iPhone 5s بدون عنوان -152592

ahmedaliyossef2010

2013-10-12 (09:06:39PM)

بالنسبة لموضوع الشاشة فمش قليل قولت ان معظمهم بيجيبه و اللي مش بيجيبه بيبقى علشان كسب ثقة الناس لأنها حاجة مفروغ منها موضوع السطوع ده

و على العموم أنا أسعد بالحوار و كل سنة و انت طيب

Black Crow

2013-10-12 (08:11:18PM)

تعليق طويل ورا تعليق طويل رديت عليا في موضوع الشاشة مش كل الفيديوهات بتجيب السطوع ^_^ قليل اللي بيجيبها ثانيا مش ده المثال الوحيد اللي انا ذكرته ومكسل اعيد والله انت عارف بقا مانا قايل اني مكسل اليومين دول بالنسبة للمقارنات وجهة نظرك محترمة وكل بتناقش معاك بستفيد منك حقيقي وشكراً علي الحوار الجميل ده وكل سنة وحضرتك طيب

ahmedaliyossef2010

2013-10-12 (07:56:37PM)

طيب دلوقتي حضرتك اديت مثال أنا رديت عليك في المثال ده " بالنسبة لموضوع الشاشة

نيجي لحتة الكاميرا ال جي جي 2 في continuous auto focus يعني دي غلطة الموبايل انه مقدرش يحدد المكان اللي يركز فيه " على كلامك "

طيب لو كلامك ده صح ليه في باقي الفيديوهات برضه الموبايلين التانيين تركيزهم صح معنى كدة ان الباقيين دول التركيز بتاعهم على السما صح ؟ طب في صورة اللوحة اللي عليها أرقام ؟ طب في صورة البلكونة ؟ الصورة الاطار واضح جدا انه أقل من الآيفون 5 اس كمثال مش عارف ازاي مقارنة مفيهاش فايدة

تاني حاجة الفيديو اللي جبته ده عرفت منين ان التفاصيل اللي فيه أعلى من الباقيين ؟؟

على جي اس ام أرينا جايبلك مقارنة لجودة الاطار الواحد و معمولهم كروب علشان تبقى واضحة
الفيديو اللي جايبه ده ملهوش لازمة لأنها مش مقارنة و لا أي حاجة ولا منها مقارنة ألوان و لا منها مقارنة تركيز و لا منها مقارنة سرعة تعديل توازن الألوان و لا حتى معمول كروب للفيديو علشان نشوف حاجة الموضوع مش هيتشاف من بعيد كدة

لو بتكلمني علشان تفاصيل السما " و ده اللي انت تقصده " الوضع هنا مختلف تمام هنا الشمس طالعة و واضحة بالاضافة لان ضوء النهار دافئ فهيوضحلك السحب لونها أبيض عند غياب لاضوء المشهد هيبقى بارد و هنا يوضح مين اللي بيعرف يتحكم في اللون

نيجي لحتة المواقع مفيش حاجة في كلامي بتقول اني مش بشوف غير جي اس ام أرينا
بالعكس أنا عن نفسي في مقارنات مبتعجبنيش عليها ايه المشكلة

Black Crow

2013-10-12 (07:41:33PM)

عدل كلمة الشمل خليها السماء عشان انا نسيت اقفل ال Auto-Correction ^_^

Black Crow

2013-10-12 (07:30:28PM)

برضو نفس الرد انا أديت مثال قولت مثلاً ^_^ الشاشة انا بتكلم عن المقارنات عامةً ثانياً انا ذكرت موضوع ال G2 وقولت انه وكتبت سطر ( ملحوظة ان بيبقا في اختلاف عالصورتين لاختلاف وجهات النظر ) لأني شايفه كده ولما بتكلم عن ال iPhone وغيره قصدي عامةً لإظهار عدم التحيز اما لموضوع الفيديوهات انا شوفت كله كويس وشوفت الاختبارات وشوفت ان النتيجة iPhone 5s انا بتكلم من وجهة نظري ثانيا نقطة الشمل مفيهاش تفاصيل ديه هايلة وكويس ان حضرتك ذكرتها ده دليل علي ان ال Focus بعيد عن السماء والدليل حضرتك ممكن تشوف فيديو للجهاز علي الرابط ده

