تجربتى مع الموبايل

للرجوع الي صفحة ال جي G Pro Lite Dual الرئيسية اضغط هنا

abdo18

2014-08-02 (05:08:31AM)

السلام عليكم ورحمة الله وبركاته
الاول ظبعا فى ناس كتير اتكلمت عن الموبايل وقالت كل حاجة ما شاء الله انا هقول بردو تجربتى معاه عشان الكل يبقى مستفيد ان شاء الله

انا دى مش تجربتى الاولى مع الاندرويد كان معايا موبايل سامسونج قبل ده وقعد معايا فترة كبيرة وبعد كدة جبت البرو لايت ومعايا بقالة اسبوعين تقريبا
الجهاز زى ما ناس كتير قالت جميل جدا الديزاين كويس رغم ان الشاة كبيرة بس حجم الموبايل ميعتبرش ضخم اوى الامكانيات كويسة مقارنة بالفئات التانية الى نفس السعر
تقريبا مهنجش معايا ولا مرة سريع مش بيسخن تقريبا بسيط جدا الكاميرا كويسة فى الاضائة العالية متوسطة فى الاضائة الضعيفة
الشاشة انا كنت مقلق من حوار الريزوليوشن ده فى الاول بس لما اتعاملت مع الموبايل مفيش بكسلة خالص والجودة جميلة جدا حتى لما بشغل فيدوهات على اليوتيوب مفيش اى مشكلة
البطارية مش محتاج اتكلم عليها كتير بس كويسة جدا بالنسبة لسمارت فون يوم استخدام جامد يومين استخدام عادى
السوفت جميل وفى حاجات كويسة خاصة ب ال جى زى guest mode و q slide وبرنامج quick translator وحاجات تانى
القلم كويس هو ظبعا مش ضوئى زى النوت بس سريع وكويس
الموبايل فى مجمله كويس جدا بالنسبة لسعره يمكن يتقارن بفئات اعلى منه كمان العيوب بالنسبالى الكاميرا مش عالية اوى بس كويسة برضو الموبايل مفهوش حواف هيا ميزة انه صغر حجم الموبايل بس بتعمل مشكلة لما بتمسك الموبايل من الجنب ايدك بتيجى على التاتش مع التعود مش هتبقى مشكلة خالص
الزراير الى تحت مش بتنور برضو مع التعود مش هتعمل مشكلة
اخيرا السوفت وير قديم شوية ومفيش امكانية انك تنقل اى برنامج على الذاكرة الخارجية يمكن تتحل فى الابديت ... والصوت فى اغانى بيبقى الصوت فيها مش نقى معرفش المشكلة فى الموبايل ولا الاغنية بس هيا بتبقى انقى على موبايلات تانية زى النوت وغيره وبرضو مش عالى قوى للى بيدور على حاجة زى الصينى بس هو معقول
الموبايل انصح بيه اى حد ناوى يجيب حاجة فى نفس السعر هو احسن من xperia c انا جربت الاتنين واحسن من الموبايلات الى فى نفس السعر ولو فى اى حاجة انا تحت امركم