هذا الموضوع مرتبط بـ iPhone 5s

بدون عنوان

Black Crow

2013-09-30 (01:53:53AM)

ايييييييييييييييييييه ال iPhone دايما لما بينزل بيبدأ ب ٨٠٠٠ وبيرخص خلال أيام iPad2 لما نزل مصر في الاول خالص اول سعر شوفته ليه كان ١١٠٠٠ جنيه ^_^ بعد كده نزل ب ٨٥٠٠ بعد كده ٧١٠٠ بعد كده ٦١٠٠ بعد كده ٥٥٠٠ وحاليا ٣٨٠٠ وانا سامع ناس في الموقع بتقول النوت ٣ رخيص رغم إنه في imedia ب 6299 لكن ما علينا لكن انا عندي سؤال واحد هو ليه دايما Apple لما بتنزل جهاز كل الناس وشركات العالم بتجري عشان تقارن أجهزتها بيه وبالأخص سامسونج وحاليا microsoft ماتسيبه الجهاز يفشل D: في ناس هنا عالموقع شغلتها انها تدخل علي صفحات أجهزة Apple وتقول ديه أجهزة ...... ولازم الجملة المعروفة ده galaxy .. أو galaxy .... . أحسن منه بتريليون مرة بس ربنا يكون في عون الجميع ........ المهم كويس ان الجهاز نزل مصر في وقت قياسي وأحب كل اللي جاب الجهاز يقيمهولي حتي لو هيقول ان كله عيوب بس عايز الناس تحط خط تحت كلمة اللي جاب الجهاز xD

HENO

2013-10-12 (01:17:25AM)

ولا يهمك ياميرو مفيش حاجه يابرنس احنا إخوات قبل اى شىء وكل سنه ونت طيب :)

_mero_

2013-10-11 (12:35:52AM)

يا سيدى اضحك براحتك يعنى سبنا كل حاجة و بنتخانق عالموبيلات
,, عموما انا لعبتها عالايباد و الايباد 4 بتوع صحابى و لعبت asphalt عادى جدًا و صاحبى اللى موبيلو كان بيهنج رجعه و جاب s3 اصلًا
و عمومًا انا فلت ان الايفون محقق اعلى benchmarks و الكاميرا تيست بتاعه كان كويس جدًا و كل كلامى كان فى نقطة معينة هى ان سعره زيادة عن اللزوم اول ما نزل
و ان الIOS 7 نسخة من الاندرويدو قلت برضه ان الاختيار للمستهلك و احتياجاته
و طبعًا مفيش موبايل فيه كل حاجة لان كل واحد و ذوقه

HENO

2013-10-05 (04:40:32PM)

@ black crow
ايه ده هو فيه ناس هنا بتتخانق عشان الموبيلات ! :D انا رديت عشان اوضح بس اللي متعصب لشركه معينه يخليه معاها وميضايقش نفسه وخلاص ! لكن ميخشش ويقول معلومات مغلوطه وكلام كله غلط عشان الشركه اللي بيحبها تكون احسن بالنسباله !
@ mero
بصراحه ياميرو انت كلامك مضحك جدا بخصوص لعبة تمبل رن :D انت بتقول لعبتها وهنجت معايا ونا اصلا اللعبه دي عندي ع الايفون والايباد والايباد مينى كمان وعمرها اصلا متهنج !! لان اساسا دي لعبه تعتبر عاديه مفيهاش جرافيك خيالي يعني عشان تهنج الجهاز ! دي اقل امكانيات تشغلها ! يريت نحترم عقول بعض ومنقولش اي كلام مرسل وخلاص !
اما بخصوص كلامك عن الشاشات وان سامسونج اللي بتصنعها مش سامسونج بس اللي بتصنع لابل ! شارب وال جي بتصنع الشاشات دي بردو يعني مش سامسونج بس اللي بتعرف تصنع فيه شركات تانيه
وبعدين حته سامسونج كده كده بتكسب انا ماليش فيه لانى مباخدش منهم نسبه يعني :D يمكن انت بتاخد نسبه منهم يمكن :D
بالنسبه لمتورولا فعلا نزلتها قبل كده بس ابل نزلتها بشكل جديد خالص ! وبطريقه عمليه تفيد المستخدم في اي شىء وهو ده اللي بتعمله ابل بتعيد اكتشاف الحاجه من جديد

_mero_

2013-10-02 (09:08:20PM)

