهاتف التاني .. .... بشرط يكون الاتنين بنفس الفئه السعريه
في الحاله ده الاتنين متكافىين ...
بالنسبه للسوني :
انا لما مسكته حسيت ان المواد المصنع منها الكافر الخارجي ممتازه عن ال جي ...
البطاريه داخليه (انا مبحبهاش كده وده راجعه ليك)
مفيش طبعا زراير لمس .... وموجوده ضمن الشاشه
وطبعا بالنسبه للرام هيا هيا زي ال جي حتى نفس القراءه الفعليه 976 ميجا
الكاميرا 8 ميجا زي ال جي ولكن .... افضل من ال جي بحكم انها سوني
اكيد فيه نقاط من المميزات ده هتعجبك ونقاط لا حطها ف بالك وبص علي مميزات ال جي
ال جي يتميز بالعمليه في الاتي :
البطاريه هتقعد معاك اكتر من يوم لو استخدامك متوسط يومين حد اقصى
الشاشه كحجم ونوع افضل من سوني
وجود القلم ... انا بستخدمه في شرح بعض الحجات .... ربما يكون لا قيمه له بالنسبالك
وجود ريموت
مفيش تهنيج ولا لاج زي اجهزه سامسونج (بالنسبه لتحديث الجيلي بين) لان الكيتكات استثناء لحين الحل
الصوت في السماعات معقول وليس عالي ... والنقاء 70% ..... انا مسمعتش صوت السوني
في النهايه الجهاز جيد جدا في الاداء مقابل السعر ده واكيد كلنا عايزين ناخد مواصفات من اجهزه احرى لوضعها في الجهاز ..... طبيعي مفيش حاجه كامله والكمال لله وحده
فانت شوف ايه المميزات اللي تخدمك .. في ال جي ... واسمع اراء ملاك السوني ... اكيد هتجمع معطيات تساعدك علي اخذ راي نهائي من غير حيره
تلك الخدمة مخصصة لاعضاء الموقع
دخول الاعضاء
اذا كان يتوفر لديك حساب علي موقعنا يمكنك تسجيل الدخول بحسابك