بدون عنوان

للرجوع الي صفحة الكاتيل OT-993 الرئيسية اضغط هنا

mo2men5002

2013-03-01 (05:10:40AM)

هو انا بصراحه مش عارف اجيب الموبايل ده ولا لأ يعني السعر تحفه و الامكانيات خطيره يعني لو كان سوني او سامسونج كنت جبته علي طول ف حد يفهمني يعني هو رخيص ليه كده و الناس مش مشترياه علشان مش حلو مثلا بيبوظ بسرعه او تعامله مش كويس بيهنج حد يفدني

karimelking

2013-03-01 (10:25:55PM)

ايه علاقة السوني والسامسونج مش فاهم الالكاتيل شركة كبيرة جدا ومحترمة واقدم كمان من السوني والسامسونج في مجال صناعة الموابيل بس هي ملهاش انتشار كبير في مصر وياريت نبطل العادة اللي فينا اننا ناخد باسم الشركة لان انت هتشتري امكانيات مش اسم الشركة انا هاعمل ايه باسم الشركة مع موبايل بامكايات ضعيفة والموبايل رائع عن تجربة شخصية ومتوافر ليه صيانه زي السوني

mo2men5002

2013-03-02 (06:54:16AM)

اوك شكرا يا كريم انا هتوكل علي الله و هجيبه

mo2men5002

2013-03-02 (07:01:52AM)

بس علي فكره انا قلت كده علشان انا شايف ان سعر الموبايل ده المفروض يكون اكتر من كده لو قارناه بلسوني او السامسونج هما ماشاء الله بيحطو السعر ف السما مش عارف ليه

karimelking

2013-03-02 (10:03:36PM)

اوك اتوكل علي الله ولو عوزت حاجة فيه قول يعني انا تحت امرك والناس هنامشاء الله كتير هتفيدك بس علي الله تلاقاه

abosalah

2013-03-03 (12:40:51AM)

اتوكل على الله ياعم الحاج و هاته لكن اعرف عيوب الالكاتيل قبل ماتشترى
1- الكاميرا سيئه بالنهار و بالليل
2- مفيش تحديثات للنظام هتنزله
3- الكاميرا الاماميه لو عملت مكالمة فيديو يعنى زى الزفت
غير كده باقى الحاجات زى الفل و الموبايل سريع جدا و ممتاز

neeu5000001

2013-03-03 (03:43:43PM)

abosalah
واضح انك بتتكلم عن الكلاتيل تانى
كاميره ايه اللى وحشه فى الصبح والليل طب ازاى انا ممكن اصدقك على موضوع الكاميره الامامية ماشى
ثم مين اللى قالك ان مافيش تحديث للنظام يعنى مين اللى اكد ليك موبايل نازل مش بقاله شهرين نازل مين اللى اكد ليك انه مالوش اى تحديث

يا جماعه ارجو من اى حد يعلق على الموبايل ده او اى موبايل ده يكون بيعرف او بيفهم فى الموبيلات لكن ما يدخلشى يتكلم اى كلام وخلاص

واخر شئ الاخ ابو صلاح اللى بيقولك ان الجهاز مالهوش تحديث انا من 4 ايام كنت رافع فديو للجهاز بتديث جلى بين بس للاسف مش بالعربى بالانجلش فقط الموبايل ليه جلى بين بس لسه مش متعرف واتوقع انه يظهر فى الاسواق قرييب

abosalah

2013-03-04 (06:41:44AM)

مفيش تحديث رسمى نزله وانا متأكد من الكلام ده و الكاميرا سيئه مقارنة بكاميرات بنفس الجوده فى موبيلات اخرى وانا مش بقول اى كلام يا استاذ 1neeu500000

abosalah

2013-03-04 (06:48:36AM)

قارن بين كاميرته و بين اى نوع تانى بنفس الجوده هتعرف اللى انا بقولك عليه انا الموبايل ده انا مسكته و جربته لكنه مش معايا بس عارف كويس امكانياته
و بعدين ده انت لو شغال فى مصنع الكاتيل مش هتدافع عنه كده ههههههههههههه

kamol

2013-03-04 (04:50:08PM)

بالنسبة للتحديث للجيلي بين في تليفونات الكاتيل، مش بيتعرف التليفون هيتحدث ولا لاء يعني مفيش نفي ولا اثبات للتحديث (يعني ممكن نصحى الصبح نلاقي التليفون ليه تحديث) كمان التليفون جديد، وفي ناس بتقول ان 997 نزله تحديث للجيلي بين بس في المانيا تقريبا، مع أن كنا بنسمع انه ملوش تحديث.

