بدون عنوان

للرجوع الي صفحة الكاتيل OT-997D الرئيسية اضغط هنا

Bassem1

2013-08-17 (09:36:14PM)

بصراحه كده عايز اقول ان جهود الناس هنا خاصة دكتور ابو اياد و الاستاذ وهبة و دكتور محب في الصفحة جباره و من الاخر كده خلت الموبايل في السوق اتنسف و معدش موجود! ..........

انا لفيت وسط البلد و مالقتوش غير في محل الافوكاتو و رافع تمنه 100 جنيه عشان عارف انه مش موجود بيبيعه ب 1650 جنيه!!

بس انا بعد ما كنت مقرر اشتريه لاقيت سامسونج نزلت ACE 3 و بصراحه لو الفرق 150 جنيه لان تمنه 1800 تبقي المقارنه في صالحه

اصغر في الحجم ... اخف...فرق 200 ميجا في البروسيسور لصالحه غير ان مفروض ان في نسخه منه بتدعم الجيل الرابع .. مش واثق ان الموجوده في مصر بتدعم الجيل الرابع و لا لاء.

هي الكاميرا 8 ميجا في الكاتل اعلي من السامسونج بس كله هنا بيقول ان الكاميرا مش كويسه و عيب في الالكاتل

اعتقد ان كمان الذاكره الداخلية اعلي غير ان الساكمسونج احسن من حيس الاكسسوارات و سعر اعادة البيع و الصيانه و كده

انا كنت مقرر اشتري الكاتل و اشتركت علي الصفحة بتاعة الفيس بوك بس دلوقتي متردد

معلش ...انا بس باخد رايكوا لاني مقدر جهودكوا و يجعله عامر ربنا يستر علي مصر

wahba1800

2013-08-17 (10:02:57PM)

بص يا كبير اولا ال ACE 3 اخو الالكاتيل حتى الشاشة عادية مش ايمولد ودا سبب ان هو والكور رخيص مش غالى الكاميرا بتاعته 5 ميجا وبتاعة الالكاتيل فى رايى الشخصى ممتازة وواضحة جدا المهم انك تكون بتعرف تصور لان لازم الصورة تبقى ثابتة يعنى لو حد اتحرك او ايدك اتحركت الصورة باظت لكن كجودة الصورة جودتها كويسة جداوالايس شاشته 4 بوصة اصغر بس ميزته انه نازل جيلى بين بس كعادة السامسونج عمرها ما بتنزل جهاز كامل فانا لسة مش شوفته مع حد بس مشكلة السيستم بتاع سامسونج عموما انه بياخد مساحة كبيرة من الرامات ودى بالنسبة لى مشكلة ولحد الان شايف ان الالكاتيل احسن حاجة نزلت فى فئة تمنها

wahba1800

2013-08-17 (10:07:30PM)

وادى المقارنة بتاعتهم

اللى بتدل ان الالكاتيل احسن برضه :)
لو حتجيب حاجة غير الالكاتيل فجيب دا
LG Optimus L7 II Dual P715
شاشته ضد الخدش وامكانياته عالية وكاميرا 8 ميجا كويسة بس راماته جيجا الا ربع بس دا لو انت مش عايز الالكاتيل

drmohab

2013-08-18 (02:33:12AM)

خللى بالك ان سامسونج فيه عيب خطير جدا خلانى ابعد عنه
انا كنت ناوى اجيب اس ديوس بس فوجئت ان سامسونج بالذات لو عندك مثلا لعبة 1 جيجا او اكتر ماينفعش تشتغل غير على ذاكرة الجهاز بس و لو فى اتاحة انك تنقل حاجة لكارت الذاكرة بيكون ملف ال apk بس و ده اساسا حجمه صغير مش مستاهل لكن ملفات الداتا اللى بتكون مساحتها كبيرة لازم تفضل على ذاكرة الجهاز و ال ace3 زى ما مكتوب فى مواصفاته ذاكرته الداخليه 4 جيجا يعنى حتلاقى الصافى بتاعها حوالى 1.5-2 جيجا مش اكتر يعنى تشيل لعبة او اتنين تقيلة بالعافية.انا اخويا معاه تاب 7 ذاكرته8 جيجا و الصافى منها 4.5 و مش عارف ينزل عليه العاب كتير رغم انه حاطت له كارت 32 جيجا

wahba1800

2013-08-18 (10:53:49AM)

هى المشكلة يا drmohab مش فى السامسونج عموما ال 997 فيه نفس المشكلة بس يمكن عشان السيستم لانى معايا ال scribe HD وانا الى باختار عايز اسطب او احمل فين فى الكارت او مساحة التليفون دا عشان الجيلى بين والنيكسس برضه من اول الجيلى بين المشكلة دى اتحلت

drmohab

2013-08-19 (12:57:40AM)

اختلف معاك يا عم وهبة
انا معايا 997 و المشكلة دى مش فيه
انا كل ملفات الداتا بتنزل عندى عالميمورى
ده حتى لعبة asphalt6 اللى نازله مع الجهاز كانت رافضة تنزل على الكارت و لازم تنزل عالفون لاغيتها و نزلت واحدة من على النت و اشتغلت من الميمورى عادى

wahba1800

2013-08-19 (10:32:45AM)

ايوة ملفات الداتا بتنزل على الكارت انت مفهمتش قصدى انت لو شوفت السكرايب انت بتختار انك تنزل اللعبة او تحمل حاجة بالكامل مش مجرد ملفات الداتا تنزل على الكارت دا اللى اقصده انا معايا ملفات الداتا على الكارت لكن الاصل موجود فى مساحة الجهاز زى نظام الويندوز كدة البرامج ممكن تتسطب فى اى درايف بس فيه ملفات بتفضل موجودة فى ال C لكن الجيلى بين لغوا كدة وخلوا المساحة كلها على بعض

merobig

2013-08-19 (02:11:43PM)

drmohab
ما هى خطوات اختيار تنزيل البرامج او الالعاب على كارت الميمورى ؟؟
وكيفية الاختيار ما بين التنزيل على ذاكرة الجهاز او كارت الميمورى ؟!

yahianbl

2013-08-19 (07:30:49PM)

بص ياهندسة بدون اى تردد انا حتى هذة اللحظة امتلك الالكاتيل هو جهاز محترم جدا بس انا اشتريت سامسونج اس فور مينى واديت الالكاتيل لابنىبدون اى تردد اشترى السامسونج بجد هناك فارق شديد بالنسبة للكاميرا لصالح السامسونج مترددش وتوكل على اللة

تلك الخدمة مخصصة للأعضاء فقط