هذا الموضوع مرتبط بـ One X

للرجوع الي صفحة الرئيسية اضغط هنا

بدون عنوان

Ahmed1983

2013-01-19 (10:48:53PM)

الجهاز ده معايا ... وأي حد عنده إستفسارات بخصوص الوان إكس .. أنا تحت أمره

kariam

2013-02-03 (02:42:24AM)

شكرا اوى يا استاذ Ahmed1983 ع اجابك وربنها يكرمك بس اخر سوال هو صناعه الجهاز ايه وتحديث الجيلى بين ممكن يتعمل عن طريق الواى فاى ولا لاازم برنامج خاص باتش تى سى ولو جبت الجهاز دها بسعر مثلا 2800 يكون سعرو كويس مستعمل طبعن ولا غالى وشكر اوى لاجابت حضرتك

essamseven777

2013-02-03 (02:20:48AM)

ياباشا الى حضرتك جايبة بالضمان ولا لا وذاكرتة اد اية وجايبة بكام والمحل الى جايبة منة اسمة اية ؟؟

Ahmed1983

2013-02-03 (01:06:03AM)

العفو يا أستاذ عصام بس إنت محدتش بضمان ولا بدون ضمان و اللي ذاكرته 16 جيجا ولا 32 جيجا ؟؟

essamseven777

2013-02-02 (10:28:43PM)

هو انا سؤالى فى حاجة عيب لسمح اللة!!!!!!!!!!!!!!

Ahmed1983

2013-02-02 (07:05:24PM)

بص يا أستاذ كريم موضوع البطارية ده كنت خايف جداً منه قبل ما أشتري الجهاز ده ولقيت ناس كتيرة بتشتكي من البطارية بس عشان إعجابي الكبير بالتليفون ده أنا إشتريته وتوكلت علي الله .. وأقدر أقولك بكل ثقة وأمانة إن البطارية حالياً وعلي نظام الجيلي بين ممتازة " مكالمات + ألعاب + واي فاي + إنترنت + تحميل تطبيقات من المتجر + مكالمات فيديو علي سكاي بي وبتعد معايا من أول ما أصحي من النوم لحد ما آجي أنام بالليل يعني اليوم كله مستريح .. فمتقلقش من الكاميرا .. أما بقي عن موضوع تغيير البطارية ببطارية الوان إكس بلس فالسؤال ده أنا فكرت فيه قبلك وطرحته في قسم س و ج والإجابات جت عليه مختلفة ناس قالت ينفع وناس قالت لأ .. تقدر تراجع السؤال وتشوف الإجابات .. الكاميرا ممتازة وأفضل ما فيها السرعة الخارقة للإلتقاط والإلتقاط المتعدد و حساس الإضاءة في الفلاش ... نظام البيتس للصوتيات مذهل .. وبخلاف كل المميزات دي هتتمتع بواجهة السينس اللي هتتحدث ل سينس 4 plus مع الجيلي بين " شكل رائع لإستخدام الأندرويد + أرقي أوبشنز ممكن تشوفه كإن التليفون بيحس بيك " ... توكل علي الله وهات الجهاز ده مش هتندم..

kariam

2013-02-02 (02:46:13AM)

يعنى يا استاذ Ahmed1983 الفون معاك بطاريتو اتحسنت عن الاول اصلى انا خايف اجيبو واندم عشان موضوع البطاريه دها اصلى سمعت انها ساواء حاجه ف الجهاز بس عاوز اعرف راى حضرتك ف الكميره وراى حضرتك ف البطاريه بعد التحديث يعنى مثلا لو مكلمات بسطيه وشوه نت كدجا ع الماشى تكمل معاك اليوم ولو مثلا مكلمات بس تقعد معاك اد ايه انا سمعت انى بطاريه اون اكس بلاس ممكن تشتغل ع الوان اكس عشان الامبير بتعها عالى هلا حضرتك تعرف حاجه عن الموضوع دها اخر سوال بقه هى صانه الجهاز بتكون ايه وشكر لحضرتك ولتوضيحك واتمنى سرعه الرد

essamseven777

2013-01-31 (03:44:42AM)

