هذا الموضوع مرتبط بـ Honor 3X G750

تحديث الكيت كات 10-11-2014

EMUOSTAR

2014-11-11 (12:13:59PM)

تحديثات الكيت كات السابقه مكنتش شايف انها تفرق اي حاجه عن الجيلي بين كانت مجرد تغيرات بسيطه وكلها كانت بتكمن في تحديث الواجهه من الاصدار 2 الي الاصدار 2.3 واكتر حاجه واضحه هي تغير شريط الاشعارات وعلشان كده كان اللي بيسال علي التحديث كنت بقوله متستعجلش لانه مش فارق كتير
لكن التحديث الاخير انا نزلته من باب التجربه ومعرفه ما تم من تغيرات وبصراحه لقيت تقريبا كل حاجه متغيره الواجهه اتغيرت للاصدار رقم 3 وشكلها اتغير تماما وشكل الايقونات والاعدادات وبرنامج الكاميرا اتغير تماما وبرنامج الموسيقي ومدير الهاتف والحاسبه وشريط المهام يعني الخلاصه تغيير شامل عن الشكل الموجود حاليا في النسخه الاقدم
وطبعا النسخه لازالت نسخه تحت التطوير وليست النهائيه وبالنسبه لاداءها مش هحكم عليه غير بعد كام يوم واي مشكله هتظهر هنقولها في البوست هنا

haythamhhfa

2017-02-12 (06:05:49PM)

محتاج مساعدة ضرورى لهذا الجهاز وهذا رقمى 01009045114

mahmoudkamel11

2015-01-25 (05:19:04PM)

ازااااااي ممكن نحول النسخه U10 الي T00

EMUOSTAR

2014-11-12 (04:21:52PM)

وممكن تجرب تدخل الي الاعدادات ومنها الي تحديث النظام ومنها تختار التحقق من وجود تحديثات بس طبعا لازم يكون موبيلك موصول بالانترنت
واذا لم تجد اي تحديث للجهاز قولي رقم موديل جهازك ايه حاول تعرف عن طريق الدخول الي الاعدادات ثم حول الهاتف

ahmedamin1982

2014-11-12 (04:13:52PM)

التحديث الاخير بيتعمل ازاى لو ممكن شرح

EMUOSTAR

2014-11-12 (03:26:38PM)

ده رابط في منتدي المطورين

في تقريبا كل الامور المتعلقه بالجهاز والروت والتحويل
بس اللي يجرب حاجه يجربها علي مسئوليته الشخصيه والافضل لو حد معندوش خبره كافيه ميجربش
وحاجه كمان التحويل للنسخه العالمية لو حصل حاجه للجهاز ووديته الضمان بالنسخه دي الضمان هيرفض اصلاحه

ahmednasser123

2014-11-12 (01:32:39AM)

we ya ret t2oli enta 3aml root b barnamg eh 3lshan ana 3andi half rooted mesh kolel permission mfto7a asln

ahmednasser123

2014-11-12 (01:31:20AM)

tyb momken enta tshli el omor we t7otli el link bta3 el t7wel men u10 l t00

Mermaid

2014-11-11 (08:18:34PM)

بس برضه التحديثات الجديدة بتاكل من المساحة ، فلو فرق السرعة والاداء مش أكتر وتقريبا هو هو أعتقد مش هيبقى له لازمة لو الواحد مش مهتم بالشكل

Mermaid

2014-11-11 (08:11:55PM)

خلاص أحدث ان شاء الله بس لو حسيت ان النسخة اللى اشتريته بيها كانت أسرع هضطر أدخل فى موال كسر الحماية اللى مش عارفة حتى الان بيتعمل ازاى للنوع ده :)

EMUOSTAR

2014-11-11 (07:58:50PM)

التحديث ده طبعا مازال نسخه تحت التطوير بس هو افضل بكتير من النسخ اللي قبله اللي كان فيها استجابه التاتش والجهاز بطيئه حدث وتوكل علي الله هتلاقي اختلاف كلي عن كل النسخ السابقة وعلي فكره انا بفضل تحميل النسخه الكامله الي مساحتها 850 ميجا تقريبا واحدث بيها مش بفضل التحديث الجزئي
وبالنسبه لكونك ترجع للنسخه اللي قبلها او نسخ اقدم اعتقد صعب بدون كسر حمايه البوت ولكن ليس مستحيل لان الجهاز تقريبا بقاله شهر معايا بعد كسر حمايته نزلت عليه اكتر من 20 نسخه مختلفه حتي لرومات لاتخص الهواوي زي روم اللينوفو وروم الميوي وروم aosp الخام وروم color os بتاع شركه oppo لدرجه ان في ايام كنت بنزل فيها نسختين تلاته للتجربه
فتوكل علي الله ونزل التحديث

EMUOSTAR

2014-11-11 (07:49:17PM)

من ملاحظات الاستخدام
1- الصوت بقي اعلي وانقي
2- خاصيه dts بقت شغاله مع مشغل الموسيقي والفيديو بدون الهاند فري

بالنسبه لموضوع تحويل النسخه u10 الي النسخه t00 انا بفكر اعمل ريفيو عن الطريقه علشان اللي يحب يحول تبقي الامور سهله بالنسبه له لو مستعجل ممكن تعمل بحث عن الموضوع علي جوجل بالانجليزي وهو غالبا كان علي موقع المطورين وده كان عباره عن رد ضمن بوست عام للجهاز

Mermaid

2014-11-11 (07:45:55PM)

والسرعة بقت عاملة ازاى ؟ دى اهم حاجة أصلا
أنا كنت حدثت موبايلى اللى قبله وكرهت نفسى بعدها لانه بقى بطئ جداااااا ومعرفتش أرجع للنسخة القديمة من السوفتوير
يعنى لو فى أى مشكلة نقدر نرجع للسوفت القديم ولا هيبقى راح علينا خلاص ؟؟

ahmednasser123

2014-11-11 (02:52:06PM)

Tyb kda version u10 mesh hinzlo 7aga tab lw kda 7ad ydeni link el change l version t00 we ana h3mlo video lel nas b3d kda

EMUOSTAR

2014-11-11 (02:11:48PM)

الرابط ده

فيه شكل التغيرات الجديده طرات علي الموبيل بعد التحديث الجديد

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Huawei Honor 3X G750

مقارنة

Android
5.5″

5.5 بوصة
3G

2G / 3G
13 MP, 4...
3000mAh

Li-Po 3000 mAh, قابلة للازالة

مزيد من المعلومات

الموبايلات

تحديث الكيت كات 10-11-2014

التسجيل بالموقع

دخول الاعضاء

معلومات سريعة عن Huawei Honor 3X G750

Android

5.5″

3G

13 MP, 4...

3000mAh