بدون عنوان

للرجوع الي صفحة الكاتيل One Touch Star الرئيسية اضغط هنا

alaa9490

2013-10-09 (09:24:19PM)

استاذ ziikas
الموبايل ده ابن عمی اشتراه من شهر تقريبا
وكان معاه samsung ace plus
وكان عاوز يغير للأحسن وانا نصحته ب alcatel star علی اساس مواصفاته اللی فی الموقع ورأی الناس فیه
لكن بعد استخدامه باسبوع لقی العيوب دی
1* ان البطارية بتاعته آخرها 4 ساعات مع استخدام النت بكثافة
فقولتله ان ده العادی بتاع الأندرويد
فقاللی ان ده كان نفس استخدامه للتليفون السامسونج وكانت بطاريته بتقعد ضعف الوقت ده
2* وكمان حصلت معاه حاجة تانية
انه اكتر من مرة لما ييجی يشحن البطارية تجيله رسالة بتقول ( حرارة الجهاز عالية جدا برجاء فصل الشاحن )
3* الجهاز بيهنج وبيرستر كتير
طبعا كل ده مقارنة بجهاز السامسونج اللی كان معاه
رغم ان هو لقی مميزات فی الجهاز ده مش موجودة فی السامسونج اللی كان معاه
بس انت عارف ان العيوب دی قاتلة
فرجاء ترد عليا بمنتهی الصراحة
هل العيوب دی فی التليفون اللی معاه بس ولا فی ال star بصفة عامة ؟
لأن انا معجب بالجهاز ده أوی
بس خفت لما عرفت العيوب دی
وانا آسف انی طولت عليك

ziikas

2013-10-10 (01:11:52AM)

اهلا بيك يا استاذ علاء
بخصوص البطارية بتقعد 4 ساعات فعلا مظبوط وشيئ بيدايق فعلا
ثانيا بخصوص السخونة في الشحن كل اجهزة الأمدرويد بتسخن بس الجهاز ده بيحذر ان الجهاز سخن وبيقف عمليت الشحن لكدة لا تتجاوز 5 ثواني وبيكمل عادي وده عشان سلامة الجهاز الجهاز بقالة معايا شهر بالظبط كان بعمل الحكاية دي كتير في الاول بس دلوقتي قليل جدا لما بيعملها
ثالثا موضوع التهنيج والريستارت لوحده الحمد الله لحد دلوقتي محصلتش نهائي وكل البرامج والالعاب بتشتغل عليه بكل سهولة

من كل ده اقدر اقولك ان البطارية سيئة
حكاية التحذير بالسخونة دي حاجة كويسة مش وحشة لأنها بتحمي الجهاز
التهنيج مفيش نهائيا الحمد الله لحد دلوقتي
اما بقى بالنسبة لشكل الجهاز لما اصحابي بيشفوه فبيعجبهم جدا بسبب ألوان الشاشة الملفته
ومعظم الوقت بيقلبوه مني بيلعبو بيه والجهاز الحمد الله مشرفني قدام اجهزة صحابي بشكلة وامكانياته انا شايف انه احسن جهاز في الفئة السعرية 1500 جنية اما لو مقدرتك تسمح بأكتر من 1500أكيد هتلاقي اجهزة احسن منه وان شاء الله اكون افدتك

dangermind2

2013-10-10 (04:13:27AM)

السلام عليكم ورحمة الله وبركاته عن تجربة بالنسبة لمشكلة الريستارت والتهنيج والسخونة المستمرة بعد عمل تحديث للسوفت وير من خلال البرنامج الخاص بالموبايل علي الكمبيوتر تم حل هذه المشكلات والجهاز يعمل معي بكل سلاسة ولا توجد سخونة بتاتا أثناء الشحن وتوجد أيضاً بعد التعديلات علي السوفت وير وسوف تلاحظ الفارق الكبير