وهو موقع محايد هشوف احلي تفاصيل ^_^ انا بقول الأخطاء بتبقا غير مقصودة مبتكلمش علي نتيجة gsmarena انا مبتفرجش علي موقع واحد انا بجيب كله ويجيب رأيي في الكاميرا مش من فلان وفلان وده برضه دليل علي اختلاف المراجعات من موقع لموقع وعدم وجود مقارنة كاملة تقولي الجهاز ده اعلي من التاني يعني مقارنة ملهاش فايدة :)

ahmedaliyossef2010

2013-10-12 (07:12:32PM)

الغلطة الأولي من وجهة نظري ان حضرتك كاتب ان الفيديو مش وسيلة للمقارنة

لو كان كلامك مظبوط مكانش كل القنوات دي على اليوتيوب نجحت و الكلام ده

و ده لأن الناس اللي سمعت كلامهم لقوا ان نسبة كبيرة من كلامهم صحيح

فالخلاصة ان الواحد يتفرج و اللي يشوفه منطقي يصدقه و الغير منطقي ميصدقهوش
بالظبط زي الناس اللي بتعمل شير لحاجات من غير ما تتأكد أهم حاجة ان المصدر الموثوق و ان كلامه يبقى منطقي

ahmedaliyossef2010

2013-10-12 (07:09:13PM)

لو قريت التعليق اللي كتبته دلوقتي و بعديه قريت التعليق بتاعي هتلاقيه بيشرحلك كل الكلام اللي انت قولته

لو أخدت بالك قولتلك شوف مصدر محايد و لازم يكون كلامه متماشي مع اللي بتشوفه و مع المنطق
و ده رد على نقطة الشمس

و كلامي عن الأندرويد ده رد على كلامك بالنبة لأول سؤال كتبته على الموقع

و اللي بيدللي انك مقريتش كلامي كويس اني مقولتش ان حضرتك بتفضل الiphone أنا قولت انك بتفضل ios لأنه بيلبي احتياجات

تاني حاجة المقارنة اللي جابها الأستاذ عاملاه قناة اسمها thenokiablog زي ما اسلام ما قال
يعني غير محايد بالمرة " علشان كدة اتكلمت عن موضوع المصدر الموثوق "

ادخل على جي اس ام أرينا و شوف النتيجة النهائية و قارنها بصورة هتلاقي النتيجة منطقية
ال جي جي 2 ده دليل على ان حضرتك مقرأتش المقارنة لأن الموقع اللي مصور و عارف الظروف كاتب ان exposure فيه مش كويس بص على السماء هتلاقي انها بيضاء زيادة عن اللزوم و مفيهاش أي تفاصيل اذن دلوقتي كدة انت تأكدت من ان الكلام اللي مكتوب ده منطقي
و كمان ده دليل على انك مشوفتش الفيديوهات لأن في مشكلة في التركيز في ال جي ال 2

و بالنسبة للتفاصيل فدي واضحة برضه في الصورة و منطقية و متماشية مع التقييم النهائي من الموقع

تالت حاجة بالنسبة لموضوع انهم مش في نفس المكان و مش عارف ايه أكيد الناس دي مش أغبيا يعني علشان تفتهم حاجة زي دي في حامل مثبت للتصوير و لو أخدت بالك من المقارنة الشمس مش طالعة أو على وشك الغروب يعني مفيش اختلاف في الظروف ما بينهم

نيجي لنقطة الشاشة موضوع السطوع ده لو شفت كل فيديوهات مقارنة الشاشة بيبقى كلهم نفس النسبة المئوية للسطوع في اللي بيوريها للكاميرا و في اللي اكتسب ثقة الناس فمش محتاج يوريها و بالنسبة لنقطة ان الكاميرا يبقى فيها مشكلة فدي واردة لكن مع التصوير بكاميرا محترفين الكلام ده مش هيحصل أولا لأن التصوير بيبقى عن بعد مناسب ثانيا مع تعديل موازنة الألوان و تعديل الاعدادات هتقدر توصل لأقرب نتيجة للصواب
آخر حاجة دلوقتي حضرتك بتقولي مينفعش مقارنة الشاشات طيب ده ايه علاقته بموضوعنا لأن حضرتك معلق على مقارنة كاميرات

