هذا الموضوع مرتبط بـ Wildfire S

بدون عنوان

mosawalili

2012-01-22 (05:26:12PM)

سلام عليكم
انا جبت الموبايل و هو رااااائع جدا و سريع فى كل حاجة و صوت جميل الحمد لله اختيارى كان موفق ...بس معلش عندى بعض المشاكل البسيطة اريد ان اجد لها حل:

1- انا جبت الموبايل و كان نازل معاه اللغة العربية بس المشكلة ان مفيش زرار معين ادوس عليه عشان يجيبلى اللغة العربية موجود زر يجيب الارقام بدل الحروف الانجليزى و لكن لا يوجد زر يجيب العربى

2- المساحة الداخلية للهاتف مليانة بعض الشئ انا اى برنامج بنزله على الكارتة و لكن عاوز افضى المساحة الداخلية اكبر من كده

3- المشكلة الاكبر هى البطارية ملاحظ انها بتقل بسرعة عجيبة انا تقريبا بشحنه كل يوم مع ان استعمالى ليه مش كتير هل هناك طريقة لحسن استغال طاقة البطارية بحيث تعد مدة اطول؟؟؟

mosawalili

2012-03-20 (06:05:47PM)

شكرا استاذ احمد على نصايحك بس بصراحة انا عملت اللى قلتهوالى من زمان
و بلا جدوى انا حتى نزلت برنامج battery saver و battery task killer
و لكن ايضا البطارية بتخلص بسرعة جدا (زى ما قلت قبل كده بشحنها كل يوم)
مثلا لما اجى اشغل حاجة 30 دقيقة على اليوتيوب ممكن تلاقى البطارية قلت من 100% الى 75% كل ده من فيديو واحد
اتمنى لو فيه حل اخر تقوللى عليه
لكن المشكلة الاكبر دلوقتى هو مساحة الميمورى الداخلية
انا بصراحة عندى برامج كتير بس مساحتهم قليلة و كل برنامج متاح نقله للكرته بنقله
و لكن للأسف فيه برامج كتير مينفعش انقلها انا دلوقتى مقدرش انزل اى برنامج تانى او اقوم بتحديث حتى
هل فيه طريقة اقدر احمل البرامج من الماركت على الكارتة؟

احمد عماد

2012-02-21 (01:05:47PM)

بص يا معلم مع احترامي للاعضاء الجمال دووول سيبك من كلامهم اولا بالنسبه للبطاريه اكيد اكيد اكيد انت مشغل الموبايل انترنت هتلاقي عندك فوق سهمين دي تقفلها من الاعدادات ثم الشبكات والوايرلس وتختار اخر اختيار وتشيل التشيك مارك من عليها هيختفي السهمين والبطاريه هتقعد معاك يومين او ثلاثه ثانيا :الذاكره الداخليه عندك كبيره 512 فيه برامج تقدر تنقلها ع الكارت وبرامج لا اللي تقدر تنقلو خير وبركه هيفضيلك مساحه بس متشيلش برامج نازله مع الجهاز وبالتوفيق ان شاء الله

mosawalili

2012-01-27 (08:14:51AM)

-انا حملت البرنامج ...بصراحة معقد جداااااا بس مميز فعلا بصراحة حاولت اتعرف عليه اكتر لقيته صعب
ففضلت ال htc sence العادى اهو شكله جميل برضه
-انا بس كل اللى عاوزة اللوك القديم بدل الغريب الجديد هل فيه طريقة لاسترجاعه؟؟
-استاذ شادى اسف لم اقصد الغاء البرامج بل clear data هل هناك برامج معينة غير مهمة تنصحنى ان ادوس عليها clear data ؟؟؟

MetaEb

2012-01-26 (07:06:10PM)

على فكرة برنامج Go Launcher ده كارثة بجد..اكنك اشتريت موبايل جديد اصلا

shady samir

2012-01-26 (01:47:30PM)

انا مقولتش شيلهم انا بفولك اعمل Clear Data دي بتمسح الملفات المؤقتة مثلا زي الـhistory & cache كدة يعني..

angry birds لو دوست Clear Data كل المراحل اللي انت مقفلها هتتشال كأنك لسة منزل اللعبة..

