سعر و مواصفات Huawei Ascend Mate7

مقارنة

Android

Android OS, v4.4.2 (KitKat)
6.0″

6.0 بوصة
4G

2G / 3G / 4G
13 MP, 4...
GB RAM

16 GB, 2 GB RAM/ 32 GB, 3 GB RAM
4100mAh

غير قابل للازالة Li-Po 4100 mAh battery

غير متاح

(568 تقيمات)

موصفات Huawei Ascend Mate7

الموصفات الاساسية

[?]	الحجم	157 x 81 x 7.9 mm (6.18 x 3.19 x 0.31 in)
[?]	الوزن	185 جرام
[?]	الألوان بالأسواق	Obsidian black, Moonlight silver, Amber gold

الشاشة

[?]	نوع الشاشة	IPS LCD capacitive touchscreen, 16M colors
[?]	مساحة الشاشة	6.0 بوصة
[?]	دقة الشاشة	1080 x 1920 pixels (~368 ppi pixel density)
	حماية الشاشة	Corning Gorilla Glass 3
	دعم اللمس المتعدد	نعم

الشبكة

	دعم 2G	نعم
[?]	دعم 3G	نعم
[?]	دعم 4G-LTE	نعم
[?]	دعم 5G	لا
[?]	دعم HSCSD	لا
	دعم EDGE	لا
[?]	دعم GPRS	نعم

الاتصال

[?]	دعم WLAN	Wi-Fi 802.11 a/b/g/n, dual-band, DLNA, Wi-Fi Direct, hotspot
[?]	دعم بلوتوث	v4.0, A2DP, EDR, LE
[?]	GPS دعم	نعم
[?]	NFC دعم	نعم
	دعم راديو Fm	نعم
	دعم USB	نعم

معلومات عن الكاميرا

	دعم الكاميرا	13 MP, 4128 x 3096 pixels, autofocus, LED flash
	دعم فلاش	نعم
	كاميرا امامية	نعم
	موصفات الكاميرة الامامية	5 MP, 720p

مساحة الذاكرة

	الذاكرة الخارجية	microSD, up to 128 GB (uses SIM 2 slot)
	الذاكرة الداخلية	16 GB, 2 GB RAM/ 32 GB, 3 GB RAM

نظام التشغيل

	نظام التشغيل	Android OS, v4.4.2 (KitKat)
	نوع نظام التشغيل	Android
	Chipset	HiSilicon Kirin 925
[?]	CPU	Quad-core 1.8 GHz Cortex-A15 & quad-core 1.3 GHz Cortex-A7
[?]	GPU	Mali-T628MP4

معلومات أخري

	الرسائل	SMS (threaded view), MMS, Email, Push Email
	المتصفح	HTML 5
	معلومات عن البطارية	غير قابل للازالة Li-Po 4100 mAh battery
	قردة البطارية في الوضع العادي	حتي 648 ساعة

الخصائص

[?]	دعم شرحتين	نعم
	الشريحة	Dual SIM (Micro-SIM/Nano-SIM, dual stand-by) - MT7-TL10
	نوع النغمات	MP3, WAV
	مخرج صوت 3.5mm jack	لا
	الاهتزاز	نعم
	دعم انفراريد	لا
[?]	حماية بالبصمة Fingerprint	نعم
	مكان البصمة	بالخلف

ملحوظة : لا يمكننا ان نضمن ان تكون المعلومات في هذه الصفحه صحيحة 100%

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

مواضيع و اراء عن Huawei Ascend Mate7

النسخة 32 جيجا

بواسطة: Scorpion81

يا جماعة الى بيدور على النسخة ال 32 جيجا الذهبى 3 جيجا رامات موجودة فى محل موبايل شوب الى فى الرحاب و السعر 4500 جنية انا لسة جى من هناك و سألت علية , و بصراحة كنت هاشترى بس انتم خوفتونى مينوة لما قريت التعليقات و كدو بعيد حساباتى و بدور على تليفون تانى.

