هذا الموضوع مرتبط بـ Ascend Mate7

تحديث جديد لل. mate7

omarsami

2015-03-03 (10:03:16PM)

في تحديث جديد نزل اليوم لل mate7.... هتلاقوه موجود في ال update او emui..
التحديث بياخد وقت شوية حوالى ساعة ونصف الى ساعتين
الجديد في التحديث... هو huawei cloud....والتحكم في الموبايل وحذف وقفل الموبايل عند ضياعه
ودي طبعا ميزة مهمة جدا... وموجودة في الايفون... كمان بيساعد علي ثبات التجوال خارج مصر
وبيحسن من اداء الموبايل.... مش عارف لو في اي حاجة تانية في التحديث هاقول عليها

Medo055

2015-03-08 (03:31:58PM)

ممتاز جدا انه فيه الخاصيه دى بس محتاجه برنامج عشان الموبيل يقراها ولا هى فيها برنامج يقرا الفلاشة على طول؟
وان شاء الله على نهاية الشهر اكون من مقتنى اسند مات 7 وعضو معاكم فى الردود على السألين

yasmin7

2015-03-06 (11:52:52PM)

الجهاز في خاصيه ال OTG
اللي هي تشغيل الفلاشه
متقلقش

Medo055

2015-03-06 (01:27:14AM)

مش قصدى فيديو بترجمه اتفرج عليه وانا فاتح معاه انا اقصد فى المجمل العام انى اقدر اصغر الفيديو واحطه فى اى حته فى الشاشة وانا بعمل حاجة تانية زى بتصفح نت وغيره

okakol

2015-03-06 (12:48:26AM)

طب دى تجى ازاى عايز تتفرج على فيلم بترجمة وتسيبه شغال وتشتغل على الجهاز !!!!!!!!
على العموم مش هينفع فى الكلام ده ولو عايز كدهفى برنامج تانى بس من ترجمة وممكن كمان تشغل اليوتيوب برضو وانت شغال على الجهاز الرابط بتاعة اهو

Medo055

2015-03-06 (12:16:45AM)

الله ينور عليك يعنى اقدر اتفرج على افلام بالترجمة العربى زى ما بتفرج على الكمبيوتر
طب اقدر اصغر الفيديو وخليه شغال وانا بتصفح نت او ببعت رسالة ولا بردوا محتاجة برنامج؟

okakol

2015-03-05 (11:52:36PM)

برنامج عرض الفيديو اللى مع الجهاز مش بيقرا ملف الترجمة لكن فى برامج كتير بتدعم الترجمة ممكن تنزل اى واحد فيهم انا منزل برنامج VLC ودى صورة منه

Medo055

2015-03-05 (10:59:54PM)

ميرسى كتير على اهتمامك بالرد والتوضيح
بالنسبة للتحديث هو لازم اعمل ضبط المصنع او فورمات من الريكفرى زى موبيلات سامسونج لما تعمل تحديث ليها ولا لا؟
وهل جربت توصله بفلاشه ويقراها لانى سمعت بالموضوع ده؟
وبالمناسبة جبتله اسكرينة ضد الكسر ولا لا؟ وبكام ومنين ؟ وهل محل سيتى ستايل بيدى فاتورة ولا لا؟

omarsami

2015-03-05 (10:25:08PM)

الصديق... Mido55...انا اشتريت الموبايل من شارع شريف بوسك البلد محل اسمه سيتي ستايل... من شهر يناير ب 4150 جنيه... بضمان دلتا..
بالنسبة لتسجيل الموبايل هتدخل علي موقع hi could هتسجل رقم التليفون والاسم وهكذا... والموقع ده تابع لشركة هواوي....
بالنسبة للتصوير بالكاميرا الامامية هناك عدة خيارات... الضغط علي مفتاح الصوت ... او الابتسام فيتم التصوير... اوالتحدث ب تشششييززز او الضغط من الخلف علي سنسور البصمة فيتم التصوير... ويوجد بعض الاوبشن... وضع التاريخ والتوقيت.... وضع المكان مع وجود بعضة المربعات التي توضع علي الصورة ك مج للشاي.. او صورة قلب وهكذا...
بالنسبة لموضوع مشاهدة فيلم وتصفح الفيس... اعتقد ان هذا غير ممكن كذلك بالنسبة لملف الترجمة... ممكن يكون لها طريقة وانا لا اعرفها .. ارجو ان اكون قد افدتك في حدود معلوماتى... واي خدمة تحت امرك

