مين قال ان صوت الاسبيكر سيء ؟؟ انا الموبايل في ايدي حاليا اهوه وشايف صوت اللسبيكر مش وحش بالنسبة لباقي الامكانيات والسعر .. الفكرة بس ان للسماعة مخرج واحد والتاني لميكروفون .. انما في المجمل الصوت مش سيء ..

وبالنسبة للكاميرا انا فعلا مش جيدة بس بالنسبة لتليفون snapdragon 615 وبصمة وشاشة full hd ده شيء طبيعي بالنسبة لسعر 2000 جنيه .. ف لو حد بيدور علي تليفون كاميرا كويسة منصحوش ب gr5

تمام كده ........ انا ممسكتش الموبايل قبل كده و قلت ان معلوماتى من التعليقات بتاعة الاجانب على اليوتيوب و على المواقع التانية و نزلت صور متصورة بالموبايل و قارنتها بموبايلات تانية 13 ميجا من ماركات مختلفة و لقيت فعلا ان الكاميرا ليست جيدة و لكنها ليست سيئة ايضا و كلام حضرتك مطابق لكلامهم

فيه موبايلات اقل منه فى السعر و بجودة كاميرا افضل ...... على سبيل المثال infinix zero 3 نزل على موقع جوميا ب 1700ج و كاميرته 21 ميجا بسينسور سونى نفس السينسور اللى موجود فى موبايلات عالية جدا زى z5 و كمان الzero 3 شاشته 1080*1920 و رامات 3 جيجا مش 2 و برسيسور ثمانى النواة 2.2 جيجا و بيصور 4k و لكن للاسف صوت السبيكر بتاع الجهاز مش عالى .......... يعنى اللى عاوز كاميرا عالية جدا هيلاقى الكلام ده فى zero 3 و شاشة ممتازة و بروسيسور ممتاز و تصوير 4k و رامات 3 جيجا و لكن يبقى العيب انه صوته مش عالى و لو مش فارق موضوع الصوت ده مع حد انصح بالzero 3 افضل

انا كان عاجبني zero 3 جدا بس الفكرة المعالج helio x10 سفاح بطارية + كمان powerVR 6200 اللي هيبقي في الالعاب متوسط جدا جدا .. بالنسبة لاي حد بتاع العاب الـ infinix مش هينفعه خالص .. انما gr5 افضل كتير مع السناب دراجون 615 و adreno 405 اللي يعتبرو افضل شيبات مصممه للالعاب

مع احترامى ل راي حضرتك ...

ليه مش بصيت للمميزات بتاعته

1- بصمة فى موبيل ده اكثر من رائعة ده تلمسها بس موبيل يفتح معاك لا محتاج تدوس على زرار باور ولا اى حاجة عشان تفتح موبيل
2-بروسيسور سناب دراجون 615 وادرينو 405 اسفلت بتشتغل عليه طلقة وانسى حوار سخونية وتهنيج
3-بطارية 3000 ميلى امبير انا موبيل بنفخه طول اليوم وبيقعد معايا يوم كامل مقارنة ب S5 اللى كان معايا واللى تقريبا قريبين فى بطارية مع الفرق ان S5 كان 2800 ميلى امبير وماكنش بيكمل معايا 8 ساعات على بعض وبحتاج ل شاحن
4- جهاز هيكل معدنى كامل والاحرف بتاعته فيها لمعان مخلية موبيل شكله شيك جدا
5- شاشة FULL HD وبيكسيلات عالية و واضحة جدا فى شمس وتاتش سريع جدا
6-خاصية جديدة كمان انك ممكن وشاشة مقفولة ترسم حرف وتفتح ابليكيشن علطول مثال : ارسم حرف M هيفتح Music علطول
7-بالنسية للكاميرا مش وحشة زى ما حضرتك ما بتقول فى فيديو كاميرا والله وما بجامل كويسة جدا هو بس الكاميرا اللى قدام مش حلوة فى تصوير باليل انما كاميرا كويسة
8-الهاند فري اللى جاية مع موبيل تحفة ب معنى كلمة ولو اصلا شغلت اى سماعة عليه هيديك صوت تحفة

الحاجة اللى هتفق معاك فيها هيا سبيكر بس السبيكر صوته مش بيقي نقي لما بيعلى على اخر انما مجمل العام صوته نقي و واضح

الموبيل بالنسبة ل سعره ده وهيكل معدنى كامل وبصمة وبالسعر ده اعتقد كويس جدا وبعدين متقدرش تحكم على حاجة كويس غير لما تمسكها فى ايدك وتشتغل عليها حتى اذا شوفت ريفيوز كتير بردو مش بيبين كل حاجة زى ما موبيل يكون فى ايدك

وتقبل مرورى واسف على اطالة

ممكن اعرف الموبايل بيشغل شريحتين مع كارت ميموري ولا لازم استغنى عن شريحه عشان اضيف كارت وسؤال تانى الكاميرا نفس جودة كاميرا هواوى 4x ولا اعلى ولا اقل وشكرا