شكرا

2015-04-01 (10:23:18PM) / ردود 1

اضف رد

Medo055

2015-04-01 (10:57:11PM)

عارف لو دخلت على جروب ‎HTC Egypt هتلاقى بردوا ناس بتشتم وتشتكى من HTC one M8 للاسف كل واحد واستخدامه للجهاز يا اما يكون راضى عنه يا اما يكون طالع بيه للسما
مفيش جهاز من غير عيوب ولا جهاز كامل وانت واستخدامك واللى نفسك تنجذب ليه
جرب تدخل على جروب ‎Huawei mate7 Egypt وشوف واسال واعرف واحكم بنفسك

موبيل هواواى

بواسطة: mennatallahashraf

صباح الخير انا بردك مقتنعة بكلامك وان التجربة بايد تختلف عن الكلام وزى ما قولت من قبل فى الاخر الواحد يشترى اللى يرايح بس انا كنت ليسه فى هايبر ون من كام يوم وكنت هشترى عندهم النسخة 32 بس ترددت وخوفت لما قاعدت اقر العيوب اللى انتوا بتصعهوا مثل بيحدث خطا فى الاتصال وبتتطلع رسائل غريبة وبعد كده بتقول تحديث بطاى وبتقول فى مشاكل تانية بتظهر مممكن تدوس على رز الاغلاق وكمان انك ممكن تغير من العربى الى الانجيليزى فيحدث لغبطة فى الكلام وانت بتتتكلم بصراحة المشاكل كترت وانا خوفت انا معرفش كل شركة اية مشاكلها بس اللى قرات جعلنى اترددد مرة اخرى بعد ما كانت قررت خالص فارجوكم اشرحوا لى ده عيوب اساسية لازم تحصل ولا مممكن لا ساعدونى

2015-04-01 (09:27:06AM) / ردود 3

اضف رد

Medo055

2015-04-02 (05:42:04PM)

الى omarsami الله يعطيك العافية
انا حبيت اساعدها واحطها على الطريق السريع طالما هى متلخبطه زى ما حصل معايا وانا فعلا نويت انه اجيبه الشهر ده باذن الله
وبالنسبة للتحديث معاك حق انا حتى بعت للشركة اكتر من مرة اسالهم عن تحديث الجهاز الى لولى بوب وللاسف ولا ردوا عليا حتى بايميل فاضى وده خلانى مستاء جدا من شركة كبيره وللاسف مش مهتمه باسئلت عملائها
عامة انا معاكم بتابع ردود المستخدمين

omarsami

2015-04-02 (02:43:29PM)

الى MEDO 055 .... منة الله مشتركة فى جروب HUAWEI MATE7 EGYPT من زمان وبصراحة منورة جدا جدا ... هههههههه.... وسالت كل الاسئلة اللى تخطر على بالك وبرضه لسه لغاية دلوفتى ماجبتش الموبايل.....
يا جماعة ... من واقع تجربتى للتيلفون ...تليفون رائع فى كل شئ...سيبك من كلام اللى بيقولك بتظهر رسالة والكلام ده...دى بتبقى غلطات من المستخدمين ممكن فاتح حاجة وبتدى رسالة او كده ... ده كلام بسيط ولاتعتبر عيوب ...الموبايل مقارنة بباقى الموبايلات ... يعتبر ممتاز جدا كامكانيات وشكل وتشغيل ولايوجد مشاكل السخونة والتهنيج وفشل التاتش كما يوجد مثلا فى HTC... او مواد مستخدة ردئية فى الصناعة وبلاستيك ك ال سامسونج...

العــــــيب الوحيد لل هواوى بطء التحديث....مع ملاحظة ان التحديث غالبا ما يكون فى الثيمات الخاصة بالجهاز ... انا شخصيا لايفرق معى التحديث ...بس اللى فارق معايا ليه شركة ك هواوى تتاخر فى التحديث مش اكتر ... يعنى ببساطة كده مش عايز موبايلى يكون اقل من اى حاجة تانية

وهوه فى الحقيقة متوفق عليهم.....وكل واحد بقى وتفكيره وتفضيله ...اللى هيشترى اكيد هيكون مبسوط ان شاء الله واللى مش هيشترى دى طبعا حرية شخصية ليه....وتفكيره وهوه اللى يختار اللى يناسبه

Medo055

2015-04-01 (10:06:12PM)

