ده تقييمى لموبيل LG Pro Lite Dual

للرجوع الي صفحة ال جي G Pro Lite Dual الرئيسية اضغط هنا

Alikhaled

2014-06-06 (03:04:35AM)

ده تقييمى لموبيل LG Pro Lite Dual

بصراحة الموبيل شكله جميلة جدا على غير المتوقع

انا شوفتله ريفوهات كتير ع النت وكنت مش حابب شكلة حاسه كبير اووووى بس اما مسكته لقيته جامد اوى

القلم سرررررريع جدا واستجابته ملهاش حل مع انه مش ضوئى زي النوت 2 بس بصراحة عجبنى

بالنسبة لسرعة الجهاز بصراحة انا مسكت الفون تطبيقات المحادثة كلها نزلتها وشغلتها وكانت شغاله فيس وواتس وبى بى ام وانستجرام وفايبر وكل ده شغال وما شاء الله الجهاز صاروخ مفهوش تهنيجة واحدة ده غير التصفح سرررريع جدا ع الواى فاى

بالنسبة للالعاب الخفيفة نزلت كيندى كرش ولعبه ساب واى طبعا مافيش تهنيج لان الالعاب خفيفة

وان شاء الله هنزل لعبه need for speed وهقولكم اخبار التهنيج اية

فيه شوية حبشتكنات ف السوفت وير عجبتنى زي التحكم ف التليفزيون زي الريموت كده وفيه وضع اسمه وضع الضيف ده يخليك تحط التطبيقات اللى انت عايزها على الجهاز واى حد يلعب ف الموبيل ويبوظلك فيه حاجة ترجع للوضع العادى ومافيش اى مشكلة وسيبه يخرب براحته
بالنسبة للكاميرا تحفة خصوصا بالليل عجبتنى اوى بس طبعا بتاعت الاس 3 احلى

اما جبت الجهاز حطيتله الاسكرين بتاعت النوت 2 واتقصت من الجمب كده وبقيت فيها كويسة

الشاشة الوانها ملهاش حل بس عشان تظهر درجة النقاء لازم تركبلها اسكرين بتاعت النوت 2 العادية مش اللى ضد البصمة عشان هتخلى الالوان باهته

الصوت بجد فوق الفشييييخ السمعتين اللى ف الموبيل مخليين صوت الموبيل حكاااااااية

طبعا السخونية مع الاستخدام لمده 6 ساعات متواصلة نت وفيس والعاب تكاد تكوووون منعدمه ده بجد انا مصدقتش بصراحة

البطارية شحنتها من الساعة 10 لحد الساعة 1 وقعدت من 1 لحد الساعة 11 بالليل ولحد دلوقت 57 ف المية يبقى اكيد هتعد يوم تانى

بصراحة الموبيل ع الورق مش قد كده بس بجد اللى يمسكه فـ ايده هيحس انه شايل النوت 2 والتقييم الكلى نقدر نقول 8.5 / 10

نسيت اقول عيوب الموبيل

اول حاجة الذاكرة الداخلية صغيرة بالنسبة لامكانيات الجهاز ومافيش امكانية نقل الملفات للكارت الخارجى ولازم تعمل رووت طبعا الموبيل لسه جديد وفـ الضمان ومش هعمل رووت دلوقت

تانى حاجة الشبكة هى دايما مش بتبقى على اخرها وبتوهمك انها ضعيفه بس ف المكالمات بتلاقى الصوت كويس بس محدش يقلق مفهاش مشكلة ومش بتسقط خالص

الزراير بتاعت الهوم مش بتنور ودي مع الوقت هتتعود انا بقالى يومين ماسك الموبيل ومش شايف اى مشكلة بصراحة

hemomamo

2014-06-06 (03:20:55AM)

ربنا يباركلك فيه ان شاءالله هشتريه قريب

Alikhaled

2014-06-06 (03:26:35AM)

اتوكل على الله انا كنت ف حيرة زيك كده قبل ما اشتريه وارتحت بجد اما مسكته ف ايدى

starwalker

2014-06-06 (04:45:47PM)

الف الف مبروك للجهاز الجديد ربنا يباركلك فيها و شكرا لتقرير الي عملته
هو حضرتك اشتريته بكام و من انهي محل و سؤال هل كل برنامج ليه النغمه بتعته زي الوتس اب و و الفيس ولا ايه و هل كل شبكة ممكن اخصص ليها نغمة خاصة في انتظار ردك الكريم

Alikhaled

2014-06-06 (08:51:04PM)

انا جبت الجهاز من موبيل شوب بـ 2000 جنيه بصراحة بعد الموضوع اللى حصل مع استاذ وليد مبقتش ضامن محل 888 اجيب منه موبيل ويكون فيه عيب ويدوخونى خصوصا ان المبلغ ده مش هيتكرر تانى معايا عشان اصرفه على فون

والبرامج كلها بتشتغل على نغمه واحد بس حضرتك تقدر تخصصها

وتقدر كل شبكه تخصصلها نغمة عادى وكمان كل متصل تخصصله نغمه

Nemma

2014-06-07 (12:04:54AM)

طــيب لو حضرتكـ مسكت سوني سي .. او هواوي جي 610 ..
هو احسن منهم؟؟ .. ولا بيتغلبوآ عليه ؟؟ :)

Alikhaled

2014-06-07 (06:57:51PM)

بصراحة انا ممسكتش الاتنين دول بس فـ الاول كده انا مبحبش السوووونى خالص نفسيات كده

انما الهواوى انا سمعت ان صوته ف النغمات واطى وكمان كاميرته مش قد كده

وبصراحة الموبيل ف ايدى وانا فرحان بيه جدا وشايفه موبيل العمر بالنسبالى خصوصا انى مش من هواه التغير ولو حصل هيبقى بعد 10 سنين ده لو الموبيل استحمل يعنى :D

تلك الخدمة مخصصة للأعضاء فقط