استفسار

للرجوع الي صفحة ال جي G Pro Lite Dual الرئيسية اضغط هنا

Nahla123

2014-08-19 (11:55:00PM)

بعد إذنكم يا جماعة
ايه السبب في إن الشاشة كل شوية تنور دون سبب ؟
ليه التوقيت كل مااظبطه انه يكون 12 ساعة يرجع تاني لوحده 24 ساعة ؟
ليه صوت المكالمات بينخفض لوحده ؟
وتـــــــاني البطارية عندي بتفصل بسرعة , دا عيب من موبايلي نفسه ؟ وواجهت اي حد ولا لا ؟ الموبايل بقاله 12 يوم تقريبا ودا مااتغيرش , مابستخدمش اي برامج غير أساسيه ولا برامج كتير ومقلله الإضاءة وكل حاجة ممكن تتعمل !
ارجو الإفادة

alaazaher

2014-08-20 (12:15:15AM)

بالنسبة للشاشة اللى بتنور ... انا قريت ان ممكن يكون برنامج شغال فى الخلفيه .... مسبب الموضوع ده .... بس جاري البحث عنه .... (عموما بتحصل عندي)

بالنسبة للتوقيت اضبطي الساعه وشيلي علامة ضبط الساعه من خلال الشبكة اتوماتيك .... من الاخر شيلي اي علامة صح فى صفحة الوقت والتاريخ ... بعد ما تضبطيهم طبعا .... ده معنديش مشكلة فيها

صوت المكالمات عندي تمام .... ده مبتحصلش عندي ... حصلت مع حد تاني ونصحته بعمل ضبط مصنع والمشكلة انتهت ... وكان على الجيلي بين

بالنسبة للبطارية انا استخدامي متوسط البطارية بتعد عندي فى اليوم الاول 50% والتاني 50 % يعني يومين ....والاضاءه على 0% ..... اما فى الشمس برفعها لحد الاخر .... وفى الظل برجعها تاني ... حفاظا على البطارية

انا على كيتكات الاخير ولحد الان المشكلة الوحيدهاللى ذكرتيها بتحصل ساعات معايا .... مشكلة اضاءه الشاشة اللى جاري البحث عن سببها او حلها

al3bd

2014-08-20 (09:08:32AM)

الشاشة بتنور لانك مفعل خاصية النقرتين لفتح وغلق الشاشة الغيها
مشكلة التوقيت مشكلة شبكة مش موبيل
صوت المكالمات بينخفض لوحده في حالة لو جالك رسالة او اتصال وده ميزة مش عيب
بالنسبة للبطارية مش فاهم يعني ايه بتفصل بسرعة تقصد بتفصل فيه اد ايه المفروض ان اي بطارية تلفون اداءها بيتحسن مع مرور الوقت شهر بالكتير من وجهة نظري المهم ان افصل ال جي بي اس وكمان البيانات والبلوتوث في غير الضرورة والافضل لو مش بتستخدم نت خلي الجهاز على شبكة الجيل التاني مش التالت يفضل وكمان لما تيجي تشحن الجهاز يفضل انك تشحنه وهو مقفول ويكون وهو على متوسط 10 في الميه منخفض .....واول ما يشحن فل شيله من الشاحن عشان تحافظ على عمر البطارية وخلي الاضاء وقت الاستخدام على 55في الميه ومتزودهاش الا وقت الضرورة
لو الموبيل بعد الكلام ده مظبطش يبقى في مشكلة فعلا

Nahla123

2014-08-20 (03:00:48PM)

شكرا جدا لردكم

فيما يخص البطارية إن الأعضاء قالوا متوسط استخدام النت عليه متواصل ثري جي تقريبا 16 ساعة
هو اصلاا مابيكملش معايا تقريبا ولا حتي 5 او 6 ساعات اعتقد - ويمكن اقل كمان

بالنسبة لنقطة : اي بطارية تلفون اداءها بيتحسن مع مرور الوقت شهر بالكتير

كان عضو هنا قال 3 ايام , ودا اللي قلقني

هجرب موضوع إلغاء النقر ..

شكرا

تلك الخدمة مخصصة للأعضاء فقط