هذا الموضوع مرتبط بـ Vibe X2

Vibe X2

helpman32

2014-12-13 (02:06:06PM)

جهاز جبار بشريحه واحده

معالج مديا تك 8 نواه و معالج محترم لا يستخدم طاقة و المدهش معالج الجرافك الروعه من انتاج شركة

اماجناشون موديل المعالج باور في ار 6000 معالج جرافك 4 نواه بنظم 64 بت نفس المعالجات الجرافك دي موجوده فى الايفون

بطاريه 2230 بالظبط ملى امبير

شاشه فول اتش دي 5 بوصه

الجهاز رمات 2 جيجا و فور جي

الجهاز معدن لونه ذهبي .. معه جراب ممتاز بلاستك شفاف دهر و سرينه على الشاشه و اخري فى العلبه

سريع جدا عليه كيت كات 442

صوت السماعات محترم و معه هاند فري جباره شيك اوي

الجهاز فى العلبه تحس انه قطة مجوهرات

12 ساعه طحن ده مدة عمل البطاريه

صوت المكالمات اتش دي

نظام التشغيل فيه مميزات رهيبه و اكتر من سنسور

سريع اوي

معالجات مديا تك اوكتا كور مع معالج الجرافك باور فى ار احسن من سناب دراجون و ادرينو الف مره

سناب دراجون اسم على الفاضي

اي استفسار معاكم ان شاء الله

salamaouda

2015-10-04 (11:50:51AM)

السلام عليكم
متابعة للجهاز ( انا شاري الجهاز ده بقالي 6 شهور )
الجهاز جميل جدا
وكنت كتبت كل حاجه عنه في التعليق السابق
انا بقي دلوقتي بكمل بخصوص التحديث updating للنسخه
نسخة الجهاز كيت كات 4.4.2
التحديث لولي بوب 5.0
الفرق بين النسختين مش كبير تكاد لا تلاحظ الفارق الا في
لما يجي لك رسايل سوء علي sms او رسايل نت بتظهر علي الشاشه من بره من غير ما تفتح الجهاز بتقدر تشوفها وتعرف اللي فيها
المفروض ان النسخة تكون اسرع لكن بالتجربة و الاستخدام
1- الجهاز بيسخن سوء اثناء الشحن او اثناء الاستخدام وخاصة لما تبقي فاتح تطبيقات كتير ( بيسخن سخونه ملحوظة قوي )
2- الجهاز بيهنج كتير وبيتقل
3- سرعة الجهاز مش باينه خالص انه بقي اسرع بالعكس بقي تقيل
4- المصيبة الكبري البطارية الجهاز بقي بيحرق البطاريه تقريبا بعد ما كنت بشحن مرة واحده في النهار اة مرتين لو انا بطحن الجهاز دلوقتي انا ماشي بالشاحن في جيبي تخيل انت بقي وعلي فكرة دي مشاكل مشتركه في الاجهزة كلها وواضح انها عيب النسخه يعني انا معايا سامسونج نوت 4 .
نفس المشكله كمان مع كذا حد من صحابي هي المشاكل اللي قولت عليها تقريبا واحده مع اختلاف نسبها .
الملحظ العام اللولي بوب 5.0 سيئ فنتبهو
كمان لو حابب ترجع لنسخة الكيت كات 4.4.2 لازم تعمل نسخة احتياطي لها علشان دي اسهل طريقة لتريجع النسخه
وده رأي لو في حد يشاركني الرأي او يبدي رأيه اكون شاكر
مع تحياتي

salamaouda

2015-08-19 (11:10:08AM)