اللوك بتاع التحديث اللي حضرتك جايب صورتو ده بتاع
icecream sandwich V4 لسة في احتمال ينزل لـ wildfire s و ممكن مينزلش

الواجهة دي لو عايزها ممكن تستخدم برنامج Go launcher هتلاقى فية حاجات كتيرة جدا هتعجبك

mosawalili

2012-01-26 (01:27:46PM)

-بالنسبة للفيس و الانترنت
انا مقدرش اشيلهم انا بعض عليهم دايما
-بالنسبة للألعاب فأنا معنديش غير انجرى بيرد لو دوست على clear data كل المراحل هتتشال؟؟؟
-يا ريت تقوللى ايه البرامج الغير المهمة عشان ادوس عليها clear data؟؟
-بالنسبة للتحديث فأنا عملته و فى حجات اتغيرت زى الlock و الماركت و جوجل سيرش
بس بالنسبة للمساحة فزادت 4 ميجا بس يعنى عندى دلوقتى 44 ميجا فاضية هههه؟؟
-بقوللك اللوك بتاع التحديث وحش اوى ينفع ارجع القديم؟؟
-انا كنت فاكر اول حاجة هتتغير هى الوجهة كان نفسى تبقى زى كده

مقدرش اجيبها؟؟

shady samir

2012-01-24 (06:01:53PM)

انا عندى مساحة داخلية 30 ميجا بس فاضية...حاول تمسح استخدامك لبعض البرامج زي الـFacebook

و الانترنت و بعض الالعاب كل فترة بتختار Clear Data مش Force stop بس تخلي بالك انك لو معدي

levels مثلا ف الاعاب هتتمسح و هتبدأها من الاول ... حضرتك نزلت الـupdate 2.3.5 ولا لأ؟؟

لو منزلتوش نزله هيفضيلك مساحة اكبر

mosawalili

2012-01-24 (11:25:51AM)

طب بالنسبة للذاكرة الداخلية فيه حل فى الموضوع ده؟؟؟
يعنى انا عندى 40 ميجا بس مساحة فاضية فى الذاكرة الداخلية و فيها كلها برامج جاية مع الهاتف و لما احاول اشيل واحدة يقوللى ان ده سيؤدى الى تلف ملفات اخرى اقوم رافض ..طب شادى ازاى كنت بتفضى مساحة الذاكرة الداخلية؟

shady samir

2012-01-23 (11:40:34AM)

مشكلة البطارية ممكن حضرتك تحاول تقلل اضائة الشاشة علي قد ماتقدر او تخليها اوتوماتيك....كمان استخدم wallpapers غامقة يستحسن سودة عشان الالوان الفاتحة بتستهلك البطارية .. و مبروك الموبايل :)

mosawalili

2012-01-23 (05:47:06AM)

بالنسبة للغة تم بحمد الله شكرا جزيلا لك...بالنسبة للذاكرة الداخلية انا دلوقتى منزل كل البرامج اللى بحملها على الكارتة فإللى فى الداخلية دلوقتى برامج رسائل و اسامى و حاجات اعتقد مهمة يا ريت لو فيهم حاجة مش مهمة تقوللى عنها عشان امسحها.. من الاخر كنت بتفضى الذاكرة الداخلية ازاى؟..
يعنى مفيش حل (برنامج مثلا او طريقة اتبعها) بحيث اوفر طاقة البطارية؟؟

MetaEb

2012-01-22 (07:17:56PM)

بالنسبة لحكاية اللغة العربية دى اضغط مكان ما بتكتب الرسالة فى الشاشة يعنى اضغط ضغطة طويلة شوية هيطلع لك كلمة input method ادخل فيها هيديك اختيار اللغة االعربية اختارها ووقتها هتقدر تحول من عربى لانجليزى بسهولة من غير ما تكرر الطريقة دى تانى...المساحة الداخلية ممكن تكبرها لما تمسح استخدام التطبيقات اللى شغلتها اى تطبيق بقى سواء الرسايل او الاسامى او اى برنامج فاتحه...البطارية بقى دى طبيعى فى الاندوريد وناس كتيرة اشتكت وناس كتير بردو قالت ان الحل هو سوفت وير مش هارد وير يعنى العيب مش فى البطارية العيب فى ان النظام نفسه بيسحب شحن كتير بس...بس تشحنه كل يوم زيادة عن اللزوم شويتين تلاتة

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن HTC Wildfire S

مقارنة

Android
3.2″

3.2 بوصة
3G

2G / 3G
5 MP, 25...
1230mAh

Li-Po 1230 mAh قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن HTC Wildfire S

Android

3.2″

3G

5 MP, 25...

1230mAh