سعر و مواصفات Apple iPhone 4S

دى مسألة عيب اختيا بئا لمن مش حاجة تنيا ! بص انت لو عاي تبيعو بتمن كويس ,بيعو لحد من اصحابك و المعدل الطبيعى هو اسعر ينزل 200 مع كل شهر استعمال

لونو 3.7 او 4.0 عمري محفكر اغيرو بس 4.7 مش مناسبني خالص و عاملي قلق..بجد دا عيبو الوحيد,غير كدا اجمد و اشيك خامة شلتها بحياتي و الويندوز بتاعو انا وقعت فحبو.
مع كدا اول فرصة تصحلي ابيعو بسعر كويس مش حستنا.. حاسه حيتكسر

والله يا جمال انت راجل ص حالصح انت معاك موبيل ما شاء الله كميرا احسن من الarc s,N9,XE و فمستوى الايفون و الSII , الكلام دا مش من عندى , دا من Gsmarena , خش شوف يا برنس

لا يا ريس.. حرمت خلاص..يعنى حستنى لم ينزل مصر و يبق تمنو 2500 جنيه و بعديها اجربو و لو منزلش احسن..
بس شكلو جميل و شيك

يا جمال موتورولا مبيحدسوش هما فيبهم حاجة وحشة وى هى ان لو تنزل تحديث هما بينزلو موبيل جديد مش تحديث و يمكن دا عشان google تكسب لانها دلؤتى المالك لها :\ بس انت معاك موبيل جبار ما شاء الله لسا جايبو من شهرين على ما اتذكر ؟ حرام تدغع 5000 جنيه فموبيل و تبيعو ب4000 للاسف :\
السوق فمصر وحش اوى خليه معاك, و ابئا غيرو لما الاندرويد يثبت عالICS بئا كمان سنتين تلاتة يكون نزل حاجة احدث كمان

عجيبة حكاية التحديثات مع موتورولا !!!!! وحشين فالحكاية دي اوي..
في جهاز موتورولا razr داخل دماغي و نفسي بي موت و شكلي كدا لازم اعيد تجربتي مع الاندرويد من كتر مديح الشعب المصري ليه.. بس حابب التيتان و الويندوز اوي اوي بنفس الوقت ومش عايز اسيبو..
الموضوع بقا محير زيادة عن اللزوم ولو ملوش تحديث مش حفكر في تاني.

معتقدش ان فى فيديو ممكن يعرفك صوت الموبيل عامل ازاى لكن لو هتشتريه من شارع عبد العزيز زى ما كيمو قال ممكن تجرب صوته قبل ما تشتريه لكن اهم حاجة جرب صوته باى حاجة بتسمعها كتير لان رنات الموبيل بتكون اعلى من الرنات العادية فجرب اى حاجة عادية و طبعا متنساش تجرب كل حاجة فى الموبيل من التاتش بتاعو للبلوتوث يعنى متسبش اى حاجة.

حضرتك الموبايل صوته مش عالي خصوصا لما هتيجي تشغل الاغاني و الوسائط فانتا ممكن تنزل شارع عبدالعزيز وتمسك الموبايل وتشوف صوته ولو الصوت بيفرق معاك جامد يبقي متجيبوش خلاص

تمام ياباشا انا هشترى الجهاز ان شاء الله بس اخر طلب معلش لو عندك فيديو اسمع بية الصوت بتاع الموبايل يبقى تمام

تمنه حوالى 1200 جنيه ممكن اكتر شويه و ممكن اقل شوية و فى الغالب هيكون صناعة صينى لو علجبك بجد اشتريه لكن خد بالك الموبايل ده عايز معاملة خاصة لانه ضعيف شوية.

الف شكر ياباشا انا دخلت وشفت الجهاز وعرفت عنة معلومات كتير وحكاية الصوت دة اللى خنقانى شوية بس مش مشكلة اهم حاجة عندى الكاميرا فضل حاجة صغيرة بس سعر الجهاز دلوقتى عامل كام وصناعتة اية؟؟؟؟؟؟

اتفضل ده Review كامل عن الفيفاز بكل مشتملاته من اول التصميم و التعريف بالموبيل لغاية علبة الموبيل و اللى هتلاقيه فيها

لاحظ فى الصفحة التالتة للReview انه مقارن صوت الموبيل ببعض الموبيلات التانية و هتلاقى الفيفاز اضعف واحد فى المقارنة و الReview مديله Below average يعنى تحت المتوسط علشان كده انا بأكدلك الموبيل ده مينفعش خالص ليك لو بتسمع اغانى كتير

لكن فى الصفحة 7 و 6 هتلاقى اللى عامل الReview مبسوط جدا من كاميرة الموبيل و جايب كام صورة اتصورت بالفيفاز و فيديو اتصور بالفيفاز

و دى امكانيات الفيفاز

و يا رب اكون ساعدتك و لو عجبك الموبيل اشتريه و هو على العموم موبيل جميل.