مساء الانوار
بصى الحيرة دلوقتى بقت كبيره لان معظم الموبيلات بقت متقاربه وزى بعض وتشبه لبعض اوى فى الشكل والامكانيات وبالتالى الاختيار بقى صعب عامة دورى وابحثى وشوفى وقارنى عشان تبقى مرتاحه فى اختيارك
وبالنسبة لمات 7 ناس كتير بتشكر فيه وناس تانية بتنتقده عامة مفيش موبيل من غير عيوب انتى تقدرى تدخلى وتشتركى على جروب huawei mate7 egypt على الفيس وهناك هتلاقى كتير استخدموه ومنهم هتعرفى اذا كان عجبك ولا لا عشان تبقى مطمنة وده احسن حاجة تعمليها اسئلى وشوفى من اللى اشتروه وجربوه وبالتوفيق

اكسسورات مات 7

بواسطة: Medo055

يا جماعة ياترى فيه اكسسورات متوفرة لمات 7 من اسكرينة ازاز اللى ضد الكسر وجرابات ولا مفيش؟

2015-03-30 (03:08:36PM) / ردود 10

اضف رد

Medo055

2015-04-02 (07:43:01AM)

العفو على ايه هنا كلنا لازم نساعد بعض واللى يعرف معلومة بيبخلش بيها ويعرف بيها كل عضو
وده حقك انك تسال وتستفسر قبل ما تشترى انا ديما بعمل كده وده اسلوبى لما اشترى

ktakora

2015-04-02 (01:16:43AM)

شكرااا جدا عالرد ... معلش بأه كنت ممله شويه في الاسئله عن الموبايل

Medo055

2015-04-01 (09:57:38PM)

لا دى بترجعلك انت لانها اذواق انا عن نفسى لغاية دلوقتى مرتاح لهواوى
عامة تقدر تروح موبيل شوب او كارفور والاتنين موجدين هناك اتفرج عليهم وقارن بينهم وامسك الاتنين وشوف اللى يعجبك

ktakora

2015-04-01 (03:29:56PM)

شكرااااااا جدا علي الرد

طب من وجهة نظرك الموبايل اللي شكله اشيك كده اي واحد فيهم ؟

Medo055

2015-04-01 (07:55:06AM)

انا لسه مشترتش الموبيل بس بحب اسال عليه وعن كل حاجة قبل ما اجيبه
اما بخصوص الفرق بينه و سامسونج A7 فانا مسكت الاتنين فلقيت سامسونج انحف منه وفعلا نحافته رهيبه جدا واقصر من هواوى بحاجة بسيطه بس هواوى نحيف بردوا لكن سامسونج انحف منه
كمان سامسونج انا كنت فاكره كله معدن طلع ان الضهر بتاعه بلاستك بس من خامه نضيفه وقوية
اما هواوى فكله معدن كمان هواوى فيه انحناء من الخلف عشان تعرف تمسكه اما سامسونج فهو مسطح من الضهر حته واحده
دى الفروق اللى لاحظتها من ناحية الحجم لما مسكت الاتنين اما من ناحية الاداء والشغل فانت تسئل بقى اللى جربوا الاتنين وهما يوضحوا ليك امكانيات كل واحد واتمنى اكون اتقدر اساعدك

ktakora

2015-03-31 (11:25:04PM)

حضرتك اشتريت الموبايل ؟

لو ايوة ممكن تقولي رأي حضرتك فيه ايه من حيث الشكل ويختلف حجمه كتير عن سامسونج A7 وكل حاجه عن الموبايل .. شكرا مقدما

Medo055

2015-03-31 (02:38:04PM)

طب انهى افضل ضمان اللى تبع شركة دلتا ولا I2 ؟

omarsami

2015-03-31 (02:08:32PM)

عندك راديو طلعت شارع عبد العزيز... الافوكاتو محطة مترو محمد نجيب باب اللوق/ محل هداية والعفاريت اول شارع مراد من ميدان الجيزة / محل 888 عين شمس

Medo055

2015-03-30 (04:00:28PM)

فين لانها مش موجوده فى موبيل شوب الاسكرينة؟
فين الاقى الاكسسورات دى؟

omarsami

2015-03-30 (03:53:34PM)

