بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ Torch 9860
للرجوع الي صفحة الرئيسية اضغط هنا

بدون عنوان

yasmine00
2012-07-22 (05:59:14PM)
انا اشتريت الموبايل ده من 3 اسابيع

اللى عنده اى سؤال يسألنى

و هقولكو راى فيه

اولا : السعر

هو بيتباع فى فودافون و اتصالات ب 2999 يعنى ب 3000 :D بس المشكله ان الموبايل هيكون مقفول للشركه دى
يعنى مثلا لو من فودافون يبقي مش هيشغل غير خط فودافون
و السعر فى باقى المحلات المعروفه 2700
و مش 2400 ولا 3500 ولا كل الكلام ده

ثانيا : المميزات
الشاشه كبيره و الضوء كويس و التاتش سهل و حلو اوووووووووى مقارنه بموبايلات سامسونج معادا طبعا الجلاكسي

النت فيه وهم بجد سواء كان البراوزر او الفيس او اى حاجه جميله جداااااااااا و سهل الاستخدام
و اليوتيوب و سكايب حلوين اوووووووى
الموبايل عامة شكله انيق :) و ليه خلفيات جميله بنحملها من App world

الكاميرا التصوير الفيديو عجبنى بس فى شويه عيوب هقولها والموبايل فيه فلاش و كويس كمان :)

الموبايل سريع جدااااااااااا علشان 1.2 GHz processor

الذاكره كبيييييييره ذاكره الموبايل نفسه 3 جيجا و الكرت اللى بيجى معاه بيكون 4 و ممكن يتغير و يكون اكبر من كده


دى اكتر حاجات عجبانى

---العيووووووووب


و دى كتير اوى للاسف

البطاريه و دى مصيبه لواحدهاااااااا حتى من غير اما بفتح واى فاى ولا بلوتوث برده بتخلص على طول
وانا من بستخدم الموبايل كتيييييييييير و البطاريه بتفضل معايا يوووووووم بس 24 ساعه
يعنى بشحن الموبايل كل يوم فى نفس الوقت و ده عكس موبايلات سامسونج مثلا والله كانت بتعد ب 4 ايام لحد اما اشحن تانى

الصوت مش عالى اووووووووى ممكن نقول عادى زى نوكيا مثلا حتى موبايلات نوكيا اكسبرس ميوزك اعلى

الكاميرا عاديه ولا حلوه ولا وحشه يعنى فى اعلى بكتير و فى اقل دى متوسطه بس العيب لما بعمل زوووووم ز اصور الصوره مش بتكون حلوه

الموبايل ليه محولات للباسورد من 3 ل 10 محاولات وانا مكنتش اعرف الموضوع ده كنت بكتب الباسورد غلط اتفاجأت بان كللللللللللللل حااااااااااااجه اتمسحت من الموبايل ولازم سوفت وير وكلام كتير كده

مفيش راديوو و ده عرفت انى ممكن انزله من App world و هيشتغل لما يكون فى نت بس لكن انا لسه مجربتوش


و برده مع ان الموبايل تاتش بس فى حاجات كتير بتتعمل بالزرار بتاع الاوبشنز ده زى الخروج و الرجوع و حاجااااات كتير





عموما الموبايل فى مميزات روعه بس العيوب اكتر منهااااااا فعلشان كده انا محبتوش اوى
واللى يفكر يجيبه يشوف تعليقات عليه اكتر ميشترهوش علشان شكله و بس

وانا لو كنت شوفت عيوبه كويس مكنتش جبته
yasmine00
2012-07-23 (01:58:39AM)
.
.
.
.
نسييييييييييييييت كمان اقولكو على عييييييييييب

الموبايل مفيهوش خرااااااااائط ولا gps ولا تحديد الموقع ولا نيله

هو بيتوصل بجهاز ال gps بالبلوتوث بس
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل
معلومات سريعة عن Black Berry Torch 9860
  • BlackBerry OS
  • 3.7″
    3.7 بوصة
  • 3G
    2G / 3G
  • 5 MP, 25...
  • 1230mAh
    Li-Po 1230 mAh, قابلة للازالة