انا بتكلم عالbenchmarks عشان اوضح حاجة بس , انها مش بالشكل ولا بالاسم دى بالاختبارات
و انا بعتمد على gsmarena فموضوع الbenchmarks دا
لانهم قدام فالموضوع دا
و فعلا الجهاز متفوق من ناحية المعالج و سابق بسنة الاندرويد لاكن لشه لازم بقى ينزله برامج للمعالجات دى و متبقاش اسم وخلاص
عمومًا اللى كان شبه متساوى معاه فالاختبارات هما جهازين
xperia Z Ultra , xperia Z1 و الاتنين مضاددين للمياه عمق متر لمدة 30 دقيقة (معرفش الضمان فى مصر بيغطى ضرر المياه لا لا)
و مضاددين للتراب , و الz1 كاميرا 20 ميجا (مش مهم الكاميرا المهم العينات بتاعتها و اللى عايز يشوفها يخش على GSMarena camera compare tool)
و شاشة full Hd و 441ppi 5 انش
بينما الz ultra فابلت و شاشة 6.4 انش و 344ppi
و هما فالاختبارات يكاد يكونوا متساويين و الاتنين سعرهم يتراوح فال5300 يعنى الاخص ب2000 جنيه مالايفون بس الايفون لو رخص مش هيكون فى فرق كبير فالاسعار و برضه المشترى ليه الاختيار لان كل واحد ليه اختيار و ذوق معين فالهواتف
,,

Black Crow

2013-10-01 (11:20:00PM)

يعجبني الناس اللي بتدخل تتخانق علي فكرة كلنا اخوات بس عشان انا شايف ناس مش بتتكلم بالراحة بالنسبة لأستاذي الفاضل اللي شاور علي الاختبارات انا ممكن ابعتلك صفحة اسمها evey things apple تظهرلك ان الاختبارات في صالح ال 5S الاختبارات مش قياس مهما جيبتلي من فيديوها واختبارات هقولك جرب الجهازين اما بالنسبة لحكاية ال Apps بتاعته بفلوس الكلمة ديه اي حد بيقولها حتي لو مسك الجهاز احب اقوله انت ممسكتش الجهاز او بمعني اصح انت ماتعرفش حاجة عنه اما بالنسبة للتقليد فانا لو عايز امسك من الاول خالص همسك من اول جهاز معين مش هذكر اسمه نزل زي اجهزة iPhone القديمة ب cover ابيض و cover اسود وال front cover اسود اظن الجهاز اتعرف من غير ماقول اسمه ده بالنسبة لسرقة التصميم وبالنسبة لسرقة السوفت فناهيك عن ال s voice وناهيك عن علامة ال on , off في ال android وناهيك طريقة ال screen unlock والخ الخ الخ مبحبش ارغي في حاجات ملهاش لازمة بس بما انها ج في السيرة معنديش مانع ^_^ وبالنسبة لحكاية ال ٩٩ دولار وال ٢٩٩ دولار فاحنا اكيد كلنا عارفين ان ديه اسعار الاجهزة ال locked وال unlocked بيبدأ من ٦٤٥ دولار غير الجمارك :) فحكاية السعر ديه اظن مش محتاجين نتكلم عليها وانا اتكلمت علي سعر ال note 3 فوق فمش عارف ليه اللي لافت النظر للنقد ال iPhone بس عادي برضه احنا اكبر من اننا نجادل علي الموبايلات اللي عايز يقارن يجرب انا جربت جهازي مع الاجهزة الموجودة دلوقتي ومازال متفوق ( عن تجربة ) مش عن مراجعات مصورة او اختبارات بتختلف نتيجتها من موقع لموقع وانا مش هحب الشركة ولا هكرهها انا مشتري عتيز اختار لنفسي الاحسن ماظتش هلاقي حاجة احسن من جهاز معين وبرضه اجيبه عشان بحب الشركة المنتجة له وبالذات حسب كلامكم ان الاجهزة التانية احسن وارخص D: وانا قفلت كلام في الموضوع لأني كنت بعمل لفت نظر بس

_mero_

2013-10-01 (10:26:20PM)

و اللى بيقولك الشركات التانية بتقلد ابل
مش هتكلم عن الIOS لانه اندرويد برداء ابل و محدش مختلف فالكلام دا
و البصمة موتورلا نزلتها قبل كدا فى 2011
و الاهتمام بحجم البكسل htc اشتغلت عليه قبل كدا
و الretina مش احسن شاشة على فكرة
و متنساش ان سامسونج بتصنعها و بتصنع جزء من معالجات ابل
يعنى لو الايقون خسر و الجالاكسى اتباع ساسمونج كسبانة
و لو الايفون نجح و الجالاكسى فشل سامسونج برضه كسبانة