موجود ومتوفر ... الاسكرينة الزجاج من 60 - 90 جنيه * الكوفر ال فيليب الاصلى 150 جنيه

جروب جامد جدا

بواسطة: omarsami

فى جروب ياجماعة على الفيس لل mate 7 .. اسمه huawei mate7...ده جروب جميل جدا فيه ناس متخصصة فى الهواوى اى مشكلة عندك فى حاجة فى الموبايل مش معروفة تلاقى الناس ردت عليك على طول وبالشرح كمان وبالصور بصراحة كل اللى معاه ال mate 7 ويروح الجروب ده هيستفيد جدا من اسئلة الاعضاء والمشاكل التى تواجه البعض ... ادعو الجميع للدخول على الجروب ده على الفيس للاستفادة وكل اللى عنده استفسار او سؤال الناس مش بتتاخر خالص فى الرد

2015-03-29 (01:34:44PM) / ردود 0

اضف رد

عاوز فون نسخة 16 جيجا

بواسطة: TrainerMohamedtayel

يا شباب عاوز نسخة 16 جيجا اللى عاوز يبيع يكلمنى ضرورى ..
01224278878-01119100958

2015-03-29 (04:52:36AM) / ردود 0

اضف رد

وصل وصل

بواسطة: tabia

تم شراء الجهاز النسخة ال32 جيجا لون ذهبى جميل جدا جدا والتليفون اكثر من رائع بصفة مبدئية انا لسة شارى الجهاز يوم الخميس اللى فات

2015-03-28 (03:57:26PM) / ردود 4

اضف رد

omarsami

2015-03-31 (02:05:47PM)

مبروووك.. وربنا يباركللك فيه... لو احتجت اى مشورة اواستفسار ادخل على الجروب ده على الفيس

huawei mate 7 egypt....كل اللى انت عايزه هتلاقيه

AhmedmohamedAhmed

2015-03-29 (10:02:20PM)

لما دخلت علي الموقع بتاعهم لقيت مكتوب رامات 2 جيجا وذاكره داخليه 32 ازاي ده ؟

tabia

2015-03-29 (08:42:29PM)

4500 من موبيل شوب ومعاة فاتورة ضريبية

AhmedmohamedAhmed

2015-03-29 (10:51:30AM)

اشتريته منين وبكام ؟

المكان

بواسطة: AhmedmohamedAhmed

الاقي فين النسخه ال 32 جيجا وسعرها كام ؟

2015-03-27 (04:38:37PM) / ردود 4

اضف رد

ahmedhelalia

2015-04-03 (11:38:19AM)

انا دورت كتير مش لقيته لكن فى راديو شاك قالولى فى 100 جهاز لسه داخل الفرع الرئيسى احجر ولو ب 100 جنيه اقدر اوقرلك واحد منهم لاننا عندنا 120 فرع اعلب الفروع مش هتاخد منه قولتلهم وليه ب 100 الحجز خليها 200 :) المهم اوصله فعلا جاوبه واخدته من يوم الاتنين اللى فات ب 4500 بالضمان والفاتوره الضريبيه

AhmedmohamedAhmed

2015-03-28 (09:06:45PM)

موجود في اي محل في السراج مول ؟

omarsami

2015-03-28 (01:33:07PM)

متوفر حاليا فى هايبر ماركت النسخة ال 32 + موبايل هدية من هواوى كله بمبلغ 4500 جنيه بالضمان ةالفاتورة ...الحق اشتريه قبل ما يخلص

Scorpion81

2015-03-28 (12:36:37PM)

هى موجودة فى موبايل شوب ب 4500 جنية و حضرتك بتدفع جزى من المبلغ (جدية تعاقد) و هايجيبلك التليفون فى خلال يومين