Medo055

2015-03-05 (08:27:46PM)

لا كده فيه حاجة بتحصل معايا بشكل متعمد فيه حد هنا بيمسح التعليقات بتاعتى دى مش اول مرة وكررت اكتر من مرة وهنا فى صفحة اسند مات 7 بس انا مش عارف ده بيحصل معايا ليه ومين بيعمل كده وعشان ايه؟
بص يا omarsami انا شاكر جدا ليك وعلى ردك وعلى التوضيح اللى بعته بس كان عندى شوية اشتفشارات ياري تجوبنى عليها
لو عندك فيديو توضيحى او طريقة التسجيل ووضع البيانات على موقع هواوى لحماية الموبيل من السرقة ياريت تعرفنى بيها واكون شاكر اوى جدا ليك
كنت عايز اعرف اشتريت موبيلك منين وبكام وبضمان ايه؟
كمان ياترى فيه خاصية اقدر اشغل فيديو واتفرج عليه وانا فاتح حاجة تانية زى الفيس او وانا بكتب رسالة ولا لا؟
وهل بيدعم كل صيغ وملفات الفيديو ولا لا؟ وهل يقدر يقرا ملف الترجمة للافلام اللى بيبقى جنبها ملف الترجمة ولا لازم تكون الترجمة لازقة على الفيلم؟
وياترى الكاميرا الامامية عاملين فيها خصائص للتصوير السيلفى زى لو شويرت بايدى يلتقط صورة؟
يعنى اتمنى تفيدنى وتععرفنى بالامور دى فى اقرب وقت ممكن ان شاء الله

omarsami

2015-03-04 (03:55:52PM)

طبعا لازم تدخل على موقع هواوى وتسجل بياناتك ...بحيث لو الموبايل اتسرق ممكن تقفله او تحذف وتلغى الاسماء مثلا من عليه او الفيديو او اى مستندات انت عايزها...فى كمان HUAWEI CLOUD+

ده اللى انت بتحفظ عليه كل مايحتويه الموبايل وممكن تفتحه من اى مكان من غير الموبايل...فى كمان حاجة جميلة اسمها TALK BAND ...دى بتحط فيها وزنك وطولك وهى بتحسب المسافة اللى المفروض تمشيها كل يوم بعدد الخطوات وومكن تحسب الخطوات بس لازم تجيب الساعة الخاصة بيه ده طبعا علشان تحافظ على لياقتك... كمان نزلوا برنامج اسمه .. HICARE وده عبارة عن الكتيب بتاع الموب بس طبعا بطريقة مبسطة وسهلة جدا وباللغة العربية ..كيفية الاستخدام وجايب كل حاجة لوحدها زز يعنى التصوير لوحده.. الترفيه نقل البيانات ادارة الهاتف زز وهكذا زز وفى نفس البرنامج ده فيه عنوانين مراكز الخدمة للموبايل شركة دلتا وراية لكل محافظات الجمهوريةوكمان يوجد موقع هواوى على الفيس يدوب تضغط من البرنامج على كلمة FACE BOOK
يفتح الموقع الخاص بتوكيل مصر من عليه.... انا شايف انها اضافات جميلة جدا وفعلا عملية ومفيدة

Medo055

2015-03-04 (02:56:45PM)

ياترى ممكن تشرح لينا تفاصيل اكتر عن التحديث؟
كمان ازاى اقدر اتحكم فى الموبيل واقفله عند ضياعه وهل بادخل على موقع هواوى عشان اسجل الجهاز بتاعى واعرف اتحكم فى الجهاز من على الموقع لما يضيع ولا لا؟

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Huawei Ascend Mate7

مقارنة

Android
6.0″

6.0 بوصة
3G

2G / 3G
13 MP, 4...
4100mAh

غير قابل للازالة Li-Po 4100 mAh battery

مزيد من المعلومات

الموبايلات

تحديث جديد لل. mate7

التسجيل بالموقع

دخول الاعضاء

معلومات سريعة عن Huawei Ascend Mate7

Android

6.0″

3G

13 MP, 4...

4100mAh