لا طبعا مفيش اى ازعاج انا بحب اجاوب على الاسئلة

شوف يا معلم الموبيل ده لو عايزه للصوت و لو بتسمع اغانى كتير منصحكش بيه خالص لان صوته واطى

و لكن بالنسبة للكاميرة فالموبيل ده من احسن الموبيلات اللى بالتمن ده و عندها كاميرة 8 ميجا بكسل و كمان الموبيل ده بيصور HD 720P 24 FPS يعنى الكاميرة بتاعته و امكانيات التصوير عنده ممتازة

يعنى تقييمى للموبيل 4\10 للصوت و 10\10 للكاميرة 6\10 للشاشة 4\10 للبرامج و الالعاب و 10\10 للتصميم لان شكله فعلا جميل جدا على العموم شوف انت تحب ايه

يعنى ممكن انت تضحى بالصوت العالى علشان يكون عندك كاميرة ممتازة و شكل ممتاز لكن صدقنى لو بتسمع أغانى طول الوقت متقربش من الموبيل ده لانك مش هتعرف تسمعه كويس لو انت قاعد مع صحابك فى النادى مثلا او فى اى مكان مفتوح.

مستوى الموسيقى
59.8 ديسبل دون الوسط
مستوى الصوت
64.8 ديسبل دون الوسط
مستوى الرنين
69.1 ديسبل متوسط
وده يعتبر قليل مش عالي
انما بالنسبه للكامير فهي كويسه
وبتصور 720p ده لو انتا قصدك
علي الموبايل اللي في اللينك:
عشان فيه كذا موبايل فيفاز واتمني اوصلك معلومه صح

بص يا باشا انا مش مهم عندى الالعاب والبرامج اهم حاجة عندى الشكل والكاميرا والصوت وياريت تقولى صوتة عامل زى جهاز اية يعنى الصوت بيتسمع ولا لا عشان عاوز اشترية وياريت حضرتك تقولى سعره فى السوق كام دلوقت واسف لو ازعجتك

نظام تشغيل 5800 مش كويس لان نوكيا انهت دعم الموبايلات دى المشكلة انك لو هتجيب الموبيل دلوقتى و هيعد معاك اكتر من سنة و نص مثلا هتحس بمسالة دعم النظام لان نوكيا انهت دعم نظام التشغيل ده يعنى المبرمجين مش هيطلعولو برامج جديدة لكن لو مبتهمكش الالعاب و البرامج يبقى مش مهم النقطة دى

و فى حاجة مهمة صوت الفيفاز واطى و ده عيب فى غالبية موبايلات السونى اريكسون و مينفعش يتقارن بصوت ال5800 لان ال5800 اكسبرس ميوزيك صوته اعلى بكتير جدا

و فى مشكلة تانية هى ان الشاشة بتاعته resistive يعنى مش هتكون مريحة فى الاستعمال و هتتعبك لو بتستخدم الموبيل كتير

لكن طبعا مش هنسى كاميرته الممتازة لان لو بتحب التصوير يبقى هتعجبك جدا و هو من ارخص الموبيلات اللى فيه كاميرة 8 MP

انا عاجبنى عشان كاميرتة حلوة اوى وسعرة كويس وكنت عاوز اعرف اخبار الصوت بتاعة اية ونظام التشغيل بتاعة زى نوكيا 5800 ميوزك يعنى نظام تشغيل كويس

الفيفاز تصميمة حلو مش اكتر لكن امكانياته ضعيفة و نظام تشغيله قدين اوى و مش مدعوم حلوقتى لكن انت قول بس ميزانيتك و ان شاء الله انا او اى واحد من الاعضاء هنساعدك

سوري ياجماعه الكومنت ده كتبته غلط كان قصدي علي الBold Touch 9900

انا رايي تستني الجالاكسي تاب 7.7 لو انتي مش مستعجله هو هينزل في الربع الاول من السنه الجديده اما لو انتي مش عايزه تستني فهاتي الايباد2 او الجالاكسي تاب 10.1 وانا بفضل الاندرويد طبعا لان فيه ميزات اكتر

حضرتك تقصدى TABLET ؟
من الناحية دى هو الايباد هو الىل معاه حصة السوق لكن فى تابلتس اقوى منو بكتيييييييير !
زى الGALAXY TAB 10.13g ,8.9 3g,7.7,ASUS eEE PAD والeEE PAD هو اللى جامد جداً

وانت طيب وفى اتم صحة واحسن حال اللهم ااااااااااااميييييين

و انت طيب :)

وانت طيب يا نبيل

كل سنة و انت طيب يا نبيل و كل الاعضاء اللى هنا بالف صحة و سلامة.