_mero_

2013-10-01 (10:22:02PM)

benchmarks,camera samples & durability talk
انا مش هقول غير كدا ,لان عمرها ما بالبكسل فعلاً ولا سرعة البروسيسور ولا اى حاجة مالكلام دا
,انا واحد لو قدامى iphone و android هختار الاندرويد لسبب بسيط
الايفون اسعار باقاته غالية و الماركت بتاعه مغلق و الapps و الgames كتير منها بفلوس و البلوتوث من و الى IOS بس
و الايفون بيتخسف بسعره الارض كل ما ايفون احدث ينزل
لكن بالنسبة للميزات فالIOS معروف بسرعته الشديدة بس مش معنى كدا انو مبيهنجش لانى مسكت ايفون صاحبى و هنج من temple run
و الايفون يا جماعة منتشر برا لسبب وجيه اسعار باقاته مغرية + اسعاره مع العقد المغلق رخيصة (لكن دا تغير السنادى لان فى هواتف كتير جامدة سعرها نزل ل100 دولار و بعضها نزل ل99c
بش طبعًا كلهم متحمل عالدفعة الشهرية)
المهم الخلاصة من الكلام دا كله ان الايفون كهاتف محترم , لكن فى مصر اسعاره غالية و مغلق غالشبكة اللى هتشتريها منه و باقاته غالية و مش منتشر مع ناس كتير فهتحتاح فلاسة تنقل بيها الحاجة لصحابك لو اتصورتوا مثلًا
,

zamaleksc

2013-10-01 (09:43:44PM)

كوبى بست ايه بس حرام عليك اومال النتوفيكشن الى واخده من اندرويد يا عم خليك عليى الحياد يعنى انت عايز تقنعنى ان الموبايل ده احسن من الموبايلات التانيه الى راخص و يتقدم سوفتوير و هاردوير احسن انت بتقول كده علشان حبك لابل مش كتر لكن مش بتتكلم بيحاديه :D

Black Crow

2013-10-01 (08:46:22PM)

علي فكر يا أستاذ Heno انت فهمت كلامي غلط انا بقول الكلام ده عشان اثبت انها اعلي اجهزة موجودة بس ^_^ حضرتك فاكرني بستفسر لا أبداً انا فاهم كل اللي حضرتك قولته وشكرا عالتوضيح للناس D:

HENO

2013-10-01 (07:08:52PM)

انا عندي سؤال واحد هو ليه دايما Apple لما بتنزل جهاز كل الناس وشركات العالم بتجري عشان تقارن أجهزتها بيه وبالأخص سامسونج وحاليا microsoft

عشان موبيل أبل بيبقي أحسن موبيل في العالم من حيث التقنيه والسرعه عشان كده الكل بيقيس عليه اجهزته
أبل هيه الشركه الوحيده في العالم اللي بتبتكر وبتقدم أشياء جديده بشكل مختلف وباقي الشركات مثل سامسونج بتاخد الاشياء كوبي بيست وبتعمل بيها أجهزه ! عشان كده الشركه دي مش هتقع ابدا لانها ببساطه هيه اللي بتبتكر والكل بيجري وراها
يعني مثلا الشاشه في اجهزه أبل واللمس او التاتش هتلاقي التاتش بتاع ابل غير اي تاتش تاني وسرعه استجابه التاتش نفسه اسرع وضعف اي موبيل تانى ده غير شاشه الريتينا اللي هي تعتبر مفخره شركه ابل لانها أحسن شاشه في العالم

ده يعتبر جزء من الاجابه علي سؤالك وهو الابتكار
تانى شىء نظام ios ااحسن واقوى نظام في العالم من الحيث الثبات والامان والسلاسه في استخدامه ده طبعا غير انه فيه متجر ابلكيشنز يعتبر الاقوى في العالم بدون منازع !
تالت شىء خامه المنتج نفسه وهو في ايديك وتصميمه الجميل بتحس فعلا انك ماسك حاجه فخمه او غاليه في ايدك على عكس اي موبيل تانى هتلاقيه عادي في ايديك

wala2yassin

2013-09-30 (11:42:18PM)

ايوة طبعا انا معاك ان الكام و البروسيسور ماينفعش تقارنهم بأي جهاز موجود حاليا و برضه ماينفعش اصلا تقارن بين اندرويد و ابل لان ده حاجه و ده حاجه المقارنه بتبقى من ناحية السرعه و السلاسة هتبقى لصالح ال ٥اس.. لكن السوفت وير كل واحد ليه الفانز بتوعه .. بس بالنسبالي انا نفسي في موبايل ايفون عليه اندرويد... المشكله عندي بس في الابل ال open sources...عشان كدة انا مستقره عالنيكسس ... و عندي امل ان ابل تغير سياسة الانغلاق بتاعتها دي هي دي كل مشكلتي معاها .. برده الي معاه يجيب الفون دة يجيبة بدون تردد مادام مش فارق معاه ال open source .. لان حتى مشكلة ال customization ابل حلتها بشكل كبير في ال ios 7.. و ع فكرة شاشة ٤ بوصة مش صغيره زي مالناس بتبالغ كدة.. سامسونج هي الي مستهبلة في مقاساتها.. و بما ان ال ios مش فيه ويدجيت مش محتاج شاشة اكبر من كدة و ٤ مناسبه للافلام و الجيمز و هتبقى اقوي من ال ٥ في الشركات التانية و ده لازم نجمع عليه

kemo31

2013-09-30 (09:59:02PM)

