يا أهل الخبرة

للرجوع الي صفحة ال جي G Pro Lite Dual الرئيسية اضغط هنا

seeen

2014-08-06 (12:00:45PM)

بعيد عن المواصفات اللى على الورق النظرية يعنى أيهما افضل من الناحية العملية ( جامد يتحمل شغل / كاميرا جيدة/ سرعة نت/ رزيليوشن اعلى )
الكاتيل ايدول اكس أم ال جى برو لايت؟

tzanasr

2014-08-06 (06:47:39PM)

الايدول اكس افضل بس عيوبه بطاريته اضعف من ال جى + لا يركب فيه ميمورى خارجى ..

TrainerMohamedtayel

2014-08-07 (06:19:01AM)

استاذى الفاضل tzanasr بلاش التحيز الايدول اكس مش بتاع شغل و الله و كلنا عارفين ان الالكاتيل زفت
ع فكره اتوكل ع الله ف البرولايت و الله العظيم اعلى من المواصفات إللى ع ورق كمان بمراحل ..

و ده كلام كنت كاتبه اقراة مهم اوى و الله و انا كنت بقارن بردوا مع الايدول اكس بس اوعى تجيبه شركة اصلا ملهاش دعم و كمان خفيف اوى و مش بيستحمل اقل صدمة

اما بالنسبة للمقارنة اولا و فى البداية ابعد عن الكاتيل زمان كانت جبارة دلوقتى بقت بتكتب مواصفات ع الورق بس

ثانيا 4XHD ابعد عنه لان بطاريته مشكلة كبيرة هو تليفون كويس بس البطارية مش هتكمل معاك نصف يوم و كمان الاعضاء إللى جربوه بيشتكوا من السخونية إللى فيه

ثالثا الاكسبريا V جهاز محترم جدااااااا و انا كنت بقارن بينه و بين البرولايت هو كبرسيسور V اعلى من البرولايت بس انا مرضتش اجيبه لانى من عشاق الشاشة الكبيرة اولا و ثانيا شاشتة من نوع TFT و طبعا البرولايت اعلى منها لانها IPS بس لو بتحب شاشة صغيرة هاته هو جهاز محترم بس خلى بالك هو مش ضد الميا هو مش بيوظ من الميا لكن مينفعش تحطه فى مياة مالحة يبوظ لكن هو بيتحط عادى فى المياة العذبة و كمان ميزدش وضعه عن 30 دقيقة بس و خلى بالك لان فى اعضاء قالت ان باظ لما حطته فى الميا العذبة السماعه باظت فانت متعتمدش ع نقظة ضد المياة اوى.

نصيحتى ليك البرولايت طبعا و انا إللى هبقى قدامك لو حصل حاجة قول إللى انت عاوزة و لو عاوز تجرب موبى الاول مفيش مشاكل لانى براهن عليه اول جهاز الماسنجر ميقطعش فيه خااااااااالص
يتفوق ع كل الموديلات اللى انت حاططها لانه بسعر كويس جداااااااا بالمسبة لامكانياته الرهيبة و كمان القلم بتاعه تحفة و خاصية التلفزيون و الثمثيات بتاعته خاصة بـ LG بس

اما لو انت مش من عشاق الشاشة الكبيرة و مش هتفرق معاك و بتحب سونى اتوكل ع الله و هاته

لكن بلاش 4X و بلاش الكاتيل

انا عن نفسى مش همسك بعد كده غير الـ LG اندرويد و الـ IPhone كنظام Ios قسما بالله الـ LG افضل اندرويد مسكته و بطاريته متقلقش 3140 امبير بتعقد معايا و انا فاتح واى فاى طول الوقت 18 ساعة و لو بتفتح واى فاى متقطع و مكالمات قليل هتعقد معاك لانى جربتها 28 ساعة و لو استعمال خفيف يبقى مش هتخلص اصلا ^_^ =D

بالنسبة لموضوع النقل البرامج و الالعاب انا مش محتاجة علشان مش بلعب العاب تقيلة بس انا منزل عليها لعبة سباق عربيات حوالى 1.5 جيجا و شغال عادى و مفيش تهنيج الحمدالله

انا عملتلك عرض سريع و انت عليك تختار بس تختار ما بين اتنين بس البرولايت او السونى V
بس نصيحتى الاندرويد مينفعش شاشة صغيرة و مش هو بس و اى حاجة عليها تطبيقات كتير انا اتراجعت عن شراء الايفون لان شاشتة صغيرة ...

تلك الخدمة مخصصة للأعضاء فقط