اقتراحات

للرجوع الي صفحة ال جي G Pro Lite Dual الرئيسية اضغط هنا

Nahla123

2014-07-29 (09:58:27PM)

بقالي فترة متابعه تعليقاتكم هنا عن الموبايل
ما شاء الله الناس متعاونه بشكل ممتاز جدا جدا
عايزه من حضارتكم اقتراحات لموبايل في حدود 1800
أنا فعلا كنت قررت الموبايل دا لسببين البطارية ( استخدمت نوت 8 بطاريته ازعجبتني جدا جدا ) وحجم الشاشة
لكن مش فارق معايا موضوع الخطين
قرأت تعليقات هنا

قلقتني من الموبايل من حيث بطء النت من الخط وبكسلة الشاشة

فرجاءً تفيدوني في اقرب وقت
اهم شيء عندي البطارية وخاصة ان الموبايل هيفضل معايا فترة طويلة ومش هغيره قريب

mOsTaFaBaHGaT7

2014-07-29 (11:24:10PM)

اولا حضرتك نورتينا
ثانيا بصراحه انا مشوفتش اي حد اشتكي من موضوع النت عن طريق الشبكه ف اللينك بتاع gsmarena تقريبا وبصراحه اما مجربتش النت عن طريق الشريحه لحد دلوقتي لاني كنت لاغي الباقه لما موبايلي الاولاني لاظ ولسه مشغلها من حوالي ساعتين بس ولسه مجربتهاش وبالنسبه للبطاريه فهي بصراحه جميله وتمام اوي ف شغلها اما بكسله الشاشه دي بقي فهي حاجه معدومه نهائي عندي والموبايل بسم الله ما شاء الله بكلمك منه اهو ومظنش انك هتلاقي حاجه احسن من كده بالسعر ده

Nahla123

2014-07-29 (11:38:47PM)

أستاذ مصطفي اشكرك جدا , بإذن الله هجيبه في اقرب وقت , كنت قررت اجيبه من البحيري لكن لقيت عضو بيشتكي من سوء التعامل عندهم
واستبعدت موبايل شوب لأنه بـ 2000 عندهم
اي اقتراحات من حضرتك عن مكان اجيبه منه ؟

Nahla123

2014-07-29 (11:47:01PM)

وهل النسخة الكوري متوفره في مصر حاليا ولا الصيني بس ؟

mOsTaFaBaHGaT7

2014-07-29 (11:57:55PM)

هو المفروض ارخص مكان ممكن تجيبي الموبايل منه هو سوق.كوم وانا جايبه من عندهم من حوال اسبوعين تقريبا ب 1714 بمصاريف الشحن وكان ف عرض الاسبوع اللي فات عامل 1555 ندمني اني اتسرعت واشتريته بصراحه xD

والموبي اللي معايا صيني بس كان ف عضو هنا بردو جابه من ع سوق.كوم وكان كوري

alaazaher

2014-07-30 (12:27:06AM)

السلام عليكم

انا عايز الفت نظر الاعضاء ان احنا بنتكلم فى حدود ميزانيه معينه وهي من 1600 - 1900 جنيه وده حدود سعر الجهاز .
الجهاز كبطارية من افضل الاجهزة اللى استخدمتها فى النقطة ده .... كصوت مكالمة ممتاز جدا ... كصوت سماعات اديله 8 من 10 ... ولو ان فيه برنامج صغير بيعلى اي نغمة انا عايزها بحيث احل النقطة ده .(فيه ناس بتحب الموبايل صوته عالى اوي اوي)

بالنسبة للشاشة انا مشوفتش اي بكسله فى فيس او في غيره الحقيقة ... الجهاز طبيعي جدا ... فقط الكاميرا عليها كلام فى الاضاءه القليله ..... ولكن فى النهار ممتازه .

اداء الجهاز ممتاز بالنسبة لامكانياته ولسعره .... مقارنة بجهاز اخر بنفس الامكانيات والسعر.... يعني بنتكلم فى بروسيسور ديوال كور ورامات 1 جيجا وبسعر 1800 جنيه يعني جهاز من الفئه المتوسطة وليست العالية

للاسف فيه ناس بتقارن بحجات تانية اعلى فى الامكانيات واعلى في السعر وترجع تقول الجهاز سيء جدا .

لذلك اللى بيدور على بطارية قويه اداء عملى من برامج وتصوير والعاب متوسطة ... بالاضافه انه يخرج من قوقعه الخوف من اي جهاز غير سامسونج .... انا بنصحة بالجهاز ده .

اغلب الناس اللي اشتروا الجهاز من سوق كوم اجهزتهم كانت كوري... انا اشتريته من موبايل شوب .. وكان صيني ... ومفيهوش اي مسكلة

ارجو تقبل الراي بصدر رحب

لازم احدد انا عايز ايه وبكام

mOsTaFaBaHGaT7

2014-07-30 (01:41:30AM)

very very nice alaa basha

tzanasr

2014-07-30 (01:04:46PM)

انا جايب الابيض من سوق كوم مصنوع فى كوريا والعلبة متبرشمة ومتغلفة تماما والضمان بتاعه هيبدا يوم 21/8/2014 والموبايل لغاية دلوقتى معايا زى الفل بالتوفيق ..

Nahla123

2014-07-31 (12:41:15AM)

شكرا جزيلا لكم علي سرعة الرد والافاده

أنا حاليا استبعدت سوق علشان بعض الناس وصلهم صيني والبعض كوري
وللأسف سألت في 888 مالقتهوش
فـ مش عارفه الاقيـه فين حاليا

تلك الخدمة مخصصة للأعضاء فقط