بدون عنوان

للرجوع الي صفحة الكاتيل OT-993 الرئيسية اضغط هنا

Assassino

2013-04-02 (02:32:56AM)

أنا التليفون ده معايا ليه أسبوعين وجبته 1111 جنيه من درييم 2000 وأحب أعلق عليه

بس أقبل ما أعلق أحب أقول كم حاجة الناس كانت بتسأل عليها

موبايل Alcatel OT 997 من غير D ( اللي بخط واحد) موجود في دريم 2000 وعامل 1480 بس أنا مش عارف إذا كان في فرق بين 997 و 997D في المواصفات ولا لا

أنا جبت لموبايل OT 993 جراب من دريم 2000 وكان عامل 30 وجبته بـ 20 لأني كان مش معايا غيرها وكان آخر واحد عندهم فمش عارف ممكن يكون نزل في الفروع التانيه

وعلى فكره كانوا سعتها كانوا جايبين في سرتي لأني وكنت لسه سائل عليه عندهم وكنت جاي
إشتري إي حاجه تحميه

بالنسبة للتقيم للجهاز

هو الصارحة أقل ما يقال فيه أنه تحفه يعيبه فقط البطارية مش بتعيش كتير لما بشتغل عليه تصفح وتنزيل برامج

ولكن كإستخدام عام فهي ممتازة

2-الصوت مش عالي حدًا لكن مناسب للإستخدام العام

3- صوت السماعة اللي معاه واطي جدًا وقت المكالمة وطبعًا في تشغيل الموسيقى ولكن ممكن تحل مشكة صوت مشغل الموسيقى ببرنامج Player Pro وتشغيل Equalizer من Sound Effect

كم تم الذكر من قبل بعد الأعضاء اللي في المنتدى

4- الرام سعتها 383MB مما يعني أنه رح يهنج كثير إلا في حالة عرفة تجعلها لا تمتلئ على الآخر

ودي شوية نصائح بخصوص الرمات

1- أستخدم Opera في التصفح بدل من Chrome

2- لو هتنزل ثيمات رح تحتاج لمشغل هذه الثيم كمثال Go Launcher وهو ده اللي أنا بستخدمه

لا تنزل Widget ثقيلة مثل Weather أو Task Manger لأن الطقس لوحده بيسحب 50M تقريبًا

المدير بيستهلك حوالي 25M ولكي تعرف إي برنامج بيستهلك كام أدخل على setting - Application -Mange Application هتجد فوق مستطيل متحرك أختار منه running وشوف مقدار الإستهلاك

3- نزل برنامج Advanced Mobile Care ومنه ممكن تنظف جهازك كما تم الذكر في السابق من قبل بعض الأعضاء

4- الشورت كت اللي على سطح المكتب اللي مبتستخدمهاش أمسحها

5- إبقى كل شوية أقفل البرامج اللي مبتستخدمهاش عن طريق الأدفانسد موبايل كاير عن طريق Task killer أو من خلال قائمة Go launcher (لو بتستخدمه) هتجد فوق 3 مستطيلات صغيره آخر واحد اسمه Running بعدين أعمل كلين

بعد كذا هتجد أنه جهازك قل تهنيج بنسبه كبيره جدًا

بالنسبة للتهنيج أنا بلاحظه بعد لما أخرج من المتصفح أحياناً

6- بالنسبة للــ Go Launcher أنا بستخدم Go Launcher Security فهو بيسحب بمعدل 30-70M من الرامات

7- لما الجهاز يهنج قوي رستر الجهاز

8- بالنسبة لموضوع الثيمات فهو بيأثر على الرمات مش بكثرهم لكن بسبب مشغل هذه الثيمات

بالنسبة لرامة الجهاز هي نفس رامات الأجهزة الأخرى اللي أغلى منه في السوني والسامسنج اللي اللي في حدود 1800 أو أقل

وفي الآخر هذا الموبايل ممتاز جدًا جدًا ويقدم السعر مقابل الأداء وآسف على الإطاله

madel84

2013-04-02 (03:29:59AM)

مش المفروض الرامات 512 ؟

karimelking

2013-04-02 (03:37:00AM)

احب اضيف بس شوية ملحوظات بسيطة جدا علي كلامك الرائع يااستاذ Assassino بالنسبة لمساحة الرامات دي امرها سهل انت حضرتك ممكن تنزل برنامج ram booster

,]وده هينضفلك الرامات وهيفضيلك المساحة اللي فيها وهيخلصك من الزيادة وبكده تخلص من المشكلة دي
تاني حاجة بالنسبة لاداء البطارية انت بتقول حضرتك الموبايل لسه جديد معاك يعني الموبالي بيحتاج ع الاقل 3 اسابيع عشان البطارية توصل لافضل اداء ليها كمان ملحوظة احب اقولهالك لما تيجي تشحن البطارية متشلش الموبايل من الشاحن علطول حتي لو وصلت 100% سيبة تاني ربع ساعة ع الاقل لان مؤشر الشحن مش بيكون دقيق فلما تيجي تستخدم الموبايل هتحسة بيسرب شحن منك وممكن تفاجا انو وصل 90% علطول مع انك لسه شاحنة ودي ملحوظة احب اقولهاك وعلي فكرة مكتوبة في الدليل اللي جاي مع الهاتف وعموما اي سمارت فون في الاندرويد مش بيكمل معاك اليوم
بالنسبة لبرنامج chorme انا انصح انك تشتغل بالبرنامج اللي جاي مع الجهاز متعملوش تحديث عشان لو عملتله تحديث مساحتة هتتقل للضعف وومكن توصل ل50 ميجا وفعلا برنامج opera افضل واسرع بس هيواجهك مشكلة لما تيجي تشغل الفيديوهات او الالعاب علي الفيس فحضرتك لازم تنزل برنامج adobe flash player
وزي محضرتك بتقول الموبايل ممتاز ويستحق افضل كتير من سعره ودي ميزة في شركة الكاتيل عموما
وبالنسبة للتهنيج ممكن تعمل وضع المصنع وتبدا تفرد البرامج من تاني مشكلة التهنيج دي هتختفي تمامااااااااااااااا بس انا التهنيج اللي بيحصل معايا اغلبة بيكون في الالعاب ودي انا مش عارف سببه رغم ان احيانا الالعاب مش بتكون تقيلة قوي

karimelking

2013-04-02 (03:38:41AM)

ياباشا الرامات 512 بس الصافي بتاعها 383 واي موبايل كده مش هتلاقي الصافي بتاعه يزيد عن 400م ومفيش حل غير انك تعمل روت

Assassino

2013-04-02 (05:06:20PM)

تسلم على النصائح karimelking وبالذات موضوع الرام بوستر

فعلاً لاحظت حكاية البطارية دي من قبل كده تلاقيها مره وحده نزلت

ويرتني مكنت عملت تحديث لــ Chrome فبعد التحديث تقل بس مش مشكله أنا لسه مفرمط الجهاز

بس على فكره أنا مسطب الفلاش بلاير وفي بعض فديوهات على اليتيوب مبتشتغلشل لما بستخدم Opera ؟؟

وبالنسبة لموضوع الرامات دائمًا تجد أن المتاح ليك أقل من الرقم المكتوب في المواصفات

وأنا أخويا معاه Sony Xperia S ورامته 1GB الصافي ليه تقريبًا 640M أو 650M

بس هو مش الروت بيسبب خسارة الضمان ؟؟

تلك الخدمة مخصصة للأعضاء فقط