المات 7 الافضل فى السوق

بواسطة: mohammed2003

النسخة الجولد معاية منذ شهر يناير برامات 3 و32 جيجا مساحة التخزيين وخطين اكتيف في نفس الوقت يعنى لما حد يتصل بيك على خط مثلا فودافون وانتا معاك مكالمة على اتصالات تلاقى في اتصال جالك بالإضافة الى البطارية الجيارة اللى بتقعد معاك في الاستخدام المتوسط يوم ونص والاستخدام العالى نت والعاب يوم كامل بالإضافة الى الشبكة القوية جدا اللى لو في مكان والشبكة ضعيفة هتلاقى عندك الشبكة جيدة ولكن الكاميرة والصوت اقل من النوت ثرى بفارق لا ضئيل وتاتى البصمة الممتازة التي تجعل من هاتفك حماية يعنى ممكن تعمل بصمة خاصة بيك ولكل واحد من افراد عائلتك حتى خمس اشخاص وممكن تعمل بصمة ليك خاصة بالزوار تخفى ما تشاء من جهازك صور وجهات اتصال وبرامج وغيره وغيره يعنى انا عامل بصمة للفيس بوك لا احد يستطيع فتح الفيس بوك الا بالبصمة حتى لو كان من الملاك الخامسة اللى ذكرتهم وتاتى البرامج المدمجة مع سوفت الجهاز التي تغنيك عن اى برامج إضافية بالإضافة الى الرامات العالية يعنى انا عاندى اكثر من 30 برنامج واستهلاك الرامات لا تتعدى ال 45 % ولى واحد قريبى معاه النوت ثرى ومسطب اقل من 15 برنامج ومعدى ال 85 % من الرامات علما بانى معظمها عاندى ولو اتكلمنا على الخامة أقول انه لا يوجد في السوق المصرى جهاز معدن يفوق 90 % منه الا المات سفن ولو الشكل اترك الصورة تشرح نفسها يعنى باختصار المات سفن الأفضل في السوق المصرى ولو حابب تقارن بينه وبين تليفون اخر فليكن النوت فور ليس اقل

2015-03-26 (05:30:09PM) / ردود 7

اضف رد

Medo055

2015-04-01 (08:09:58AM)

طب سرعة النت سواء على الشريحة او الوافى فاى عامله معاك ايه؟ كمان قوة اشارة الواى فاى اخبارها ايه بتلقط من قد ايه مسافة؟
وبالنسبة للسماعه بتاعته اخبارها ايه؟ عاية ولا واطية يعنى اقدر اسمعه وانا فى المواصلات ولا لا؟ وبالنسبة لسماعة اسبيكر بردوا اخبارها ايه لان فيه ناش اشتكت منها انها واطية شوية ؟
وياترى ينفع اقدر اركب فى مكان الشريحة التانية خط وكارت اصل فيه ناس بتقول ينفع تركب الاتنين وبيشتغلوا ياترى جربتها؟
وياترى الراديو اخباره ايه وعامل ايه عشان انا بحب اسمع الراديو ؟ ولو شغلت سماعة الاسبيكر عشان اسمع الراديو صوته هيبقى عالى ولا واطى؟
اخير انهى افضل ضمان دلتا ولا I2 ؟
واكون شاكر جدا ليك على اجابتك

mohammed2003

2015-03-30 (08:12:59PM)

بالنسبة للشريحة في شريحة نانو وشريحة ميكرو لو بتستخدم خط واحد يبقى ممكن تحط مكان الشريحة النانو ممكن تحط كارت ميمورى يزود الذاكرة ( علما بان النسخة الجولد 32 جيجا ) بس احلى مافى العدة ان الخطين اكتيف يعنى لو انتا بتتكلم على فودافون وجالك مكالمة على الخط التانى سواء اتصالات او موبينيل هيرن معاك عادى ومش هيديك خارج نطاق الخدمة زى النوت ثرى بخطين اما بالنسبة للتحديث كتير اشتكو انه البطارية استهلاكها زاد مع انى مش حاسس بالكلام ده خالص وطول النهار نت والعاب والبطارية معاية بتعدى اليوم وانا معملتش ضبط مصنع بعد التحديث مع ان الكل نصحنى بإعادة الضبط لظبط البطارية مع انى مش حاسس بفرق خالص وبالنسبة للاسكرينة موجودة في كل حطة في محلات الموبايلات بالقاهرة وفى شارع العطار بالعتبة موجود الجرابات مع ان النسخة الجولد بييجى معاها جراب اسمارت وبالنسبة للشريحة النانو ممكن تقصها في اى محل موبايلات او ممكن تشترى الشريحة الاورجنال من شركة الاتصالات الخاصة بالخط المراد قصه ب 35 جنيه