Black Crow

2013-10-12 (06:48:49PM)

اها صحيح حضرتك كاتب للمرة التانية ديه غلطة حضرتك انا عايز بس اعرف غلطتي الاولي عشان أتأكد حضرتك فهمت كلامي ولا لاء ^_^

Black Crow

2013-10-12 (06:41:52PM)

أستاذ أحمد ردك أكبر دليل إنك مفهمتش التعليق ^_^ لازم أوضح

أول حاجة أنا حطيت التعليق لأن الأستاذين كل واحد جاب فيديو وكل واحد بيوضح ان في جهاز متفوق علي التاني والمقارنة الأصلية بين Lumia,iPhone وكل أستاذ جاب رابط والرابطين لنفس الجهازين والنتيجة مختلفة مرة Lumia فاز مرة iPhone فاز والفيديو الأخير في G2 أحسن من الاتنين وما علينا مش هتفرق انا بتكلم في نقطة بعيدة عن الاحسن والأقل

هتكلم مثلاً في الفيديوهات عن طريقة المقارنة بين شاشات الاجهزة ممكن نفس نظام الكاميرا اجيب فيديو يوضحلي شاشة جهاز س احسن من شاشة جهاز ص وتجيب فيديو يقول العكس ليه لعدة أسباب ١- ممكن يكون اللي صور عمل ال brightness بتاع س احسن من ص :)
٢- ممكن يكون في جهاز الضوء جه عليه فال sensor زاد ال brightness ( نفس الخطأ ولكن غير مقصود )
٣- وجود نفس الصور/الفيديو مع اختلاف الجودة .

نيجي بقا للمقارنة بين الكاميرا مع وجود فيديو بيوضح س احسن من ص وفيديو للعكس

تجربة بسيطة جدا لأي حد معاه smartphone علي الموقع
شغل الكاميرا وجهها ناحية الشمس ومرة ركز علي الشمس ومرة ابعد التركيز عنها وقولي هتلاحظ ايه ^_^
انا هقول هنلاحظ ايه هنلاحظ ان الشمس وضحت والضوء قل ولما ابعد التركيز هيحصل العكس ده بالظبط السبب اللي بيخلي sensor الكاميرا في جهاز يظهر اعلي من التاني
تجربة تانية هات الكاميرا تحت الشمس بجزء بسيط وارفع الجهاز ببطء ونزلت ببطء هتلاقي نتيجة مختلفة :)
ملاحظة ممكن في اختبارات الكاميرا يجيب الصورتين ويحصل اختلاف علي مين افضل ومين اقل حسب وجهات النظر ^_^

نيجي بقا لموضوع مين احسن ومين اقل انا عمري ما قولت iPhone أحسن بس دايما بقول مش أقل واللي كان بيسأل أجيب s3 ولا iPhone كنت بقول s3 او احيانا مبحبش ارد عالسؤال لأنه سؤال ملوش معني وأنا سألته برضو اول ما كيت الموقع المهم انا لما بقول نجرب الجهازين مبقلش شوف الاحسن بقول شوف مين هيعجبك لأن مفيش جهاز متفوق علي جهاز تاني هتجيبلي اختبارات benchmark,geekbench غيره غيره غيره غيره في صالح جهاز هجيبلك فيديو يوضحلك النتيجة لصالح التاني زي ما الأستاذين عملو ^_^ إذا تقطع الشك باليقين ٥ دقايق ادخل اي محل اجرب س واجرب ص واللي يعجبني مبروك ليا مقدماً بس ده الموضوع انا بحاول الغي فكرة المقارنة في اي جهاز مش بين iPhone وغيره بس

ahmedaliyossef2010

2013-10-12 (05:31:48PM)