وانت طيب يا نبيل

وانت طيب يا نبيل

وانتا طيب يانبيل عيد سعيد

وانت طيب و ان شاء الله عيد سعيد علينا جميعاً و جمعة مباركة عليكو يا جماعة :)

هو النقطة الي انا مش حاببها من بعض الزملاء مش موضوع الازواق..كل واحد غير عن التاني و حر بالنوعية الي تمشي معاه..
انا الي بقصدو على اي عضو بيجي عايز يشتري ايفون او عايز نصيحة منكم..يعني الي عايز يشتري ايفون بيطلعلو ال5 او 6 اعضاء مفيش غيرهم و بيرعبو..و حاسب و مش عارف ايه و متجيبش غير اندرويد و بيبتدو ايعددو بحسنات الاندرويد ( من و جهة نظرهم ) مع ان مواصفات الاندرويد التقيلة و المحترمة ملهاش لازمة فويندوز فون او ايفون ( كدا مقارنة غلط و نصيحة مش فمكانها خالص ) غير ان كل الي بيتفوق في الاندرويد ( برضو من وجهة نظرهم ) ملوش فايدة فمصر( بس حكاية الي ببلاش ) غير ان الي عايز يجيب ايفون و يدفع في من 5 الى 8 تالاف جنيه مش حتفرق معا حكاية الماركت الي ببلاش.
يعني العضو بيفتكر الايفون او ويندوز فون حاجة تافهة بالنسبة للاندرويد و دا تضليل و مش صح.
و الي بيجي عايز نصيحة و عايز مقارنة واقعية..نفس ال5 او 6 بيطلعو و هات مديح بالاندرويد و هات شتم باي حاجة تانية.. يعني يدو رايهم في تعليق لوحدهم بس لم ايكون حد طالب نصيحة او استشارة لازم نكون موضوعيين..و نذكر مميزات و مساوء كل نوع بشكل مفيد.
بجميع الاحوال هو الايفون مينفعش عند العرب عامة مش بس فمصر..(احنا تفكيرنا مكانك سر وبس)
شكرا يا مي و شكرا يا محمود..مش حيجيب نتيجة النقاش.. لان دا زوق عام.

حضرتك والله انا مقولتش حاجه غلط هو فعلا تطبيقات والعاب الios فيه ناس بتقول انها احسن من الاندرويد بس انا الصراحه مش شايف كده ومستريح جدا مع الاندرويد وعلي راي انجلينا كل واحد وليه زوق وبيجيب اللي محتاجه

حضرتك والله انا مقولتش حاجه غلط هو فعلا تطبيقات والعاب الios فيه ناس بتقول انها احسن من الاندرويد بس انا الصراحه مش شايف كده ومستريح جدا مع الاندرويد وعلي راي انجلينا كل واحد وليه زوق وبيجيب اللي محتاجه

اصل لو لاحظت انها نفس البطارية المستخدمة فى الايفون 4 و مستخدمنها فى الايفون 4 اس على بروسيسور dual core و ال 5 iOS لسة نازل اكيد هيبقى فى مشاكل و هتتحل مع الابديت اكيد لاكن انا اما سألت ابن عمتى قالى انة بيفصل فى 4 سعات نت او الاعاب و لازم يتشحن كل يوم و طبعا الايفون احسن من ناحيت الماركت بس انت طبعا عشان حضرتك زى مقولت استعمالك للموبايل شغل لاكن معظم الناس فى مصر بتستعمل الموبايل كالعاب و تسلية و نفس الالعاب الى موجودة فى ال ios هو الى موجودة فى الاندرويد و ببلاش طبعا هو عيب الايفون الواحيد انة غالى زيادة عن اللزوم فى سعرة و حتة فى الماركت التطبيقات غالية زيادة عن اللزوم يعنى انا بشوف العاب بى 20$ و فى حجات اكتر بى كتير و كل واحد لية زوق و بيجيب الى محتاجة طبعا