Medo055

2015-03-27 (10:27:53PM)

كمان ياترى انت لما عملت التحديث عملت ضبط مصنع ولا لا؟
وياترى لقيت ليه اسكرينة ضد الكسر ولا لا؟ ولو موجوده فين وبكام؟

Medo055

2015-03-27 (09:57:45PM)

يعنى التحديث مفيش مشاكل فيه عندك والبطارية زى ما هى مزدش استهلاكها وهو نفس قدرتها قبل وبعد التحديث
وبالنسبة للشريحة انت اكيد قصدك على الشريحة النانو ولا الميكرو والنانو لان الشرجتين اللى معايا العادى فهل لازم اغير الاتنين ولا اقص واحده ميكرو والتانية اروح ابدلها نانو ولا لا؟ ولو رحت ابدلها بفلوس ولا لا؟

mohammed2003

2015-03-27 (07:52:00PM)

بالنسبة لرسالة توقف جهات الرسالة بالفعل الرسالة كانت بتجيلى ولكن كان حلها بسيط جدا انك تترك جهات الاتصال مفتوحة في الخلفية والرسالة ديه كانت بسبب ان الشريحة النانو مش مقصوصة كويس وده كلام احد المنتديات على النت وحلها أيضا بسيط انك تجيب شريحة اورجنال من شركة الاتصالات سواء كانت فودافون او اتصالات او موبينيل اما بالنسبة للتحديث فالبفعل انا حدثت الجهاز اول ما نزل التحديث من شهر يناير وفى ناس اشتكت انه بسنهلك من البطارية وده بالنسبة غير واضح تماما علما بان استخدامى فوق المتوسط والبطارية بتعدى اليوم لو عايز ارفعلك اسكرين شوت انا جاهز اما بالنسبة للتهنيج او السخونة فده مش موجود خالص في الهواوى علما بانى بستخدم النت لفترات طويلة وده كان السبب الرئيسى ان اتنازلت عن النوت ثرى اما بالنسبة للفيس بوك في ناس اشتكت فعلا انه في مشكلة في الاعدادات ولكن مع التحديث الجديد اختفت المشكلة علما باننى لم تواجهنى هذه المشكلة سواء قبل التحديث او بعده ومن اول يوم والفيس بوك شغال عاندى تمام دون مشاكل اما اشتريته منين اشتريته من محل الافوكاتو في وسط البلد شارع شريف بعد البنك المركزى واشتريته 4150 بس اعتقد ان سعره دلوقتى 4300 و 4400 في راية وموبايل شوب ولو في اى سؤال انا في الخدمة والاخ اللى بيسال عن موضوع البصمة بصراحة افضل شيء في الجهاز البصمة وبتتعمل عن طريق الاعدادات في خانة البصمة وممكن تعمل اكثر من بصمة جتى خمس افراد وهى سهلة جدا في عملها ولو في اى سؤال انا في الخدمة

advance

2015-03-27 (11:03:21AM)

ياريت تشرحلنا موضوع البصمه وازاي بيتعمل

Medo055

2015-03-27 (01:55:43AM)

طب انت عملت التحديث الاخير ولا لسه؟ لان فيه ناس كتير بتشتكى منه انه بيستهلك كتير من البطارية وقلل من قدرتها
وهل واجهتك اى مشاكل او تهنيج فى الجهاز من ساعة ما اشتريته ولا لا؟ لان فيه ناس بيطلع ليها رسائل Erorr ورسالة تانية بيكتب فيها عفوا تعذر قطع جميع جهات الاتصال
ياترى بتظهر حاجات من ده ليك ولا لا؟
كمان هل واجهتك مشاكل فى اعدات الفيس بوك ولا لا؟
واخيرا اشتريته منين وبكام؟ واتمنى مكنش ازعجتك وتفيدنى باجاباتك

