بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ POP 7
للرجوع الي صفحة الرئيسية اضغط هنا

خطوات بسيطه للتسريع و البطاريه

bakar852911
2014-12-06 (03:31:58AM)
السلام عليكم
النهرده ان شاء الله حنقول على كم طريقه سهله وبسيطه لتسريع التابلت والتقليل من استهلاك البطاريه

1 . قبل ما نقول اى حاجه اى لعبه او برنامج مش بتستخدمه امسحه
2 . اللى اقولك عليه بس تعمله متلعبش فى حاجه تانيه والا انتا المسئول

بسم الله الرحمن الرحيم

1 . نفتح settings
2 . علي الشمال اخر حاجه about tablet
3. على اليمين نضغط على Build number مرات 7
4 . حنيجي على الشمال حنلاقي فى حاجه جديده ظهرت اسمها Developer options اضغط عليها
5 . علي اليمين فوق خالص اتاكد انها ON
6 . حتنزل فى القايمه اللى على اليمين لغاية ما تلاقي 3 حاجات
windows animation scale
transition animation scale
animator duration scale
تضغط على كل واحده فيهم وتختار animation scale 0.5x
وبس متلعبش فى اى حاجه تانيه فى القايمه دى
=============================
بعد كده نيجى لتقليل استهلاك البطاريه
1 . نفتح settings
2 . على الشمال APPS ,واللى معملش الابديت حيلاقي اسمها application
3 . على اليمين حتمشي صباعك يمين وشمال لغاية ما تجيب قايمه كل البرامج المتسطبه على التابلت حتلاقي مكتوب فوقها All
4 . حتغط على البرامج اللى حقولك عليها وكل واحد تعمل فيه الاختيارات دى 1 . force stop
2 . Disable البرامج هى
+Google
Hangouts
Talkback
Maps
print Spooler
street View
opera mobile store
الا لو كنت بتستخدم برنامج منهم متعملش اللى قولتلك عليه
بس اهم حاجه بجد اول تلات برامج لما قفلتهم فرقو معايه جامد فى البطاريه ومساحة الرام المستخدمه
====================================
نشرح بقي اللى عملناه دا ايه علشان نبقي فاهمين مش حافظين
الجزء الاول
اللى عملناه معناه اننا خليناك بالنسبه للسيستم من مطورين البرامج علشان كده فتحلك قايمه مكنتش موجوده بتاعت مطورين البرامج
ال 3 اختيارات اللى قولتلك تغيرهم دول ببساطه اننا خففنا الجرافيكس و وقته اللى بيستخدمه السيستم لما يفتح ويقفل برنامج او يغير القوايم او وانتا بتحرك حاجه بصباعك بقت تاخد وقت اقل مفيش تاخير كبير ونسبة استهلاك الجرافيكس من الرام والبروسيسور خفضناها واللى مش حتفرق معاه يخليها no animation احسن واحسن

الجزء التانى
بكل بساطه فى برامج بتيجى مع التابلت من ضمنها مجموعة برامج جوجل اللى معظمنا مش بيستخدمها بس اللى ميعرفوش الكتير منا ان البرامج دى بتفضل شغاله فى الخلفيه طول الوقت مستهلكه البطاريه والرام ونعرف الناس بالبرامج دى علشان تبقي فاهمه
1 . اول برنامج دا برنامج من جوجل باختصار حاجه شبه الفيس بوك بس فاشل
2 . تانى برنامج دا برنامج من جوجل باختصار حاجه شبه مسنجر الفيس بوك بس الصراحه حلو بس مش بيستخدمه ناس كتيره عندنا
3 . ثالث برنامج دا من جوجل برضه بس دا لمساعدة المعاقين فى استخدام التابلت
4 و 6 . برضه برنامج من جوجل الاول اللى هو بتاع الخرايط والتانى برضه تبعه بس انك تشوف الخريطه من مستوي الشارع وتتجول فيه
5 . دا برنامج للطباعه من التابلت للطابعه ودا حوار ما بعده حوار الصراحه جربت اعمله كتير وفشلت فيه (اني اطبع من التابلت للطابعه عالطول من غير ما انقل من التابلت للكومبيوتر واطبع بعد كده )
7 . متجر بتاع المتصفح اوبرا ( متصفح شبه فايرفوكس وجوجل كروم كده )
====================================
اخيرا اتمني اكون افدتكم
واسف لعدم تواجدى باستمرار بسبب العمل
بعد اذن الاداره
لو حد ليه استفسار ممكن يكلمنى على الياهو مسنجر bakar852911@yahoo.com
bakar852911
2014-12-13 (05:14:29AM)
لو مشكلتك فى ارسال البرامج بالبلوتوث دى بسيطه جدااا نزل برنامج اسمه MyAppSharer
حتقدر تبعت اى برنامج من الفون للتابلت ومن التابلت للفون حتى لو مش عندك ملف APK بتاعه
حيطلعه من السيستم وتقدر تبعته
حلو لو واحد صاحبك عنده برنامج او لعبه متسطبه عنده وانتا عايز تنقلها منه تخليه يسطب البرنامج ويبعتهالك بالبلوتوث عادى جدااا

بس الصراحه انا لغاية دلوقتى مش عرفت ابعت بالواى فاى جربت كذا مره وفشلت
fadyalex69
2014-12-13 (01:59:28AM)
ياريت بجد لان الكيت كات الحالي فيه مشكلة انو مش بيستقبل برامج بالبلوتوث
لكن بقدر اعوضها باني ابعت بالواي فاس وبيستقبلها عادي