سيد محمود...
انا كل اما واحد ايكلمني بموضوع التطبيقات البفلوس و اشمل و عدد...بتشل !!! يعني بقالي 5 دقليق باصص بتعليقك و متشل منو ..
مش لسبب فيك او اني بتريق و كدا... بس لاني كمان جربت التنين الايفون و الاس 2 و حبيت الاس 2 اكتر كجهاز و مواصفات... بس اكتر حاجة حسيتها و حشة البرامج و التطبيقات بتاعة الاندرويد و دي السبب الي خلاني اكش من كل حاجة اسمها اندرويد.. و لما ييجي حد ايقول ان الاندرويد احسن فموضوع ماركت و تطبيقاتو .. دماغي مبتستوعبش ازاي ممكن كدا و بحس ان الاس 2 الي كان معايا مكنش اندرويد.. كان بادا ولا سيبيان
بصراحة مش عارف ايه الي بيحصل.. في فرق جامد بين نوعية التطبيقات و مفيش حد حاسس بكدا غيري.. شكلي انا الغلط
عالعموم كل الشكر و الاحترام ليك اخ محمود.. ارجو ميكنش كلامي بان على اساس انو تريقة او اي حاجة بس مش عارف اوصف شعوري غير كدا.

لا بالعكس miss مي..انا حتطلع عيني و افهم الموضع دا.
ارجو انك متزعليش مني بس بما ان موضوع البطارية بخص ال4 فحرجع اقول الموضوع خطا مستخدم مش جهاز..ال4 و من غير ما تلمسي ( وضع استعداد ) ومن غير تاسكس ولا بوش ولا تحديد مواقع ولا وايفاي ولا اي حاجة من هنا ان ومن هنا مش حيسحب فاليوم اكتر من 10% بالكتير..ولو بتستعملي ايبود و بتسمعي اغاني بس مع مكالمتين تلاتة طول النهار (يعني حوالي 9 ساعات اغاني حيستهلك 60% بس ) و انتي قيسي على الكلام دا.. انا طول عمري متعود انام و السماعات بوداني وبسمع حاجة و لم اصحى الصبح بكون لسة شغال و بشيل الجهاز على الشغل منغير ما اشحنو و بيقضيني اليوم كامل وكلامي من تجربة لاني استعملتو تقريبا سنة كاملة يا مي
لو حنتكلم عن ال4s مش حفتي بس مش منطقي الكلام بتاع البطارية بالنسبة دي..ببساطة لان لو الكلام دا مزبوط كل الموبايلات حتتسحب من السوق على الاقل في اميركا و كندا..لان في قوانين و جمعيات حماية مستهلك مبتهزرش..ممكن ايكون في عيب في الجهاز او مجرد عيب في الios5 مع اني مشغلو على الايبود و مش شايف مشكلة..بس النسبة مش و حشة لدرجة كبيرة و الا زي ما قلت كانت الموبايل اتسحب من السوق. واحنا منبالغ و لم ايكون في عيب في الايفون منعمل فضيحة و منكبر الموضوع وكلو بيزيد من عندو و كدا
من ناحية فلوس و كدا انا معاكي طبعا ان البلاش مغري جدا و مناسب لناس كتير.. بس دا مبيعنيش ان البفلوس وحش كمان..لان النوعية بتاعة البرنامج او اللعبة بتفرق كتير و بتكون مندمجة مع نظام التشغيل و الجهاز بشكل جميل..
يعني الي لازم الناس كلها تفهمو ان لو انتا من الناس الى مستعدة تصرف فلوس على العاب و تطبيقات و اجهزة تقترن بالموبايل بتاعك..الايفون ملوش حل فالمنطقة دي و مفيش اي جهاز فالعالم كلو حينافسو فاكتر من 1% لا تقوليلي اندرويد و لا و يندوز ولا اي حاجة و لو اجتمعت كل اجهزة الموبايل فالعالم مع بعض مش حينافسو الايفون و لا حيوصلو ل10% من المتوفر للايفون..يعني من غير مبالغة الواحد يقدر يفرش بيتو كامل باجهزا تشتغل مع الايفون و من خلالو..مش حقلك ان في تلاجات بتبعتيلها نوت من الايفون (ios) بس و تقليلها عايز كباية ميا ربعها تلج و لبين متوصلي التلاجة بتكون جهزت الطلب..و بتديكي درجة حرارة التلاجة على شاشة الموبايل و لو عايزا تزيدي او تنقصي الحرارة من بلد تاني تقدري..طبعا دي حاجات زيادة بس شوفي لحد فين عالم الايفون ممتد..غير كل العربيات الحديثة المحترمة الي فيها doc's للايفون و انا هنا مش بتكلم عن وصلة ايبود القديمة..غير عن شركات كاميرات و شركات حماية و اقسام شرطة بتتوصل بس للايفون..يعني الجهاز دا ليه مميزات خيالية بمعنى الكلمة و الى يقدر يصرف فلوس حيشوف انو عايش بعالم بيقدر يتحكم في
من خلال موبايلو..
طبعا انا خرجت عن الموضوع وبتكلم فحاجات مش موجودا هنا و دا من فشل الوكيل ( افشل وكالة فيكي يا مصر ) بس زي ما الناس بتنصح على اساس مواصفات مش موجودة عندنا و مش مدعومة فبلدنا من حق الايفون انو يتم زكر النقاط دي.
يعني كدا يا مي من الاخر..اغلب الناس بتعدد بحسنات الاندرويد و مبتعرفش حاجة عن حسنات الايفون...بعددو بسيئات الايفون و منفضين لسيئات الاندرويد..
وانا شخصيا محبيتش الاندرويد.. بس فالعموم هو الاحسن للشباب لكنو ليس الافضل طول مفي ناس بتستعمل الموبايل للشغل و في الحياة العملية..
انا حعدي موضوع منافسة ابل و اندرويد فالسوق بتاعنا لان فنظري القاعدة بتاعة الايفون ضعيفة هنا لاسباب سوء فهم و ضعف امكانيات..
بس خايف مستقبلا الويندوز فونز ينحطو بنفس الموقف دا.. و بكدا بيكون اكبر تضليل بتاريخ التكنولوجيا حصل لينا باختيارنا بسبب قلة خبرة و معلومات و بسبب اننا ناس ميالين للكيف و الانبساط على حساب كل حاجة مفيدة.

