تسجيل دخول الاعضاء

قم بتسجيل الدخول من خلال حسابات التواصل الاجتماعي
الدخول بحساب الفيسبوك
او
التسجيل بالموقع
دليل اسعار الموبايلات

بدور علي ايه؟ اكتب رقم موديل الموبايل الابدور عليه

زيارة الموقع الرسمي
هذا الموضوع مرتبط بـ هواوي Honor GR5
للرجوع الي صفحة هواوي Honor GR5 الرئيسية اضغط هنا

تم شراء موبيل بفضل الله

AhmedLiverPool55
AhmedLiverPool55
2016-01-28 (03:58:44AM)
والله يا جماعة انا كنت رايح اشتري P8 Lite بعد ما اقتنعت بس شوفت موبيل ده عجبني جدا وخصوصا فرق سعر مش كتير بينهم

بيتباع ب2050 في دريم 2000 و ب 1980 في محلات 888 جهاز بيجي معاه سكرين (بلاستك) وجراب ظهر (خامة كويسة)

واي استفسار انا تحت امركوا
adelnafei
adelnafei
2016-01-28 (11:18:03AM)
طيب ايه اخباره فى الاستخدام عشان عايز اشتريه
astevv
astevv
2016-01-28 (11:18:16AM)
مبروك على الجهاز وياريت حضرتك تكلمنى شوية عنة لان انا معيا جى 7 وبفكر ابيعة وكمل على فلوسة وجيب 5اكس :) واية اخبار الكاميرة واية الامكنيات الى فيها وفاضى من رام كام من2 جيجا وهل فى تهنيج ولا جهاز سريع :) وشكرا
AhmedLiverPool55
AhmedLiverPool55
2016-01-28 (03:40:08PM)
adelnafei بص حضرتك الاستخدام سلس جدا والشاشة كويسة ومستشعر بصمة يمكن احسن حاجة فيه يمكن عيبه ان بياخد وقت فى شحن لان شاحن اللى بيجي معاه 1 امبير وبطارية 3000 ميلى امبير ف بياخد بالتقريب 3 ساعات شحن متواصل



astevv الكاميرا الخلفية اكثر من رائعة والفلاش قوى وكمان العدسة بارزة مدية ل موبيل ستايل حلو بس الكاميرا اللى قدام جيدة اللى حد ما مش جامدة اوى هيا ممكن تصور معاك فى نهار كويس انما باليل مش هتبقي جيدة

بيفضل من الرام تقريبا 600 ميجا (33%) من مجموع رامات وبيفضل 10 جيجا ونص من مساحة الجهاز وبالنسبة ل تهنيج لحد دلوقتى مفيش
علاءالدين
علاءالدين
2016-01-29 (12:25:25AM)
أولا الف مبروك على الموبايل ... ثانيا هل فيه لمبه اشعارات وإذا كانت موجوده كم عدد الوانها تقريبا ... بالنسبه للبصمه هل بتفتح الفون والشاشه سودا ولا لازم اضغط على زر الباور الأول بالنسبه للشبكه اخبارها ايه معاك .. طبعا مش هسألك عن البطاريه لان الفون لسه جديد ...بس ياريت تقولنا اخبار السماعه في المكالمات ايه ورأى الطرف التانى وانت بتكلمه واخبار صوت الاسبيكر .. هل فعلا الفلاش مزدوج ولا لون واحد ... اسف على الاطاله والف مبروك مره تانيه ..... انا سالت الاسئله الكتير دى لانى محتار بينه وبين اسوس زينفون سيلفى لانهم قريبين جدا من بعض مع فرق البصمه لصالح هواوى
gokuvic
gokuvic
2016-01-29 (07:20:29PM)
بالنسبة لسماعاته صوتها مجسم وعالي ولا ايه النظام
AhmedLiverPool55
AhmedLiverPool55
2016-01-29 (08:58:33PM)
علاء الدين -- شكرا الله يبارك فيك اها فى لمبة اشعارات تقريبا معظم الالوان (اخضر - احمر - ازرق - اصفر - ابيض بنفسجي )
بالنسبة للبصمة زى ما قولت ديه احسن حاجة فيه مجرد صباعك ما يلمس سانسور بتفتح علطول مش محتاج تدوس على اي حاجة
بص البطارية فيها كذا وضع ممكن توفر بيه طاقة الترا باور , سمارت , نورمال بتقدر تختار فيهم الوضع اللى يناسبك انا جربت تقريبا وضع سمارت ونورمال كان احسنهم السمارت ولحد دلوقتى بالتقريب البطارية قعدت معايا 18 ساعة بس مش شغل جامد ما بين تصفح ومكالمات وموبيل داتا وفيس وكدا يعنى

بالنسبة ل سماعة كويسة جدا واضحة وسامع اللى بيكلمك كويس والطرف تانى سمعنى كويس ظط
السبيكر صوته كويس اوى ونقي زى صوت سامسونج S5 اللى كان معايا قبل ده وبالنسبة ل سماعة هاند فري حاجة تحفة
الفلاش لون واحد فقط

انا لحد دلوقتى اقدر اقولك موبيل ده بالسعر ده حاجة كويسة جدا وبالنسبة ليا افضل هواوى لان توكيل بتاعها i2 وده توكيل محترم
AhmedLiverPool55
AhmedLiverPool55
2016-01-29 (09:01:08PM)
gokuvic سماعة السبكير ولا سماعة هاند فري

على عموم صوت سبيكر صوتها جميل جدا ونقي وكمان عاملة زى ستايل ايفون ونوت 5 اللى هو من تحت عشان لو حاطط موبيل على سطح او مكتب او اى حاجة تقدر تسمعه وبالنسبة ل هاند فري تحفة يمكن من الحاجات اللى عاجبنى فيه هيا وبصمة
AHMEDSAYED098
AHMEDSAYED098
2016-01-30 (03:03:48AM)
طب معلش هو انا سمعت ان هو بيسخن شويه لما تفتح كذا تطبيق او في الالعاب شويه , حاجه من ديه واجهتك ؟!
gokuvic
gokuvic
2016-01-30 (09:57:35AM)
انا بسأل بس عن صوت الاسبيكر عالي ونقي ولا لا .. عموما انا خلاص هشتريه انهردة بعد اقتناع تام بيه .. والف مبروك على التليفون يا معلم ;)
AhmedLiverPool55
AhmedLiverPool55
2016-01-31 (10:04:06AM)
AHMEDSAYED098

لا يا باشا مفيش سخونة خالص مين قال كدا
AhmedLiverPool55
AhmedLiverPool55
2016-01-31 (10:06:18AM)
gokuvic الف مبروك يا معلم صدقني موبيل تحفة واديك هتشوف بنفسك اد ايه موبيل ده محترم وشركة ديه قدام هتبقي التوب
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد سجل بحساب الفيس بوك