هذا الموضوع مرتبط بـ Ascend Mate7

حركات المات 7 ايه؟

Medo055

2015-02-16 (01:51:26PM)

انا يا جماعة عايز اعرف ايه الحركات الكتير الموجودة فى المات 7 كذا واحد سالته قالى فيه نفس الحركات اللى موجودة فى النوت 3 واكتر فانا عايز اعرف ايه الحركات اللى فيه يا جماعة يعنى مثلا النوت 3 فيه حركات زى
1- لو حد اتصل بيك والموبيل على ضهره لو قلبته على وشه يبقى صامت
2- لو نايم وحبيت تعرف الوقت من غير ما تضغط على زرار البور مجرد انك تمسح بايدك على شاشة الموبيل تفتح الشاشة ويظهر الوقت والتاريخ
3- لو بتتفرج على فيديو والتفت الفيديو بيتوقف ولو بصيت ليه تانى يرجع يشتغل
ياريت اعرف الحركات دى موجوده فيه كمان وايه اللى يزيد عليها فى المات 7

Medo055

2015-02-19 (07:55:21AM)

انا مستغرب لانى كنت كتبت الرد ودلوقتى لاقيته مش موجود ده معناه ايه انا مش عارف فيه حد بيمسح الردود ولا ايه؟
المهم انت معاك حق فعلا وانا من دلوقتى هفكر فيه بشكل جدى وكمان هروح موبيل شوب عشان اشوفه على الطبيعة واعينه واشوف خامته عامله ازاى والحجم كمان
حتى كمان انا دخلت على موقع هواوى ولقيته موقع محترم جدا وعجبنى جدا الانيميشن اللى عملنه للتعرف على الموبيل ولقيت تحديث موجود ليه وكمان البرنامج الخاص بيه على الكمبيوتر
كمان بالمناسبة انت جربت توصل ليه فلاشه لانى قريت على موقع Gsmarena انه ممكن توصل بيه فلاشه؟
اما بخصوص لما اجى اشتريه انت رايك اشتريه بضمان ولا من غير خصوصا انى معرفش سعره بدون ضمان عامل كام ؟

okakol

2015-02-18 (01:35:42PM)

انت بترد على نفسك انا لو محتار اشترى اية وشوفت ردك اشترى mate 7 على طول
الناس كلها بتقارنة بنوت 4 وناس بتفضلة عن النوت وانت بتقارن بنسخه اقدم ومحتار
ياراجل حرام عليك وسيبك من الكلام الحركات والحبشتكنات ده اهم حاجة فى الموبايل الاداء شوف صور الاختبار بين الاتنين
النوت

المات

اما موضوع الحساسات ده مش تبوظ الموبايل بس بتاثر على الاداء بشكل عام استهلاك للبطارية وكمان للبروسيسور عشان كده انا بكره السام عشان بتزود حاجات فى الهاردوير والسوفت وير بتخلى الموبايل يهنج ويسخن
اما السماعات هى كويسة وصوتها عالى بس مش قوى بحكم كان معاية htc اتنين سماعة وبوم ساوند بس كان نفسى تبقى ادام بس ماينفعش الوجهة كلها شاشة .
عايز تعرف حركات المات عليك وعلى موبايل شوب معروض هناك امسك الموبايل وشوف بنفسك

Medo055

2015-02-17 (11:51:14PM)

بص يا سيدى انا اللى مخلينى محتار حاجتين
الاول انى بحب اكون مقتنع جدا بالحاجة قبل ما اشتريها عشان لما اشتريها ابقى راضى تمام مش ازعل لو لقيت حاجة تانية كان فيها نفس اللى كنت عايزه واكتر مزعلش واقول يارتنى كنت اشترتها
ثانيا عشان انا شايف ان النوت 3 ومات 7 متشابهين الى حد كبير وده اللى مخلينى محتار اوى بينهم
اما الموبيل اللى نفسى فيه فلو قلتلك الحقيقة يبقى نفسى فى الاتنين نفسى فى النوت3 عشان القلم والحركات بتاعته ونفسى فى مات 7 عشان معدن وبطارية كبيرة وكمان اتنين شريحة متفاعلين واقدر ادخل على النت من اى واحدة وكمان فيه راديو
فشوفت انا محتار بقى ليه نفسى فى الحاجات دى كلها قولى بقى لو انت مكانى تعمل ايه؟!
بالنسبة لموضوع الحساسات انا مش فاهمك تقصد ايه بان كترها بياثر على الموبيل؟ هل بتضعف من شحن البطاريه يعنى ولا ليها تاثير تانى مضر على الموبيل نفسه وايه هو الضرر ده؟
بالنسبة للفيديوهان اللى بعتهم ليا انا فعلا كنت شوفتهم وللاسف مش لاقى فيديوهات كتير عشان اتفرج عليها واشوف خبايا الجهاز لانى عايز اعرف خبايا الجهاز المواصفات كل الناس عرفاها لكن قلب الجهاز من جوه عشان اعرفها لازم حد يكون اشتراه ويقولى اللى فيه
يعنى انا عايز اعرف كمان السماعة اخبرها ايه صوتها عالى ولا لا؟
وكنت عايز اعرف الحركات اللى فيه اللى تخلينى تشدنى واحس انه موبيل مختلف لانى بحب اشيل حاجة مختلفه
اتمنى تكون فهمتنى وتساعدنى ان شاء الله

okakol

2015-02-17 (12:24:23PM)

انت محتار بقالك فترة وخلى بالك مافيش موبايل كامل , حدد انت عايز اية من الموبايل واختار
لان كل موبايل بيتميز عن التانى بحاجات .
رقم 3 و 2 مش موجوده فى المات 7 دول حساسات فى الهاردوير وقصدها شيلين الراديو
الحساسات لو كترت بتأثر بالسلب على الموبايل وكمان ترفع السعر

بص شوف الفيديو ده عن المات 7 ,, فى شرح كل حاجة بالتفاصيل ( عريى ) ..

وده فيديو تانى بيقول أربع مزايا مش موجودة فى اجهزة تانية ..

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Huawei Ascend Mate7

مقارنة

Android
6.0″

6.0 بوصة
3G

2G / 3G
13 MP, 4...
4100mAh

غير قابل للازالة Li-Po 4100 mAh battery

مزيد من المعلومات

الموبايلات

حركات المات 7 ايه؟

التسجيل بالموقع

دخول الاعضاء

معلومات سريعة عن Huawei Ascend Mate7

Android

6.0″

3G

13 MP, 4...

4100mAh