السلام عليكم
بصراحه
وبعد استخدام للجهاز vibe X2 لمدة 5 شهور
الجهاز رائع واسئلتي السابقة كانت لعدم درايه بالجهاز لكن لما استخدمته وفهمته لقيت لها اجابت
لكن ملاحظتي علي الجهاز وخد بالك بقول ملاحظاتي مش بقول عيوب
1- سعة البطارية قليله ( وان كنت بتظل معي في الاستخدام الاقصي قرابة8 الي 9 ساعات ) واحتاج اشحن تاني لكن لو قللت اضاءة الجهاز وقفلت البلوتوث و الواي فاي وخليت تصفح النت علي العادي مش 3G والتصوير بتاع الكاميرة مش عالي الجوده بكده البطاريه بتقعد معايا اليوم
ولو حبيت اصور حاجه بقوم معدل امكلنيات التصوير ولما بخلص برجعها تاني
2- اثناء شحن الجهاز بحس ان حرارة الجهاز بتبقي محسوسه ( بحس بسخونة الجهاز ) لكن لم اجد اي تأثير علي اداء الجهاز يعني الجهاز ما شاء الله فله الله اكبر
3- مقارنة صور الجهاز بصور النوت 4 وجدت جودة النوت 4 اعلي كمان بحس ان اداي الفوكس بتاع الجهاز وخاصة حتة ازالة الاهتزازات مش قوي يعني بحس ان الصور بتبقي مهزوزة ومش عارف ده لقلة خبرتي في التصوير ولا لحاجه في الجهاز
4- حاسس ان الصوت بتاع السماعه ( الهاند فري) لما بتبقي مشغل اغاني او صوت مش عالي مقارنة لما بدلتها بسماعة سامسونج حسيت صوت السماعة نفسها اعلي لكن سماعته في الاتصال والمكالمات ممتاز
5- اواجه مشكلة في تحديث نسخة الجهاز من الكيت كات 4.4.2 الي اللولي بوب 5.1 او 5.0 ولما كلمت الضمان طلب اني اروح لهم بالجهاز وكل العلبه علشان يعملي هو التحديث ( وفال حتي لا يسقط الضمان بسبب تنزيل برامج من مصادر غير موثقه) وحاسس ان كان ممكن الدعم الفني لجهاز يكون اسهل من كده ولكن برضه وارد يكون في طريقه لتحديث انا معرفهاش يا ريت تفدوني بها اكون شاكر
6- وجود السماعه بتاعة الجهاز في الضهر بتخليك لازم تاخد بالك انه لو كان موضوع علي ضهره مش هتسمع رنته كويس ( صوتها واطي وده طبيعي لان مخرج الصوت بيكون مكتوم وكنت حاسس لو كانت في اي جمب كان افضل )
الخلاصة :-
بعد 5 شهور استخدام تقيم الجهاز وامكانياته مقارنة بسعره جهاز اكثر من رائع
وانصح من يريد اقتناء جهاز به ( حط الجهاز وامكانياته وسعره في مقارنة مع مثيله من الاجهزة الاخري المحترمه اعتقد انه يكسب )
دي وجهة نظري لو حد حابب التواصل انا تحدت امره salamaouda@ yahoo.com
او 01001755607
تقبلو تحياتي

Utopia

2015-05-30 (05:00:41PM)

هيبقا متوفر قريب عندى اسكرينة ضد الكسر و البصمة لو فى حد محتاجها يبعتلى على الخاص للتفاصيل

helpman32

2015-05-25 (04:38:28AM)

انصح بالتحديث مميزات التحديث
تحسين عمر البطارية
اوبشن تحسين صوت المكالمات
و اضافات نظام التشغيل

salamaouda

2015-05-20 (11:57:12AM)

سؤال
حد جرب يحدث النسخه
من كيت كات 4.4.4 الي لولي بوب 5.0
يا تري رأيكو فيها
يعني عيوبها مميزاتها اختلافتها عن الكيت كات
يعني افيدوني
لانني عايز احدث النسخه للموبايل اللينوفو vibe X2
لو تكرمتم ضروري ولكم ارق التحيات

abdo20112

2015-05-02 (05:53:54PM)

