هذا الموضوع مرتبط بـ 50 Oxygen

تقييم للهاتف من بعد استخدام 3 ايام

ZeusAtom

2014-08-08 (09:47:01PM)

او انا استلمت الفون عن طريق الشحن من خلال عرض العيد من شركة اركوس ب1499 بدل 2000 مع لازقة شاشه هدية مع الفون نيجى بقى لتقييمى للفون اولا الفون خفيف فى الايد مش تقيل و رفيع طبعا البطاريه بتاعته غير قابله للنزع 2300 ملي أمبير مع الاداء المتوسط زى حالتى بالضبط دخله على يوم و 15 ساعه و لسه فيه شحن جودة تصنيع الفون جيده جدا فى الشكل و الخامه شبه نيكسس 5 مع فارق الاداء للنكسس طبعا من اكتر الحاجات اللى عجبانى فى الفون الشاشه عاليه الجوده 1920*1080 حقيقى الصور و الفيديو و التصفح طالع جميل جدا و طبعا مفيش اى نوع من انواع البكسل فى الشاشه نيجى بقى للكاميرا الخلفيه 13 ميجا بيكسل و اللاماميه 5 ميجا بيكسل الاداء فى المجمل ليهم فى الاضائه جيد جدا فى الظلام الدامس مع الفلاش فى الامامى و الخلفى طبعا الصور مقبوله المساحه التخزينيه 16 جيجا و ليك حقيقى فيهم فى حدود 8.9 جيجا و الباقى لنظام التشغيل اللى هو جيلى بين 4.2.2 ولا يوجد مكان لكرت ميمورى بس للامانه بالنسبة ليا مفيش مشكله عندى بالنسبة للمساحه طبعا من الحاجات اللى خنقانى الرام 1 جيجا و طبعا بتتملى بسرعه و بتحتاج تفضيها على طول بالنسبة لعدد النقاط اللى جبها الفون على تطبيق antutu كان 15349 و كان بفارق بسيط عن سامسونج اس 3 اقل من 1000 نقطه بالنسبة للاداء الجهاز مع الالعاب الخفيفه مفيش تقطيع نهائى و للامانه انا لسه منزلتش اى العاب تقيله عشان سرعة النت عندى مش هتساعدنى انزل العاب كبير لكن فى المستقبل اكيد هنزل و اقولكم ساعتها طبعا الفون دلوقتى مفيش ليه اى جرابات فى السوق اذا كان فليب او للضهر بس و حتى كمان مفيش لازقة شاشه يعنى تحاول توفق لازقه قريبه على قد ما تقدر الخلاصه الفون بالنسبة لسعر اللى هو 1499 خرافى الاداء بجد بشكر شركة اركوس على الفون الرائع ده و يعتبر منافس لهواتف بضعف تمنه بالنسبة للملحقات السماعه و كابل الusb و دبوس الشريحه و هو بيستخدم شريحه ميكرو و الكتالوج و بالنسبة لو اى حد بيفكر يجيبة عن طريق الشحن يحافظ على بوليصة الشحن لان هى هتبقى بمثابة الفاتوره ليك و لو هتجيبه من اى فرع ليهم حاول تاخد فاتوره ضريبيه لكى تضمن حقك فى الختام اتمنى انى قدرت اغطى جميع الجوانب بالنسبة للفون ده

mahmoudmido

2014-09-21 (02:00:38PM)

ولهى شكلكو كدا بتقولو كدا علشان الناس تشتريه ازاى موبايل زى ده احسن من سامسونج وسونى و LG

mahmoudmido

2014-09-21 (02:00:07PM)

ولهى شكلكو كدا بتقولو كدا علشان الناس تشتريه ازاى موبايل زى ده احسن من سامسونج وسونى و LG

alkatel

2014-09-13 (12:37:50AM)

حضرتك جهاز 50 اوكسجين متواجد ف فرع ش عبد العزيز والكاميرة بتاعته 13 ميجا بكسل فعلى ولا كلام والامامية 5 بردو انا عايز اروح اشتريه بس حاسس انى هروح ع الفاضى والضمان بتاعه فى الشحن فاتورة ضاربية ولا اجيبه من الفرع احسن .. ممكن نصيحة حضرتك ..شكرا

alkatel

2014-09-11 (04:40:14PM)

سؤال عايز اعرف فى موبايل يقدر ينزل فلاش بلير بتاع الكمبيوتر الى هو ده ولا لا وشكرا

malizy

2014-09-09 (07:50:50PM)

بتعمل تفضية الرام كيف؟

ZeusAtom

2014-09-08 (12:26:33PM)

بص حضرتك بالنسبة للصوت هو عالى و موضوع السخونه انا مع استخدامى ليه مقبلتش موضوع انه سخن معايا قبل كده و كان على طول شغال طبيعى من غير مشاكل

hosamreda

2014-09-08 (03:14:34AM)

الموبايل صوته عالى ولا لأ
وهل البطارية بتسخن لما تتصفح النت او عموما وانت شغال ع الجهاز
وانت رأيك اجيبه ولا سونى احلى فى حالة ان السونى مش هعرف اجيب حاجة عالية اوى زى z2

ahmedelromancy

2014-08-27 (09:49:20PM)

12 المساحه الخاليه

ZeusAtom

2014-08-27 (09:22:36PM)

انا متاسف يا جماعه على الخطا ده بس المساحه التخزينيه اللى بقيه من 16 جيجا هى 12 مش 9 زى ما كنت كاتب قبل كده

ZeusAtom

2014-08-13 (02:22:11PM)

موضوع كرت الميمورى ممكن غلطه مطبعيه لان الفون مش موجود فيه مكان لكرت الميمورى المكان الوحيد اللى موجود هو مكان لتركيب شريحة الsim بس

malizy

2014-08-11 (07:19:37PM)

بس مكتوب في مواصفات الجهاز انه بيخود كرت ميموري

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Archos 50 Oxygen

مقارنة

Android
5.0″

5.0 بوصة
3G

2G / 3G
13.4 MP,...
2300mAh

Li-Po 2300 mAh قابلة للازالة

مزيد من المعلومات

الموبايلات

تقييم للهاتف من بعد استخدام 3 ايام

التسجيل بالموقع

دخول الاعضاء

معلومات سريعة عن Archos 50 Oxygen

Android

5.0″

3G

13.4 MP,...

2300mAh