بدون عنوان
للرجوع الي صفحة الكاتيل OT-993 الرئيسية اضغط
هنا
mic225
2013-03-18 (07:47:07AM)
انا اخيرا اخدت قراري واشتريت الجهاز دة التهاردة ب 1100 من عين شمس انا كنت محتار اجيب دة ولا استني لما 997d ينزل ..لقيت اني هدفع حوالي 500 جنيه فرق بين الجهازين دة طبعا لو نزل اساسا....مقابل امكانيات زيادة ....مع ان 993 انا شايفة سريع جدا ومناسب وشكلة وحجمة كمان....اخترت اللون الابيض لان لقيت الاسود بتبان عليه بصمات الصوابع ..عموما الجهاز فعلا ممتاز ..الوان الشاشة زاهية وطبيعية جدا ..وسرعة اللجهاز بتكفي انك تعمل اي حاجة عليه من تصفح النت والالعاب ...بالنسبة لصوتة نقي ..شكل الجهاز من الخارج قوي حجمة مناسب جدا ولا كبير علي الايد ولا صغير ...بالنسبة للجوجل ماركت متوفر عليه كل البرامج المتاحة ..لحد دلوقت انا نزلت الفايبر والاسكيب والياهو وجرب مكالمات الصوت ممتاز بجد ...بالنسبة للي بيسأل عن الكاميرا بصراحة هي صورتها كويس جدا الا طبعا لو عايز كاميرا تصور بيها فيلم اكشن ولا حاجة ..ههه
اتمني اللي عايز يشتري الجهاز ميترددش هو جهاز كويس وسعرة مناسب جدا
انا حبيت افيد الناس اللي في الموقع عن تجربتي ..لاني استفدت كتير في اني اختار من خبرات الناس الموجودة هنا
اتمني اللي عايز يشتري الجهاز ميترددش هو جهاز كويس وسعرة مناسب جدا
انا حبيت افيد الناس اللي في الموقع عن تجربتي ..لاني استفدت كتير في اني اختار من خبرات الناس الموجودة هنا
kamol
2013-03-18 (08:23:31AM)
الف مبروك عليك، هو العيب الواضح وميعتبرش عيب بالنسبة لسعره هو ان التليفون في ضوء النهار الشاشة مش بتبقى واضحة
neeu5000001
2013-03-18 (09:41:00AM)
معلش سورى مين اللى قالك انك الصبح مش بتبقى واضحه انت اكيد مش ضابط الشاشه على وضع الاضاءه الاتوماتيك يعنى فى الضوء الطاقه بتاعت الاشاشه تزيد
HESHAMMAX
2013-03-18 (12:34:11PM)
الجهاز ده عيبه الوحيد الكامير فى وضع الاهتزاز الصوره بتبقى مهتزه ومش واضحه زى التلفونات السامسونج حتى لو عملت اتوفوكس
Coolmecool
2013-03-18 (03:27:40PM)
ياجماعة ف حاجه مهمه .: موقع الكاتيل ومواقع تانيه بيقولو ان مده التحدث ع الموبيل ده بحد اقصى 4 ساعات شبكة عادية و 3ساعات شبكة ثرى جى ؟؟ ال اشترى الموبيل يجاوبنا ع الموضوع ده ضرورى
drmohab
2013-03-18 (07:53:20PM)
طيب لو سمحت هى الذاكرة الداخلية كام و المخصص منها للتطبيقات كام علشان انا عايز اجيبه.و الرامات كام
karimelking
2013-03-18 (11:26:11PM)
الشاشة كويسة جدا في ضوء النهار لو عامل الشاشة علي الوضع الساطع وبالنسبة للذاكرة الداخلية هي 3 جيجا متقسمة 1.7 و 1.32 للبرامج والتطبيقات والرامات 512 صافي 385 ميجا والتليفون في التحدث جميل جدا انا بتكلم عادي جدا وعمره مفصل مني وقاعد عليه نت والعاب وداونلدود كمان شغال كويس جدا
mic225
2013-03-19 (02:55:20AM)
فعلا بس لو النت بيكون عن طريق شبكة الموبيل البطارية هتخلص بسرعة والجهاز بيسخن ..طبعا ذي اي موبيل في الدنيا ..فيفضل النت يكون ويرلس
kamol
2013-03-19 (03:37:06AM)
حتى لو مظبط الاضاءة برده الشاشة مش بتبقى واضحة في ضوء الشمس، وده تقريبا راجع لنوع الشاشة
Info
تلك الخدمة مخصصة للأعضاء فقط
التسجيل بالموقع
حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا.
انشاء حساب جديددخول الاعضاء
اذا كان يتوفر لديك حساب علي موقعنا يمكنك تسجيل الدخول بحسابك مباشرة.
دخول الاعضاء
أو الدخول السريع عبر
معلومات سريعة عن Alcatel OT-993
-
Android
-
4.0″
4.0 بوصة -
3G
2G / 3G -
5 MP, 25...
-
1500mAh
Li-Po 1500 mAh قابلة للازالة