بدون عنوان

تحية لكل المشتركين بصفحة الهاتف الرائع htc one x وأخص بالتحية الأستاذ/ كريم صاحب المجهود الحماسي الوفير في الإجابة علي التساؤلات الخاصة بالهاتف .. في الحقيقة أنا كنت أول واحد يتكلم عن التليفون ده في الصفحة المخصصة ليه بعد العطل اللي حصل في الموقع .. وإنقطعت فترة .. ولما رجعت إنزعجت جداً لما لقيت الأخ المحترم / amertag مخصص جزء كبير من وقته في الإساءة ليا والإفتراء عليا .. وبصراحة أنا إندهشت جداً لما قريت الكلام ده لإن الشخص اللي قابلته وبعتله تليفوني Samsung wave s8500 كان شخص مهذب جداً وأستبعد إنه يكون هو المسئول عن الإساءات المكتوبة عني وكإني شخص كداب و محتال ؟؟!! ودي حاجة أنا لا أقبل بها وهرد عليها من خلال النقاط التالية :
أولاً : من خلال الكلام اللي قاله الأخ amer أنا مش قادر أتصور إيه الحاجة الغلط اللي أنا عملتها ؟! فكل اللي قاله كان ملخصه هو إن الويف جهاز فاشل وتعبان .. وإن بطاريته لما إديتهوله مقعدتش معاه نص ساعة !!
بالنسبة لإن جهاز الويف جهاز فاشل وتعبان فده طبعاً كلام ملوش أي أساس من الصحة لإن الويف كان بداية تفوق أجهزة السامسونج لإنه أول جهاز سمارت فون مصنوع من المعدن بالكامل ويحمل شاشة super amoled عالية الدقة ويعمل بنظام bada ومحلات الموبايلات الكبيرة وشركات خطوط المحمول كانت بتعرض نسخة دعائية منه لتوضيح نقاء شاشة السوبر أمولد والفرق بينها وبين الشاشات tft و lcd و الجهاز ده في مطلع 2011 تم إختياره كأفضل موبايل في العالم والكلام ده مش أنا اللي بقوله .. الرابط ده بيوضح إمكانيات الجهاز الخارقة وفوزه بأعلي ريت بموقع فون أرينا العالمي كأفضل تليفون في العالم .. وأنا مش هتكلم عن إمكانيات الجهاز لإنها معروفة وأي حد يقدر يعرفها بسهولة .. ومش أنا اللي إخترعت الجهاز عشان يقول الجهاز فاشل أو تعبان لإني مش مسئول غير عن عيوب الإستخدام والعيوب الخفية وأنا راجل عارف ربنا ومش هغش حد .. الجهاز مكنش فيه أي مشكلة وأنا عرضت عليه بإلحاح يكشف علي الجهاز في التوكيل أو أي محل يثق فيه .. بالعكس ده أنا كنت عامله تحديث الويف 2 الداعم للغة العربية وده بيحاكي نظام الأندرويد تماماً مع إختلاف متجر التطبيقات .. أما بالنسبة لموضوع إن البطارية مقعدتش معاه نص ساعة وبالرغم إني مش مصدق الكلام ده بس برضه أنا كنت مسافر من السويس لإسكندرية من الصبح وقابلته الساعة 8 مساءاً وفضلنا نستعرض إمكانيات الموبايل أكتر من ساعة وهو أكيد بعد ما أنا مشيت كان بيستكشف فيه .. يعني إستخدام مكثف ليوم من النهار وحتي آخر اليوم .. كدة تبقي البطارية سيئة؟؟
ثانياً : الجهاز اللي بيتكلم عنه الأخ amer كان معاه علبته وإكسسواراته الأصلية الكاملة بخلاف كارت ميموري أصلي 8 جيجا وإشتراه مني ب 1000 جنيه رغم إنه ثمنه الحالي 2100 جنيه وأنا كنت شاريه ب 2700 جنيه ..
ثالثاً : أنا قلتله إن سبب بيع الويف هو شرائي لتليفون htc one x .. يعني هو عارف إني لسة شاري الوان إكس يبقي إزاي هبيعه وإزاي يطلع عليا السمعة السيئة دي .. وأعتقد إن رأيي في البطارية كان واضح وهو إنها كانت بتعد نص يوم وبعد التحديث بقت بتكمل اليوم مرتاح وأعتقد إن الأستاذ / كريم وهو مقتني للوان إكس أكد كلامي تماماً وإني مكنتش بقول كلام غلط ..
رابعاً : أنا سيبت رقم تليفوني للأستاذ/ amer والمفروض إنه لو كان فعلاً فيه مشكلة كان إتصل بيا وقاللي .. مش ده برضه المنطقي ولا إيه ؟؟ بدل ما يغلط فيا .. وأنا ربنا يعلم إني إتعاملت معاه بما يرضي الله ..
في النهاية أقول للأخ / amer سامحك الله يا أخي و إتق الله في أقوالك ..