جراب فليب للموبيل

للرجوع الي صفحة ال جي G Pro Lite Dual الرئيسية اضغط هنا

alaazaher

2014-07-23 (05:08:32PM)

ده الجراب الفليب للبرولايت

alaazaher

2014-07-23 (05:52:00PM)

ده ثيم LG G3 للي حابب ينزلو على تليفونه

ده اللينك

طقس g3 ببرنامج xwidget وده موجود ع الماركت مجاني

romntk

2014-07-23 (06:38:20PM)

انا من دمياط ومش لاقى الجراب فى المحلات اللى عندنا

Elnagdy

2014-07-23 (07:06:36PM)

low sama7t ana 3ayez 23raf el makan ele feh el garabat deh feen 3ashan ana lesa gayeb el phone men sooq we 3ayez 2geblo el grab el black ele 7adretk 7atet el pic beta3to .

Elnagdy

2014-07-23 (07:08:03PM)

استاذ علاء انا بتكلم على lg pro lite الاسود عايز اعرف المكان بس ارجو الاهتمام

alaazaher

2014-07-23 (07:37:16PM)

هوا موجود فى الزقازيق .... وده الالوان الموجوده .....

ahbkraby

2014-07-23 (11:38:54PM)

هوه الجربات متوفره فين بالاسكندريه ممكن اعرف هل الجراب بيتكرب على طول ولا بتشيل الظهر

mOsTaFaBaHGaT7

2014-07-24 (12:28:28AM)

يا استاذ نجدي لو انت من القاهره هتلاقي الجرابات الظهر وسكرينه الشاشه العاديه واللي ضد البصمه وتقريبا ممكن تلاقي الجراب الفليب كمان ف محل اسمه حماده الامير ف حاره ف ضهر شارع العطار اللي ف العتبه ومتلفش وتدور كتير علشان ده تقريبا المستورد الوحيد لاكسسوارات الموبايل ده

alaazaher

2014-07-24 (12:33:40AM)

فيه نوع بتشيل ظهر الموبيل وتركب الكفر مكانه بس اللى جابه معجبوش .... وفيه النوع ده بتحط الموبيل كله جوا كفر سليكون وتقفل عليه بالكفر الجلد

alaazaher

2014-07-24 (12:41:58AM)

ايوة يا استاذ مصطفى .... الجراب اللى معايا مكتوب عليه الامير .... واضح ان محل حماده الامير هوا اللى بيجيب الكفر ده .

mOsTaFaBaHGaT7

2014-07-24 (03:06:10AM)

انا بتكلم ع اساس اني سألت ف شارع العطار وملقتهوش عند حد غير لما وصلت لمحل الامير ولاقيت كل حاجه ليه تقريبا عنده وانا جيبت من عنده الظهر الابيض واسكرينه عاديه واسكرينه ضد البصمه

shaAahy

2014-07-24 (03:09:26AM)

فى دمياط سألت فى باور قالى هيجى بكره ان شاء الله... الله اعلم
وباقى المحلات مش موجود فيها

alaazaher

2014-07-24 (03:24:29AM)

يا ريت لو جاب فعلا تاكديلنا عشان فيه حد فوق كاتب انه من دمياط برضه ... فتبقي خدمتي المحافظة كلها

Alya7

2014-07-24 (05:14:15AM)

انا جربت الثيم بس مش شغال.. اقدر شغله ازاي

alaazaher

2014-07-24 (11:00:40AM)

الثيم بيتسطب زي اي برنامج
بعدين من الشاشة الرئيسية بختار Theme
هيفتح مجموعه الثيمات هتلاقي الثيم الجديد من بينها

Alya7

2014-07-24 (02:12:59PM)

مش بيتسطب للاخر بيقولي not installed ده مشكله من عندي انا ولا ايه

mOsTaFaBaHGaT7

2014-07-24 (02:36:08PM)

ع فكره يا استاذ علاء الثيم فعلا مش بيتسطب ع الجهاز لانه بينزل بصيغه exe اللى هى اصلا صيغه ملفات الكمبيوتر فمش هتتسطب ع الجهاز وانا جربته بنفسى ومتسطبش

