هذا الموضوع مرتبط بـ One Touch Idol X

بدون عنوان

kokakoka

2014-01-02 (06:13:23PM)

هو ليه الموبيل رخيص جدااااااااااااااااااااا بالنسبة للامكانيات الى فيه ممكن حد معاه الموبيل يقول على اهم العيوب وهل الموبيل ده يستحق الشراء ولا لا

اعتقد لو ان الامكانيات دى فى موبيل سامسونج كان هايتجاوز ال 3500 وهو مش مكمل 2700 طيب هو ايه السر فى انه رخيص اوى كده يا ريت لو حد عنده معلومات يفدنا بيها عن سر رخص الجهاز ده هل فيه عيوب كتير او ضعف فى خامات الجهاز او فى مشاكل اثناء الاستخدام ؟؟؟؟؟؟

وبصراحة سوال للى معاه الموبيل ده تنصحنى ان اشتريه ولا اخلينى فى سامسونج افضل

وشكرااااااااااااا ليكم جداااااااااااااااااااااااااااااااا

Razor

2014-01-14 (11:49:51PM)

الفكره في ان شركة الكاتل كانت فرنسيه واتباعت للصين .. ونظرا لان العماله في الصين رخيصه و زي ماقال الاستاذ mazmaz ان الشركه عايز تسوق اسمها فبتنزل سعر الجهاز لحد ماتثبت نفسها في السوق وتاخد شهرة الشركات التانيه .. وانت عارف الصين دلوقتي راشقه في اي حاجه

mazmaz

2014-01-03 (08:47:12PM)

باختصار شاشات السوبر اموليد اللى بتصنعها سامسونج الوان زاهية ( بس فاقعة) و استهلاك للبطارية اقل و عيوبها عمر افتراضى اقل بنسبة النصف و الوانها مش متوازنة و بتبهت بعد فترة قصيرة ........... شاشات الips الوان متوازنة جدا و عمر افتراضى ضعف شاشات السوبر اموليد و عيوبها استهلاكها عالى للبطارية

mazmaz

2014-01-03 (10:19:28AM)

الفيديو ده بيوضح عيوب شاشات السوبر اموليد و ازاى ان الاجزاء الاقل اضاءة فى المشهد بتطلع سودة خالص بدون اى تفاصيل على خلاف الips اللى بتطلع فيها الاجزاء دى مظبوطة و ده اللى خلانى اشترى الايدول اكس و مشتريش الاس ثرى شوفوا الفيديو ده

mazmaz

2014-01-03 (10:16:13AM)

شاشات السوبر اموليد موفرة للطاقة و ذلك لانها لا تستخدم اضاءة خلفية مثل شاشات الtft و ips و لكن للاسف عمرها الافتراضى نصف عمر شاشات ips و كمان توازن الالوان فيها غير مظبوط تماما يعنى لو انت من هواة الفرجة على الافلام او الفيديوهات هتلاقى الالوان مبالغ فيها و كمان لو انت بتتفرج على حاجة اضاءتها بسيطة زى المشاهد الليلية هتلاقى الحاجات اللى فيها تفاصيل ظاهرة فى الشاشت الips سودة تماما فى السوبر اموليد ..ده غير ان تقنية السوبر اموليد بتعتمد على ان كل بيكسل فيه 2 بيكسل فرعى الاحمر و الازرق و لكن بيشاركوا بيكسل اخضر مجاور و بالتالى اللون الزرق فى شاشات السوبر اموليد بيبقى طاغى على باقى الالوان و ده على خلاف شاشات الips اللى بيبقى كل بيكسل فيه 3 بيكسل فرعى متساويين و هم الاخضر و الازرق و الاحمر و بالتالى بتقدر تطلع الالوان متوازنة و وجود شاشة اضاءة خلفية بيطول العمر الافتراضى للبيكسل و بالتالى للشاشة و بيخليها ضعف العمر الافتراضى للشاشات السوبر اموليد و ده رابط يوضح الكلام ده من على اليوتيوب

alaaq

2014-01-03 (09:29:57AM)

السلام عليكم ورحمة الله وبركاته أنا معى موبايل idolx منذ شهر الفترة قصيرة للحكم عليه كحكم نهائى لكن مبدئيا الألكاتل من xpop أنا مجربه سنة وده إللى خلانى أشترى ال idolx لكن لسؤ الحظ وقع من إرتفاع 70 سم فكسرت الشاشة فتعطل نصفها السفلى ذهبت لإصلاحها السراج مول فلم أجد له أى إكسسوارات والسبب أنه حديث إتصلت بالوكيل اللى هو - رزق الله - قال يتصلح فى أسبوع والتكلفة 1300 جنيه أنا عارف إن موضوع كسر الشاشة موضوع قدر والحمد لله لكن سعر تغيرها هو اللى غالى جدا . وبالنسبة للكاميرا هى ممتازة لكن أكيد مش 13 جيجا . فى ملاحظة أخيرة ليس به ذاكرة خارجية بمعنى هو فقط 16 جيجا built in

mazmaz

2014-01-03 (07:07:51AM)

استاذ hardtime متفق معاك فى كل اللى قلته ما عدا ان شاشة الاس ثرى افضل ...لان شاشة الايدول اكس افضل من حيث النوعية و هى ips مش سوبر اموليد زى الاس ثرى و ده السبب الاساسى اللى خلانى اشترى الموبايل ده و احب اضيف معلومة ان الايدول اكس جهاز مثالى بس فيه مشاكل فى السوفت وير و تحس ان الشركة جابت فى الموبايل حاجات قيمة ججدا شاشة و كاميرا و رامات و لكن ما اهتمتش فى اللمسات النهائية و علشان كده تلاقى فيه عيوب فى بعض الموبايلات مختلفة يعنى العيب اللى عندى غير العيب اللى عند غيرى و ممكن تلاقى ناس مكتشفتش العيب اللى فى الموبايل بتاعها لسه ... بس بصفة عامة الموبايل افضل من الاس ثرى

shadybadawy

2014-01-02 (07:07:25PM)

انا معايا الموبايل دا داخل ع شهر اهو ،، والموبايل بصراحة تحفة ويعتبر احسن من الاس 3 بكتير ،، انا كان معايا الاس 3 وبصراحة الايدول احسن منه فى كل حاجة الا الكاميرا ،، كاميرا الاس 3 احسن من الايدول اكس ،، الموبايل لا بيسخن ولا بيهنج زى معظم انواع السامسونج ،، بالنسبة هو ليه رخيص فدى معرفش بصراحة ،، الخامات بتاعت الكاتيل احسن من سامسونج بمليون مرة ،، نصيحة خليك فى الموبايل دا لانه بصراحة تحفة

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Alcatel One Touch Idol X

مقارنة

Android
5.0″

5.0 بوصة
3G

2G / 3G
13.1 MP,...
2500mAh

Li-Ion 2500 mAh,غير قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Alcatel One Touch Idol X

Android

5.0″

3G

13.1 MP,...

2500mAh