بدور علي ايه؟ اكتب رقم موديل الموبايل الابدور عليه
هذا الموضوع مرتبط بـ Desire 816
للرجوع الي صفحة الرئيسية اضغط
هنا
تقييم الجهاز
تلك الخدمة مخصصة لاعضاء الموقع
معلومات سريعة عن HTC Desire 816
-
Android
-
5.5″
5.5 بوصة -
3G
2G / 3G -
13 MP, 4...
-
2600mAh
Li-Po 2600 mAh, غير قابلة للازالة
تقييم موضوعي من وجهة نظري حتي الان لهذا الجهاز
الكاميرا فعلا اراها 13 ميجا بيكسل -- مشكلتها الوحيدة هي عند تصوير الصور الثابتة يفضل ان تكون يدك ثابتة جدا -- لكي تظهر لك الصورة رائعة - و حتي لا تظهر مهزوزة -- و انا جربت التصوير الفيديو و الصور و تمام مفيش مشكلة. -- و فيها اوبشنز كتير -- و كمان فيه تصوير بطئ اتش دي زي مباريات الكورة كده -- حاجة حلوة - و ان كنت احقاقا للحق اعتقد لو 13 ميجا بيكسل سامسونج هاتكون افضل -- مش عارف ليه يمكن لاني احد مشجعي سامسونج من الاساس ودي اول مرة اشتري اتش تي سي.
البطارية عملت بيها قبل كده 3 ايام -- بس طبعا مع تشغيل خاصية Xtreme power لتوفير الطاقة -- و قليل من دخول النت.
البطارية بشكل عام متوسطة -- مش وحشة و مش روعة -- تكمل اليوم مرتاح قوي مع الاستخدام "الفحت" -- و تجيب يومين مع المتوسط...
مفيش حاجة اسمها تهنيج - و الموبايل سريع في النت زي الفل -- و مفيش تسقيط شبكة زي سامسونج.
صوت الموبايل مش عالي زي م الناس متوقعة " في النغمات" --- بس نقي جدا وواضح -- وممكن نختار نغمة تكون عالية من الاساس.
شاشة الموبايل جميلة جدا و واضحة -- بس في الشمس صعبة شوية بتاخد وقت للوضوح مع تشغيل خاصية power saving --- انا شايف ان زيها زي غيرها في الرؤية في ضوء الشمس.
من الحاجات الرخمة جدا -- هي انك عشان تفتح الموبايل لازم تدوس علي زر الباور اللي هما حطينه في تايلاند "اقصد اقصي شمال غرب الجهاز" -- و لا يوجد بديل له لإضائة الشاشة حتي تكتب كلمة السر او تستخدم نظام swipe -- و ذلك للحفاظ علي زر الباور من كثرة الاستخدام
و عند استخدام جراب فليب -- يرجي الحذر لعدم سقوط الجهاز لان زر الباور مكانه رخم مع الفليب.-- لوجوده عكس فتح الجراب.
فلاش الكاميرا قوي -- لذلك اذا كانت فتحة العدسة و الفلاش بالجراب لونها ابيض -- اقصد اطار الفتحة -- يرجي تلوينها بلون اسود - بقلم او اي شئ -- لان ذلك سوف يعكس الضوء علي العدسة و يؤثر علي التصوير ليلا -- و ذلك عن تجربة فعليه.
الموبايل ككل روعة بهذا السعر -- و ما ينقصه هو شئ واحد فقط -- و هو ان تكون المساحة الداخلية 16 جيجا -- و ده كان ها يزود السعر.
موضوع ان ظهر الموبايل بيعمل بصمة -- ده موضوع اهبل لان الموبايل كده كده لازم تحطه في جراب
بالتوفيق للجميع ان شاء الله