حضرتك والله انا مجرب معظم الموبايلات اللي في السوق وتقريبا مابتكلمش علي حاجه الا اما اكون مجربها وانا جربت الios4 علي الايباد والايفون4 واتخنقت لانه لازم عشان امسح اغنيه او فيديو لازم مزامنه مع ايتونز او اعمل جيلبريك وحضرتك شوف تعليقاتي هتلاقيني قلت ان الايفون والhtc خاماتهم احسن من السامسونج بس الهاردوير بتاع السامسونج احسن طبعا........... وانا بحب الاندرويد عشان استريحتله ولقيت استخدامه اسهل وتطبيقاته اشمل وكمان ان نسبه التطبيقات المجانيه فيه 57% وهي اكتر من اللي في الios 28% حضرتك والله انا عايز اوصلك اني مش متعصب لجهاز بعينه ومع الاحسن

بعد ازنك يا استاذ جمال انا مش بدخل بس هعلق ع حاجة صغيرة انا ابن عمتى كان معاة نوكيا ان 8 و اتخنق منة و باعة و جاب ايفون 4 اس من فترة مش كبيرة و جايبة من برا و موضوع البطارية دا فعلان بجد و ان البطارية مش كويسة اوى و اما انا سائلتة قالى البطارية بتقعد بى الظبط 24 ساعة لو ملمسش الموبيل و فى الاستعمال نت او الاعاب او اى حاجة مش بتزيد عن 4 سعات و هو بيفهم كويس فى ال iOS و استعمل معظم انظمة التشغيل..و اما حد هنا بينصح التانى بى الاندرويد انا فعلان بشوف حجات مستفزة و دى معاك حق فيها لاكن الناس الى فى مصر بتفضل ال android عن ال ios بى سبب ان ال ios الطبيقات الى فى معظمها بى فلوس ع عاكس الاندرويد خالص و مفتكرش ان حد فى مصر هيدفع 10$ عشان لعبة و انا استعملت ال ios فترة كبيرة بس ال android عاجبنى اكتر بى سبب انى بحس ان ال ios ممل شوية بى النسبالى و كل واحد و لية زوق طبعا زى ماحضرتك قولت و محدش طبعا بيهتم بى الشاشة او الكاميرا و الحجات دى مش هتفرق خالص لاكن احنا بنتكلم فى ان الهارد وير بتاع السامسونج او اتش تى سى او اى حاجة عمتا انة احسن و واحد تانى يجى يتكلم و يقول الايفون الهارد وير بتاعة احسن هى طبعا زى ماحضرتك قولت الثانية او الثانيتين مش هتفرق مع حد خالص لاكن محدش يجى يتكلم فى حاجة غلط و يبقى منحاز لى حاجة معينة دى بتبقى حاجة مستفزة شوية :(