ahmedaliyossef2010

2013-03-04 (09:14:01PM)

الراجل مغلطش فى موضوع التحديثات

أنا عاوز حد يجيبلى موبايل اتحدث للجيلى بين فى ألكاتيل كلها

طب أنا عاوز موبايل اتحدث لأى نظام أندرويد بلاش جيلى بين مفيش خالص

و بالنسبة للأستاذ neeu5000001

حضرتك بتتمنى ان اللى بيدخل يعلق يكون فاهم
الموقع ده معمول علشان نفيد بعض مش علشان اللى فاهم بس

و على فكرة اللى حضرتك نزلته ده مش تحديث رسمى ده روم انت منزله

abosalah

2013-03-04 (11:18:41PM)

تليفون الكاتيل الوحيد اللى معموله تحديث للجيلى بين alcatel ot - idol x و ده لسه منزلش مصر اصلا

ahmedaliyossef2010

2013-03-04 (11:41:29PM)

لا يا abosalah

حتى ده متعملوش تحديث ده نازل كدة

و على فكرة أصلا لسة حتى منزلش يدوب اتعلن عنه

و مش هو لوحده على فكرة دول كل موبايلات الألكاتيل اللى فيهم الجيلى بين بس مفيش و لا واحد فيهم نزل

abosalah

2013-03-05 (01:26:45AM)

منك نستفيد يا استاذ ahmedaliyossef2010 بس انا كنت شوفت موقع عالن عنه و كاتب sooon

karimelking

2013-03-05 (03:00:21AM)

اولا الكاميرا مفيهاش اي مشكلة نهائي وجميلة جدا والفلاش جميل والصور واضحة حتي بليل والكاميرا اللي قدام فعلا وحشة زي اغلب الموبايلات الي في نفس الفئة بتاعته بس بس والصور بتاعه الكاميرا الخلفية ممتازة بالنسبة لاجسام الثابته اما لو جسم متحرك يعني لو انت بتصور عربية بتحرك او بتصور حد معين واتحرك ع غفلة بتطلع الصورة مهزوزة شوية وده عيب الكاميرا الوحيد وانت ممكن تنزل برنامج تصور فيدو وتقص الصور منه لو هتصور حاجة بتحرك والموبايل عموما ممتاز جدا وسريع ع النت وبالنسبة للتحديث 90% من الموبايلات اللي اتعلن لها عن تحديث منزلش في اغلب الشركات مش في الالكاتيل بس باستثناء الموبايلات اللي قيمتها مرتفعة زي الاس سري والنوت 2 وحتي لو نزل مش بينزل في مصر فريح دماغك من موضوع التحديث ده وعلي فكرة بناء ع تجربة شخصية اشتغل بالروم الاصلي بتاع الجهاز حتي لو نزلة تحديث لان التحديث مش بيكون بنفس الكفاءة وهتلاقي الموبايل يهنج منك كتير ومش هيكون سريع زي الاول وعلي فكرة الموبايل ده ايس كريم يعني لو هنقارن الفروق بين الجيلي بين والايس كريم مش هنلاقيها كبيرة زي مثلا الفروق بين الايس كريم والجينجر بريد لان مثلا في برامج كتيرررر جدا مش بتشتغل ع جينجر بريد مقارنة بالايس في حين ان 95 %من البرامج اللي بتنزل ع الجيلي بين بتشتغل علي الايس كريم يعني متقلقش من موضوع التحديث لانه لسه متاكدش حتي الان

karimelking

2013-03-05 (03:16:49AM)

وعلي فكرة برضو alcatel ot 995 كان جينجر بريد ونزله تحديث ايس كريم واتاكد من هنا

ahmedaliyossef2010

2013-03-05 (04:31:54AM)

يا أبو صلاح مش قصدى و الله أعدل على كلامك بس بقول اللى أعرفه

الأستاذ كريم أنا مش هتكلم عن الكاميرا علشان أنا مجربتهاش بس موضوع لو الجسم اتحرك الصورة تتطلع مش حلوة ده مش عيب ده عادى حتى الموبايلات اللى فيها مثبت الصورة بتبقى لحد معين بس يعنى لو اتحرك بسرعة مش هتطلع حلوة برضه

نيجى بقة لحتة التحديث مش عارف ازاى يعنى 90% من الموبايلات منزلهاش التحديث ده أكتر من نص الموبايلات اللى أعلنت عنهم سامسونج مثلا نزلهم و الباقى تمت التجربة و اتحدد ميعاد للنزول

