هذا الموضوع مرتبط بـ One Touch Scribe HD

بدون عنوان

kokomozz

2013-07-21 (04:12:50PM)

السلام عليكم
ممكن.بس.للناس اللذ معاها التليفون ده يقولولنا اخبار الكام ايه لان كام الالكاتيل معروفة بانها مهزوزة والالكاتيل مافيهوش خاصية ال image stabilization زي السامسونج
ارجو الرد وياريت التجربة كذا مرة ورفع الصور هنا عشان نشوف لو كانت مهزوزة ولا كويسة
الجهاز ده تمنه قريب جدا من ال S3 فياريت يكون كامه كويسه
شكرا جدا ليكم

ask82

2013-07-31 (12:38:43PM)

ahmedaliyossef2010,,,انا عايزك تمسك الموبايلاين و تعمل ريل لايف ريل تايم كومباريزون فى الأداء و كله...انا كان معايا اس3 و اس4...الإس3 مستحملتوش الصراحة...يعنى تخيل انى حبيت الجراند عن الإس3...بعدين الإس3 ب3000 بدون ضمان اما الألكاتيل ب2450 بضمان..بالنسبة للإكسسوار...انا مش يفرق معايا الموضوع لإنه جاى بجراب و خلاص.

ahmedaliyossef2010

2013-07-24 (02:06:03PM)

في الواقع الاس 3 بدون ضمان ب3000 جنيه و أنا عارف ان ده سعره 2450 بس أنا بعلق على حضرتك انك بتقول لحد 3000 جنيه ده الأفضل

تاني حاجة معالج الاكسينو أقل في ايه ده المعالج اللي في الموبايل ده cortex-A7 في الاكسينو A9
يعني فرق في المعمارية بينهم بالاضافة للتردد
بالاضافة لمعالج الرسوميات الأقوى و المدعوم بشكل أفضل من مطوري الألعاب

بالنسبة للشاشة فرق 0.2 بوصة بس و أكيد برضه حضرتك عارف ان في أزرار التحكم في الألكاتيل و مش موجودة في الاس 3 يعني بيعتبر حجمهم زي بعض لأن الأزرار دي مش بتتشال حتى و انت مشغل لعبة مثلا

بالنسبة للروت أنا عارف ان مفيهوش مشكلة لكن الرومات الاس 3 أفضل بكتير في الموضوع ده غير ان عدد الرومات اللي مطورة ليه كبير جدا

و في الآخر الاس 3 حضرتك بتشتري موبايل بكاميرا أحسن و دعم أفضل و اكسسوارات متوفرة و تحديثات كتير و مزايا في السوفت وير و معالج أقوى و مدعوم من المطورين بشكل أفضل

و على فكرة بالنسبة لموضوع ميديا تيك ده سوني نفسها استخدمت معالج منها في Xperia C
لكن برضه كوالكوم نزلت مجموعة معالجات جديدة علشان الموضوع ده و أكيد المنافسة بينهم هتبقى أقوى شوية خصوصا ان ميديا تيك هتنزل معالج ثماني النواة

ask82

2013-07-24 (06:01:32AM)

ahmedaliyossef2010, الإس 3 مش ب3000 انما ب3350 يعنى 900 جنيه مصرى...الجهاز يتميز عن الإس 3 فى التصميم و الخامات و حجم الشاشة و البطارية و أهم حاجة انه خطين...بيجى معاه قلم كاباسيتف و جراب...بالنسبة للروت و الرومات...الروت سهل زى اى موبايل...حتغير الريكفرى سيتسم بسينوجين أو تاتش ريكفرى و تعمل تحط السوبر يوزر و تعمل ابلاى ابديت من برة من الريكفرى و كدا عملت روت...أما الرومات دى أسهل من سامسونج...ليه؟؟؟ عشان المصدر مفتوح و متاح و ده اللينك بتاع على sourceforge...يعنى لو الموبايل عمل مبيعات فى الهند و الفلبين كويسة غالبا بنسبة 90% حتلاقى رومات بما ان أغلب معدلين رومات الموبايلات اللى بخطين فى الهند و الفلبين لوفرة الموبايلات اللى بخطين هناك على عكس اوروبا و الولايات المتحدة الأمريكية...أو انه احنا فى مصر نعمل ليه روم بس بما انه بنحب كل حاجة جاهزة فمضطرين نستنى الهنود أو غيرهم لحد ما الموبايل ينتشر عندهم...من الأخر كان معايا الإس 3 و بقولك الmt6589 أحسن من إصدار exynos اللى فى الإس3...الموبايل السكرايب متفوق على كل موبايلات سامسونج اللى فى مصر فى ما عدا الإس4 و النوت2....بس السكرايب خطين و نص سعر النوت و الإس4 و مرة تانية أرخص 900 جنيه...عارف يعنى ايه فرق 900 جنيه :) توقع مبنى على معلومات:سامسونج و htc و سونى فى السنتين المقبلين ستبدأ معاناتهم بسبب شركة ميدياتك بسبب إغراق الأسواق بحلولها التقنية..يعنى الشركة دى سهلت لدولة زى مصر انها تعمل موبايل...بس دى قصة تانية فى الحلقة المقبلة :) ان شاء الله :)

ahmedaliyossef2010

2013-07-24 (01:56:44AM)

مش فاهم ازاي يا أستاذ ask82 ده أحسن موبايل لحد 3000 جنيه ؟!

الاس 3 ب3000 و كل اكسسواراته موجودة و اماكن تصليحه موجودة بسهولة و معالج أحسن بمراحل و النظام بتاعه هيتحدث بسهولة و تقدر تعمله روت و تنزله رومات بسهولة لو حضرتك من هواة التطوير

ده غير الكاميرا الأحسن و خصائص الكاميرا الأكتر و على الأقل موجود فيها DIS

ده غير أكيد أهم حاجة الذاكرة الداخلية في الألكاتيل 4 جيجا بس

a7mad7amza

2013-07-22 (07:01:11AM)

شكرا ask82 لردك !
يعنى الصوره تقدر تقول انها مقاربه ل 8mp بتاع السامسونج ولا لسه فيه فرق شاسع زى ال 997 ؟
وياريت رايك بالنسبه للبطاريه ؟ وشكرا

ask82

2013-07-22 (05:20:23AM)

ممتازة و فوق المتوقع.بس لازم تثبت ايدك كويس.موبايل يساوى الفلوس اللى بتدفع فيه و لو ب2800 برده حيساوى المبلغ..أفضل موبايل لحد 3000 جنيه.

a7mad7amza

2013-07-22 (05:14:34AM)

يعنى صورته ايه ظروفها ؟

ask82

2013-07-21 (11:28:49PM)

ثمنه مش قريب من الإس 3 و مافيهوش image stabilization للأسف ولا BSI سينسور على ما أظن...ما يميز هذا الموبايل عن اى موبيال فى رينج ال2000 الى 3000 هى الخامات و الشاشة و سرعة المعالج و الرامات.الخامات فى هذا الموبايل أفخم من الإس 4 من سامسونج...يسوى كل جنيه.

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Alcatel One Touch Scribe HD

مقارنة

Android
5.0″

5.0 بوصة
3G

2G / 3G
8 MP, 32...
2500mAh

Li-Po 2500 mAh قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Alcatel One Touch Scribe HD

Android

5.0″

3G

8 MP, 32...

2500mAh