بدور علي ايه؟ اكتب رقم موديل الموبايل الابدور عليه
هذا الموضوع مرتبط بـ One Touch Hero
للرجوع الي صفحة الرئيسية اضغط
هنا
بدون عنوان
تلك الخدمة مخصصة لاعضاء الموقع
معلومات سريعة عن Alcatel One Touch Hero
-
Android
-
6.0″
6.0 بوصة -
3G
2G / 3G -
13 MP, 4...
-
3400mAh
Li-Ion 3400 mAh, غير قابلة للازالة
النهاردة الهيرو كمل معايا 5 ايام و دلوقتي اقدر احكم على البطارية
البطارية كويسة فوق المتوسط يعني بتكفي يوم كامل مع استخدام مكثف
الكاميرا في النهار ممتازة و الفيديو ايضا و في الضوء الضعيف متوسطة بس للعلم تقريبا كل التليقونات نفس الحكاية , الكاميرا الاماميه رائعه و دي مهمة جدا بالنسبة لي عشان انا بستخدم سكاي بي و التانجو
الشاشة ممتازه و حجمها رائع في الفيديو و الافلام و تصفح الانترنت و للعلم هي 6 انش بس حجم الجهاز فعلا مش كبير اوي
الشبكة و الواي فاي مفيهاش اي مشاكل
السماعة الخارجية صوتها كويس معقول مش عالي اوي بس واضح و مسموع
اداء الجهاز رائع و مفيش سخونة خالص و الجهاز قادر عتشغيل كل الالعاب و البرامج المجودة لحد دلوقتي
انا عندي تاريخ كبير مع السمارت فون زي السنة الاخيرة انا جربت xperia z , z ultra , idol x , note 3 و النوت 3 انا اشتريته مرتين و بيعته
هو جهاز ممتاز بس برضه فيه مشاكل انا جربت الفور جي و ال3 جي
و اخيرا النوكيا 1520 و الهيرو
بصراحة الهيرو لا يقل عن اي جهاز فيهم
من كل الجوانب . في ناس كتير بتتعصب لماركة معينة و نظام معين لمجرد انه بيمتلك الجهاز
و دي مشكلة كبيرة
انا بشتغل دعم فني لشركة rim او blackberry و عملت دعم ل IOS كل نظام بيمتاز بحجات غير التاني و كل شركة بتحاول تتنافس بمميزات جديدة و خاصة بيها في اجهزتها
شركة الكاتيل مش من الشركات اللي فعلا بتقدر تنافس مع الشركات الكبيرة زي سامسونج و ابل و سوني ... بس هم ناس في عندهم اسلوب خاص جدا اللي هو انهم بينزلو تكنولوجيا السنة السابقة بس بشكل خاص بيهم و اهم نقطة قوة عندهم السعر و في نفس الوقت بيهتموا بالخامات المصنوع منها اجهزتهم ... في الالكاتيل هيرو نزولو مع الجهاز جراب بفكرة جديدة مفيش حد عملها قبلهم و التيليفون الصغير اللي مع الهيرو هو ببساطة نفس فكرة ال galaxy gear ساعة ساسونج الذكيه بس بدون الكاميرا... و طبعا القلم اللي بيجي مع الجهاز هو مش S Pen بتاع سامسونج بس هو اوبشن مفيد جدا و عملي في الالكاتيل
بالنسبة للمعالج هو رابعي النواة 1.5 Mediatek و طبعا لو فكرت تقارن نتائج ال Mediatek بال Snapdragon 800 في اختبارات ال benchmarks اكيد ال Mediatek حيخسر بشدة بس في الاستخدام اليومي انا مش شايف او حاسس بفرق كبير بمعنى ان ال Mediatek مفيش اي حاجة مابيشغلهاش
باختصار الهيرو جهاز ممتاز و بالنسبة لسعره رائع جدا
عيوبه من وجه نظري صوته في سماعات الهيد فون
البطارية كان ممكن تكون احسن من كده بس مش ادائها مش سيئ