حضرتك لو تكرمت متقولش احنا..جايز انتا بس
بعدين لو كل الكلام في الصفحة هنا مبيعنيش انو نظام وحش..يبق انا مبفهمش عربي و عمال اكلمك بلغة تانية مبيعرفهاش غير انا و انتا !!!
علعموم انا لا مع دا و لا ضد دا.. انا كل الي بقولو ان في ناس يمشي معاها الاندرويد و ان في ناس يمشي معاها الios و ان في ناس يمشي معاها الويندوز وفي ناس مش حتعرف تستعمل غير السيبيان.. يعني كل نظام لي مميزاتو حسب نوع الشخص و هو عاوز ايه من الموبايل..
بس النقطة ان كل واحد بينصح الناس بالاندرويد مبيديش اسباب منطقية وواقعية... و اغلب اراء الناس هنا منقولة من مواقع تانية من خلال تجارب مختلفة فبلاد تانية مع شبكات بمواصفات غير عن شبكاتنا..يعني النصايح جايز كويسة لناس مش عايشة فمصر.. و اهم حاجة ان النصايح مش عن تجربة و المثل بيقول " اسال مجرب و متسئلش خبير..
لدلوقت انا مش قادر اعرف هو ليه وجهة النظر دي ( مبيمشيش اوي فمصر و الاندرويد عملي اكتر ) يعني ممكن حضرتك لو تكرمت تدي اسباب منطقية لرايك دا من خلال تجربتك مع النوعين و تقولنا و تفيدنا..انا و الله العظيم و من اول يوم ليا هنا مشفتش واحد بيتكلم بالحق فموضوع الايفون ولا بيدي اسباب بتخصنا هنا و عايز بجد اعرف مشكلة الزملاء مع الايفون و الايباد ايه..لان البيسمع كلامكم و ايكون جاهل في الحاجات دي حيفتكر ابل شركة صناعة مصرية مملوكة لحوت حرامي سارق الشعب !!!
انا واحد من الناس مقتنع جدا ان الايفون في مميزات ممتعة جدا و ليها قيمة جمالية و مادية تفوق اي جهاز موبايل في التاريخ و ان الاندرويد ترفيهي فقط لا غير باسلوب رخيص و عمر البلاش محيكون بربع جودة البفلوس و بقالي مع الويندوز قريب من الشهر و رايي الشخصي ان الويندوز هو المستقبل بترفيهو المتقن و عملانيتو و سهولتو..
يعني و بشكل تاني لم تقولو الكاميرا احسن و الصوت اعلى و البلاستيك الرخيص و الشاشات الي عمرك محتعرف بالعين هي احسن فايه حقول ماشي..بس لم تتكلمو عن ماركت و تطبيقات حقول عفوا " ايش جاب طز لمرحبا " و لم نتكلم فالسرعة حقول عفوا هو احنا عايشين فين و منستعمل اني شبكات و هو فرق السرعة بالنسبالنا بقا باجزاء من الثانية من ايمتا " احنا منرخص مصنع بست شهور و سنا وغيرنا بيوم و بيومين "و تعال اعمل اختبارات السرعة دي فمصر و جيب معاهم نوكيا e51 و نشوف لو حيفرقو عنو بحاجة !!! و لم نقول دا في هنا فلاش حقول انت جايب حاجة اسمها موبايل يعني لو مكنتش فالبيت و مش شابك واي فاي الفلاش خازووق محترم ولو حتشتريلو باقة عشان تستعملو براحتك" اصلا مبيلزمش فحاجة و اسهل حاجة كل الشركات التانية تضيفو لاجهزتها لاكن مساوؤو اكتر من حسناتو " حتدفعلك 500 جنيه على اقل تقدير فالشهر فكدا فانتا ربنا فاتحها عليك و معندكش مشكلة متعملش جيلبريك للايفون و تقدر تشتري و تدفع فلوس " على اعتبار ان البيشتري موبايل ب5000 جنيه و فوق فارقة معا يدفع تمن شوية تطبيقات !!!
يعني بص تحت كدا حتلاقي اخويا الصغير و صديقي هنا ميرو كاتب حاجة غريبة..الايفون بيفقد 10% من شحن البطارية كل ساعة!!!! و لو سبتو بوضع الانتظار حيطير الشحن ف10 ساعات !!!! امال لو استعملتو .. مش حيقعد شغال اكتر من 10 دقايق..منطقيا يعني!!! بزمتكو هو في موبايل فالعالم كدا..دا لو منغير بطارية حيقعودلو يوم بالراحة.. بس احنا مش منقول ان يا الموبايل يا بايظ او البطارية بايظة او ان الموبايل مش فوضع الاستعداد او الانتظار " لان فالوضع دا لازم الجهاز ميكونش مشغل ولا برنامج " وان صاحب الموبايل العبيط سايب برامج الدنيا كلها شغالة و فالوضع دا يبق سحب البطارية طبيعي " اي واحد بيستعمل ايفون للمرة الاولى حيعاني من سحب رصيد رهيب و سحب بطارية رهيب و دا مش عيب جهاز دا عيب مستخدم مش عارف يعني ايه ايفون و ios و سايب الجهاز برحتو شغال على كل حاجة "
كلو يقول رايو..بس ندي اسباب تتماشى مع وضعنا هنا..و تكون اسباب تفيد الناس..
كلو بيعرف يفوت على المواقع و ايشوف مواصفات الاجهزة بس مش كلو عارف دا فايدتو ايه و لازمتو ايه..دا مواصفاتو مش مدعومة فمصر و عمرها محتدعم فلازمتها ايه..احنا منجيب اجهزا نورسها لاولادنا و لا منجيبو عشان احنا نستعملو..
بجد و الله اد محاولت افهم الناس بتنصح الناس على اني اساس مقدرتش اوصل لحاجة.. و يا ريت لو في حد ايساعدني افهم و جهات النظر بتاعت زملاتنا هنا.. معنديش مشكلة فالعلم و المعلومات جاية منين و من مين مدامها صحيحة بتضيف لمعلوماتي و مبستحيش اقول انا مش فاهم او اطلب مساعدة حد اصغر مني..كلو كوم و اني افضل جاهل و اعتز فجهلي و اجاهر بي كوم.
انا بخش الموقع دا عشان اتعلم من تجارب و اقرأ معلومات غير المكتوبة على علبة الجهاز.. و تجاربي و معلوماتي بقولها للعايز يستفيد من تجربة بسيطة متواضعة مع كام جهاز.و مبتكلمش فحاجة معرفهاش..و لم انقل راي او خبر بقول انا قريت كدا او سمعت كدا و ان دي معلومة مش من تجربة شخصية و تحتمل الصواب و تحتمل الخطأ.