انا من رايي ان الموبايل ده احسن موب موجود ف السوق وميتقارنش باي موبايل تاني يكفي ال64 بت الشريحه ومعالج الرسوميات العالي والفنجر برنت
بس الناس مش عاجبها لانو نفس الشاشه والرزليوشن والرام بس هوا الصراحه جامد جدي D:

Black Crow

2013-09-30 (11:27:21AM)

رأي عظيم مينفعش يتقارن أصلاً بالجلاكسي يبقا خير والله لو ماتقارنش بيه لأن الحقيقة اللي بحاول اوصلها ان فعلاً مفيش وجه مقارنة بس مش زي ماحضرتك بتقوليها انا اقصد ده iOS الباقي Android مقارنش وكله حسب النظام اللي يعجبه مش بقول لحد متقولش رأيك بس لو هتقارن قولي وجه المقارنة انا بدايتي عالموقع ده كان بتعليق بيقول iphone 4s,galaxy note,HTC One x وربنا كرمني بناس خليتني امسح كلمة iPhone ده من دماغي والحمدلله نصيبي طلع فيه أجهزة Android علي عيني وعلي راسي أجهزة عالية وليها (إمكانياتها) ال 5S ليه امكانياته اها الشاشة متغيرتش التصميم اختلف في الالوان بس البروسيسور اعلي ( 64 Bit ) الكاميرا اعلي رغم انها 8 برضه بس يطول شرح الموضوع ال Finger Print وال iOS 7 في ناس مبيعجبهاش الكلام ده ويعجبها ال Android فتعيب في الجهاز بعيوب لم توجد فيه لغاية دلوقتي مشوفتش حد جايبلي عيب في الجهاز دايما انا مشتري زي بقيت الموجودين فعايز اعرف الاحسن يبقا الرأي اللي انا عايزه مميزات وعيوب ميجيش حد يقولي اصل التصميم ماتغيرش اصل الكاميرا اتحسنت بس لسه ٨ اصل الشاشة ماتغيرتش كلمني في عيوب الجهاز واحد مسك الجهاز يقولي في عيوب واحد اتنين تلاتة ونخلص لكن في كلام هنا ماتغيرش من ساعة مادخلت الموقع لدرجة اني حفظته من ايام ال 4S كلمة مقارنة يعني امسك الجهازين في ايدك مش ناس تقارن الكاميرا وبعدين تيجي تقول اها اصلها مش بالميجابيكسل (وديه حقيقة) مش تقارن وبعدين تقول مش برقم البروسيسور (ديه حقيقة) مقارنة بالارقام مش هينفع تتلغي اما مقارنة بالفيديوهات مش هينفع وهتنلغي برضه لأن هنلاقي فيديو بيقول الجهاز ده احسن وفيديو بيقول لا الجهاز ده احسن المقارنة ولا شكلية ولا لفظية ولا كلامية المقارنة تجربة بس ده للي عايز يقارن الجهاز انا باذن الله واثق انه يتفوق علي كل الاجهزة الموجودة وعارف ليه وده رأي شخصي لإهتمامي بحاجات معينة في الجهاز ولتجربة بين ال 4S اللي في إيدي وبين أجهزة تانية مش هذكر اسمها عشان مش بعيب في اجهزة واحب لكل واحد ينزل يشتري ويجرب اللي هو عايزه ومشتتش تفكيره لكن ديه مش مقارنات ده تشتيت تفكير بالتحديد لأي حد عايز يجيب جهاز Apple اياً كان ^_^

wala2yassin

2013-09-30 (07:38:04AM)

طيب اما مقتنعة ان ٦٨٠٠ مش كتيير عليه .. و مش بقارنه بجلاكسي عشان ماينفعش اصلا كفايا قوي خامات الصنع..بس ال htc one نزل ب ٦٠٠٠ طبيعي ايفون يبقى اغلى.. انا جربت امبارح ال ios 7 لمدة ساعتين مع واحده قريبتي و بجد بقى احسن كتييير بس برده من وجهة نظري سمارت فون يبقى اندرويد .و مش اي اندويد طبعا . و ال apple يبقى ipad ... بس بالنسبة للسعر دلوقتي مش شايفاه غالي بالنسبة لانه ايفون برده ..

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Apple iPhone 5s

مقارنة

IOS
4.0″

4.0 بوصة
3G

2G / 3G
8 MP, 32...
1560mAh

Li-Po 1560 mAh غير قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Apple iPhone 5s

IOS

4.0″

3G

8 MP, 32...

1560mAh