أولا بس أنا مردتش عليك لأنك مسألتش أى حاجة و ارجع للتعليق هتلاقيك مسألتنيش فعلا و أنا مفيش حاجة ممكن أرد بيها أنا قولتلك الروت مش مهم و انت قولتل مهم لمدة تعليقين تحت بعض لو فضلنا نقول نفس الكلام يبقى ايه الفايدة
طيب حضرتك مردتش عليا فى تعليقى اللى فات برضه لما قولت ان xperia mini أحسن :)
و مردتش عليا لما سألت الناس ليه بتشترى ألكاتيل و هى برضه نفس مشكلة الضمان و محدش اشتكى منها بس على الأقل ده ليه مكان يتصلح فيه :)
تانى حاجة مفتوح المصدر مش معناها روت مفتوح المصدر معناها ان أى حد ممكن يطوره بسهولة يعنى مش شركة بعينها مش زى شركة أبل مثلا و نظام ios
أنا عاوزك تقرا الصفحة دى كدة
نيجى لموضوع معالج الجرافيك و انت بتقول انه مش موجود فى الاس 2 طيب شوف الصفحة دى
المعالج اللى فى اليونج أصلا مش معروف لحد دلوقتى لو عرفت اسمه يا ريت تجيبلى الرابط
و مش معنى انه من نفس الشركة يبقى هو هو " طيب و ليه ميبقاش نفس اللى فى البوكيت :) "
بالنسبة لو انت مش مصدقنى فى موضوع hyper threading
تقدر تقرا الصفحة دى من أول الجزء
Synthetic benchmarks
نرجع تانى نتكلم على موضوع الروت و الرومات و الكلام ده أقل دليل ان و احنا بنتناقش لقينا فى عضو دخل و قال انه فعلا ميعرفش يعنى ايه يا عمر احنا الشعب اللى لسة فاكر النوكيا أحسن موبايل فى العالم احنا لسة اللى فاكرين السامسونج زى الصينى بس لو سمحت متقولش على حد انه جاهل علشان مش عارف حاجة معينة مش معنى ان فى حاجة مش عارفها علشان مش هتفيده يبقى جاهل
أنا هقولك حاجة أنا معظم صحابى معاهم موبايلات أندرويد و أيفون اللى هى موبايلات ذكية يعنى
مفيش ولا واحد فيهم يعرف يعنى ايه روت بس كل واحد منزل عنده ألعاب و برامج كتير و بيعرف يشغل موبايله و ما بيزهقش منه
أنا أعرف يعنى ايه روت و أعرف بيتعمل ازاى بس عمرى ما عملته و عمرى ما هعمله
لأن أنا مكتفى باللى اقدر أعمله بالأندرويد أقدر أنزل البرامج اللى أنا عاوزها و الموبايل ماشى معايا حلو جدا قولى ليه اعمل روم و ليه أضيع الضمان و ليه اخلى الموبايل لو لا قدر الله فشلت و أنا بعمل روت يبوظ و ليه و ليه
كل ده علشان أقدر أعمل back up للروم ؟ علشان أحمى التطبيقات بتاعتى ؟ طب منا أحطهم على الكمبيوتر و أول ما أعمل factory reset أنزلهم تانى مش محتاجة يعنى
علشان أزود الذاكرة الداخلية ؟ طب منا الذاكرة بتاعتى مكفيانى جدا و حتى من غير ميمورى يبقى ليه ؟ برضه
الموضوع ان الناس فاكرة اللى بيعرف يعمل روت ده يبقى هو اللى بيفهم الكلام ده مش صحيح
هو بس بيقلد الناس برة و خلاص و حاجات هو مش محتاجها الا من رحم ربى
نيجى بقة لموضوع المقارنة بين الموبايلين يعنى حضرتك عاوز تقولى ان فرق الرامات البسيط ده هيعوض فرق الامكانيات الكبير ما بينهم و الفرق فى الوضوح اللى بتقول عليه ده فرق 11 بكسل فى الانش مش هيعمل فرق
ول و بتقول الفرق مش باين انا معايا مينى 2 و صاحبى معاه الميرو و شاشته حاسس ان فى فرق كبير ما بيننا و أريح فى الاستخدام و فى حاجة عاوزك تاخد بالك منها ان أنا مقولتش ان الفرق فى الرامات مش كبير أنا قولت قولت الجيلى بين بيسحب كتير منها و لاحظ الكلام ده فى أى موبايل سامسونج اتحدث للجيلى بين
ثانيا ... شركة إنتل بالفعل هي أكبر شركة بتصنع معالجات للكمبيوتر ...
لكن الأمر مختلف لما نتكلم عن السمارت فون و التابلت ... و أكبر شركة في المجال ده هي شركة Qualcomm و ليس Intel.
صفحة إتصالات مصر علي جوجل بلس... عند سؤالها عن الشركة المصنعة للجهاز ... أجابت أنها ZTE.
لكن معلوماتنا بتقول ان الجهاز بتصنعه شركة صينية إسمها Semcon لصالح شركة إنتل.
من عيوب الجهاز اللي لاحظتها... هي حجمه ... الجهاز سميك و وزنه تقيل بالنسبة لشاشة 3.5 بوصة.... و كمان درجة نقاء الشاشة مش علي المستوي المطلوب.
السوفت وير بتاع الموبايل مش مستقر ... و لعبة زي Subway Surfers و الألعاب التقيلة بتخلي الجهاز يهنج
و طبعا لا اتوقع ان الموبايل يصدر له تحديثات أو دعم للسوفت وير ... لأن الشركة اللي بتصنعه شركة مجهولة.
و لذلك إانا بننصح في الفئة السعرية دي بشراء أجهزة من شركات كبيرة و ليها دعم ... و البدائل المتاحة كتيرة زي HTC Desire C و Samsung Galaxy Y و Sony Xperia Tipo.