بدون عنوان

للرجوع الي صفحة هايسنس U4 الرئيسية اضغط هنا

amrdesigns

2013-05-18 (06:16:43AM)

انا جبت الموبايل دا 1050 جنية

الموبايل ممتاز بالنظر لسعرة و افضل من موبايل اتصالات و alcatel993 المنافسين ليه...

مميزاتة:
البروسيسور ممتاز و البطارية كويسة جدا و شريحتين و الشاشه ممتازة كحجم و ريزليوشن كويس و السيستم بيجى بدون اى برامج مزعجة و الكاميرا كويسة و بفلاش و الصوت معقول و اندرويد ايس كريم و ميمورى انترنال ممتازة 4 جيجا و بيجى معاه كرت 4 تانى و استخدامه و ظبته سهل جدا و ثابت بدون تهنيج تماما
عيوبة:
الرام 512 معقولة بس ساعات بتكون قليلة لما تسطب برامج كتير الجهاز بيتقل حبتين..بس 512 يعتبر كويس بالنسبة للسعر دا- بيسخن شوية لما تشغل لعبة تقيلة زى subway surfer بس السخونة مش بتأثر على اداءة تماما- مفيهوش بوصلة مغناطيسية ولا سنسور مغناطيس و دا موجود فى كل المنافسين ليه "يعنى مش حيشغل برامج القبلة او اى حاجه بتستخدم سنسور المغناطيس - مش متوافر ليه اكسسوارات بعكس منافسية

المنافسين ليه اتصالات الجديد بتاع انتل...الشاشه بتاعته مش كويسة تماما بل زباله يعنى و الكاميرا بدون فلاش و فى عيوب كتير
الألكاتيل 993 مش شريحتين و البروسيسور اضعف بكتير و السوفتوير بتاعه بيجى ببرامج مزعجه محتاج تظبيط...بس ليه اكسسوارات و فيه سنسور المغناطيس و باقى المواصفات متشابهه جدا مع الهاى سينس

الخلاصة:
موبايل ممتاز لميزانية ال 1000 جنية و يعتبر ضرب الأكس تاتش تماما بكل المقاييس..لانه نفس امكاناته بسعر اقل بتاع 500 جنية...

و لو عاوز تتغلب عالمشاكل بتاعته الرام و كدا حتضطر تعلى بميزانيتك لحوالى 1600 و تجيب ال alcatel 997D راماته جيجا و كاميرته 8 و شاشه اكبر سيكا و شريحتين برضو و بروسيسور قريب

amrdesigns

2013-05-18 (06:21:10AM)

الوزن بتاعه خفيف جدا جدا مقارنه بالألكاتيل 993...انا مسكت الأتنين...هو حوالى 115-120 جرام تقريبا

اما بالنسبة للروت حاولت كذا محاولة و فشلت بس ححاول تانى و لما اوصل لطريقة مضمونه ححطها هنا :)