update

للرجوع الي صفحة ال جي G Pro Lite Dual الرئيسية اضغط هنا

Alya7

2014-08-10 (08:58:55PM)

الابديت مش راضي سشتغل حتى بعد ما مسحت الرووت
اعمل اييييه ساعدوني

amegeid

2014-08-10 (09:06:39PM)

انتظرى شوية لانى ناس كتير بتشتكي من تقل الجهاز بعد الابديت , وياريت حد يعمل تقرير شامل عن الابديت نعرف منه ننزله ولا لا , وهل نعمل ضبط مصنع بعد الابديت ولا مش محتاجين , ياريت بس حد يرد

فينك يا استاذ وليد !!!

Alya7

2014-08-10 (09:21:13PM)

بس اعتقد ان فيه ميزات افضل

shaAahy

2014-08-10 (09:38:03PM)

الفاكتوري ريسيت خلى الموبايل حاجة تانيه بعد الابديت من رايي الافضل يتعمل فعلا و بعد الابديت والريسيت كل ما بدخل على حاجة بلاقي فيها تحديثات واضافات وكفاية نقل التطبيقات على الميموري

amegeid

2014-08-10 (09:53:14PM)

اخيرا لقينا رد مقنع بان الابديت مفيد بس نعمل ضبط مصنع بعده

جاري تحميل الابديت وشكرا استاذه شاهى

Alya7

2014-08-10 (10:05:18PM)

انا عملت كدة بس بردو الابديت مشتغلش :'(

shaAahy

2014-08-11 (12:28:20AM)

العفو يارب يعجبكوا الابديت ..

TrainerMohamedtayel

2014-08-11 (08:22:19AM)

يا جماعة بجد الايدت تحفة و الله العظيم انا بس زعلان منه فى موضوع المكالمات شكل المكالمات فى التانى احلى و ده بردوا مش وحش انما الايديت غير كمان شكل مدير الملفات و كمان بقى بيدينا مساحة مجانية عبر النت عن طريق دربوكس و كمان نقل الملفات و كمان موضوع غلق الشاشة و فتحها باللمس اتظبطت اوى ما شاء الله و كمان ضافوا الاعدادات فى البار و جعلوه شفاف جميل جدا و كمان شكل الاعدادات اتغير خااااااااالص و اتقسمت الاعدادات لاكثر من فولدر ده كل الجديد إللى شايفه حتى الان و جارى بردوا الاستكشاف ... ^_^

بالنسبة للناس إللى عملت الايديت ارجوا من الجميع عمل إعادة ضبط مصنع لهواتفكم بعد الايديت مباشرة انا كنت عملت الايديت و معملتش ضبط مصنع بس لقيت ان مفيش اختلاف و كنت بعانى من تقل فى الجهاز بس اكتشفت ان بعد اى تحديث لازم اعمل إعادة ضبط المصنع علشان التحديث ينزل كامل و يبدأ يطبق بشكل سليم من غير مشاكل زى التهنيج و كمان الاشكال المعدلة تضاف بشكل قوى و ملحوظ كمان ...

و الناس إللى خايفه ع الحاجة بتاعتها انا هقولك ازاى تعمله نسخة احتياطية من الملفات بس انا مفضلش انكم تعملوها بعد التحديث لانك كده هتحتفظ بملفات قديمة و ده ممكن يسبب مشكلة فالاحسن انك تنزل البرامج كلها و حاجتك كلها من تانى (للإمانة فقط)
طريقة عمل النسخ الاحتياطى للملفات ....
بس الطريقة ده بعد ما تعمل التحديث مباشرة خد نسخة من ملفاتك علشان تعمل إعادة ضبط مصنع علشان تظبط التحديث الكيت كات ..

هتدخل الاعدادات -----> عامة -----> النسخ الاحتياطى -----> نسخ احتياطى للبيانات -----> حدد البيانات إللى عاوز تعملها نسخ و اضغط موافق و سيبه لحد ما ينتهى من النسخ :)

اى استفسار ع الخاص او الكومينتات متابع بفضل الله الصفحة يوميا من اجل عيون اجمل اعضاء و اخوات ...

ارجوا لى الدعاء بالهداية و اصلاح الحال و جميع المسلمين ..

اللهم اصلح حالنا و اهدينا و اهدى بينا انك انت القادر على كل شئ سبحانك اننا كنا من الظالمين
اللهم اغفر للمسلمين و المسلمات الاحياء منهم و الاموات انك يا ربنا مجيب سميع الدعاء ..
#اللهم_امين