تحديث الكيت كات

للرجوع الي صفحة ال جي G Pro Lite Dual الرئيسية اضغط هنا

waelgam2005

2014-08-09 (01:18:35PM)

بصراحه الكيت كات حيا الموبايل من جديد وفيه اضافات كتيره جدا وحاجات غلسه شويه وانا هقول اكتر حاجات عجبتني زي
استخدام الاتصال والرسائل والميل والويب في اطار جانبي ودي مفيده جدا انك تقدر تستخدم اكتر من حاجه في شاشه واحده
والاهم خلفية الميوزك اللي شغاله بعد ما الموبايل يعمل لوك ودي كانت حاجه غلسه في السوفت القديك لانها كانت بتخليك انك لازم تفتح الشاشه علشان تتعامل مع الميديا بلير
واخر حاجه عجبتني هيا موضوع الكيبورد في وضع الشاشه الافقي ممكن تقسم الكيبورد لنحيتين ودي مريحه جدا في الكتابه
اللي مش عجبني ان فيه حروف انضمت لخرف واحد زي حرف ى ضم ى و ئ وه ضم ه و ة
لكن تحديث جبار

dir525

2014-08-09 (03:41:22PM)

باشا هو التحديث نزل ولا ايه?!!!!!!!!ولا انت منزل روم مطبوخه ولا ايه?

mozakoky

2014-08-09 (03:55:14PM)

معلش هستأذن حضرتك ازاي بتقسم الكيبورد لحتتين ف الوضع الافقي ؟؟ وشكرا

waelgam2005

2014-08-09 (08:29:01PM)

السوفت نزل وده السوفت الرسمى مش روم مطبوخ
اما بخصوص الكيبور اللى بتتقسم لنحيتين فى الوضع الافقى اثناء الكتابه فا لازم تتاكد الاول ان الخاصية دى متفعله فى ضبط اللغه ودى تقدر تجيبه من جوا الظبط هتلاقى حاجه باسم Language & input هتلاقى جوا LG Keyboard وجمبها ترس هتدخل عليها هتلاقى في خانه باسم Split Keyboard علم عليها لو مش متعلم عليها

اما بخصوص الطريقة علشان تقسم الكيبور لنصفين فا دى والكيبور مفتوحه قدامك فى الوضع الافقى هتحط صباعبن فى نص الكيبور وتسحب صباع على اليمين وصباع على الشمال فى نفس الوقت هتلاقى الكيبورد اتقسم نصين