نيجى بقة لحتة ان مفيش فرق كبير بين الجيلى بين و الأيس كريم ساندويتش

ده فيه فرق كبير أولا فى السرعة الجيلى بين أسرع كتير تصل سرعة الواجهة ل 60 اطار فى الثانية و طبعا ده علشان project butter مع ثبات فى السرعة دى و مفيش تهنيج
ده غير خاصية جوجل ناو المشابهة لسيرى فى الأيفون و تقدر تستخدمها فى الكتابة من غير نت
ده غير ان فيه تطبيقات مش بتشتغل غير على الجيلى بين و تطبيقات من جوجل نفسها
ده غير شوية تعديلات فى الواجهة و فى التطبيقات المصغرة
ده غير شريط التنبيهات اللى اتحسن كتير
ده غير واجهة الكاميرا و عرض الصور
ده غير ان كدة كفاية أوى و ممكن أكمل لو تحب

neeu5000001

2013-03-05 (04:55:45AM)

والله يا ابو صلاح انا ولا شغال فى الشركة ولا اى شئ انا بس مش بحب اللى يقول حاه غلط ويضلل الناس انت عارف ايه الفارق بينك وبينى انت انت بتجرى وراء الماركة يعنى مثلا لو الامكانيات دى كانت موجوده فى السامسونج وبنفس الحاجات اللى انا مش شاشفها اصلا فى الموبايل يعنى زى الكاميره وغيرها كنت زمانك سكت وكنت اول واحد يطلع يتكلم يقول ايه يقولك يا جماعه كل الاندوريد كده كامرته زباله لا انت فكرتينى بخميس اللى باسم يوسف بيتريق عليه بجد والله نفس كلامك هو كلام خميس تحسه بتكلم اى حاجه وهو اصلا مش عارف ايه اللى فى الدنيا انا بتلم طبعا عن خميس مش انت عشان ما تخدهاش بزعل

احنا هنا كلنا بنفيد ونستفيد من بعضنا تمام والحمد لله انا من اوائل الناس اللى اشترت الجهاز ده ومقتنع بيه جدا جدا جدا جدا جدا الى اقصى درجه لانى انا جربت الللى افضل منه بمراحل وما اعتدشى انك تكون جربت الاجهزه اللى بتقنيها انا معايا اصلا جلاكسى اس 3 الجهازين نفس السرعه تقريبا اللى يفرق الكاميره واعتقد انى قولت الكلام ده من زمان وانا شايف ان الكاميره اكثر من ممتازه ثم شئ تانى انت مش واد بالك موضوع الحركة اللىبتتكلم عنها فى التصوير انت لو شوفت الاوبشن بتاع الكاميره هتلاقى ابوشن فيه رسمة واحد بيجرى من هنا تقدر تصور بيها فى الحركة

الشركة مش غبييه للدرجه اللى هتخليك تعلق عليها

ثم للتحديث بتاع الجلى بين بتاع 993 ده مش روح ده تحديث نزل فى روسيا بس غير مدعوم بالعربيى
فقط واتوقع انه فى خلال اشهر بسيطة يكون نازل
ارجو ان ماحد يزعل منى

ahmedaliyossef2010

2013-03-05 (06:30:18AM)

مش فاهم تعليقك يعنى ليه الهجوم ده كله عليه

كل واحد بيقول رأيه لو مختلف معاه ناقشه لكن مش تقول بيضلل الناس و خلاص و تقول ان اللى فاهم بس هو اللى يعلق لو حضرتك تفتكر لما قولت ان الموبايل ده أحسن من الاس أدفانس مقولناش انك مش فاهم فى الموبايلات بل اننا ناقشناك فى الموضوع مع ان الفرق واضح و كبير بس مقولناش انك بتضلل الناس اتحاورنا معاك و كل واحد جاب الدليل اللى عنده

ثانيا الموبايل ملوش تحديث فى أى حتة و هاتلى موقع كاتب ان فيه تحديث مهو كدة حضرتك اللى بتضلل الناس و لا ايه ؟!!! لما واحد يجيب الموبايل على انه هينزله تحديث و يلاقيه ملوش تحديث يعمل ايه طيب

abosalah

2013-03-05 (09:03:49AM)

استاذ neeu5000001
لاتعليق على كلامك الحقيقه يعنى

issaber

2013-03-05 (05:45:56PM)

ياريت نستفيد من بعض مش نهاجم بعض وخصوصا الاستاذ neeu5000001 اتمنى انك تعرف ان مفيش موبايل بدون عيوب وحتى الان انت لم تذكر عيوب OT-993 والمشكلة انك مش بترد على اى استفسار لكن بترد بس على اللى ...........................