البطاريه معروفه انها مش قويه و كده مش وحش برده هيا كده متوسطه
انت بعد فتره هتتعود عليها

helpman32

2015-04-09 (11:35:23PM)

الجهاز يباع له فى الوكيل و هيه الشركه الهندسيه للمشروعات
جراب بطاريه بيعالج مشكلة البطاريه الضعيفه للاسف فى الجهاز
بص فى الضمان و اتصل بيهم اسئل عن الجارب البطاريه
او اسئل فى فروع موبيل شوب او رايه
او اشتريه من موقع بيع اجنبي موثوق

salamaouda

2015-04-09 (03:44:29PM)

مش ممكن بقي مافيش رد خالص
طيب حتي حد يخش يقولي اصبر علي ما بلااك

salamaouda

2015-04-09 (01:02:46PM)

كمان لي ملاحظة تانيه
البطاريه مش بتستحمل وبتخلص بسرعه
كمان بتقعد مده طويله في الشحن
يعني مثلا
كنت شاحنه 100% وبعد استخدام عادي حوالي 3 - 4 ساعات البطاريه بقت 32%
حطيتها علي الشاحن بقي لها حوالي ساعه ونص والشبطاريه بتديني جاري الشحن 97%
هو كده معناه ايه

salamaouda

2015-04-09 (01:02:44PM)

salamaouda

2015-04-09 (11:16:48AM)

السلام عليكم
يا جماعه لو سمحتم
اناجبت vibe X2
لكن مش عارف ازاي اقدر اشغل الاغاني في صورة البوم كل ما اشغل اغنيه تبقي هي بس ومش عارف ازاي اضيف play list لو ممكن تفيدوني

santeefa

2015-01-27 (01:12:56PM)

علي فكرة كمان شهر هاتنزل النسخة الجديدة من الجهاز .... بطارية 5000 مللي امبير و كمان بيقبل كارت ميموري ... الكلام ده من صديق ليا بيشتغل في شركة لونوفو

MoamenNasser

2015-01-03 (01:48:53PM)

لو سمحت انا ان شاء الله ناوي اشتريه بس بصراحه من اخ ل اخ ايه العيوب اللي فيه ... طب هو ولا نيكسوس 5 ولا زد ون

helpman32

2014-12-25 (04:12:02AM)

كاميرا رهيبه و الاماميه 5 ميجا و فيها حركات و الجهاز مفاجاه فى نظام البصمه
جهاز تحفه و فيه معالج جرافيك نفس الى فى ايفون معالج 6 نواه محترم جدا
جهاز حديد معدن كله و مجهز لجرب طباريه لينوفو بردو يباع له

AHMED11REFAAT

2014-12-23 (02:23:01PM)

تمام كل ده عارفينوو قولي بقي نظام تشغيل العاب قوي ولا فى العاب بتقطع و تهنج و كاميرا اخبارها اية !!!!

mostaaaa1

2014-12-22 (01:52:38AM)

بقلك انت معاك الجهاز ولو معاك ايه اخبار البطارية متهيائلى هتبى ضعيفة اووى 2300 على الامكانيات دى بتقعد اد ايه بالظبط وايه طبيعة استخدامك ليه العاب تقيلة و3 جى وكدة ولا استخدام خفيف

helpman32

2014-12-18 (11:15:37PM)

3300 سعر السوق

mariomakram

2014-12-17 (04:45:47PM)

هو بكام الموبايل ده ؟؟!!

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Lenovo Vibe X2

مقارنة

Android
5.0″

5.0 بوصة
3G

2G / 3G
13 MP, 4...
2300mAh

Li-Po 2300 mAh, non-removable غير قابلة للازالة

مزيد من المعلومات

الموبايلات

Vibe X2

التسجيل بالموقع

دخول الاعضاء

معلومات سريعة عن Lenovo Vibe X2

Android

5.0″

3G

13 MP, 4...

2300mAh