للمرة التانية برضه دي غلطة حضرتك مش غلط في المقارنة

أول حاجة المفروض تاخد الاجابة من أكتر من مصدر موثوق
تاني حاجة مش معنى ان واحد قالك أندرويد أحسن من ios يبقى كلامه صح أو كلامه غلط ده كلام مبني على وجهة نظره هو و تعرف أسبابه و تشوفها متفقة معاك و لا لأ

مثلا انت واحد جربت أندرويد و معجبكش و جربت ios و عجبك هل معنى كدة ان اللي قالك أندرويد أحسن غلطان ؟

الاجابة لأ طبعا مكانش الأندرويد نجح و باع كل الأجهزة دي

في وسائل لو حبيت تقارن فيها بين أجهزة اللي هي فيديوهات زي مثلا تشوف تصوير فيديو من الموبايلين و تقارن تعرف مين اللي أجسن
فيديو اختبار للسرعة أو للمالتي تاسك أو السرعة ده جاي من تجربة برضه

لو لاحظت في كلامي اتكلمت فوق عن النظام بوجه عام و تحت اتكلمت عن الأجهزة
يعني مقارنة النظام بتبقى عن طريق مميزاته و اضافاته و سلاسته و طريقة ترتيبه و ملائمتها لرأيك

و الأجهزة بتبقى أهمها الكاميرا و الصوت و حاجات تانية و برضه في طريقة لمقارنتها بس أهم حاجة تختار المكان الموثوق أو اللي كلامه منطقي بالنسبة للي بتشوفه

على العموم عاوز أقولك كل سنة و انت طيب و عيد سعيد عليك ان شاء الله :)

Black Crow

2013-10-12 (02:08:29AM)

لا أنا ذكرت وسيلة المقارنة في تعليقاتي فوق ال 8000 مرة ( التجربة ) معظم المحلات حالياً بتحط الموبايلات للتجربة إذاً جرب وشوف

أستاذ The Lord أنا إسف لو التعليق ضايقك بس أنا مكتبتش التعليق من باب العدم أنا لو فسرت كلامي هبقا بعيد كلام كتبته في صفحة ٢ بإستفاضة :) والكلام مكتوب في ١٠٠ صفحة تانية غير ديه وتكرار التعليق مع استمرار الاختلاف أثبتلي إن مفيش نتيجة عشان كده سيبت الوضع كما هو عليه ^_^

thelord

2013-10-12 (01:50:48AM)

كتبت الكومنت لايه من الاول اصلاً طلاما انته مكسل اليومين دول ؟!!!!

ahmedaliyossef2010

2013-10-12 (01:48:33AM)

أصل كلامك مش صحيح
مقارنة فيديوهين كل واحد باقصى جودة على شاشة دقتها عالية هتاخد نتيجة صحيحة ايه المشكلة في كدة

يعني من كلامك كدة مفيش وسيلة مقارنة أصلا و أي واحد يشتري عمياني و خلاص
في حاجة اسمها انك تختار مصدر محايد تشوف منه المعلومة

Black Crow

2013-10-11 (09:58:03PM)

لا متاخدش في بالك يا أستاذ أحمد أنا بكلم نفسي والله مواضيع شرحها طويل والواحد مكسل اليومين دول

ahmedaliyossef2010

2013-10-11 (05:33:15PM)

ثواني بس عندي سؤال الفيديو مش وسيلة للمقارنة ليه يا Black Crow ؟؟؟؟؟

Black Crow

2013-10-11 (01:12:02AM)

هههههههههههههه وصلنا للنقطة اللي أنا بتكلم فيها من يوم ما رجلي لمست الأرض حتي الفيديو مش وسيلة للمقارنة كل يوم بتأكد إن وجهة نظري صح

thelord

2013-10-10 (11:09:38PM)

أكيد الفيديو ده مش موضع ثقة لأن القناة اللي عاملاه اسمها thenokiablog فهتبقى أكيد منحازة ليه

شوف المقارنة دي بقة

mohamed147

2013-10-10 (01:56:08PM)

الموبايلات

بدون عنوان

التسجيل بالموقع

دخول الاعضاء

معلومات سريعة عن Apple iPhone 5s

IOS

4.0″

3G

8 MP, 32...

1560mAh