ahlawy2

2013-03-05 (08:59:00PM)

يا استاذ neeu5000001 ازاى يعنى مفيش فرق فى السرعة ما بين الموب ده والجلاكسيى اس ثرى
حضرتك لو قمت بتشغيل لعبة مثلا hd هيبان الفرق فى كل حاجة عشان ده single core اما الاس ثرى quad core فالفرق ما بينهم كبير لابعد الحدود يعنى مينفعش نقعد نقلب فى القوائم ونقول ان الكاتيل اسرع من الاس ثرى الفرق هيبان فى الشغل التقيل مش الحاجات البسيطة غير كدة مفيش حد دلوقتى بيدور على الاسم الواحد بيدور على الامكانيات عندك يعنى xperia u يعنى اعلى من الكاتيل ده بى 350 مثلا بس فرق الامكانيات يستاهل طبعا فرق السعر فيعنى alcatel ot-993 يعنى مش احسن موبايل ومش عارف حاسس انك اى حد يقول وجهة نظره فى عيب فى الموبايل انت بتقعد تهاجمه واستاذissabe كان بيسأل انهى احسن ده ولا الجلاكسى مينى 2 انت رديت برد يعنى غير مناسب اقعد تقول تجيبلى موبايل سكة ومش سكة مع انك كنت ممكن ترد عليه بأسلوب افضل من كدة

neeu5000001

2013-03-06 (09:49:09PM)

اولا انا اسف جدا فى اللى بقوله ليكوا دلوقتى انا بس هاعلق على كل شخص قال انى ردى انا وحش وسسايب الاخ ابو صلاح

اولا الاستاذ ahlawy2
انت بتقول ان ازاى الاكلماتيل والاس 3 سرعتهم واحد اه انا بقولك اه تمام لانى قريب جدا هارفعلكم قديو للموبايل ده وده بجانب بعض عشان تعرف ---- ثم انا لو انت راجعت المشاركات بتعتى انا قولت ايه قولت ان سرعته تكاد تكون واحده طبعا انا مش جاهل للدرجة اللى هاقولك ان الاس 3 فى الالعاب هو نفس الالكاتيل لا انا بتكلم على ايه انا بتكلم على ان الاثنين واحد فى التشغيل وسرعه الاستجابه للبرامج لكن الالعاب معروف جدا ان الاس 3 معالج الروسومات افضل واعلى لكن انا بتكلم على استخدام الانتر نت والبرامج الاثنين واحد تقريبا الا ان الاس 3 اعلى فى الكاميره

اما بالنسبه للاخ الاستاذ ahmedaliyossef2010
انا الحقيقه بجد مستغرب من ردك الغرييب عليا يعنى انت لو لاحظت ان اصلا ابو صلاح مش معاه الموبايل ده شخص داخل يضلل الناس والدليل الواضح على كلامى ادخل على صفحه 997 هتلاقيه معلق برضوا على الموبايل ده وبيتكلم كانه يحمل الموبايل
الراجل داخل بيقول ان الموبايل سئ وسئ وسئ طييب على انهى اساس انت عرفته ده
انا معترف ان كل شخص وليه ذوقه الخاص بيه ممكن فعلا يكون الموبايل مش عاجبه لكن يتكلم بالطريقه دى غرييبه شويه

طييب اسمع منى ده فى عضوا هنا بيسال بيقولك ايه يا جماعه هو مافيش اى فديو للموبايل ده عربى

ابو صلاح طبعا دخل يرد كا العاده وبيقوك ايه لا ما تلقيش طييب منينانت حكمت ان الموبايل ده مالهوش فديوها عربى طب ليه بتقلل من جوده المتج
ثم اتهمنى اتهام غلط جدا جدا جدا ليا وبيقولى ايه ان لو شغال فى الشركة مش هتعمل ده

ثم التاكيد الغريب اللى انت بتقوله يا استاذ احمد يعنى انت بتقولى ان الجهاز ده منزلوش تحديث جلى بين انا ممكن اعرضلك فديو ليك واخليك يعنى تتحرج جامد امام الناس على الهجوم بتاعك

يعنى انا ممكن ارويك فديو للجهاز ده وهو بالجلى بين ايه رايك يعنى اقسم للك بالله بلاش تحكم على حد انت ما تعرفوش وبلاش تتكلم بثقه زياده اوى فى ان الجهاز ده مالهوش تحديث

شكرا لاى حد هاجمنى شكرا ليكوا كلكووووو

تلك الخدمة مخصصة للأعضاء فقط