هواوي Ascend Mate7

بواسطة: hisham77722

ياجماعه انا كنت بوسط البلد النهاردة وعديت على محل كبير بالموبايلات وسألتة على الجهاز قالى بالحرف ان الجهاز اعلى من النوت 3 وقريب من النوت4 ولو معاك فلوس الجهاز ومحتار بين النوت3 وهواوى الاتنين بنفس السعر اشترى هواوى7 احسن كتير وعن تجربة اما بالنسبة نسخة ال16/32 قالى ال16 نازل بشريحة واحدة بس ومنزلش منة شريحتين......اما ال32 نازل بشريحتين ومنزلش منة شريحة واحدة الكلام دة صحيح ..... والاحسن فعلا بشريحة واحدة ولا شريحتين ......؟؟؟؟؟ وتنصحونى باية بصراحة لان بردة 4300جنية مش شوية وخايف اجيبة واندم بعد كدة واقول ياريت كت جبت باللى نعرفة احسن

2015-03-23 (06:04:09PM) / ردود 3

اضف رد

omarsami

2015-03-24 (01:20:27PM)

ال هواوى ممتاز فى كل النواحى....انصحك بشراء اللون الدهبى نسخة 32 جيجا .. افضل من ال16 جيجا. للتالى .... عندك الرامات 3 يعنى زيادة واحد رامة عن ال 16 ... المساحة الداخلية زيادة 16 جيجا يعنى ضعف الاول.... يوجد فى داخل العلبة جراب فيليب اصلى هدية مع الجهاز وده غير موجود فى النسخة ال 16 جيجا .... سعر النسخة ال 32 جيجا يتراوح من 4100 الى 4200 ...

وتقدر تشوفه عند راديو طلعت بشارع عبد العزيز ... محل الافوكاتو بجوار مترو محمد نجيب بوسط البلد ..

محل هداية والعفاريت باول شارع مراد من ناحية ميدان الجيزة... كمان فى محل 888 بعين شمس

TrainerMohamedtayel

2015-03-24 (03:10:07AM)

النوت 3 اعلى فى الكام حاجات بسيطة و كمان الجهاز هو يا اما شريحة و 16 جيجا ذاكرة و 2 جيجا رام او شريحتين و 32 جيجا ذاكرة و 3 جيجا رام و ده لون ذهبى فقط
و عندك الجهاز كويس جدا عيوبه ان تحديثه ضعيف نسبيا تحديثات السوفت وير يعنى الى الان لم يتم الاعلان عن نزول لولى بوب اصلا للجهاز فلو هتخده حط فى اعتبارك انك هتتعامل مع كيت كات لفترة كبيرة

Huaweimatee

2015-03-24 (02:50:38AM)

الميت 7 ولا الزد 3

بواسطة: kahk2008

صباح الفل ياشباب ... دلوقتى كلامك الحلو ده خلانى اتحير بين شراء الهاتف ده وبين الزد 3 لانى مش شتيف فروقت كتير بينهم غير ان الكاميرا اعلى ومقاومة الماء ... الباقى شايف ان المسافات بينهم مش بعيدة ... فايه رأيكم ؟؟

2015-03-22 (10:33:43AM) / ردود 1

اضف رد

Scorpion81

2015-03-22 (01:48:39PM)

انا محتار نفس حيرتك دى بالظبط بس لو حجم التليفون يفرق معاك و عايز تجيب تليفون حجموة مش كبير هات Z3 لو بتحب الشاشة الكبيرة هات هواوى , لو من هواة التصوير و كدة هات Z3 , و بعدين حط فى اعتبارك التوكيل عامل اية فى الشركتين الى انا بسمعوة ان توكيل سونى وحش و ناس كتير بتشتكى مينوة اما توكيل هواوى لحد دلوقتى محدش اشتكى مينوة و معرفش اذا كان كويس ولة لا , فا انا بضوم حيرتك على حيرتى و نحاول نساعد بعض لو حد عرف معلومة جديدة عن التليفونين و ممكن حد خبرة يجاوب علينا , فى كمان تليفون قوى و قوريب من هواوى الى هوة لينوفو Vibe Z2 Pro تليفون امكنياتوة رهيبة بس مش عارف مقلق مينوة شوية.

شكرا

الموبايلات

سعر و مواصفات Huawei Ascend Mate7

Android

6.0″

4G

13 MP, 4...

GB RAM

4100mAh

موصفات Huawei Ascend Mate7

التسجيل بالموقع

دخول الاعضاء

مواضيع و اراء عن Huawei Ascend Mate7