حضرتك احنا مقلناش ان الios نظام وحش وانا عن نفسي عارف ان الios معتمد علي الmac ox لكن نظام الios ميمشيش اوي عندنا الاندرويد عملي اكتر في مصر

متشكر جدا و عيد سعيد جميعا..
الحكاية مش بس زميلتنا مريم..
عمال نقارن جهازين ملهمش دعوة ببعض !!!!! ميصحش يكون في مقارنة غير في الكاميرا و الذاكرة و الشكل و الخامات بين الجهازين دول..و احنا عمال ننبح من شهرين.. يا جماعة و يا ناس و يا عالم و مفيش فايدة!!! و لسة كام يوم كدا و حيحصل نفس النقاش العقيم المتعصب مع كل ويندوز موبايل حتشوفو بالموقع.. نفس الكلام dual core و ماركت و مش عارف ايه..
مفيش فايدة من تبادل الاراء و الخبرات هنا طول محنا منخلط مواصفات الاجهزة مع انظمة التشغيل..
منتكلم و مننصح على اساس ان احنا في اوروبا او اميركا او كندا او شرق اسيا !!!!.. و عمرنا مننصح حد بحاجة واقعية تتماشى مع قدرة شركات الاتصالات الواطية الي عندنا.. بص في الصفحة كدا حتلاقي نصايح للnote !!!!!!!!!!!!!! دا انا معايا حهاز 4.7 و مش عارف اودي فين!! متعرفش النصايح على اني اساس و حتستفيد منو ازاي و اني سنا و حتشيلو ازاي, دحنا لسة مكملناش ال3g !!! معرفش
بتخش على nokia lumia 800 بتلاقي تعليقات زي ( لو الحهاز دا اندرويد حيبق تحفة ) !!!!!!!!!
متعرفش ليه لازم كل الاجهزة تبقى اندرويد بس اهو كلام و خلاص و مدامك بتمدح بالاندرويد فمش حتلاقي حد ايقولك ايه الكلام دا.. بينما قول كلمة حق و نصيحة بان الويندوز تحفة او ان مستخدم الios عندو اضعاف خيارات الاندرويد حتلاقي زمايلنا عملو ثورة كانك شتمت الدين !!!!
99.9% من الناس فمصر مبتعرفش الابل ماكنتوش ولا عمرهم شافو او جربو و عشان كدا عمرهم محيعرفو يعني ايه ios based on mac os X و مع كدا بتشوف مش عارف مين بيقولك ال ios سارق من الاندرويد!!!!! طب بص شوف الماك الاول بشكلو و نظامو و بعديها نشوفك حتفتي ازاي!!!!
كلي امل اننا نتكلم بموضوعية و اننا نفرق بين انظمة التشغيل و نقول ايه الي بيلزم و ايه الي عمرنا لا حنشوفو ولا حنجربو و نحترم ازواق الناس و متكنش النصايح موجهة فالسما..يعني بس انفكر ان:
*مش كل المصريين عايشين في اليابان.
*ان في انظمة غير الاندرويد في العالم.
*منفتيش فحاجة مجربنهاش.
*الناس اشكال و الوان و ازواق.