بس هم ك عموم الجهاز رائع لدرجة اني مابقتش استخدم التليفون غير فالمكالمات والتاب فالنت
bakar852911
2014-12-12 (10:36:19AM)
الكاتيل اعلنت انها مع نزول اندرويد 5 رسميا حتبتدى من اول السنه تنزل ابديت للموديلات بتاعتها
اول جهاز حيستقبله هو ايدول 2
وكانو قبل كده فى اشاعات هل البوب 7 حينزله اندرويد 5 ولا تحديث 4.4.4
الصراحه لسه مش ماكد بس الماكد ان مع السنه الجديده فى ابديت حينزل بس محدش عارف لسه
كلها اشاعات
بس الواضح ان الكاتيل مش نسيت البوب 7 واعتبرته انه من الفئه المنخفضه ونسيته زى سامسونج او ال جى وسونى ما بيعملو مع الفئات المنخفضه
fadyalex69
2014-12-11 (01:39:33PM)
انا اللي المفروض اشكرك بجد
انا من يومين بوظت برامج السيستم بتاعت التاب لاني كنت عامل روت
فاماكنش في طريقة اني اصلحو غير بالاداة بتاعت الاب جريد بتاعت الكاتيل
فنزلي سوفت وير الكيت كات
وعملت ال art
الي حضرتك قولت عليها
وبالفعل الجهاز بقي سريع اكتر من الاول بكتيرررر
بجد اشكرك جدااااا
ومعلش كنت عاوز اعرف حضرتك ازاي عرفت انو هينزل للتاب تحديث اخر الشهر
bakar852911
2014-12-09 (08:27:24AM)
احب اشكر فادى فعلا على انه خلاني اخد بالى من الجوجل كروم
فعلا يا جماعه اعملو له disable
برنامج حقير
بعد ما عملتله ديسابل فعلا التابلت بقي اسرع كتير والبطاريه مبقتش تستهلك جامد
فرق كبير جدااا
bakar852911
2014-12-08 (04:40:29AM)
العفو يا فادى
دا عيب من المسنجر اعمله ابديت او نزل برنامج ابتويد وحدث منه لاخر نسخه للمسنجر
وبالنسبه لو الابديت عامل معاك مشاكل وشايف انه تقيل اخر الشهر حينزل ابديت بس مش محدد بالظبط
4.4.4 ولا 5.0
==============================================
للناس بقي اللى عملت الابديت
فى خطوه اسنيت اقولها لغاية ما اجربها بنفسي وفعلا جميله حتسرع وقت فتح البرامج والالعاب
سم الله الرحمن الرحيم

1 . نفتح settings

2. حنيجي على الشمال Developer options اضغط عليها
3. علي اليمين فوق خالص اتاكد انها ON
4. حتنزل فى القايمه اللى على اليمين لغاية ما تلاقي Select runtime

5 . اضغط عليها واختار Use ART
وبس متلعبش فى اى حاجه تانيه فى القايمه دى
******** ملحوظة *********
حيقولك ان التابلت حيعمل ريستارت اضغط اوك التابلت حيطفى
استني 10 ثواني وشغله حتلاقيه اخد وقت اطول دا طبيعى لانه بيجمع كل الداتا بتاعت البرامج والالعاب
ولما يفتح استنى عليه 3 دقايق وبعد كده استخدمه لانك لو استخدمته عالطول حتتحس انه بطى جدااا لانه لسه بيجمع داتا وبيرتب البرامج
متقلقش من حاجه مش حيمسح حاجه وبرامجك والعابك زي ما هى
حتحس فى الفرق فى الوقت اللى بياخده البرنامج او اللعبه علشان تفتح لانه حيقلل العمليات المطلوبه لفتح البرنامج وبالتالى حيقل استهلاك البرسيسور وبالتالي حيخفض استهلاك البطاريه

===================================
وزى ما تعودنا نفهم احنا عملنا ايه
دا لنك للشرح لان الموضوع طويل وكبير جداااا
اضغط هنا لزيارة الرابط
fadyalex69
2014-12-08 (03:11:34AM)
مشكور بجد ع مجهودك .. انا عامل كل دا ع فكرة لاني كان عندي خبرة مع السي ٥ لانو كان تقيل
وموقف اكتر من ١١ برنامج اللي جايه ع الفون والتاب
وفعلا التاب هيباه اسرع لما توقف برامج جوجل خصوصا الجوجل كروم
وعاوز اقولك لو التاب تقيل معاه ف دا سبب انك حدثته للكيت كات
لو وديتو التوكيل وخليتهم يرجعوه جيلي بين واستخدمتو هتحس انو اخف بكتيررررر والبطارية هتطول اكتر
انا بس مشكلتي مع التاب ان الماسنجر بيهنج شوية ودا مضايقني اوي ومش عارف هل دا عيب من البرنامج ولا التاب
لان كل البرامج شغاله ممتااااااز حتا الفيس نفسو .. لكن الماسنجر بيهنج بطريقه مزعجة اوي
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل
معلومات سريعة عن Alcatel POP 7
  • Android
  • 7.0″
    7.0 بوصة
  • 3G
    2G / 3G
  • 2 MP, 16...
  • 3240mAh
    Li-Po 3240 mAh غير قابلة للازالة