كان ليا سؤال جبتة من محل اسمة اية وبكام وبالضمان ولا لا

Ahmed1983

2013-01-30 (12:01:00AM)

للأسف في ناس كتيرة جداً بتتعصب للموبايلات اللي شايلاها وبتقول آراء خالية من المصداقية والصدق ... بس أنا هقول رأيي عن تجربة وبمنتهي الأمانة .. أنا إشتريت الوان إكس بعد فترة طويلة من المقارنات مع غيره من الموبايلات وبالأخص جالاكسي إس ثري وبعد تفحيص وتمحيص توكلت علي الله وإشتريت الوان إكس لإني شايف إن المميزات اللي بيتميز بيها الوان إكس عن الإس ثري أهم بكتير من مميزات الجالاكسي ومميزاته اللي بيتفوق فيها عن الجالاكسي هي جمال الشكل والتصميم وبالذات في اللون الأبيض منه بالإضافة إلي جودة الخامات حيث أن الوان إكس مصنوع من مادة البولي كربونات وليس من البلاستيك كما في الجالاكسي ومن أهم المميزات لجهاز الوان إكس هو دعم نظام الصوتيات بيتس beats وده بيخلي صوت سماعات الرأس قمة في الأداء العالي وصوت السماعات الخارجية نقي نقاء مذهل بس صوتها متوسط يعني مش عالي ولا واطي ونظام بيتس بتنفرد بيه إتش تي سي و نيجي بعد كدة لواجهة السينس وهي أفضل بكتير جداً من واجهة التاتش ويز اللي في السامسونج من حيث الأداء والشكل وسهولة الإستخدام وكثرة الويدجيت ويتمتع الوان إكس بشاشة رائعة واضحة وبألوان غاية في الدقة .... بالنسبة للكاميرا فهي رائعة ويتميز الوان إكس بسرعة إلتقاط مذهلة تصل ل 0.7 من الثانية وإلتقاط متعدد بسرعة البرق وخاصية التصوير بالعرض البطئ وغيرها من المميزات .. لم أشعر بمشاكل ملحوظة في الكاميرا ... إنما المشكلة الحقيقية هي البطارية لأني إتفاجئت بعد ما إشتريت الموبايل إن البطارية بتعد نص يوم بس و تليفوني القديم سامسونج ويف 1 كان حمال أسية وكان معودني إنه يكمل اليوم من غير ما يشتكي ... وطبعاً أنا كنت متضايق في الأول لغاية ما حدثت الموبايل من أيس كريم سندوتش لجيلي بين ومن ساعتها سبحان الله كإن البطارية إتغيرت مع التحديث لقيت تحسن كبير جداً جداً في أداء البطارية يمكن بسبب نظام توفير طاقة البطارية اللي بييجي مع النظام وحالياً الشحن بيكمل معايا اليوم مع الإستخدام المتوسط من المكالمات والإنترنت والألعاب .. هي البطارية مش مثالية بصراحة بس بعد تحديث الجيلي بين مش هتحس أبداً إن فيه مشكلة في البطارية علي الإطلاق .. وأنا مستعد لتلقي إستفسارات أخري..

kariam

2013-01-24 (11:31:48AM)

لو سمحت ممكن تقولنها اخبار البطاريه ايه اصلنها سمعنها انو البطاريه وحشه جدااااااااااااااااااااا والكميره بردو مش كويسه لما بتنزل صورها ع الكمبيوتر بتكون مش حلوه نرجو الرد بكل امانه

essamseven777

2013-01-20 (03:21:33PM)

المحل الى جبتة منة اسمة اية وبكام ؟؟

abo7amza1891

2013-01-20 (01:44:22AM)

اخبار الكاميرا ايه والبطارية والسرعة ؟ويا ترى هوا ولا نوت 1افضل ؟

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن HTC One X

مقارنة

Android
4.7″

4.7 بوصة
3G

2G / 3G
8 MP, 32...
1800mAh

Li-Po 1800 mAh غير قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن HTC One X

Android

4.7″

3G

8 MP, 32...

1800mAh