Alya7

2014-07-24 (02:52:01PM)

استاذ مصطفى.. عايزة اسأل حضرتك على مشكلة في الكيبورد عندي.. هي مبقتش تشتغل وبيجيلي كل شوية msg تقول sorry unfortunately lg keyboard stopped وعملت rest للموبايل كله وبردو موجودة
هل في حل ولا ايه

alaazaher

2014-07-24 (03:58:52PM)

ممكن حصل مشكلة فى الملف المرفوع ... عذرا للاستاذ alya7 والاستاذ مصطفي والجميع

وسيتم اعاده الرفع من جديد

Alya7

2014-07-24 (04:01:28PM)

لالا مفيش اعذار ^_^
مستنين الملف الصحيح منك ان شاء الله

bedomedo

2014-07-24 (04:59:21PM)

طيب يا استاذ مصطفى تقدر توصفلى فين محل حمادة الامير دة بالظبط لما انزل من محطة المترو العتبة ياريت اصلى مش من القاهرة و اسال علية باسم اية و شكرا جدا ليك ^_^

Alya7

2014-07-24 (05:13:50PM)

في محل اسمه الافوكاتو ده عند محطة مترو محمد نجيب اول ما تطلع من المحطة هتسأل حد يشاورلك عليه هتلاقي الجراب للظهر ب ٢٠ والفليب ب ٦٠ واعتقد ان ده افضل من انك تروح العتبة وزحمتها.. انا جبت من هناك
وبردو شوف المكان التاني وشوف الافضل ليك

shaAahy

2014-07-25 (05:16:10AM)

موجود فى دمياط بس الظهر مش فليب كافر

mOsTaFaBaHGaT7

2014-07-26 (01:05:36PM)

استاذه Alya7
معنديش فكره والله فعلا بالموضوع ده وهحاول اشوفلك حل بأذن الله ولو فى اى جديد هكلمك ع طول

mOsTaFaBaHGaT7

2014-07-26 (01:07:17PM)

ولا يهمك يا عم alaazaher
المهم انت بس لما ترفعهم تانى يكونوا شغالين مش زي المره الأول علشان محدش بقى يدعى عليك فى الأيام المفترجه دى xD

mOsTaFaBaHGaT7

2014-07-26 (01:16:22PM)

بص بقى يا عم bedomedo
هو لو زى ما الاستاذه Alya7 بتقول كده ان الضهر عن الأفوكاتو عامل 20 جنيه يبقى تجيبه من عنده احسن لان حماده الأمير انا جيبت منه جرابين للضهر واخرهم كان امبارح وسعر الضهر عنده 35 جنيه والفليب 60 او 65 على ما افتكر ولو عايز تروح الافوكاتو يبقى على نفس وصف الاستاذه Alya7 كده أما بقى لو عايز تروح عن حماده الأمير يبقى هتنزل محطه مترو العتبه وتسأل عن شارع الأزهر وأول ما تدخل شارع الأزهر أسأل اى حد من البياعين اللى ع الرصيف او المحلات على شارع العطار ومتسألش اى حد من الماره علشان فى ناس كتير مش عارفه اسم الشارع ده وأول ما تدخل شارع العطار ده يا معلم هتسأل عن حماده الأمير ( أول ما تدخل شارع العطار مش لجوه علشان هو فى حاره متفرعه من شارع العطار ده ) وهتلاقى عنده جراب الضهر اللون الأسود والأبيض والأزرق والسماوى ( وانا جايب منه الأبيض والأزرق ونصيحه بلاش تجيب الأبيض ده علشان سهل جدا جدا انه يتبهدل منك وجيبته مقعدش معايا كام ساعه واتبهدل ودلوقتى بقالوا حوالى 10 ايام تقريبا وتحس انه معايا بقاله سنين مع انى مش ببهدل الحاجه اللى فى ايدى وبحافظ عليها

تلك الخدمة مخصصة للأعضاء فقط