بشكرك تاني على مجاملتك..كلنا منستفيد من بعض و اخلاقنا كلنا واحدة.

النوت نزل برة لكن هياخد وقت على ما ينزل فى مصر

طبعا النوت جهاز جبااااار وانا مستنيه علي فكره بس انتا قصدك انه نزل في مصر ولابره

هو نزل برة لكن معتقدش انه نزل رسمى فى مصر لكن كلها اسبوع اسبوعين و ينزل و على فكرة الNote نزل و امكانياته خرافية عندو ريزوليوشن و بروسيسور جبارين و عندو بطارية 2500 mAh !!!

هو نزل رسمى برا لكنانا شوفتو ف و طالما نزل يبئا هتشوفوه فسوق.com و فرايا قريب ان شاء الله

نزل رسمي ولا ايه

الsensation XE نزل ب4499 انهاردا

ايوه من حوالي تلت شهور تقريبا تقنيه ال4g تم تدعيمها في السعوديه من شبكه موبايلي وعلي فكره لو الواحد استني شويه علي التقنيه دي هيلاقيها بتتنتشر في معظم الدول العربيه بس حتي لو مااشتغلش ال4g فهو موبايل جامد جدا برضو

هو جامد فعلاَ و انا شوفتو لكن هو 4G وال4G والcdma والLTE /ش مدعومين فالخليج غير فالسعودية و لسا نازلة من فترة صغيرة جداً
فلو جابو يبئا هو جاب تابلت مش موبيل

انا رايي الhtc amaze 4g هو الافضل لان فيه كل الامكانيات اللي ممكن حد يعوزها 16 gb internal memory و 2mp front camera والرام 1 جيجا ده غير ان البروسيسور بتاعه مطور عن السينسيشن xe انما في الهيكله والشكل الخارجي الxe احسن

وفى قدامك حاجة جمدا بردو بس مش ديول هو الsensation XL , دا ميزتو انو 16gigs

الXE هو من hTc فعلاً هو افضل فالمعالج اعلى بكتييير ب1GHz in total و رامات اعلى ب256
و اهم ميزة السماعات الجبااااارة و البطارية اقوى بكتييييير اكتر من الضعف فعدد ساعات وصع الاستخدام و اكتر باكتر من 400MAH و هى جامدة جداً و جسمو معدن لكن هيقابلك مشكلة واحد هى انو جسمو سميك الى حد ما (بنسبال انا هاتفى 9.7 و حاسو سميك) و التانية هى ان الزاكرة 4GB بس
بس سيبنى لبليل هجبلك مقارنة كاملة و موبيلات تانية افضل و انت اختار اللى يعجبك ولو محتار اعمل استخارة
بس سيبنى لبليل بس :)

السينساشن XE احسن تقريبا فى كل حاجة و لو تعرف حد برة و خصوصا لو فى اوروبا ممكن يجيبهولك من برة لان السينساشن XE نزل برة خلاص.

سؤال بس .. هو ال sensation XE دي من HTC اعتقد صح ولا ايه؟؟
وال sensation ده احسن ولا ال Iphone 4S عامةً في كل حاجة من الامكانيات والاستخدام والالعاب والشاشة والبرامج وكل حاجة يعني والسعر كمان .
معلش بتعبك معايا بس انا شايف انك ماشاء الله خبير من صغرك :))

الاسعار من سيليكت كالاتى
16 GB = 6750 L.E.
32 GB = 7750 L.E.
64 GB = 8750 L.E
و فبور فيكس بردو
بس قبل ما تشتريه انا بنصحك انك تسنى الsensation XE او الXL لانهم الى حد ما افضل و فى موبيلات تنيا افضل لكن لو عايزو و متوكل على الله يبئا هاتو خلاص
بس خلى بالك ان فى مشكلة فالايفون 4S هى انك لو شحنتو 100% و سيبتو فوصع الاستعداد stand by mode هينقص 10% كل ساعة يعنى هيخلص ف10 ساعات بدل 200 اللى هى مكتوبة