هذا الموضوع مرتبط بـ One Touch Idol X

بدون عنوان

towfiq

2013-12-08 (07:25:08PM)

السلام عليكم جميعا
انا ليا سؤال للجميع و بالذات الاخ mazmaz لانه ما شاء الله عليه فاهم كويس
انا اكتر حاجة تهمني في الموبايل هو الاداء و السرعة.مليش قوي في حوار الكاميرا ده و مش فارق معايا لاني تقريبا مش بستعملها. انا كتير مش بستعمل اللاب توب و اخلص شغلي على الموبايل عشان كده يفرق معايا السرعه. السؤال بقى.تقييم الالكاتيل قصاد الال جي optimus
فيه حاجة عايز اتاكد منها و هى موضوع الOTG
انا عارف انه موجود في الالكاتيل.هل بقى موجود في الال جي بردو
وشكرا للجميع و اخص بالشكر الاخ mazmaz

mazmaz

2013-12-09 (11:26:10AM)

و لا يهمك انا تحت أمرك

towfiq

2013-12-09 (08:23:15AM)

الاخ الفاضل mazmaz جزاك الله خير و ربنا يبارك ليك
معلش انا عارف اني تعبتك معايا
ربنا يكرمك

mazmaz

2013-12-08 (08:41:01PM)

لا شكر ولا حاجة يا سيدى انا ببقى مبسوط لما انفع غيرى و لما الناس تستفيد ......... بخصوص الotg فى الالكاتيل زى ما انا ذكرت قبل كده شغالة ممتاز لكن الال جى بصراحة معرفش .و بالنسبة للسرعة و الاداء بتاع الايدول اكس مقارنة بالسامسونج اس ثرى اللى كان معايا تقريبا متساويين فى قدرة البروسيسور لكن فى الرامات الايدول اكس يتفوق و عادة ما بيبقى متاح اكتر من جيجا فى الرامات و بالتالى مش هتقلق خالص لو فاتح حاجات كتير و برامج كتير لان مهما تفتح برامج و تشغلها فى الخلفية زى الفيس و الفايبر و الواتس اب و غيرها مش هتملى الرامات ابدا لكن فى الاس ثرى للاسف الرامات اللى الجهاز قاريها حوالى 830 ميجا بيبقى عادة مستهلك منها حوالى 500-600 ميجا و بيبقى فاضى حوالى 300 ميجا و بالتالى لو بتفتح برامج جديدة بتبقى محتاج تعمل cgear للرام علشان الجهاز ما يتقلش معاك و دى كانت مشكلة ........ و اعتقد مشكلة الرام دى مش هتقابلك فى الال جى و الاداء بالنسبة للبروسيسور فى الال جى اكيد هيبقى احسن علشان نوعية البروسيسور فى الال جى افضل من الايدول اكس ( كل ده مبنى على فيديوهات و ريفيوهات لانى ما مسكتش الال جى اوبتمس جى قبل كده) لكن بالنسبة للشاشة اكيد و بلا شك الايدول اكس افضل من الال جى و فى رأيى شاشة الايدول اكس افضل من الاس فور مش بس الاس ثرى و كمان افضل من الg2 بالرغم من ان الاتنين ips ( الايدول اكس و الجى 2 ) الا ان ال جى لعبت فى الشاشة بتاعة ال G2 و زودت الالوان علشان توصلها تبقى زى السوبر اموليد اللى فى السامسونج و بالتالى النتيجة بقت مش كويسة و كتير من الناس مش هتلاحظ الفروق دى لكن انا اتفرجت على ريفيوهات بتوضح الفرق بين الشاشت دى و كانت المقارنة بين الاس فور و الال جى جى 2 و الhtc one و كان اسوأ شاشة السامسونج بالرغم من ان اغلب الناس بتحب الالوان الزيادة الا انها بتستهلك بسرعة و كمان الوانها not balanced ......اما بالنسبة للكاميرا فبلا شك السامسونج تكسب ...... لكن لو هنقارن بين الال جى و الايدول اكس انا مرتاح اكتر لكاميرا الايدول اكس مع انها محتاجة تطوير كتير فى السوفت الا انها بتدى نتائج مطابقة لل13 ميجا اللى فى الاس فور بالنهار ............. و يا رب اكون افدتك

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Alcatel One Touch Idol X

مقارنة

Android
5.0″

5.0 بوصة
3G

2G / 3G
13.1 MP,...
2500mAh

Li-Ion 2500 mAh,غير قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Alcatel One Touch Idol X

Android

5.0″

3G

13.1 MP,...

2500mAh